|
انا من رأيي انك تروح انت عند ابوه وتحاول تصلح بينه وبين ولده، وأن تفهم ابوه ان ولده حساس وتطلب منه أنه ما عاد يقول لولده زي هالكلام. وكمان تقول لزميلك أنه لازم يتحمل ابوه ومهما قله ابوه ما يزعل ولا يترك البيت. واسأل الله ان يرجع زميلك لبيتهم وينحل سوء التفاهم الي بينه وبين أبوه وأنه ما عاد يصير بينهم خلاف ابداً. |
لا حول ولاقوة إلا بالله والله هذي واحده من فواجع هالجيل الله يصلحهم ويستر عليهم ,, فيه أحد يزعل على أبوه ؟! ياأخي ياما شفنا من الطراقات والكفوف , وياما سمعنا من الكلمات وزعلنا لحظتها لكن مافيه أمل نتجرأ إننا ننام خارج البيت , وزعلنا مجرد ساعتين أو ثلاث إن طالت ؟ . هذا قديما عندما كانت عقولنا على قدر العمر أما الآن فإنني أقول ( ربِ اغفر لهما وارحمهما كما ربياني صغيرا ) , وأقول ( اللهم حللني منهما وادمح عني ماقصرته في حقهما , وارزقني برهما أحياءً وأمواتا ) . أخي عندما يكبر صديقكـ ويبلغ تمام العقل سيعلم كُبر خطئه وحجم مارتكبه في حق أبيه وأمه , بل قد يضحك ويستحقر نفسه على فعلته , حينها سيحاول بشتى السبل أن يكفر عن ماقترفه , أسأل الله أن يطيل عمر والده لكي يرد له شيئاً من حقه حال اكتمال عقله وتنبه قلبه ,, كما أسأله أن يُلين قلب والده عليه وأن يصلح فيما بينهم ,, 0000 az3eem-4-ever اهتم به وبشؤنه لكي لا يحتد إلى منه سيئ فيجره ويستغل ضروفه ,, أسال الله لكـ الأجر وأن يجزيكـ خيرا 000000000 |
الله يعينه صراحه الكلمه أبد مو سهله بس مهما كان هذا أبوه ماله أحد في الدنيا ذي غيره مفروض يرجع له ويستسمح منه لانه اكيد هدا منه شوي ومهما كان ماراح يزعل عليه أبوه أكثر من كذا مهما كان قلبه حجر أكيد بيسامحه بتـيـــــــــــل |
يا خوي ماطلعت هالكلمة إلا من شي كايد الولد مبهذل ابوه ويأس منه مهما كان الاب قاسي والله داخل قلبه يتقطع حسره على عياله يبيهم احسن الناس طاعة الله من طاعة الوالدين بروا ابائكم يبرونكم ابنائكم مع اني مقصر في حقوق الوالدين اتمنى من الله المغفره ويرزقني برهم اللهم آمين ومثل ماقال اخوي هلالي الشماسية ياما تكفخنا وانضربنا بس ما ضرنا صرنا رجاجيل ويفتخرون بنا |
صحيح ان الكلمه صعبه وجارحها ولكن يظل ابوه هذا موقف واحد ولكن كم موقف جميل راه من ابيه ..وفي مواقف ابناء مع اباءهم صعبه واصعب من حاله صديقك ومع ذلك ماتركوا البيت هذا موقف صار لي مع ابوي : انا مريضه بمرض مزمن...واشتد مرضي علي في الليل شافني اخوي اللي عمره 15 وراح يصحي ابوي تخيل وش كان رد ابوي عليه : رمى مفتاح السياره عليه وقال ودها للمستشفى واذا ماتت نادوني اصلي عليها واقبرها ولكن مامت ربي كاتب لي عمر ولين الحين وانا احسن معاملته كما اوصانا به ديننا بالاحسان له ومبسوط مني ويقول جعل عدوي ماعنده بنت ... بلغه بان موقف واحد في يوم لا ينسينا تربيتهم لنا وتحملهم لنا سنين تقبل تحياتي وبالتوفيق لك اختك:عطر الصمت |
والله الشاب الفاهم والواعي مايطلع لأي كلمة قيلت له يالغالي انا وأبوي احيانا يصير مشكلة بيني وبينة او نقاش يجي بينه وبيني كلام ورفع صوت وينتهي كعادتة بلعن شجرت العائلة كلها وكل الكلمات تقال واخرتها بعد ساعة ولا يوم تلقاه جايب قهوتة عندي والواحد يالغالي اذا ارتفع ضغطه انفجر واعتبرها انفجار بكره يالغالي اذا توفا ابوه بعد عمر طويل والله يتمنى انه يشوف ثوبه بس انا لو كنت محلك كان خليته ينام اول يوم ومسكته وفهمته وحط في بالك انك اذا اقنعتة بيكون من اهم الاشياء اللي بتسويها وانت وجهدك واتمنى انك تتوفق في اقناعة ورح وانا داعيلك من القلب |
لاحـول ولاقوة الا بالله . والله ياخوي ان السالفه مانقدر نحكم عليها بس اللي اقدر اقولك اياه ان الولد ماله الا ابوه (:smilie47:) ياخوي والله كل العالم تسمع مثل هالكلام واكثر ولا اقل بس بالاول والاخير ابوك مايقول هالكلام الا من شي (يوجسه):) انا اللي اقدر اقوله لك انك توصي خويك على دينه لان الزم ماعلى الواحد دينه واذا تقرب من ربه بيحل له كل مشاكله ان شاء الله . وبعيد عن موضوع خويك ترا شباب واجد اللي مشاكلهم مع ابوانهم كثيره . بس بعد مانلوم الابوان لاصار الولد (مطلع ريجة ابوه) يعني ينام برا البيت ولا مايدخل البيت الا الفجر وغير بعض الشباب اخلاقهم لك عليه .:yes: فاتوقع ان ردة فعل الاب راح تكون قاسيه لان الموضوع طلع من ايده وملقا حل لولده. اخر شي اقدر اقوله لك اخوي قل لخويك ان اللي خلقه ماهوب ناسيه :yes: ونصيحه لوجه الله لا احد يكبر الموضوع براسه لان ماله الا ابوه :smilie47: |
الله يرحم الوالد الوالد سخيف والولد اسخف |
سرااااااحه لا لا لا تعليق اما((( خلاص ماعاد تهمني موتك او حياتك عندي نفس الشي))) |
| الوقت المعتمد في المنتدى بتوقيت جرينتش +3.
الوقت الان » 10:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd