نادي الهلال السعودي - شبكة الزعيم - الموقع الرسمي - أنا شايف النهائي بين الهلال والاتحاد وهذي هي النتيجة

مراحب للجميــــــــــــع....

أحب أتوقع لكم سيناريو المباراة النهائية بين زعيم الكل والإ تـــهـــــاد.
طبعا الهلال بيدخل بتشكيله مكونه من الدعيع،الدوخي،عبدالله سليمان،الشريده،المطيري،نواف،توليو، الغامدي،الشلهوب،سامي،أدميلسون مع وجود ورقتين رابحتين هما الثنيان والجمعان أما بالنسبه للاتحاد فتشكيلته: مبروك زايد،لاندومار،الخليوي،طارق المولد،اليامي، الصقري،محمد نور،(خميس للأسف)،فييرا،اليامي،أدريس .
طبعا انتم ركزوا على كل من: الخليوي،طارق المولد،باسم اليامي،الصقري،لاندومار ومحمد نور، لانهم بيكونون نجوم المباراة في التكسير وأدخال النقالة وبتنافسون بينهم من يخلي النقاله تدخل أكثر وخاصه أن أربعه من هؤلاء السته مو مع المنتخب يعني مايهمهم يصابون او يطردون أو يسوون أي حركه استفزازيه.............

المباراة تبدأ والهلال يقدم مستوى هائل بأول 20 دقيقه ويحاصر لاعبين الاتحاد بملعبهم مع هجمات متواليه للزعيم.........

بسسسسسسس للأسف الاتحاد مايقدر يجاري الزعيم بفنه لذلك يلجأ لوسائل غير شرعية لوقف نجومية الزعيم، طبعا البداية بتهديدات كلاميه (في أول 5 دقايق) لسامي ونواف والشلهوب والدوخي وبعدها يبدأ تنفيذ مخطط من أوسكار بوقف الموج الهلالي وذلك بالزلقات الاماميه والخلفيه والجانبيه والمزدوجه لنجوم الزعيم وطبعا تعرفون وش معنى زلقات (أنبراشات) أتحاديه (ماركه مسجله) ويتنافسون بينهم بأحسن زلقه وأطول زلقه عند بروفسور الزلقات (أحمد جميل) ، وبالمناسبه ترا لاعبين الاتحاد يجون للنادي من بيوتهم بزلقه وحده وبدون سيارات.........

المهم بعد كل هالتكسير والجز وتطاير أقدام لاعبي الزعيم (الله يستر عليهم)، حكم المباراة لايحرك ساكن لاننا تونا بأول المباراة حسب قانون حكامنا (لازم يجي الشوط الثاني وتبدأ الكروت) ، طبعا بعد الـ 20 دقيقه الاولى ، لاعبي الهلال الدوليين يبدون يفكرون بينهم وبين انفسهم ويقولون : الهلال كل شهر مآخذ بطوله وحنا ورانا كأس عالم وأحتراف خارجي فليش ننصاب (يعني تجينا أصابه من أحد الزلاقين) أو نتكسر فيبدوون نجوم الهلال يلعبون على الواقف وأتوقع هذا من حقهم لان كأس العالم كل 4 سنوات.

طبعا الابداع الازرق بيتوقف أجباريا بعد 20 دقيقه بفضل زلقات خط الدفاع الخماسي الاتحادي أضافة الى محمد نور، وبعدها الاتحاد بياخذ راحته وبيفوز بالكاس بمباركة من حكم المباراة الذي لم يتعامل مع الخشونه كما يجب ، ولم نرى الكروت الا بالشوط الثاني...........

أقتراح: أتمنى وجود الشرطه والدفاع المدني والمطافي و مستشفى خاص وأطباء مناوبين للعظام والباطنيه والصدر والقلب حول ملعب المباراة لحماية نجوم الهلال........

طلب لحكم المباراة: اتمنى من حكم المباراة الحفاظ على نجوم الهلال من شبح الزلقات الاتحادية لانهم هم نجوم المنتخب ، يعني مع كل أصابه لنجم هلالي (لاسمح الله)،يجب على الحكم أن يتذكر المنتخب بدون هذا النجم بغض النظر عن فريق هذا النجم.........

أماني:
اتمنى من لاعبي الهلال وخاصه الدوليين منهم انهم يوقفون بالملعب ومايتحركون اذا مالقوا حكم يحميهم.
أتمنى أن توقعي مايكون صحيح ويلقى نجوم الزعيم الحماية الكافيه لإخراج أبداعهم..

الله يستر على نجومنا خاصه الدعيع،الدوخي،عبدالله سليمان،الشريده،نواف، الغامدي ،الشلهوب،سامي، الثنيان، الجمعان (نجوم المنتخب بكأس العالم) ويطلعهم من المباراة سالمين غانميين.!!
تحياتي........... هلالي النت