في هذه الحالة فقط،سأحضر المباراة النهائية.
 

لازلت اتذكر اول مباراة حضرتها في الملعب ،وكانت بين فريق الهلال والرشيد العراقي ، وفي هذه المباراة فاز الهلال وكانت اول هزيمة لفريق الرشيد منذ تاسيسه،والمعروف انه يضم لاعبي المنتخب العراقي عدا حسين سعيد(وعلى فكرة هزمنا حسين سعيد مع فريقه الطلبة فيما بعد بالبطولة العربية) ، واذكر في ذيك المباراة ان الدايل الله يذكره بالخير سبب بلنتي ماله داعي.

واذكر اني حضرت المبارة في الدرجة الاولى في ملعب الملز (غشامه)بس بصراحة الدرجة الاولى مالها طعم.


وبعد هالمباراة حضرت مجموعة كبيرة من المباريات ، ولله الحمد ما انهزم الهلال في اي مباراة حضرتها في الملعب الا مباراة الشباب في نهائي كاس الدوري في جدة بركلات الترجيح1412،واللي فيها جلس سامي السمار كانه على افرنجي يوم يجيب القول ، وبهاكالمباراة ضيع نضاو كورة مايضيعها (علي يزيد).

وبصراحة كانت مباراة كئيبة ، اجلوها اسبوع وخلونا نجلس في جدة ، ورفضوا الاتهاديين انا نحضر تدريبات الهلال وحتى العماير اللي جنب ملعبهم حاطين لها حراس ، واضطرينا ندخل الملعب من الساعة خمس العصر لان الدخول مجاني وخفنا يمتلي الملعب من حقين الفصفص واللي يمسحون سيارات(جمهور العميد)وتخيل جلسنا الى الساعة 11 الا ربع لانه صار فيه وقت اضافي وبلنتيات (الله يسامح يوسف جازع هو وابتسامته)

وبصراحة من امتع المباريات اللي حضرتها مباراة الهلال قدام الاتهاد في مربع 1412 في مباراة الاياب في الرياض وكان الاتهاد فايز في الذهاب ، وبهالمباراة كانت بداية التوتر بين جمهور الاتهاد والهلال ،وبعدها ما صاروا يشجعون الهلال بجدة ،لانه يوم دخل لاعبين الاتهاد رج الملعب (اووووووووه)وصاروا لاعبين الاتهاد ما يمسكون الكورة ،واللي حضر مباراة الكويت (يوم هدف الغفلة) يستطيع تصور نفس السيناريو الجماهيري.

هذا كله مقدمة ،لكن الموضوع اني ماراح اقدر احضر المباراة الا ان كانت بالرياض وبغير يوم الجمعة،لاني بعيد عن الرياض وعندي دوام الفجر،لكن بقية الزعماء فيهم الخير والبركة.

يا اخي ضيعتنا؟؟

تحياتي:
redheart

ان شاء الله نكفي ونوفي ياراجح
نبي منك بس الدعاء للزعيم بالفوز
من زمان ماشفنا الكاس....تعودنا على البطولات....ومن شب على شي شاب عليه
وتـــــــــــــكـــــــــــــــــــــفـــــــــــــــــــــــــون...احضروا.

<=======مافهم حاجه
ممكن توضح ؟؟؟؟؟؟

الجمهور فيهم الخير والبركه والزياده ما فيه مانع......

احسن مباراة حضرتها مباراة الهلال والعربي الكويتي 6|0


بنحضر انشاء الله والله يجيب الكاس للهلال انشاء الله

<b><marquee direction="up" width="500" height="200" style="mfont: 150%; font-size: 18pt; color: white; border-style: ridge; border-color: #E3BE13" bgcolor="#000000" scrolldelay="150" scrollamount="3"><center> <div style="width:100%;filter:glow(color=red,strength=8);color:white;font:14pt"> احلى مباراه حضرتها بكل صراحه=========================





كل مباراه يكون الهلال طرف فيها حتى الوديه





لك الله يا زعيم تراك قاهرهم


اســــــير الهلال>>>الزعيـــم</marquee>

ذكرتني في مباراة الاياب في المربع مع الاتحاد يوم التخيفي يجيب الهدف في الدقايق الاخيرة
من ضربة راس


الله


يا زين ذي المباراة


كنت والله طالع بس بشويش


لين ما سمعت الجمهور



بعدها طرت من الفرح وكملت المباراة


يا زين الذكريات


بس تدري ان الهلال دايما يسوي كذا يرجعلك الذكريات كل سنة


لما يجيب بطولات

الحظوووووووووووور وأنا واثق من جمهور الزعيم .....

أنشاء الله راح يرفع الثنيان الكأس ,,,,

انا ان شاء الله حاضر المباره لو اجي ازحف .

الاخوةredheart،yas2002 القصد سرد بعض الذكريات الهلالية ، وذكر بعض الحقائق التاريخية ، وتحفيز الجمهور على الحضور ، واثبات اني فال خير على الهلال (اللهم لارياء).

واذا كنت ما وفقت في ايصال قصدي فهذا عيب مني فسامحوني.

الاخcrazy of yousif الدعاء نم عنه ، وابو صي جدتي لان عندها دعوة ما تخر المية باذن الله.

واكيد تقصد انه من زمان ماشفنا كاس الدوري ،والا باقي الكيسان ولله الحمد بين كل كاس وكاس ناخذ كاس.

الاخVigo : يعني كنت حاضرها معنا، الله يعيد ايام المجدعلينا وعليك.

الاخوان:thamir15، مجمعاوي هلالي ، كفو والله هذا خبرنا بجمهور الزعيم.

الاخوان:المفهي،اسير الهلال>>>الزعيم ، باذن الله هالمباراة تبي تضاف الى المباريات اللي لاتنسى.

بكل هدوء:البطولة هلالية باذن الله.