|
لو قالك ابوك هذي الكلمه وش بيكون موقفك؟؟؟ السلام عليكم ورحمه الله وبركاته وشلونكم ؟؟ انا بقولكم قصه صارت لواحد من اصدقائي يعني ماسمعتها من احد والله هو اليي قايلي بنفسه قبل اتوقع 3 او 4 شهور دق علي قالي ابي اجيك قلت حياك الله قال وبنوم الليله عندك في الملحق(انا الصراحه خفت قلت اكيد الولد صايرله شي ومايبي يقولي)قلت البيت بيتك المهم جاني سلمت عليه وكل شي وقعدنا قالي تخيل اليوم وش قالي ابوي؟؟ قلت وش قال قالي السالفه(ماودي اقولها)بس والله ياشباب انها ماتستاهل الكلمه اليي قالها يعني الموظوع بسيط تدرون وش قال؟؟ (قال يا عبدالله انا خلاص ماعاد تهمني موتك او حياتك عندي نفس الشي:bigeek:) والله لو تشوفون الولد كيف وجهه والله ما ادري وش اقولكم الحين الولد صار متبلد الاحساس انا لاحظت عليه هالشي صار مايهتم يعني كل شي صار عنده عادي والله اني خايف عليه اول شي وش رايك بالكلمه ثاني شي وش اسويله وش الحل يعني لعلى وعسى ينسى والله والولد عزيز علي وخايف عليه ابي شوركم |
مهما قال له ابوه المفروض عليه مايترك البيت المفترض عليه أن يجلس مع ابوه ويحب راسه ويفهم ليه قال له هالكلام الشئ الثاني يحاول يتجنب الشي اللي أغضب ابوه عليه وخلاه يقول له هالكلام الأب مو مثل الصديق اذا سمعت منه كلمه تتحسس وتاخذ على خاطرك هذا ابوه وهو السبب بعد قدره ومشيئه الله في وجوده في هذه الحياه أقنع صديقك يراضي ابوه ويرضيه فيما لا يغضب الله وذكره بعظم البر وأن رضاه مقترن برضى الرب انا أراهن على أن الجميع سمع من والده كلام يجرح ولكن في النهايه أنحلت المشكله لأن الغضب يأتي فتره ويزول نتيجه موقف أغضبه أو أي شئ عابر وكلام أب صديقك لم يخرج من قلبه لأن لا يوجد أب سوي يتمنى لأبنه الموت ولكن كما ذكرت كلمه بدون قصد ويجب على صديقك أن يجعل لوالده شأن مختلف عن بقيه الناس ويتقبل منه أي كلمه اذا كان يريد أن يرضي ربه |
هلا اخوي s k y بس تبي الصدق والله ابوه غلطان يعني لو اقولك السالفه والله ماتستاهل الكلمه ومهما كان ابوك تخيل يقولك الكلمه هذي والولد اصغر مني بسنه يعني 17 يعتبر الى حد مايجمع كل الكلام اليي سمعه و موب بصيطه الكلمه ومشكور على المرور |
السلام عليكم :d بداية هيط البزران وبأطلع من البيت وبأنوم عند خويي وما ابي فلوس وما ابي سيارة هذا مايصلح :) في النهاية خويك ماهو دايم ابسط مشكلة بتفرقكم بس هذا ابووووووووووووك ابووك صدقني ابوه ماقاله هالشيء الا ان الولد ماوفى ابوه حقه :) ولو انه موفي جزء بسيط من حق ابوه ماراح يقوله هالكلام ... ولو ابوي قالي هالكلمه بأراجع عمري وبأظبط عمري ماني رايح اهايط :) لك تحياتي ياغالي |
سلام مسائك سكر يعني السالفه مبهمه ماندري وش سبب قول أبوه هالكلام ولا نعرف القصه صحيح أحساس بالإحباط وتسود الدنيا بوجهك هذا الوالد لكن رأيي ما يطلع من البيت ويتفاهم معه يعني مهما قال أو فعل الأب لكن هذا ضناه ما أتوقع يكون على هالموقف على طول وممكن يكون قال الكلمه في حالة غضب أو شيء الله يهدي مابينهم يارب ويرجع لبيتهم وأنت أقنعه يرجع ومافيه مشكله تحاول تصلح بينهم :clapping: |
أول شـيء الأب مـاراح يقول هالكلام إلاا في وقت غضب والأكـيد إنه كلمة فقط ولاا من جوا قلبه يحب ولده ويخاف عليه ,وتصرف الـولد خطـأ لأن مهما كان هذا أبوه ولو يقوله أي شيء المفروض إنه يتقبله منه ويحاول يعدل خطأه ويراجع نفسه أكيد إن سلوكه وتصرفاته غير مرضية . إنت اللي عليك تفهم صديقك إنه يرجـع ويعتذر له على طلعته من البيت ونومته بـرا ويحاول إنه يرضيه :yes::yes::yes: |
قال تعالى : ( وقضى ربك ألا تعبد إلا إياه وبالوالدين إحساناً إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولاً كريماً ))) في رجال ابوها حرمتها من ابسط حقوقها..وظلمتها ظلم مو بسيط...........ولا قال لا ابوه ولا كلمة..... هذا ابوك يعني من دونك لا دنيا ولا اخرة.......لا عزة ولا كرامة.. |
والله ياأخوي صح أنه أبوه بس الكلمه والله قويه والولد يعني عمره 17سنه إذا ماكان له بالدنيا ألا الله ثم أنت أنا أقول أنك تهتم فيه وتحطه بعيونك إذا كنت تعزه وأنه يروح يكلم أبوه ويعتذر منه مره ومرتين وثلاث إذا مانفع أدخل واسطات يعني إذا كان عنده أخوان أوتعرف أحد قرايبه وإذا تسكرت الأبواب بوجهك رح كلم أبوه أنت وفهمه وضع الولد والله يهديه صح لو ولده غلطان بس ماتاصل أنه يقوله كذا الولد من له بالدنيا غير أبوه وأهله . |
الله يعين الولد و يصبره ... زعل الوالدين من أصعب الأشياء لدي الله يصلحهم و يهديهم يارب .. ما اقدر اعلق عالموضوع لأنه الموقف بصراحه أكبرمن أني اعلق عليه .. :( |
ولو مفرووض الولد مااايطلع من البـــيت وهذا ابوووه |
لازم يكون عند ابوه على طووووول ويشوف وش سبب قوله هالكلمة .......... والله ان كلمته قوية :d لكن ما عليه مهما يكون هذا ابوه واكرر لازم يعرف وش سبب هاالكلمة( واذا عرف السبب بطل العجب ):yes: وشكراااااااااااا |
لا تسمعون الموضوع من جهه واحدة فقط اكيد الوالد ماقال هالكلام لابنة إلا ردة فعل من تصرفات ابنة الغير مسؤولة |
إقتباس:
طلع من البيت يومين ورجع وأعتذر من ابوه ويقول لي وربي حسيت ان حبه لي زااد أكثر من أول يعني طرده .. غصب عليه ينام في بيت مو بيتهم لكن خويك طلع من البيت برضاه عشان كلمه في لحظه غضب انا متأكد انها مو طالعه من قلب لا تقول ابوه غلطاان .. الأب حتى لو كان غلطان يعتبر أب وواجب على الأبن يراضيه حتى لو كان غلطان هذا منطقنا وديننا وخويك طالع من ظهره لا يحط راسه براس ابوه مافيه أحرص من الأب على أبنه مهما يكون اللي مثلك مايزيد الطين بله انت طلبت مننا النصيحه وهذي النصيحه المناسبه خله يروح لأبوه ويعتذر منه وشوف شلون راح ترجع الأمور أحسن من أول |
^ ^ s60s ابوه اكيد قال هالكلام في لحظة غضب وماكان قاصدها مستحيل تكون مكانة ولده عنده بهالمستوى انه حي والا ميت عادي عنده هذا اكبر مستحيل حنا الحين تكلمنا على الواجب واللي المفروض يصير انه يرجع لأبوه ويعتذر له وماعرفنا وش سبب غضب الأبو اكيد ماقال هالكلام الا من شي مضيق صدره وماله حق يحاسب ابوه على كل كلمه حل المشكله من بدايتها واعتذر وخلاص هذا ابوك :smilie47: |
صراحه الكلمة قوية وما اضن أني بتركها تمر مرور الكرام لو قيلت لي ! الله يصبره ورده |
| الوقت المعتمد في المنتدى بتوقيت جرينتش +3.
الوقت الان » 04:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd