بسم الله الرحمن الرحيم

مرحبآ بالشعب الهلالي الكبير ... صباحكم ومسائكم زعيم

أولآ الموضوع واضح من عنوانه وبزيد عليه عشان أوصل لكم النقطة الي أبيها توضح للجماهير الهلالية ... كثير من الجماهير يطالبون الإدارة الهلالية بلاعب أجنبي مهاجم يلعب بجانب ياسر القحطاني وكثير عارضو على الاعب ( ليلو ) بأن الإدارة تلغي عقده وتجيب الاعب الي يحلمون فيه الجماهير الهلالية ...


وللأسف بعض الجماهير الهلالية أسميها ( أبو وجهين ) لسبب واحد بس ... أنها دوم تطالب بإلغاء عقود لاعبين ولما هالاعب يبدع بمباراة والا مباراتين تلقى الوجه الثاني يطلع ويطالب بوجوده وأن هالاعب مبدع والهلال محتاجه وبالأمس كان يطالب بإلغاء عقده !! ... عندكم مثال على الاعب ( ليلو مبيلي ) كثير طالبوا بإلغاء عقده وأنه لاعب مو مفيد للهلال وبكرى لما يلعب بالمعسكر والمباريات


الودية ويقدم مستوى حلو بتطلع بعض هالجماهير الي بكل أسف سميتها ( أبو وجهين ) ويطالبون الإدارة بإستمرار الاعب وعدم التفريط فيه سواء ليلو أو غيره من الاعبين وما يتحمل مشاكل الجماهير الإ ( الإدارة الهلالية ) هذا حال بعض الجماهير الي فعلآ يوم عن يوم تبين وبكل أسف إنها ما تعرف شي بالكورة .... والغريب بالموضوع أن الجماهير الي كانت تطالب الإدارة بإلغاء بعض عقود الاعبين


والأستغناء عنهم وباليوم الثاني لما يقدم هالاعب الي طالبوا بإلغاء عقده مستوى كبير يرجعون مره ثانية ويطالبون بإستمرار هالاعب وبالنهايه الإدارة هي الوحيدة الي راح تتحمل مشاكل هالقرار الي كانت برغبة الجماهير لما تلبي طلبها وبعد هالمستوى الكبير الاعب يفشل وتطيح المشكلة بهالإدارة وهي على نياتها تبي ترضي جمهورها .... ماراح أطول عليكم ولكن تذكروا كلامي زين بعد معسكر الهلال ولما يقدم الاعب ..



( ليلو مبيلي ) أو أي لاعب ثاني مستوى كبير شوفو الوجه الثاني الي راح يطلع من بعض الجماهير وشوف كيف يطالبون بإستمرار هالاعب وعساكم على القوة وبالتوفيق للزعيم وهذا رأيي الشخصي ..


((( الأمير عبدالرحمن بن مساعد الله يعينك على قرارات بعض جمهورنا وتحمل فأنت هلالي )))

صــدقــت أخـــوي ..

بس نريـد لاعـب أفضـل من لـيـلو أميبـلي ..

بالعربي : نـريد الأسيويه .

تقبل رأي .

تحياتي .

انت تظلم جمهور الزعيم عندما تقول (ابو و جهين)

أخي هذا اجتهاد من البعض قد يصيب و قد يخطيء

و البعض عندما يطالب بالغاء تعاقد أو التعاقد مع لاعب معين إنما يقصد منفعة النادي

عموما هذا رأيك و أشكرك

والله ياخوي مادري وش الهدف من موضوعك لكن على العموم

دايم الناس اما مع أو ضد أو محايد

وبعدين الدعوه قناعه حتى اسمك إذا ماأقتنعت فيه تقدر تغيره

بالنسبه لليلو من وجهة نظري في ليلو أنه لاعب جيد خارج الصندوق لكن قدام الباب ولحظة الحسم ولاشي
انا اتمنى ان الادارة تشوف غيره لان مشكلة الهلال في عدم وجود مساند لياسر والصويلح


أما اطلاق لقب ابو وجهين اشوف انه مالها داعي


في الختام هذه وجه نظر خاصة ...............................مع كامل احترامي وشكري لك .....................اخوك سامي الشمراني

المعسكر ماعليه خلاف
الخلاف في مباراة الانتر
اولاً بالصف الثاني
ثانياًمع بداية الاستعداد اعني اللياقه مايمديهاترتفع ولاعشره بالميه
ثالثاً امام فريق كبير وليس اي فريق

رابعاً النتيجه سيتشمت علينا الاعداء بها
اتوقعها اكثر من خمسه اهداف

كلام فيه من الصحه الشي الكثير ... لكن وانا اخوك ...طبيعي ان الاعب لما يبدع نبغاه ولما يطيح مستواه .. نبغى نغيره ... ومستعد اعطيك لسته بالاعبين ومن ضمنهم سعوديين ... كيف تتغير آراء الجماهير من لحظه للحظه ... وشكراً

كلامكـ صح ..

الظاهر تذكر آول مبآرهـ لــ : مسفر القحطاني

أقسم بالله بدع والجمهور مشاء الله عليه قالوا لانبغاه لازم يكوون آسآسي ..


ومن بعدهـ أنخفض مستواهـ وقالوا الجماهير لامانبغاه حطوهأ أحتياط ولا أزين لا يلعب أصلاً

وهاذا هو منسق اللحين ..

أعرف أنك ما جبت طاري مسفر بس أنا أشبهه بـ حالة ليلو الأن ..

مشكوور خيو عالطرح ..

هولاء هم الجماهير ليسوا اصحاب قرار فبذلك يبدون رايهم هذه اللحظه ويغيرونه في الحظة التي تليها وهم بذلك يحكمون العاطفه اما الادارة عليها ان تحكم عقلها

صدقت اخوي بكل كلمة

ولكن السؤال الذي يطرح نفسه هل ليلو مبيلي طموح الجماهير الهلالية ؟

صــدقــت أخـــوي ..

بس نريـد لاعـب أفضـل من لـيـلو أميبـلي ..

بالعربي : نـريد الأسيويه .

تقبل رأي .

تحياتي .

أنـــــا أقول نبقي على ليلو ونسجل السهلاوي الان

وفي الفترة الثانية نستعير لاعبان محليان ( كامل المر - مالك معاذ ) + جنــاح أيمن ممتاز( إبراهيما ياتارا) ونتخلص من ليلو وبكذا نصير حللنا فلوس ليلو وراح نأخذ ياتارا بسعر ارخص لاننا نبي نسجله لـ أقل من موسم


وش رايكم .

ياخي كلامك سليم ارضا الناس غايه لاتدرك فتجد ناس يريدون بقاء اللاعب الفلاني وناس العكس بس انا انظر ان ليلو مطفوق مايعرف يثبت الكوره واللاعب اللي الموسم الماضي الفان ينزل راسه مايعرف يناول وحاس مستوى ياسر نبي لاعب يفتح صح يناول صح