يركض .. بثواني تشوفه يسوي لك processing على الملعب كله .. وبعدها ثرو باص أليييييم ( وجه يناظر الثرو لراؤول )
تجيه كورة على رجله اليمين من مدافع .. تقول بيعطيك باص لـ لاسانا على الطرف ..
ثانية وحدة بس ويجر الكاميرا والجمهور واللاعب اللي جاي بيقفطه ويسحبه ويبدأ يبني الهجمة .
أمس شات كورة وحدة .. المرة الجاية نبي ثنتين وثلاث .
قاقو .. ترا ماله داعي اللي تسويه انت ولاسانا بـ مامادو .. مايكفيه الاصابة ؟
فرناندو .. أنت رجل المرحلة بـ وسط مدريد
فابري ماله مكان بمدريد .. روقنا يابيريز لاتخلينا نلفظك من البداية خخخخ

والله يا الاختبارات مخلية الواحد يكره يكتب سطرين

إقتباس الرسالة الأصلية كتبت بواسطة هلالي بس مدريدي [B][FONT=Arial Black][SIZE=4][COLOR=darkslategray][ سؤال وجيه .. وش ناوي عليه ؟

ناوي على الشامبيونز ليق بأذن الله

مبروك الفوز شباب ..

خطمة

بعد انتقال الاعب الروماني الى الهلال ..

شوفوا شبهوا الهلال بـ ......

من جانب اخر وصف احد آخر التقارير المعروضة في القناة
نادي الهلال بـ [ Real Madrid-ul Asiei ] بالرومانية
وهي تعني [ الهلال : ريـــــــــال مـدريــد اسيـــــــــا ]


معليش ع الرد السلبي ..

. بسم الله الرحمن الرحيم ليس حرفي ذلك الحرف الذي قُدّ من جنون ! انما هو حرفٌ متواضع ! يأمل في مشاهدة تلك الاعين التوّاقه ! للبساطه في الطرح . هنا ! في هذه الصفحه ! أحمل لكم أشياءً ! لشخصٍ شاركنا زخمنا ـ عشقنا ـ حبنا ! هُنا ! أحملكم بعيداً عن الروتين الممل ! للمنتديات حيثُ القراءه و الكتابه ! بعيداً ـ بعيداً ! ربما إلى إتجاهٍ معاكس ! س / عرف بنفسك ؟ قل كل ما تريد أن تقوله ؟ ج / باسم الفوزان ولدت ونشاة وترعرعت ببريدة .. أدرس بجامعة القصيم قسم إدارة وإقتصاد سيارتي جيب ايسوزو << عسى الله يجيب الشرراي اللي ياخذه .. أحب ربي والرسول وامي وابوي .. واكره الكفار ** س / بدايتك باللجنه الاعلاميه ! كيف و متى ؟ ج / امممممممم .. أبد جتني إضافة ع الايميل .. من أحد أعضاء اللجنة .. اللي هو ماجد ( مشرف العالمية حاليّن ) قبل بداية الموسم الماضي .. عرض علي إني أكون مصمم للكالتشيو .. ووافقت وانضميت .. ! ** س / ماذا قدمت للجنة وماذا أخذتَ منها ؟ ج / اول شي انا اعتبر نفسي مقصّر جدن مع اللجنة .. لذلك مااعتبر نفسي معطيهم شي .. ألا ممكن شي بسيط جدن .. مع إني كنت متحمس بالبداية .. لكن الظروف ما تسمح إني أتفررغ وآخذ راحتي بالشغل فيها أخذت منها صداقة الأعضاء وتكوين العلاقات معهم وهذا اهم شي .. والشي الثاني استفدت من فوايد من ناحية التصاميم ** س / بما أنك لا تجد فراغاً كافياً في وقتك ! لما تترك الفرصه لغيرك مثلاً ؟ ج / بالعكس .. لا ان شاء الله مااخذت مكان غيري .. متى ما صار فيه أحد عنده إستعداد يقدّم الجولات راح يضمّونه مباشرة .. والشي الثاني هو إني تصدف أحيانن أبقدّم جولة أو جولتين أحصّلها محجوزة .. ! ** س / نعم ـ لكنك تقول بأنك مقصر ! ولا تملك فراغاً في وقتك حتى تقوم بواجبك ؟ ج / هو انا صحيح مقصّر .. لكن بالنّسبة للفضاوة .. التقديم ما ياخذ أكثر من ربع ساعة .. يعني حتى لو مثلن عندي إختبار أقدر أقدّم .. لكن مثل ما قلت لك .. إذا مسكت معي تقديم مثلن .. ألقى فيه أحد غيري حاجزها والشي الثاني .. هالموسم مسوين اللجنة .. جولة علينا وجولة على أحد الروابط . ** س / { اذا مسكت معي تقديم مثلن .. القى فيه احد غيري حاجزها } !! معليش يعني ! اجل انت ما تقدم الا اذا مسكت معك ؟ اسمح لي اقول { مهنيه مزيفه } ؟ ج / انا اقول اذا مسكت معي اقدم [ مثلن ] .. احيانن يجيني اتصال يقول قدّم الجولة الفلانيّة اقدمها وانا مااشوف الجادّة .. ** س / هل سبق أن اُتهمتَ بالتقصير ! من شخصٍ ما ! او اتهمت نفسك انت ؟ ج / لا هذا شي واضح .. ملاحظه على نفسي كثير .. وفيه واحد من الشباب لمح لي بشكل عفوي . ** س / باسم او كما يُطلق عليك { جُحا الرياضه العالميه } ! ردودك تعج باللهجه القصيميه البحته ! هل هو اعتزاز بذلك ! او فشل في فصل شخصيتك الحقيقه عن شخصيتك النتيه ؟ ج / لا ابد .. لا هو اللي اعتزاز ولا هو اللي فشل .. اللهم إني مااحب أكتب بلهجه .. واتكلّم بلهجه ثانية .. ليش التقلّب باللهجات !؟ .. اتكلم بلهجتي بكل مكان ويالله لك الحمد مفهومه وهذا اهم شي . ** س / رأيك بلقب جحا العالميه ؟ ج / هههههههههههههههههههههههههه مالي إلا اضحك .. لأنه صراحة اللقب لي لذلك موب انا اللي اتكلم عنه .. ولو إني اول مرة ادري ان هذا لقبي . ** س / هل انت مصاب بحمى { رونالدينو } فعلاً .؟ ج / والله حلوة حمى رونالدينهو .. تعبير حلو يعبّر عن شعوري تجاه السّااحر .. اعتبر نفسي مصاب فعلن .. ! ** س / منذُ متى بدأ هذا المرض ؟ ج / كنت معجب فيه اعجاب عادي يوم استلم اول جائزة لافضل لاعب بالعالم .. وتقريبن بديت يعني ابالغ فيه واقارنه بلاعبين كبار .. في موسم 2006 ( قبل كاس العالم ) .. [ يوم يصفقون له جمهور الريال ] ** س / اعتراف ضمني وموثق انك تبالغ فيه وتقارنه بلاعبين كبار ؟ زيدان مثلاً ؟ ج / قصدي بلاعبين كبار .. اللي هم معتزلين .. مثل مردونا أما زيدان فانا فضّلته عليه .. ! ** س / قمة التهكم ؟ مقارنة لاعب سكير ! بـ اسطوره ؟ ج / روني سكّير !؟ .. طيب شايف انجازاته بجانب انجازات زيدان !؟ ** س / نعم والاثباتات موجوده ؟ آخر آيامه مع برشلونه ؟ كان نجمك المفضل يتأخر عن التدريبات و يسهر في الحواني ؟ والصور كثيره ؟ ج / عزيزي أي لاعب فيه جانب سلبي .. الولد مهب ملاك كل شي فيه صح او كويس . ** س / عندما قلت بأنّ روني سكير ؟ وكأن ملامح الاستغراب بدت على محياك ؟ والان تقر فيها ؟ معليش لماذا هذا التناقض ؟ ج / ما نسلّط النظر على شغله السلبي .. نشوف انجازاته !؟ .. نشوف ابداعاته !؟ .. نشوف الكورة واللعبة اللي يقدّمها .. !؟موب كلّه استغراب بقدر ماهي مالها علاقة بالمقارنة .. يعني سكّير لكن له انجازاته وله اشياء تشفع له وتخلّيه يتقارن بزيدان . ** س / انت بذلك تريد الضحك على عقولنا ! لاعب عمره الابداعي ما تعدى ثلاث سنوات ! تقارنه بلاعب من يوم عرفته كرة القدم وهو اسطوره ؟ ج / بس معليش .. هذا بثلاث سنوات جاب انجازات اللي من يوم عرفته كرة القدم وهو اسطورة .. ! ** س / مثل ماذا ؟ مثلاً ؟ ج / افضل لاعب بالعالم مرتين متتاليتين .. ** س / زيدان افضل لاعب بالعالم ثلاث مرات ؟ وبغض النظر عن جوائزه الشخصيه ! قاد فرنسا في سنتين فقط لتحقيق اقوى بطولتين بالعالم ؟ ج / زيدان بالنسبة لفرنسا شي خورافي .. لكن بالنسبة للاعبين الآخرين !؟ .. وش ذنب روني اذا صار منتخبه قوي من زمان !؟ ** س / منتخب البرازيل قوي من زمان ! ومر عليه رونالدو و ريفالدو و روماريو وحققوا انجازات اكبر من رونالدينو ! ماذا تقول ؟ ج / ريفالدو وروماريو على مااعتقد مهب اكبر من انجازات روني .. ولا لا !؟ ** س / روماريو الاعلى تسجيل اهدافا بتاريخ البرازيل ! اقل من روني كيف تجي؟؟ رونالدو سجل هدفا حسم لقب مونديال 2002 امام اوليفر كان ؟ ج / روماريو الاعلى تسجيل اهدافا بتاريخ البرازيل ! اقل من روني وشلون تجي ! << جبتني بالانجازات الشخصيّة .. اقولك روني اخذ افضل لاعب بالعالم مررتين . ** س / رونالدو لم ياخذها مرتين فقط ! انما حصل عليها ثلاث مرات ! ورونالدينو عندما حقق افضل لاعب بالعالم لعامين متتاليين ! ماهي الفائده التي حققتها للبرازيل هاتين الجائزتين .؟ ج / معليش ماكنت اظن انك تبي انجازات اللاعب مع منتخبه ..طيب روني مركزه مهب مركز واحد يأهله إنه يصير هداف .. وكاس العالم الاخيره ما يحتاج نتكلم عنها .. البرازيل عمومن كانت داجّه .. والسبب الرئيسي وكلنا نعرفه عباطة ألبيرتو [ مدربهم وقتها ] .. ! ** س / ليس من الواجب أن يكون هدافاً ! صانع العاب مثلاً ؟ ج / آخر مررة البرازيل اخذت كاس العالم كانت بـ 2002 وروني هو السبب الرئيسي بتأهل منتخبه لنصف النهائي .. كانت المباراة قدام انجلترا .. سجل هدف وصنع الثاني ..وبارضه بدري الحكم على ابو الرون .. الولد عمره 28 .. لا وصل 40 ( عمر روماريو ) يصير خير نقول ليش ما يصير صانع العاب . ** س / هل تقصد هدف الغفله !؟ امام ديفيد سيمان ؟ ج / معليش الهدف هذاك ما يقدره الا اللي يفهم كورة .. ** س / ربما الحب يعمي أحياناً عن الحقيقه ! لكن لننتقل لجانب آخر ! زيدان ـ رونالدينو ! من الافضل ؟ فليعذرني زيدان وعشاقه ! عن وضع رونالدينو بجانبه في مقارنه واحده !؟ ج / احب روني اكثر وبس .. ! ** س / رونالدينو في تصريح له شهير ! بعد اعتزال الزين ! يقول ان زيدان قدوته بالملاعب ويتمنى يصل لمكانه؟ تواضع من الساحر مثلاً ؟ ج / شي حلو إن ابو الرون يقول مثل هالتصاريح .. لأنه معروف عنه التواضع .. وغير تسذا هو يشوف نفسه إنه اقل من زيدان .. ! ** س / منتدى العالميه ! في تطور يوم عن الاخر ! برأيك ماهي { مميزات ـ عيوب } قسم العالميه ؟ ج / والله بشكل عام الاحظ إن مافيه تفاعل بالاستديّوهات وهذا شي يضيّق الصدر صراحة .. ودك تشوف تفاعل وحماس وهياط .. الشي الثاني كثرة الأعضاء الغير مُلهمين بالرياضة العالمية إلهام كافي .. كثرة الدرعمة والحكم على الأندية بالفشل بسرعة .. اما بالنسبة للمميزات .. انا صراحة من تالي اقرى بموضوع الكالتشيو .. أشوف فيه الاعضاء بينهم حب ويربطهم شي كبير بينهم .. ولافيه شي اسمه زعل .. وهذا الحمد لله شي كويس وحلو وودك إنه يستمر صراحة . ** س / يعني مثلاً ! هل ترى بأنّ المشرفين نجحوا في ازالة المشاحنات بين الاعضاء وما شابهها ؟ ج / والله إيه .. اشوف انهم نجحوا الله يعطيهم العافية . ** س / مشاركتك برابطة عشاق الميلان ! نادرة جداً ؟ ما الاسباب ؟ ج / مشاركاتي بالمنتديات كاملة قالّة بكثير .. السبب تقريبن مادري وشو .. لكن سبب عدم مشاركتي براطبتنا الحين هو إن مافيه مباريات تتكلم عنها لميلان .. لأننا بإجازة ولو إنها قرربت تخلص .. الشي الثاني مااشوف فيه شي يشدّن للرد .. نقاش او شي مثل هيك .. ! ** س / هل تريد اخفاء خلافك مع أحد مثلاً ؟ ج / لا ابد ما تهاوشت مع احد ولا فكرت اصلن .. ولا فيه احد مضايقن من الاساس .. ابد لا يجي ببالك إن فيه هوشة او مثل هيك .. ومير ذكّرتن .. كان فيه أحد من الاعضاء غلطان عليه انا او شي .. اتمنى منه إنه يسامحن .. أحيانن الواحد يزل لسانه ويقول كلام ما يقيسه ..! ** س / لكن هناك خلاف كبير بينك وبين فواز الخالدي رئيس رابطة الميلان ؟ ج / بيني وبينه مافيه أي خلاف .. لكن كان فيه خلاف بينه وبين عضو ثاني ماادري .. لكن باسم وفواز !؟ .. عن نفسي مااتوقع ان فيه خلاف .. واساسن ما شلت شي بقلبي عليه .. ! حتى اذكر آخر محادثة بيني وبينه كانت جماعية معنا واحد ثالث .. كان فيه ضحك واستهبال .. !؟ ** س / هل راودتك الفكره بأن ترأس رابطة عشاق ميلان ؟ ج / اقترح علي واحد من الشباب لكن قلت لا وبقوّة .. لأني مالي بالترجمة ولا أحب احط نفسي بمسؤوليّة .. ! ** س / يعني عضوية اللجنة الاعلاميه ليست مسؤوليه ؟ ج / مااتوقع مسؤولية .. قدّم الجولة وتوكل على الله ! .. << عن نفسي !! ** س / لكن مشاركتك في رابطة عشاق ميلان ! كانت كثيره ! في أثناء رئاسة العضو مينيلستا الله يذكره بالخير ؟ ج / مثل ما قلت لك .. كانت مشاركاتي بالمنتديات عامّة كثيرة .. لكني الحين امر بفترة إني اقرى وبس .. بدون ماارد .. قليل جدن أرد .. مافيه سبب معيّن يعني !! ** س / لا يكاد يخلوا رد لك في رابطة الميلان ! الا و تشنُ هجوماً كاسحاً على انشيلوتي ؟ مالسبب ؟ ج / فيه بعض المطشات تحس إنه هو اللي يضيّعها بتكتيكه البايخ .. حتى يقولون عنه إنه عقيم تكتيكيّاً .. ولا اتوقع إن فيها كذبه ..الشي الثاني انشي يعتبر سبب رئيسي بلعبنا الحين بكاس الاتحاد .. ! ** س / برأيي أن عقلية و تكتيك و منهجية انشيلوتي تصلح لمباريات خروج مغلوب ! لا مباريات النفس الطويل ؟ ج / بالضبط يا عزيزي .. وبارضه ينفع بنافس على بطولة وحدة .. يعني حطه لمنتخب وخله ينافس على كاس العالم .. ياشيخ حلف إن يجيبه بالراحة . ** س / بظنك عزيزي ـ مالسبب في ذلك ؟ ج / والله عن نفسي مااتوقع فيه سبب معيّن .. الشخص كذا تفكيره وكذا طريقته .. ولو نلتفت ونناظر لمدربين غيره .. نشوف الدون كابيلّو .. ما يدررب نادي إلا وجايب له بطولة الدوري له .. ! إنها العقلية والتكتيك يا عزيزي . ** س / عضو يسحرك بقلمه ؟ ج / أخاف انسى احد .. لكن ابقول اللي جاء ببالي اول ما شفت السؤال .. فيه [ جالاردو ] معجبني صراحة .. ** س / عضو تبحث عن مشاركاته ؟ وتتمنى أن يكتب دوماً ؟ ج / امممممممممممم !!الاعضاء فيهم الخير والبركة الحمد لله .. يعني انا مثلن افتح الحين قهوة الكالتشيو .. ألقى فيه كتابات واعضاء يعجبوني كثير صراحة .. أروح اقرى لهم واوسع صدري .. يعني تقريبن اعضاء الكالتشيو القديرين . ** س / ما رأيك في هؤلاء ؟ الثعبان الأزرق شخص عزيز وغالي واحترمه كشخص .. ولو إن صدري ضاق يوم شفته فاتح رابطة زيدان ههههه ! النينو توريس قليل اقرى له مشاركات .. ولا اعرفه زين .. لكن مررة نقدت عليه لنه تهجم على الكالتشيو يسلم راسك معجب كثير باسمه صراحة واهنيه عليه .. عضو تقرى ردوده وتضحك لكن لا تحرص على إنك تناقشه هههههههههه دنيدل والله للأسف قليل جدن اشوف له ردود ومن زمان عنها .. له مني معزة وتحية من قلب سكرو معجبني كثير صراحة .. وغالبن اذا مرريت من رد له أجلس أقرى فيه واتابعه بقدر مااقدر هتلر الرياض عضو ارتبطت معه .. وصار بيننا مواقف كثار .. عضو غالي علي وله محبة بقلبي الحقيقة يزيد من الاعضاء القريبين لي من بين اعضاء الزعيم س / رأيك في المقارنات التاليه ؟ ابرا ـ فيا ابرا ايكر ـ بوفون بوفون ميسي ـ كريستيانو كريستيانو دروجبا ـ ايتو ايتو لامبارد ـ جيرارد جيرارد راموس ـ الفيس الفيس مورينهو ـ السير السير كاكا ـ روي كوستا ما أقدر اقول كلهم ؟ طيب كاكا بس مب من قلب توتي ـ ديل بييرو توتي بيرلو ـ فابريجاس فابري شيفا ـ واين روني شيفا الرود ـ هنري هنري تيري ـ فيرديناند فيرديناند النينو ـ راؤول توريس ** س / فريق الميلان حالياً يضم اسماء رنّانه ! ما تشكيلتك لهم ؟ ج / ابياتي يانلكو - كلادزه - باولو ( بونيرا ) - زامبروتا بيرلو ( سيدورف ) - جاتوزو ( فلاميني ) روني - كاكا باتو - شيفا ** س / هل تقر بأنّ صفقة بيكام ! اعلاميه ماديه بحته ؟ ج / تقريبن + ورقة رابحة ** س / لو قلنا بأنّ ميلان خرج هذا الموسم خالي الوفاض ! من تود بأن يذهب بالصيف ومن تود أن يأتي ؟ ج / يجي مدافعين أمثال ميكسيس وآقير وأليكس .. وباكات يمين ويسار ( ما يحضرني شي حاليّن ) .. وصفقة بينانت اللي قرربت للميلان إضافة كويسه .. ومهاجم بين الـ 23 والـ 27 .. واحد مثل توريس يعني .. ! مالديني اللي يعطيه العافية كفى ووفى .. إيمرسون .. شيفا فزعته فزعة رجال لكن تخلص الإعارة ويروح لناديه ** س / لكن سياسة النادي منذُ فتره طويله ! التعاقد مع المستهلكين وكبار السن ؟ ج / هذي المشكلة يا عزيزي !؟ .. لكن بالصيف اللي راح شفنا فيه صفقات حلوة .. ! فلاميني وروني والشلة لكن هذا ما يمنع إني اخاف يجي واحد مثل كن كن . ** س / إقتباس واضح من نبرة صوتي إني كاتبن هالهرج مزح .. وتجي تناقش !!؟ إقتباس إقتباس يااخي شوية إعطاء حررية .. حتى بالمزح طيب !!؟ لازم يعني نصير مضطهدين .. !؟ هذا الرد كان في احدى المواضيع ! بكل صراحه عندما قرأته ! أحسستُ بالشفقه عليك ؟ ماذا تقول ؟ ج / المطلوب من القارئ هو إنه يحس بالمعاناة . ** وصلنا للنهايه ! وأودُ أن أنوه على أخلاق باسم العاليه ! أثناء اللقاء و خارجه ! وهو بصراحه مثال يُحتذى به في أرجاء المنتدى ! ونتمنى أن كنا نليق بذائقتكم الساميه .. وانتظرونا في اعداد مقبله من الاتجاه المعاكس . لكم مني كل الود المدريدي المرهف Z I D A N E

^^^
الحمـد لله عـ السلآمـة

بكائيات على كالديرون وشكر وماقصرت وخانوك أيها البطل الشجاع المغوار

ردود كنت أشوفها من بعد ما طار من النادي .. ماحبيت أرد وقتها وقلت خل الرد لين يهدا الرمي
بالبداية ..
كالديرون من موسمين وش سوّا لـ النادي ؟
بطولتين دوري وكأس سوبر .. لاعبين شباب .. تجديد نوعي للفريق وغيره ؟
هـ الاشياء ما أحد يقدر يجحدها .. ولافيه عاقل يقول إن هالاشياء ماتُنسب له
لكن نأخذها وحدة وحدة
تجيب كابيللو .. تعطيه صلاحيّات .. تعتبر الموسم الأول بناء وتجديد وتجيب فيه بطولة الدوري
بطريقة هوليووديّة .. هالشي إنجاز ويُحسب للمدرب ومن بعده الادارة
أنت وصلت لـ القمة محليّاً .. فريقك ماكان فريق كامل .. حنكة مدرّب ورغبة وحماس لاعبين
واستغلال ظروف ونتايج البرسا .. عطتك الادفانتج عليهم
المفروض تكمل هاللي بديته .. لكن كالديرون وش قاعد تسوي أنت ؟
وحتى وأنت تبني الفريق وبنص الموسم كان الرئيس يبي يشوت كابيللو ويجيب شوستر
مهما كان سوء كابيللو من ناحية المتعة والشو .. هو ماجاء إلا يبني الفريق ..
البناء ما اكتمل .. فريقك يبي له وقت وإضافة لاعبين .. تروح تطرده ليه ؟
هالشي محسوب على الادارة .. محسوب على كالديرون بالذات .. فريقك لازم يكمل المشروع وأنت وقفته
شوستر مدرب كويس وفاهم و.. و.. بس جاء بالوقت الغلط .. جاب الدوري بدون منافسة
شوية لمسات منه وفريق مافيه مشاكل ولاعبين كويسين مقابل خصم كان بأسوأ حالاته ولاكان قادر ينافس
اللي أقصده .. مع إننا جبنا الليغا مع شوستر .. بس وين وصلنا أوروبيّاً ؟
نفس الحال من 4 سنوات .. الـ16 شوستر عطى الخصم مقفـّى فريقنا وقال " شوت "
مقياس قوتنا الموسم الماضي ينقاس بـ التشامب أولاً .. والتشامب أثبت إن فريقنا يخسي يجيبه بهالطريقة
طيب ليه شلت الدون ؟
الشو ؟ المتعة ؟ أرسنال فينجر ؟ برشلونه كرويف ؟ مدريد دل بوسكي ؟
الشو العام الماضي كان فقير .. ويعتمد على حالة روبينهو أو روبين
نتايج كويسة بس مو هذا الهدف اللي جاء عشانه شوستر .. شوستر جاي يقلب الفريق لـ فريق سينمائي .
جاي عشان قبل كل مباراة .. كل مدريدي المفروض يروح يشتري له شيبس وبيبسي ويطفي الأنوار ويشغل مدريد
و قبل كذا يقول لأخوانه .. أي صوت والله لأتوطاكم خخخ .. ويشوف المتعة واللي بترمش عينه لايلوم إلا نفسه
وهالشي ماصار .. مستوى عادي مع نتايج محلية فقط ومقتصرة على الدوري لحاله ..
بأفضل مستوياتنا " من اخر 4 سنوات " وبسوء الخصوم من فترة .. الدوري بس ..وطلعنا من كأس الملك .. والتشامب كالعادة .
وجبنا الدوري .. وش الاختلاف بين موسم شوستر وموسم كابيللو ؟
إننا حسمنا اللقب بدري .. لأننا استعدينا بالبداية صح ومافيه خصم كان يقدر يوقف قدامنا .
بالعكس لذة بطولة كابيللو طعمها أحلى مليون مرة من بطولة العام < مهوب عذر بس شي بالنفس
إنك تهدم البناء اللي بديته .. هنا يتبين مدى سذاجتك .. إنك تبي شو لـ فريق من أول موسم وهو له
4 سنوات ينلعن خيره .. هنا نقدر نقول بحلّ ياسلطان الرياضة والشباب خخخخ
مدى الفشل يتبين .. بـ حال الفريق حالياً
3 مدربين بـ موسمين ونص .. ليه ؟
وين المشروع والفريق اللي مايقدر أحد يوقفه والمتعة و.. و.. !؟
خل المشروع .. وين العاشرة ؟
خلوّا العاشرة أصلاً مانبيها .. تعديت الـ 16 ؟
أجل وش قاعد تسوّي من سنتين ونصف ؟
هذا بس من الناحية الفنيّة
التعاقدات ؟
أي رئيس جديد يجي لفريق مستواه كان بالحضيض .. بيسوي تغيير كبير .. بيشتري لعيبة
وهالشي سواه كالديرون أكيد وله كم صفقة كويسة ..
كم سؤال بسيط أبي أجوبة لهم ..
أرقام الصفقات كم ؟
300 مليون يورو وهذا الفريق اللي طلعت فيه من موسمين ونص ؟
مع إضافة قيمة اللاعبين اللي انباعوا ؟
فريقنا حلو وكويس وبطل مانختلف .. بس بـ الرقم هذا المفروض تصير نجوم العالم + قيمة اللاعبين اللي انباعوا .. تطلع أفضل فريق اداء وأقوى نادي مادياًّ
ويسلي قاقو مامادو بيبي روبين درينثي هاينزه هيجواين مارسيللو لاسانا هونتي " باستثناء اللي انباعوا " هذولا مستقبل الفريق ما أحد يغالط
بس بـ 300 مليون يورو ؟ قيمة روبينهو لحاله تجيب درينثي وهاينزه ولاسانا وسافيولا ومتزلدر المجانيّين
وين الشيء المذهل بالموضوع واللي سوّاه شايب الديمن ؟
روبين بـ 36 مليون يورو .. وهو باخر موسم له مع تشلسي مالعب أبد من اصاباته ؟
بيبي بـ 30 مليون يورو .. وأنت لحالك داخل بالصفقة ؟
أرقام مافي أمل تكون منطقيّة مهما كانت المبررات .. ولا أحد يقنعني .. من الحين مافي أمل اقتنع
مثلاً مامادو بـ 27 مليون يورو .. وقبله بموسم ايسيان طالع بـ 24 مليون لتشلسي ؟ " وهذي ضريبة إنك ريال مدريد ومهيب مشكلة "
لكن الارقام مذهلة ولو قلته لواحد بيقول لي :أكيد بفريقكم كريستيانو وتوريس وكارفالهو وكليشي .. صح !؟ < مادرى إني بطير وجهه بالفنجال اللي بيدي .
التصريحات والظهور الإعلامي اللي متحفنا فيه الرئيس كيف كان ؟
فريقنا صاير ماركة لعلوك جنزير السيكل .. بكل مؤتمر يذب علينا .. والسبب سذاجة هالرئيس وتصاريحه .
انشيلوتي يقول : لو تعطونا البيرنابيو مابادلناكم بـ كاكا ؟؟
والحين تشوفه مسعبل وخاق مع حقين السيتي ويبون الفكة من كاكا ؟
كريستيانو تمسخر علينا بتصاريحه وضحّك علينا اللي مايسوى وكالديرون مثل اللي أول مرة بحياته يكلم بنت
خاااق وكل شوي تقول له أبي شحن بـ 20 .. من الحماس يجيب شحن بـ 100 خخخخخخخ
وبالنهاية تلعن خيّره وتقول إن دقيت علي ترا مهوب أطيب لك
وبالضبط هذا اللي صار لنا .. بالعكس البنت اذا سوت كذا خلاص تنتهي السالفة خخخخ
حنا صار الجنزير بكل سالفة يلعن خيّر مدريد ويسبها .. ومعه حق إنه يعصب .. لاعبي ومابي أبيعه ياخي .
روبينهو ليه طلع .. " السبب الأصلي أقصد " مايحتاج أطوّل بـ الموضوع .. القصة ملينا نتكلم فيها .
اخر ميركاتو .. وش صار فيه ؟ .. أسوأ ميركاتو من عرفت مدريد
التزوير .. صياحه يوم طلع بيريز مع رونالدو وزيدان .. حركته بمباراة سرقسطة بموسم كابيللو
بالنهاية كالديرون مجرد محامي .. مايقدر بعلاقاته يسوي صفقة كبيرة وتسكت الكل
رجل أخرق ومجتهد بنفس الوقت .. فاد النادي مانختلف .. لكن ماكان قد الطموحات ولاكان هو المنقذ ولايستاهل إلا آوت يادلخ .
هو اللي طرد كابيللو .. وهو اللي جاب شوستر .. وهو اللي طيح سمعة الفريق بالميركاتو
ولالقى حل للتشامب بقرارته الفنية " مدربين - صفقات " .. ولاقدر يحقق حلم النادي " ألعاشرة "

أحس فيه كلام كثير بقوله .. بس منيب فاضي أرتّب وأعيد وأزيد ..
لكن بقول أخيراً .. كالديرون .. ضف وجهك يارمّه أنت ووعودك وقناعاتك وتصاريحك وسذاجة عقلك .
تصلح تكون رئيس لأتليتكو مدريد < عن قولة إني محايد

يزيد .. مسوّي نفسك مهمّ يعني ؟ .. ياشين المناصب تخلي الواحد يأخذ مقلب بنفسه خخخ < امزح

الحمد لله على السلامه هتلر الرياض تقوم بالسلامه

السلام عليكم

حيا الله المدريدية

يزيد سلامات يا خلفهم ماتشوف شر

الخبراوي ماتشوف شر يالغالي << طمنونا عليه يا جماعه



زيدان

يعطيك العافية على المقابلة الرائعة مع الشنب ذا

صيدات رائعة , وفكرة أروع

سجل عندك .. إعجاب بهالفكرة الحلوة