|
بــلا وطـــــن بــلا سعـــوديـة ... تعال أبعطيـــــك جنسيـــــــــة ..!! فضفضه + عتب لوطنــــي سلام ُ ُ من الله ِ عليكم ورحمة ً منه وبركه وأسعد الله أوقاتكم بالخير والعافيه بِداية ً .. قبل الخوض في مُحتوى طرحي أقسِم ُ بالله بأن حُبي لوطني يفوق الوصف وبدون مُبالغة // // لن أشرع في الحديث عن ماحدث معي بتفاصيله ولكن بسبب حبي لوطني تم طردي من أحد الأجهزة الأمنية بعد 8 سنوات بهذا الجهاز الأمني بالتأكيد سيتسائل البعض .. كيف تم ذلك وجوابي هو أني رفضت المساومة على بلدي والنتيجة زعيمهم كلهم خارج الخدمة :bigeek: وحينها علِمت بأن مقولة " حاميها حراميها " لابُد من أن تُحاط ببرواز وتُنصب بميدان مع العلم بأن قرار عودتي للخدمة قد صدر بعد وقوف أحد كبار الضباط معي ولكن كما يُقال .. طابت النفس :( نعم هناك أهل خير كثر ولكن هناك الكثيرين من يستغلون مناصبهم لـــ ...!! // // ألتقيت في أحد الضباط في دولة الأمارات الشقيقة وعلاقتي به ِ كانت عملية كوني أنتمي لهذا الجهاز الأمني ولكنها أمتدت لتتعدى حاجز الصداقه العملية وبمراحل حينما عَلِم بمُصيبتي قال ماذا لو أعطيناك الجنسية ..!! هل ستعمل بالأمارات وبأحد الأجهزة الأمنية ؟ حقيقة ً لم أتمكن من الرد عليه مُباشرة ولكن بعد شهرين أتصل بي مرة ً أخرى وأخبرته بأن حسي الوطني لن يتواجد إلا للسعودية الإنتماء للوطن باق ٍ بداخلي أخذ يصف لي الكثير مما يجده المواطن بالأمارات وحقيقة ً ذهلت كثيرا ً ولكن ..!! مع كامل إحترامي للإمارات وشعبها الرائع إلا أنّ السعودية ستبقى أطهر وأجمل بِقاع الأرض // // المواطن بالمملكة العربية السعودية يعشق بلاده أكثر من عشق أي مواطن آخر لبلده ولكن .. ليت ولاة الأمر ينظرون للشعب وحاله في الإمارات تُقدم إعانة الزواج بلا قيد أو شرط وتُعتبر هدية للشخص وبمبلغ عالي بينما هًُنا مبلغ بسيط ويُعتبر دين وبأقساط شهرية السكن في الإمارات والكويت وقطر لايكاد نجد مواطن قطع الأمل في ملك منزل بينما في السعودية لايوجد أمل نهائيا ً أكره المُقارنات ولكن إلى متى سنبقى بهذا الحال .؟ قبل أيام السعودية تتكفل ببناء 4000 منزل في باكستان نعم هو عمل خيـّر ولكن 80% من أبناء الشعب لايمتلكون مساكن وهم تحت رحمة جشع مـّلاك الشقق والسعودية قبل عامين تكفلت ببناء مدينة كاملة في الإردن تحمل إسم خادم الحرمين الشريفين وقبل أشهر أهدت المكسيك مبلغ مليار دولار بسبب عواصف وخلافه أين أبناء الشعب من هذا العطاء ؟ صندوق التنمية حدث ولا حرج أحد الأقارب لازال ينتظر دوره منذ 15 سنه وإلى الآن جوابه لم يتغير حين سؤاله للحين أنتظر السرا :surprised: 350 ألف ريال تدفع على 25 عاما ً أو أكثر بينما بناء المنزل لايقل عن 800 ألف ريال ورُبما تزيد إذا ما الفائدة من تقديم هذا القرض العقاري ؟ هل هو الغرق بالديون فقط ..!! حتى منـــــح الأراضي متوقفه منذ سنوات يمكن ماعاد فيه أرض فاضيه :d كلها عليها شبك حديد وأملاك خاصة :naughty: والدي رحمة الله عليه ينتظر سرا من عام 1395 وتوفى عام 1418 وماجاه شي :yes: باحث سويسري قام بزيارة للمملكة العربية السعودية وقد قام أحد المسؤلين بأخذه لزيارة صندوق التنمية العقارية كـ أحد الخدمات التي تـُقدم للمواطن وحينما عَلم بقيمة القرض وبعدد المتقدمين وعدد المستفيدين سنويا ً غاد لبلاده وقال : لازلت غير مُصدق بأن بلدا ً كـ السعودية 80% من مواطنيها لايمتلكون منازل وقروضها العقارية لا تأتي إلا بعد سنوات ٍ عجاف وبالنهاية أقساط ولا تكفي لبناء عشه :surprised: حتى الظروف المعيشيه غاليه وغالبية الدول رفعت الرواتب بشكل جيّد كي تواكب الإرتفاع بالمعيشة فـ الكويت والإمارات وقطر رفعت الرواتب بأكثر من 50% بينما بالسعوديه 5 % فقط :stoned: قطر زادت رواتب عمال النظافة 5% :) يا أخوان مصر قبل شهرين زادت من رواتب موظفيها 35% والله خطير ياحسني مبارك :d مسكيـــن ياسعودي مالك إلا الصبر وحب الوطن :smilie47: الصحـــــــــة دائما ً مانسمع تصاريح للمسؤلين بها بأن القطاع الصحي بالسعوديه يحتاج لـ 20 عاما ً ليكتفي من السعوديين بالمُقابل هناك الكثير من خريجي التخصصات الطبيه بلا عمل أحد الأصدقاء تخـّرج بتخصص مُختبرات طبية ولم يجد عمل نهائيا ً لدى وزارة الصحه بينما هناك فتايات من جنسيات عربية يحملن نفس تخصصه يحضرونهم إلى هنا ويتم تدريبهم وأرسالهم بدورات والشاب السعودي لايتم قبوله أكاد أجزم بأن خريجي معظم المعاهد الصحيه إما بلا عمل أو يعملون مُجبرين بحثا ً عن قوت حياتهم وفي مستوصفات أهليه لايتعدى راتبها 1800 ريال بينما تلك الأجنبيه تحمل نفس المؤهل وموظفه تابعه لوزارة الصحه وبعض الفتايات بالسعودية وبالتحديد مستشفى المواساه بالدمام وأتحدى أي شخص أن يأتي بغير كلامي حينما تتوظف يزيد راتبها حينما تكشف عن وجهها أما من ترفض يبقى راتبها 2000 ريال او 2500 :d ليـــــــــــــــــــــــــــــــــــــــــــه ؟ بما أننا نتحدث عن الصحه دائما ً نسمع بأن فلان من الناس لقى واسطه بالمستشفى الفلاني بيعالج فيه أخته / بنته / أخوه / أمه أو أبوه حتى المستشفيات صارت تحتاج واسطة :surprised: التعليــــــــــــــم التعليم بلا آليه واضحه وكل سنه هناك قرارت جديده هل القرارات إرتجالية ؟ أم أنها تخرج بعد دراسة وإستشاره بالتأكيد هي إرتجالية لأننا سنويا ً نجد قرارات جديدة والخريجين هم الضحية يكفي ماتحدثت به الأخت العنود في طرحها وأحد الأصدقاء أخاه تخرج بنسبة 95% ... علمي وحينما ذهب لجامعة البترول وبعد الإختبار والقدرات وغيره أصبحت نسبته 64 % وبالتالي لم يتم قبوله إذا ً هذا الشاب سهر الليالي وتعب كي يلتحق بهذه ِ الجامعه وبالنهاية يصطدم بجدار القدرات وغيرها ؟؟ هل ننتظر منه شاب ناجح وفعال بالمجتمع ؟ ويقولون بكره كثروا الحرميّة :d والكثيرين مثله أيضا ً إلا من لديه واســــــــــــطة :naughty: لما يُقبل من نسبته تقل عن 80% ومن وصل لـ 95% لايقبل أين المعايير الحقيقة في القبول والتسجيل ؟ متى سيرتقي التعليم بك يابلدي ..!! // // لم أطرح الموضوع لزيادة الشحن لدى أي شخص منكم ولكن هي مُجرد فضفضه وعتاب لك ياوطني أتمنى أن يجد موضوعي صدا ً لديكم وأن يتحدث الجميع بصراحه عسى أن يقرأه أحد المسؤلين <-- تحلم الظاهر :) |
معليش انا ضدك 0000لان حبي لوطني يخفي عيوبه وما اعتقد انه في عيوووووووووووووووووب ابد ابد ابد وانا في نظري السعوديه احسن بلد في العالم كله وبعداذ على زيادة الرواتب وغلى الاسعار الغلى في العالم كله وهذا معروف لان الرسول اللهم صلي وسلم عليه قايل بيجي يوم بترتفع الاسعار واذا على الرواتب السعوديه ماتنتقارن بدول الاخرى وبذات الخليجه يعني اذا الرياض بس اكبر من الكويت وفمابالك بدول الخليج الاخرى 000<<<وعسى بس ما نهبلت وتجنست ترى تسويها000 0000000000000000000 وما نقول غير الحمدلله الذي فظلنا على كثيرا من خلقه 000 000000000000000000 بالتوفيق لزعيمنا الهلالي00000000000000 |
إقتباس:
بلدنا به ِ الكثير من العيوب ورؤيتنا لهذه ِ العيوب من باب حب الوطن أمر خاطئ نعم نُحب الوطن ونعشقه ولكن ما المانع في تصحيح الكثير من الأخطاء به ؟ أما مسألة الرياض تفوق الكويت مساحة ً وسكانا ً فـ أعلم أن السعودية تفوق الكويت دخلا ً وبمراحل عديده جدا ً وعموما ً أنا تطرقت للعديد من النقاط منها التعليم والصحه وخلافه وكم تمنيت أن أجد تعقيبا ً منك عليها |
وعليكم السلام مساء الخير تذكرت انشودة :smilie47: حبي للمملكتي :smilie47:.. لحنٌ يسليني ..اشدو بروعته ..فخراً ويكفيني :d قسم بالله ان كل كلمة قلتها معك حق فيها s60s وكلنا نحب السعودية ونعشق ترابها ومانرضى اي احد يتفوه بأي كلمة فيها لكن ان تتبرع وتبني لغيرنا ونحن بهذا الوضع ...!!:surprised: الشباب عاطلين . البنات في بيوتهم .. مافيه مادة يكّون الشاب فيها نفسه وزادت العنوسة ..:) يعني خيرنا لغيرنا ..؟!!:naughty: حتى السياحة الداخلية غالية .. من زين مناطقكم السياحية مبسوطين بابها ومادري ايش << معصبة :upset: إقتباس:
مشاري انت تتحدث عن أكبر دولة مصدرة للنفط واكبر دولة تمتلك احتياطي بترول بالعالم .. بمعنى أخــــر السعوديـــــــة دولة غنيـــــــــــة ..:smilie47: لكن وين هالفلوس ..؟؟!! في جيب المسؤؤلين ..:yes: اختبار قدرات على الطالبة ان تدفع مئة ريال وهناك احتمال كبير ماتقبل بالجامعة وين العدل هنا ..؟؟ زعيمهم والله قلت الكلام الي بخاطر اي واحد يقوله الله يوفقك ويوفقنا ويوفق الجميع .. الله يعز مملكتنا ويرزق ملكنا البطانة الحسنة :smilie47: |
لايوجد بلد الا به كثيرا من العيوب انا اللى قاهرني يوم يوافقون على زيادة رواتب العاملات الاندنوسيات الى 800 ريال اى زيادة 200 ريال ياخي حتي العسكري بالامن ماجاء زيادة راتبه من 5% الى 200 ريال ليش يوافقون من قالهم انا نبغي اندنوسيات من اللى قالهم والله قمه القهر شايب يقول لى انا جتني الزيادة 75 ريال يقول ياوليدي والله ماشتري فيها قوطي نيدو!! سبحان الله |
إقتباس:
هلا أخوي زعيمهم كلهم أتفق معاك في كل النقاط التي ذكرتها نحن نحب وطننا لكننا ننقهر على الكثير من السلبيات راح أتكلم عن أبسط شي الرواتب دخل الدولة ارتفع كثيراً بعد ارتفاع أسعار النفط وارتفاع أسعار النفط أدى إلى التضخم فكان يجب على الدولة رفع رواتب المواطنين حتى يتم التغلب على التضخم 5% ما تعتبر زيادة يعيطك العافية ورده |
هلا والله اخوي عسى بس رجعت لشغلك:d انت مثل ماقلت قسم بالله ان حبنا للسعوديه كبيييييير لكن .... حنااكبر دوله مصدره للنفط بمعنى اننا المفروض نصير اغنى شعب واذكر لك سالفه واحد يعرفه خويي يقول واحد من عيال عمهم راح لقطر واخذ الجنسيه وجاهم بعد كم شهر ويقول والله ان عندي بيت ملك انا ماقلت ابي بيت ملك بس حسسونا اننا اغنى دوله والله ماأنسى يوم اقرأ بالجريده جمعيه خيريه تطلب التبرعات لشراء البطانيات والدفايات للمحتاجين في منطقة الحدود الشماليه وبعدها بكم يوم تبرعنا للمغرب قسم بالله قهر قسم بالله انك يالسعودي تستاهل اكثر واكثر بالله ماتنقهر اذا شفت القطري والاماراتي والكويتي بعض الناس بتقول لا الحمد لله ظروفنا كويسه لكن وش بتقول للي عمره فوق الثلاثين وراتبه 1500 _2000 وشلون بيفتح بيت ياناس فيه افكار والله لو يصلحونها قسم بالله يسوون بالشعب خير ابعطيكم فكره الحين كم عندنا عوانس لو يعطون كل واحد بيتزوج 40000 والله بتصلح امور ناس واااااااااااااااااااااااااجد ويكون خفت العنوسه واستانس الشعب ودعينالهم لكن مااقول الا الله يصلح الحال والاحوال يارب ياحي يا قيوم تهيئ لأبو متعب البطانه الصالحه مشكووور يازعيمهم كلهم ع الموضوع الحلو |
وعليكم السلام والرحمه.. صدقت أخووي بكل كلمه قلتها..وخآصتن تخصخصاتن في التعليييييم من جد في نظرري يعني أزفت تعليم بالعالم العربي كل ابو عمه {السعوديه}<<يالبيييه أحبهاا ياانااس اموت عليها يعني الحين ارد عليك وانا توني فاتحه موقع جامعة الملك فهد للبترول والمعادن وكااااااتبيييييييينه بخط عرررريييض نأسف لم يتم قبوولك..وجججججع في العدوووو...خيير ان شاءالله 50%من التحصيلي و30%القدرات و20% الدراااسه خييييييير يعني تعبه كل هالسنتين رااااح.. أسمعوووووووووا من الحيين اللي عنده احد السنه الجايه على خير بيدرس ب3ثانووي قوولووله لايذاااكر يقعد يحفظ كتاب القدرااات <<مو كأنس طلعت عن المووضووع..:yes::d:d بصراحه ودي اضيف على ماقلت بس انت ماشاءالله عليك كفيت ووفيت..وحتى لو ضفت خاف التفت والقى الجيب الاسود يحتريني هههههههههههههههههههه..إحم إحم ههههههههههههههه شفييكم..:surprised: أحبتتتتتتتتتتتس أعشقتتتس أموووووووت فيييييييييتس يالسعوديه:smilie47::smilie47: هووو ميير من ناحية قهرر قهرر بس وش نقدر نقوول غير :: ماكل مايتمناه المرء يدركه ***تجري الرياح بما لايشتهي السعوديووون:naughty: تحيآتي:smilie47: |
إقتباس:
آمين ويوفقك لما يُحبه الله ويرضاه وبالفعل كما تفضلتي نحن في أغنى بلد ولكن خيرنا مُعظمه لغيرنا ولـ ... لاهنتي ونورتي |
أحبب أصحح معلوماتك أن قرض الصندوق العقاري 300 الف وليس 350 الف.. يعني تراك متفائل شوي ومزود المبلغ.. |
سلام عليكم ورحمة الله وبركاتة ............ اخي نحن نعيش بجانب اشرف بقعتين على وجة الارض ... مكة المكرمة والمدينة المنورة على صاححبها افضل الصلاة والسلام ... والله العضيم لو يعطوني في اي دولة في العالم مليون ريال واغير بلدي ما غيرت اصلي واهلي لانهم مسلمين محافظين على الدين ..... انت يامن تعيس في هذا الوطن .. والله محسود ... لايوجد عندنا محلات لبيع الخمور ولا مراقص علنيه وكل الشر عندنا دائما متستر وغير واضح .. غيرنا واضح ومرخص من الدولة والحكومة ... اللهم لك الحمد على هذه النعمه ... يستطيع اي شخص منا ان يذهب الى اي مكان في العالم واهله بخير وامان من الله ثم برعاية الحكومة الرشيدة .... اخيرا اللهم احفظ لنا ال سعود ادمهم لنا فيما يعود علينا باخير والسعادة واجعلهم حكمين لشرعك ومقيمين لحدودك ... امين يارب العالمين . |
يعطيك العافيه على الطرح الرائع وانا معك في كل كلمه قلتها حنا نحب وطنا ونشوفه ويشوفه غيرنا اطهر بقعه على وجه الارض لكن مافيه مانع نقول العيوب اللي نعاني منها ويكفي ان نسبة البطاله في كل يوم تزيد وحنا كشباب عندنا استعداد ناخذ اي وظيفه بس تسترنا لكن للاسف كل مالقيت وظيفه راتبها 1800 او 2500 وراتب مثل هذا مايكفي ربع ايجار سكن فما بالك بباقي المتطلبات واحد اخونا يقول ان الغلاء في كل مكان وان الرياض اكبر من الكويت وانا اقول فعلا الغلاء في كل مكان بس التجار في باقي دول العالم ماستغلو الوضع لصالحهم ورفعو اسعارهم زياده عن اللازم واكبر مثال قضية الرز والحليب لما الدوله دفعت الفرق وش سوو التجار ولا شي ولاتخلينا نزيد اكثر من كذا اما بالنسبه الرياض اكبر من الكويت فاحب اقولك ان السعوديه من اكبر منتجي النفط ودخلها يوازي دولاً اوربيه ولكن للاسف المواطن لازال يعاني . وارجع واقول انا احب السعوديه ومستحيل اساوم على حبها لكن لازم نقول الحقيقه . |
خلها على ربك.............هو عالما بالحال ولا يمكن يضيم |
انت صادق .. والله يعينا وياك اخوي .. في كل دولة بالعالم فيها الغلاء .. والفقير .. والغني .. والبطالة .. والحسوبية رغم اني اتفق معك في امور كثيرة .. إلا ان مثل هالمواضيع وفي المنتديات تخلي هالعالم من غير وطنا يتشمتون فيك وفينا .. لين مانتعرض للسخرية .. وحنا اللى نعطيهم الفرصه .. وفي الأخير مااحد راح يساعدك ولا يوقف معك إلا وطنك ورجال وطنك .. والله يعين على ردود ( دلع الإمارات الحين ) :razz: الحين تجيك وتقول تعال .. ابويا الشيخ محمد يعطيك راتب ويسكنك في بيته ويزوجك وحده من بناته !! ويالله ناس تشخص على حسابنا وكله من هالمواضيع ... المفروض يكون فيه قسم لمثل هالمواضيع نشوفها حنا بس ( يالسعوديين ) لاني ضد نشر الغسيل أمام الغريب :yes: تقبل مروري يالغالي ... واعتقد لايوجد حده في هالرد ؟ وبالعكس بالنسبة لي لو كان في ردي حده يعني الموضوع شدني s60s.. ويعلم الله ان مواضيعك تجوز لي .. واتابعها لو اني اخالفك في بعض ماتقولة .. بس مايمنع اني متابع جيد :yes: تقبل مروري اخوك الصغير ابو طلال s13s |
آهات وطنيه تخرج منا وتصطدم بقرارات جارحه المستفيد الاول منها من اصدرها :surprised: وطني رغم كل شي لك كل الحب وكل الوفاء بس نبي الجرح يبرى :smilie47: زعيمهم كلهم كل الشكر لك ورده عوافي.. |
| الوقت المعتمد في المنتدى بتوقيت جرينتش +3.
الوقت الان » 08:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd