الأندية تواصل التحضيرات للموسم القادم بالصفقات و نحن نتفرج بسم الله الرحمن الرحيم صبحكم الله بالخير للصباحيين و مساكم الله بالخير للي يبي يدخلون الليلية :clap: الكتاب واضح من عنوانه الأندية تصرف الملايين و حنا نشلق جح :bigeek: الإتحاد جاب الغوينم و الطريدي و الشهري و حديد زيادة عليهم و الله يعين على محترفهم الجاي نوبة غوميش و نوبة اللي أنشط منه الفريق يوضح أنه جاي عشان ياخذ الدوري لا و يفكر بالآسيوية كالعادة و حنا سنويا - آسف ان أراد الله و شاركنا - قلنا حنا زعماء آسيا و مدري وشو و آخرتها البطل يا الإتي يا ربعنا الشرقيين الشباب اللي كل الناس و على رأسهم أبو بلطان في كل ميكرفون و مقابلة يقول حنا أفضل فريق في المملكة و استحقينا كل بطولات الموسم تقل اننا جبنا ولي العهد و الدوري بالحظ ولا وشلون جابو المرحوم و قفلوا الوسط به و بغيره و جابو السالم من ضعف هجومهم لا وجابو المكينة الخيبري و النصر و الله اني بديت أخاف منهم صح أنهم كل صيفية يبدون مسلسل مكسيكي بالتعاقدات و التنسيقات إلا أنه هالموسم جاب كم لاعب عليهم العلم يعني لما تجيب عبد الله حماد و يوسف الموينع و محترف على سنع و أحمد عباس و أحمد الحضرمي الهلال لا تجي تقول لي حنا أبطال الدوري و ولي العهد و عندنا أساسيين مثل الإحتياط ياخوي الا صار عندك بطولة أسيوية و دوري و كاس و كاس فيصل و بطولة أبطال يعني 5 بطولات لا و منتخب يظف كل لاعبينك تبي تقول اللي يروح للمنتخب فيه بداله يعني الا راح الشلهوب و الفريدي و الدوسري و عزيز و الغامدي من يبقى بالوسط نبي نقول التايب و التمياط و الموري و المبارك و غيرهم مع احترامي لهم جميعا مافيهم الا طارق أما البقية فالكابتن نواف مصيره كل موسم الإصابات - الله يفكه منها يا رب - أما بقية الأسماء مع احترامي لها ما تجيب لك دوري يا جماعة من دون ما يقش لاعبينا المنتخب ما عندنا ظهير يعني فريق بحجم الهلال ما عنده ظهير و كل ربع موسم طايحين لنا بواحد مرة القحطاني و مرة نامي و مرة العنقري أنا ما اتهجم على أحد و لكن نبي ظهير يعتمد عليه كامل الموسم زي ما نعتمد على الدعيع و هوساوي و التايب و ياسر و غيرهم سمو الأمير عبد الرحمن نرجو منك أن تحل هذه المشكلة بأسرع وقت ممكن فالظهير لاعب مهم جدا ً بالله عليكم الزوري ما كان من نجوم الموسم الماضي و افضل لاعبيه الحل الأمثل للعيبة المكدسين الإعارااااااااات صدقوني الإعارات الحل الأمثل و الخراشي سوف يثبت ذلك يعني المفروض هالقائمة اللي رح أسردها تكون في أندية الوسط لكي لا تحرم فرصة اللعب مهو في نص السنة تدخله و هو من بداية الموسم ما طق الكورة فهد الشمري الكل يعلم امكانياته المميزة كحارس و لكن مع وجود الدعيع و العتيبي و ان احدت الظروف وجدود بدر الدعيع فالشمري كثير من الأندية تحتاج حارس بقيمته الفنية مثل الإتفاق فريق كبير و لكن عانى من مشكلة الحارس الأساسي كما نعاني من مشكلة الظهير فالبطي و البيشي و السلمان لا يقومون بالواجب أحد الأظهرة اليمين السابق ذكرهم تتم اعارته في حال جلب ظهير آخر خالد شراحيلي لاعب ظهر في مركز المحور الموسم قبل الماضي و لكنه اختفى و كان يقدم أداءات مميزة في وقته يجب ان تتم اعارته لأحد الفرق الصاعدة و بدر الدوسري مثل قصته في خط الهجوم لابد من اعارة اللاعب محمد العنبر قبل ان ينتهي في أوج عطائه و في مطلع شبابه تتم اعارته لأحد الفرق المتوسطة مثل الوطني فارس الشمال أو نجران أو أحد الفرق الصاعدة لكي يكون شأنه أكبر في الفريق و نحن نحتاج للاعبين في مركز الظهيرين ليس اليمين فقط بما أنه الزوري بدأ ينضم للمنتخب الموسم القادم سيكون أصعب من الموسم الماضي لذلك يجب أن يكون الفريق أقوى و انضمام النجم اسامة هوساوي الى جانب رولاند رالديس و بدر العنزي شيء جيد و لكن نطمح في المزيد أنا ما أقول هالكلام الطويل الا في حبي للهلال و عشقي له و ما أبيه يصير مثل عشقي ميلان لمتابعين الكرة الأوروبية الصيف الماضي قالو وشوله نجدد الفريق حنا أبطال أوروبا و الموسم الماضي أكلنا كثير هوى و صرنا الخامس يعني مافيه أبطال أوروبا أنا عارف أنه الهلال مستحيل يصير الخامس و لكن حنا ما نرضى الا بالدوري و أنا أشوف أنه الدوري و الأسيوية أهم من بطولات النفس القصير و هذولي خلوها للباقين يتهاوشون عليها مثل ولي العهد و الأبطال و فيصل أما بطولات الرمق الطويل فهي لصاحب النفس الطويل و صاحب النفس هو من يستطيع أن يوازن مابين لاعب الميدان و لاعبي الدكة |
كل لاعبينا نحوووووووووووووووووووم سلالالالالالالالالالالالالام |
لعيبتنا فيهم الخير والبركة ماينقصنا الا مدافع وجبناه مهاجم تبون وعندنا الصويلح ازين من غيره وش تبون زود |
نحتــــــــــــــاج تعاقدات ظهير أيمن مهاجــــــــــــــــــــم مشكوووووووور |
إقتباس:
ندري انهم نجوم لو نجوم ما جابوا الدوري بس برضوا الأندية الثانية نجوم و دعموا الفريق يعني الدوري و بالعزرة جبناه من الإتحاد تتوقع تاخذه و الحين صار عنده الطريدي ظهير روعة مكان الصقري أو الدوخي ولا الغوينم يترس الوسط و كريري و الشهري محاور قوة كبيرة للفريق و نفس الشي النصر و الشباب و ربما نسيت الأهلي اللي ما دعم بالشكل المطلوب و لكن كما يعلم الكل أن المشاكل في الموسم الماضي ليست من اللاعبين إقتباس:
المدافع و جبته و جبت بداله هوساوي و رالديس و لكن أنا أتكل عن الظهير و الهجوم خل نعد أنا و و أنت هجومنا القحطاني - الصويلح - العنبر - ليلو - السعود + ممكن محترف " وجوده يلغي ليلو من حسابات الدوري القحطاني علطول منتخب أضف إلى ذلك الصويلح لو يرجع في حالة بدنية جيدة و العنبر غير جاهز و السعود لا يعتمد عليه صحيح لاعب جيد و نشيط و لكن تنقصه مهارة التهديف و المحترف فبوجود الصويلح و القحطاني في المنتخب يبي يصفى لك العنبر و ليلو و السعود أو المحترف مكان ليلو ولا أتوقع أن فريق بحجم الهلال يعتمد عليهم - مع احترام لهم - لابد من جلب إما أحمد مفلح هداف ابها أو خالد الرجيب هداف الدرجة الأولى لأني من المتابعين لهم في فرقهم لاعبين مميزين و يملكون مهارات جيدة و لاعبين تحت سن ال25 و بعدين ما نسيت إنه أحمد كان مصاب تقريبا ً طول الموسم الماضي - لا قدر الله هالشي يمكن يصير إما له أو لغيره - وقتها بتطزز أتمنى إني أفدتك إقتباس:
يا عيني عليك ظهير و مهاجم بدر العنزي عوض أحمد الحربي يعني هالمركز ممتازين فيه إلى جانب التمياط الشهلوب التايب و المبارك :clapping: |
الوقت المعتمد في المنتدى بتوقيت جرينتش +3.
الوقت الان » 10:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd