#1  
قديم 24/07/2008, 10:58 PM
زعيــم متواصــل
تاريخ التسجيل: 02/03/2008
مشاركات: 63
Unhappy عفوا يا هلال فـ آسيا مهرها غالي !!

السلام عليكم يازعماء ياجمهور الهلال الكبير ويا شبكتنا الغاليه
عندي كلام وبقوله وياليت ما يكون ثقيل عليكم تبون الصراحه يا زعماء أستعدادنا الموسم ألي راح كان أفضل بكثير أول شي كان فيه أستقرار من ناحية الاجانب تفاريز والتايب والفان وإداره متحمسه تبي تحقق بطولات وترفع الهلال وحققت جزء من أهدافها وهي الدوري والكأس لكن آسيا أنا ألي محيرني الحين لا أجنبي ثالث يعسكر مع الفريق ومدري عن هذا الاجنبي إذا ما عسكر مع الفريق وأنسجم معه متى تبيه يعسكر يازعماء مشكلتنا كلشي غالي عندا وخاصه على الاجنبي الثالث مادري يعني مره يقولون فاوضنا ومره يقولون والله غالي ومره يقولون دخلت فيه موزايدات ومره أنسحبنا وأخرتها أجنبي أخر يومين من الانتقالات وكديش وعاله على الفريق يا زعماء الاتحاد أكيد بقولون مندس وما فيه شي إذا قلنا الاتحاد شف وش قدم أجانب صواريخ كل واحد يقول أنا أقوى من الثاني وجاب الدوخي وكان عنده نقطة ضعف في الجهه الايمن ورقع العين 4 وعلى ألي عجزنا لانفوز عليه جب أجانب صح ومحلين صح يجبون كأس العالم لو بغيت أليوم شاهدت المباراه وتحسفت أني ما شفتها الفرج إلى الحين موجود عنقرينهو عنبرينهو موجودين البرقان أحس أن عمره 60 التمياط الله يذكرك بل خير وقاعد مجامله الله يستر من آسيا الموسم الجاي خيرات بطل ونبر 1 العتيبي أشوى أن الدعيع بيعتزل بعد سنتين وألا كان الهلال في خبر كان والاداره ما أدري وش قاعده تتفرج الله يستر بس والله أني شفت المباراة وقاعد يدق قلبي دقات مهيب طبيعيه قلت الله يستر على الرقم الصعب لا ينصدم من هذولي الاعبين ألي مأملين بيجيبون آسيا
آسيا مهرها غالي يا إدارة الزعيم
اضافة رد مع اقتباس
  #2  
قديم 24/07/2008, 11:03 PM
الصورة الرمزية الخاصة بـ mansur
زعيــم متواصــل
تاريخ التسجيل: 06/12/2007
مشاركات: 137
الحمد لله المستوى يطمن شوي ولكن الصبر طيب
تحياتي لك
اضافة رد مع اقتباس
  #3  
قديم 24/07/2008, 11:17 PM
زعيــم متألــق
تاريخ التسجيل: 17/11/2007
المكان: ارض الله
مشاركات: 1,434
ان شاء الله مافي شي يصعب على الهلال
وان شاء الله يحققها الموسم القادم
قولو امين
ومشكور

اخر تعديل كان بواسطة » هلالي توب في يوم » 24/07/2008 عند الساعة » 11:20 PM السبب: تعديل كتابة كلمة ان شاء الله
اضافة رد مع اقتباس
  #4  
قديم 24/07/2008, 11:24 PM
الصورة الرمزية الخاصة بـ أيطالي
زعيــم مميــز
تاريخ التسجيل: 20/10/2003
مشاركات: 1,602
تقبلنا وجهة نظرك تقبل وجهة نظر الجميع ...
..
اولا موضوعك غريب ..؟!
اللي يشوفك اليوم يقول تراك مقابل فريق الحزم مع احترامي للحزم ..
تراك مقابل الانتر وفي ايطاليا يعني بين جمهوره ..
وثلاث ارباع اللي لعبو اليوم لعيبة منتخباتهم ولا هي ايا منتخبات ..
منتخب ايطاليا والبرازيل والارجنتين وصربيا وتشيلي. وفرنسا
وانهزمت واحد صفر وقدرت تجاريهم دفاعيا ..
.. وبعض المناوشات في سط الملعب مع نقص تسع لاعبين .. وثلاثه منهم اعتبرهم قمة الكره السعوديه
فهذا شي ايجابي ..
نعم انا معك في ان العنبر سيئ والعنقري ايضا ولكن الاخرين كانو في مستوى جيد جدا
..
من متابعة لقاء اليوم ..
النقطه الأولى بتكلم عن حسن العتيبي .. فهو يعتبر احتياط ممتاز نظرا لوجود محمد الدعيع في الحراسه الأساسيه
فلن تجد احتياط ممتاز في حراسة المرمى لو لفيت دورينا مدة اربع سنوات
..
الدفاع صراحه كان في اختبار جبار نجح في امتياز ..
..
البرقان بصراحه ممتاز والسبب انه يقابل فيجو في الطرف اليمين زانتي في الطرف الشمال وايضا من العمق مره كمبياسو والاخر فيرا وياليت تنتبه انهم من افضل منتخبات العالم في كرة القدم ..ورغم ذالك قدم مستوى جيد ويشفع له كثيرا
..
على عكس الاخرين الناس يقولون ان التائب كان ممتاز انا اقوله انه كان سلبي وكان يلعب لنفسه.. كان منتظر منه الكثير
على ماقدمه يجب ان نقول انه سيئ لأننا نعرف ان التايب من المفترض انه يكون افضل من لاعبين الانتر مما يمتلكه من مخزون مهاري عالي وايضا مستوى لصناعة اللعب متميز ايا كان المهاجم فهو من المفترض ان يكون من اللاعبين اللي يصنع المهاجمين وليس العكس
..
العنبر - المؤشر - الموري -السعود اعتقد انه من الافضل اعارتهم لربما يتغير مستواهم في المستقبل
..
التمياط كان متألق ورائع عكس ماتقول تمام وعلى العكس كان المؤثر في المباره اليوم ولو لابراعة تولدو لكان احرز هدف يترسخ في الذاكره ..
..
نامي كان جيد .. الغنام ايضا كذالك .. ولاتنسى ان المنافس هو الانتر احد الفرق التي تقدم روائع كرة القدم في العالم ..



في النهاية اتمنى ان تتقبل تحياتي
اضافة رد مع اقتباس
  #5  
قديم 24/07/2008, 11:31 PM
زعيــم فعــال
تاريخ التسجيل: 22/03/2007
مشاركات: 348
هو اللي ياكلها اخر شي حنا يالجمهور


بس وش نسوي مالنا الا نأمل في اداراتنا الخير وان شاء الله يتداركون بعض العوائق لأن اسيا البطولة الوحيدة اللي صعبة لأن الكل يبيها ومهيب سهلة ابد


المحلية تعبنا منها والله احس جاني تشبع من البطولات المحلية


يعطيك العافية ... بس ليت لو ماكثرت التقليل من شان بعض الاعبين


الله المستعان بس
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:22 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube