بسم الله الرحمن الرحيم


جميعنا كان شاهدًا على ردة الفعل من الجمهور الهلالي على ادارة النادي بسبب اللاعب ((ادواردو روبيو))

فمنهم من قال :لاعب مغمور مايصلح للزعيم
ومنهم من قال :سيرته الذاتية ضعيفة


وكلاهما اتفقا على ان الاعب ليس في مستوى الهلال

ولكن لم يسألوا نفسهم ماهي السيرة الذاتية لتفاريس وكماتشو ومن كانوا قبل المجيئ للهلال؟؟


ومن الافضل تفاريس واكماتشو قبل القدوم للزعيم او روبيو؟؟
طبعًا روبيو افضل بكثير من تفاريس وكماتشو كاسم وكسيرة ذاتية((قبل ان نعرف تفاريس وكماتشو))

وبعد قدوم تفاريس وكماتشو كان الجمهور الهلالي غاضب كل الغضب على هذا الثنائي

حتا في بداياتهما لم يكونا جيدين اطلاقًا
لدرجة ان الادارة الهلالية آن ذاك كانت تفكر في الاستغناء عنهم
ولكن مع الوقت اصبح اللاعبان المغموران اللذان لم يكونا معروفان لافي المملكة ولافي الوطن العربي ولاحتى في البرازيل
اصبحا ورقة رابحة في يد كل مدرب

الاول صمام امان وجدار حديدي والثاني اي تسديدة تكون خطرة هذا اذا ماكانت هدف
فانا اقول اللاعب ادواردو روبيو من خلال المقاطع والاهداف الذي شاهدتها له هو لاعب جيد جدًا وقد يصل الى ممتاز في بعض المباريات

اللاعب احتياط في فريقه ومسجل 6 اهداف ((هذا وهو مايلعب لامهاجم ولا اساسي))
فيه ناس يقولون طيب اللاعب احتياطي معناته مستواه ضعيف
اقولهم مو شرط ممكن عنده مشكلة مع المدرب او رئيس النادي
فانا من وجهة نظري اقول لو نصبر ونشوفه بعدين نحكم
افضل من انا نحكم قبل مانشوفله اي مباراة


وياما وياما لاعبين غير معروفين انجحوا مع فرق معروفة ولاعبين معرفين فشلوا بعد ان انتقلوا من ناديهم الاصلي مثل شيفشنكو وتياغو وبدولسكي وسيسينيو وكريسبو وميتزلدر والقائمة تطول



وتذكروا دائمًا لاعبين الهلال والجو داخل النادي يساعد اي لاعب على النجاح

يــأخوي .. ملينا من سالفة تفاريس وكماتشو قبل كــذا جبنــأ 10 وسيرتهم ضعــيفه وقلنا ببدعون نفس كماتشو وتفاريس .. وطــلعو مقــالب .. حنــا نبي لاعبي مضمون .. مانبي لاعب نجــربه وماندري شلون بيطلع فاشل او لا ..ورانا اسيويه ياعــالم والوقت راح في تجميــع المقــالب ..

لاعب عجز يحجز مركز له في فريقة

وش يكون بعد فريقة لهو مانشستر ولا برشلونه فريق على قد الحال


وتبي ينجح معنا هي ارزاق عوطليت تشيلي جين يجمعون فلوس يمشون


مشكلة الادارة تعتقد هي الي تفهم وغيرها ميفهم اعتقد الحسبه بسيطه

1 + 1 = 2 لاعب صاح تجيب به بطولات

وادي يطلع رئيس نادي الهلال ويقول حنا مفلسيين منقدر نجيب لاعبيين

على قد لحافك مد رجليك خل الفلوس لتجديد مع المفرج والعنقري ويقلب لا تحزن

إقتباس الرسالة الأصلية كتبت بواسطة abdulilah لاعب عجز يحجز مركز له في فريقة وش يكون بعد فريقة لهو مانشستر ولا برشلونه فريق على قد الحال وتبي ينجح معنا هي ارزاق عوطليت تشيلي جين يجمعون فلوس يمشون مشكلة الادارة تعتقد هي الي تفهم وغيرها ميفهم اعتقد الحسبه بسيطه 1 + 1 = 2 لاعب صاح تجيب به بطولات وادي يطلع رئيس نادي الهلال ويقول حنا مفلسيين منقدر نجيب لاعبيين على قد لحافك مد رجليك خل الفلوس لتجديد مع المفرج والعنقري ويقلب لا تحزن

نادي كولو كولو مش نادي مشي حالك
نادي عريق وله انجازاته وسبق انه اخذ لقب الليبر تدورس اللي هي اقوى بطولة قارية بعد التشامبيونزليغ الاوروبي
اما مساله ماحجز مكان
انا قلت في الموضوع ممكن مش عشانه سيئ ممكن عنده مشاكل مع الرئيس او المدرب
ويكفي ان اللاعب دولي

إقتباس الرسالة الأصلية كتبت بواسطة @هلالي نفيعي@ يــأخوي .. ملينا من سالفة تفاريس وكماتشو قبل كــذا جبنــأ 10 وسيرتهم ضعــيفه وقلنا ببدعون نفس كماتشو وتفاريس .. وطــلعو مقــالب .. حنــا نبي لاعبي مضمون .. مانبي لاعب نجــربه وماندري شلون بيطلع فاشل او لا ..ورانا اسيويه ياعــالم والوقت راح في تجميــع المقــالب ..

وسبق انا جبنا لاعبين سيرتهم جيده وفشلوا
...........................................................

إقتباس ملينا من سالفة تفاريس وكماتشو قبل كــذا جبنــأ 10 وسيرتهم ضعــيفه وقلنا ببدعون نفس كماتشو وتفاريس .. وطــلعو مقــالب .. حنــا نبي لاعبي مضمون

,,,,,,,,,,,,,,,,,,,,,,,,,,,,,,,,,

الله يعطيك العافيه فعلاً السيره الذاتيه أحيان ماهي مقياس للنجاح فيه لاعبين

كثر جو للهلال وسيرتهم معروفه ومع ذلك مانجحوا مع الهلال ..

وللمعلوميه فقط إن اللاعب المعروف سيرجيو اللي لعب للأهلي والهلال

حايبينه من حواري البرازيل ماله فريق

لن اتكلم او اعترض ..

الميدآن يآحميدآن ..!

نجح اللآعب شي يحسب للأدآرهـ ،،

فشل اللآعب .. الادآرهـ هي المسؤوله ..!

والتوفيق بيد الله ..

كل التوفيق للزعيم .. ( بآذن الله الموسم القآدم موسم الهلآل )..

إقتباس الرسالة الأصلية كتبت بواسطة باجيـg طيب انت تقول ان كماتشو وتفاريس نجحوا بالرغم من ان سيرتهم ضعيفه هذا ماهو اثبات لأنه فيه كثير لاعبين مروا على الهلال سيرتهم ضعيفة ومانجحوا اذا من باب اولى ان يكون هذا اثبات اكثر من اثباتك ... اكثر اللي مزعل الجمهور هو التكتم الكبير على اللاعب الأمر الذي اوحي للجماهير أن اللاعب راح يكون نجم ولكن انصدم الجمهور صدقني لو ما كان فيه تكتم وكان اللاعب عادي جداا ماراح تشوف هذا الزعل من الجمهور.... بعدين نادي الهلال مشهور بعدم التوفيق مع مهاجم مميز من فترة طويلة... سؤال / تقدر تجيب لي اسم مهاجم مميز مر على الهلال منذ 15 سنه ؟ الأجابة اكيد لا واذا فيه قلي ... تقبل مروري...

تبرير مقبول
بس اللاعب مش مهاجم صريح
اللاعب يلعب جناح
بس اذا انت بتقول فيه لاعبين سيرتهم ضعيفة ومانجحوا
بعد فيه لاعبين سيرتهم جيدة وفشلوا

اما مسالة ان الهلال غير موفق في المهاجمين ممكن في السنوات الخيرة لكن اذا بتقولي من 15 سنة
اقولك غلطان فيه لاعبين ممتازين
مثل : صلاح بصير وبشار عبدالله وجاسم الهويدي وسيرجيو

إقتباس الرسالة الأصلية كتبت بواسطة tote-too الله يعطيك العافيه فعلاً السيره الذاتيه أحيان ماهي مقياس للنجاح فيه لاعبين كثر جو للهلال وسيرتهم معروفه ومع ذلك مانجحوا مع الهلال .. وللمعلوميه فقط إن اللاعب المعروف سيرجيو اللي لعب للأهلي والهلال حايبينه من حواري البرازيل ماله فريق

وعقب مانتهى عقده مع الهلال راح للدوري التركي
...............................................................

إقتباس تبرير مقبول بس اللاعب مش مهاجم صريح اللاعب يلعب جناح بس اذا انت بتقول فيه لاعبين سيرتهم ضعيفة ومانجحوا بعد فيه لاعبين سيرتهم جيدة وفشلوا

طيب لو خيرتك لاعب سيرته زينه ولاعب سيرته غير معروفة بتختار مين

إقتباس اما مسالة ان الهلال غير موفق في المهاجمين ممكن في السنوات الخيرة لكن اذا بتقولي من 15 سنة اقولك غلطان فيه لاعبين ممتازين مثل : صلاح بصير وبشار عبدالله وجاسم الهويدي وسيرجيو

اشكرك على معلوماتك

إقتباس الرسالة الأصلية كتبت بواسطة باجيـg طيب لو خيرتك لاعب سيرته زينه ولاعب سيرته غير معروفة بتختار مين اشكرك على معلوماتك

اكيد راح اختار اللاعب اللي سيرته زينة
بس اللاعب روبيو سيرته لاباس بها
وممكن غضب الجمهور زي ماقلت انت سابقًا بسبب التكتم على الصفقة
قالوا اكيد اللاعب ((فلته)) ثم انصدموا

ولله انا شفت لقطات للاعب وباين عليه انه مهاري ويجيد التسديد بكلتا القدمين مع اني كان ودي انهم يجيبون لاعب معروف
وعليه الكلام بس يله الله وفق

بتبقى سالفه تفاريس وكماتشو نشبه في كل لاعب اجنبي نجيبه ..

ياخي انت تاخذ قطره من بحر ..

تفاريس وكماتشو نجحوا وهم اصحاب سيرة ذاتيه ضعيفه ..

لكن ايضا هناك .. برونو وليلو والفان وجيوفاني ( شايب ) وديسلفا وغيره .. كلهم مانجحوا ..

نتمنى انه ينجح .. لكن المؤشرات ماتدل على كذا ..

وبعدين هاللاعب صراحه شكله مايتحمل اي احتكاك .. مقطع شفته له كل شوي يطيح ..

لكن ان شاء الله يخيب ظني ويكون على قد التطلعات ... وياااااارب نجيب الاسيويه ...