17/07/2008, 06:38 PM
|
| زعيــم متواصــل | | تاريخ التسجيل: 14/01/2005 المكان: الرياض
مشاركات: 183
| |
|
ذكريـــــــــات لاتنسى من الملاعب
بسم الله الرحمن الرحيم
اخواني اعضاء شبكة الزعيم وقرائها الكرام احببت ان اخبركم عن بعض المواقف والاحداث
التي حصلت في بعض المباريات في الملاعب
في السنوات الماضيه ومنها هذا الموقف:
( كان لي صديق وزميل وابن عم نصراوي وكنا
اذا مبارة النصر مع فريق اخر نجلس في مدرجات النصر واذا كان الهلال نجلس في مدرجات الهلال واذا كان الهلال والنصر كل حر يذهب للمدرج الخاص بناديه {ليت الزمان يرجع مثل عقارب الساعه }المهم في يوم كان هناك مبارات بين النصر والجبلين والله اني ضيعت السنه لكن والعلم عند الله سنه1402
اللي يعرف السنه يصحح لي وكان وقت المبارات عصرا وكان في ذلك اليوم غيوم ذهبنا للملعب وجلسنا تحت الساعه في المنتصف طبعا
ملعب الملز سابقا اذكر مهاجم الجبلين درعان الدرعان اعتقد انتهى الشوط الاول صفر صفر وبدء الشوط الثاني وبعد قليل اذا الجالسين خلفنا ينهضون بسرعه ويركضون نحونا ويصرخون طاحت طاحت قوموا وكلنا اتجهنا نحو الملعب وتسلقنا الحاجز الذي يفصل بين الملعب والمدرجات ودخلنا الملعب والحكم واللاعبين هربوا ما يدرون وش القصه وبعضنا طاح عقاله واللي شماغه واللي نعاله والسالفه ان فيه ناس مصرقعه ادعو ان لوحة الاضائه تطيح وكل منا اذا نظر لها فجأه ورفع راسه بسرعه شاف انها فعلا تهوي والحقيقه ان السحاب يمشي وهي ثابته مادري انهم متعمدين الحركه والا فعلا تخيلوا ذلك وبعدها اخذ الدهام المقرفون ويتكلم ان مافيه شي ياجماعه ارجعوا لمحلاتكم وفعلا ليس هناك شيء وبعدها رجعنا لمحلاتنا ولكن لاعبين الجبلين اثرت عليهم هذه الحركه وانهزمو مادري ثلاثه او اثنين
امل من لديه موقف مثل ذلك حدث ان يخبرنا عليه وشكرا
|
الوضع العادي
