مسائكم ازرق ..
مسائكم وعوود وصبر من الادارة سامحها الله ..
ندخل في صلب الموضوع على طول ..
ياجماعة الخير شايفيين هاللي صاير الهلال يفاوض كريسبو ..!!
الهلال يصرف النظر عن ادواردو .. الهلال يفاوض مصطفى ريقا .. الهلال يفاوض برازيلي مشهور يلعب في البرازيل .. ويفاوض لاتيني مشهور في دولته ..!!
ياأدارة إلى متى هالكلام والهرج الفاضي ..!!؟ أنتم تلعبون علينا ولا وشلون ..!؟
صرفتوا النظر عن ابرهيما ياتارا عشان ناديه بالغ في العرض شووي .. ثم تقولون نفاوض كريسبو .. يعني نفهم أن كريسبو راح تدفعون فيه أقل من ابرهيما ياتارا ..!؟
يعني تبوونا نصدق ونطبل ونقول ادارتنا بتجيب كريسبو .!؟ أنتم الحين جيبوا كامل المر ثم فكروا بـ كريسبو .. عموماً نقدر نقول مسئلة أجنبي ثالث أنسى ولاتفكر نهائياً..هذي النقطه الاولى ..
النقطه الثانيه ..
عمركم شفتوا نادي يستغني عن لاعب ويضمه في معسكر خارجي ..!! هذي وش معناها .!؟ ان الاعب راح يكون مع الفريق في الموسم المقبل مايبيلها تفكير ..
يعني صراحه شي غريب طالعين لنا في الصحف انهم يفاوضون مهاجم اجنبي راح يجي بديلاً للاعب الفنان وفلتة زمانه ((ليلو)) واخرتها نشوفه من ضمن اللي يحزمون شنطاهم وبيروحون لاايطاليا ..!؟
ياأداراة واللي يرحم والدينكم واحد منكم يتجرا شوي ويطلع في أي صحيفة ويقول انكم راح تجددون الثقه في ليلو وانه راح يكون الاجنبي الثالث في الفريق الموسم المقبل وخلصونا .. مو تعشمونا انكم بتجيبون مهاجم اجنبي راح يكون حديث الصحافه والشارع الرياضي واخرتها ماشفنا الا كلام فاضي ..
عموماً الله يكتب اللي فيه الخير والصالح لهلالنا والله يوفق ان شاء لله .،.