.




لبى يدياتك احمد
نبيك معنا دوم يالغالي .
ونتشرّف والله .

السلام عليكم

بيريز صحيح قوي جدا وصاحب نفوذ وخبيث وهذا الي يحتاجه مركزه الحقيقه ... ولكن بيريز لن ولن ولن يتغير مهما حدث!

انشات من البرنابيو واكل هوا من الجمهور ولكن هذا لا يكفي انه يتغير... طبعا نتمنى قوته هذي في الميركاتو .. ولكن وللاسف قوته هدامه اكثر من ماهي بناءه!!!

اخالف الي يقولون اننا نحتاجه!! لان البعض يمكن مايتذكر ايامه ولكن كانت جحيييييييم! كنا نتمنى الوقت الي يطرد فيه ونفتك منه

نقوم الحين نقول ياليت ترجع؟ لا والله!!! ما ودنا نسمع بطاريه .. لان مهما صار الانسان المتعجرف هذا لن يتغير!!

في المقابل كالديرون اخرق ومعتوه.. وهو الجهه المعاكسه لبيريز .. كالديرون ضعيف الشخصيه اختياراته للادارة الي نراها خطأ اختياره لشوستر من الاساس كان غلط كبير جدا ومخاطره منه!

فعل بعض الامور الممتازه هذا شي اكيد ولكن الي يجتمع في بيريز وكالدي ان ضررهم اكبر من نفعهم!!

اتمنى ينقلع كالديرون .. واتمنى بيريز مايشم الرئاسه ولا يقرب جمبها!!!

مالنا الا الترقب والانتظار!!

نريد تجديد تبعث الاثارة في نفوس اللاعبين والمسكين شوستر ... نبي شي جديد يصير يهز الاعلام!

بس كل ماشفت خشة مياتو افقد الامل!!

بالتوفيق للبلانكو

إقتباس الرسالة الأصلية كتبت بواسطة بلانكاوي السلام عليكم بيريز صحيح قوي جدا وصاحب نفوذ وخبيث وهذا الي يحتاجه مركزه الحقيقه ... ولكن بيريز لن ولن ولن يتغير مهما حدث!

ما ادري عزيزي ! تعلم الغيب وحنّا ما ندري !
عطني سبب مقنع ومنطقي يخليك تقول هالكلام !

ورده

السلام عليكم ورحمة الله وبركاته

اليوم يوم الأخضر اتمنى التوفيق لمنتخبنا ان شاء الله

كريسبو مدريدي والله اتمنى
اللاعب هذا لاعب صندوق بس مادري وش مشكلة مورينهو معاه
ومن ستايل لعبه يمشي مع ريال مدريد
والأهم من هذا كله بيفكنا من راؤول

الحين ليه دايما نيسترولي اللي يصاب موب راؤول

بيريز وكالديرون

حنا متفقين كلنا ان كالديرون سيء صح
بيريز اعتقد كانت عنده مشكلتين
المدرب؟ كيروش على كماتشو على لوكسمبورجو وووو
واستغنائه عن اللاعبين ميكاليلي وكمبياسو وميليتو ماعجبه
وطريقة تعامله مع هييرو وديل بوسكي
هذه سلبياته

ايجابياته لو قال ابي اللاعب الفلاني جايبه جايبه باستثناء فييرا

فيجو وزيزو ورونالدو وبيكهام واوين وراموس والباب وروبينهو
شوفوا الأسامي وتعرفون قوة بيريز في الانتقالات

فإذا بيجي بيريز ويجيب مدرب زي الناس ويحتفظ باللاعبين المهمين في المناطق الخلفية في الفريق زي بيبي وكنكن وديارا بالذات طبعا راموس هو اللي جايبه مافي امل يتركه

فماقول الا الله يحيه
خصوصا السنة الجاية باذن الله نهائي الابطال بيكون على ارضنا
وبنكون حاملين اللقب حق السنة هذه ولازم نحتفظ بيه

يعطيكم العافية شباب على الأخبار

ابو يوسف

إقتباس الرسالة الأصلية كتبت بواسطة Z I D A N E ما ادري عزيزي ! تعلم الغيب وحنّا ما ندري ! عطني سبب مقنع ومنطقي يخليك تقول هالكلام ! ورده

حياك الله يا ثامر

لا ياعزيزي انا ما اعلم الغيب وكلامي وجهت نظري الخاصة الي استنتجتها من مشاهداتي .. سواءا اقنعتك او لا!

مدري انت وقتها كنت متابع لمدريد او لا! اذا ماكنت متابع فما اعتقد اني اقدر اقنعك .. واذا كنت متابع ومنت مقتنع فهذي مشكله!

ولكن سنين بيريز كانت جميله في البدايه لين ما قدر يسيطر على كل صغيره وكبيره في النادي!

وبعدها بدء مشروعه المعروف للجميع بحسناته وسيئاته!

بيريز لن يتغير لانه يتبع نفس الاسلوب ونفس الطريقه في الاستفزاز والتغطيه الاعلاميه التي كان يستخدمها لما كان رئيس! ظهوره في الاعلام مع رونالدو وزيدان ليس مجرد صداقه ويلله مشينا نشوفه مباراة خيريه!

غير كذا من فتره طلع في الاعلام انه يحاول يرشح نفسه مره ثانيه للرئاسه و وعوده الانتخابيه الرائعه! وهذي نفس المصيبه الي احنا ما نبيها!! صحيح انه قادر يجيب اي لاعب يبيه وهذا شي رائع .. بس التكديس مانبيه

ياخي انا احب بيكهام بس ما ابي بيكهام في فريقي وانا عندي فيجو!! والمشاكل الي طلعتلنا وسنين العجاف الي مرينا فيها .. وتخبطات المدربين والباقي الي الجميع يعرفه!

يا ثامر ... رئيس نادي بحجم ريال مدريد يجيب كيروش فقط لياتي ببيكهام؟!!! ويطرده ويجيب لوكسمبورجو عشان يجيب روبينهو معاه؟!وبعدين يطرده!!

بالله عليك هذا رئيس اعظم نادي في العالم؟!!!

هل تتوقع بعد حديثه مع زيدان انه تغير؟!

اترك باقي التفكير لك ياعزيزي

بالتوفيق للبلانكو

مقابلة مطولة مع العقرب الأرجنتيني من الـ AS





تحياتي للجميع

ورده

مياتوفيتش سيلتقي مع وكيل أعمال اللاعب كريسبو



وفقا للجازيتا ديلو سبورت : وكيل اللاعب الأرجنتيني هيرنان كريسبو سيقابل اليوم الأربعاء

المدير الرياضي لريال مدريد بريدراج مياتوفيتش لإنهاء كافة التفاصيل لنقل اللاعب إلى مدريد




تحياتي لكم

ورده

أديبايور من ضمن الخيارات

الريال يريد تقديم 32 مليون يورو لمهاجم الأرسنال التوغولي



أرائكم

تحياتي لكم

ورده

شباب الله لايهينكم ابغى استفسر عن شي وماعليكم امر ...



الحين اليوم واحد يهايط ومزعجنا ويقول مدري ايش عن برشلونه وان مستوى الريال لك عليه المهم مدري وش جاب عنوان الرابطه وقلته له << وقال لي ان مدريد فيه مره صفق للريال فيها وابغى اتأكد من كلامه هو صحيح ولا لا وشاكر لكم وماقصرتو يالغالين ..!؟

إقتباس شباب الله لايهينكم ابغى استفسر عن شي وماعليكم امر ... الحين اليوم واحد يهايط ومزعجنا ويقول مدري ايش عن برشلونه وان مستوى الريال لك عليه المهم مدري وش جاب عنوان الرابطه وقلته له << وقال لي ان مدريد فيه مره صفق للريال فيها وابغى اتأكد من كلامه هو صحيح ولا لا وشاكر لكم وماقصرتو يالغالين ..!؟

مرحبا بك يالغالي ورده

منور الرابطه

بالنسبه لسؤالك ..

فقد قام لاعبو برشلونه الموسم الماضي بالتصفيق للاعبي ريال مدريد في مباراة الكلاسيكو الإياب على أرض السنتياجو برنابيو

لأن الريال كان قد كسب الدوري الاسباني رسمياً قبل مباراته مع برشلونه .. لذلك اضطروا أمراً لا فضلاً بالتصفيق لنا

وقد انتهت المباراه 4 - 1 لصالح الريـال ..!


وعلى قولة حكيم


ياشامت بالريال فيق .. لايكون نسيت التصفيق ..!


وهي هذه حاجه تنتسي !

يخرب بيت شيطانك ياحكيموف .. جبتها في الصميم


سلآم ..

إقتباس الرسالة الأصلية كتبت بواسطة n_m_h22 الحين اليوم واحد يهايط ومزعجنا ويقول مدري ايش عن برشلونه وان مستوى الريال لك عليه المهم مدري وش جاب عنوان الرابطه وقلته له << وقال لي ان مدريد فيه مره صفق للريال فيها وابغى اتأكد من كلامه هو صحيح ولا لا وشاكر لكم وماقصرتو يالغالين ..!؟

إقتباس الرسالة الأصلية كتبت بواسطة BENZEMA10 مياتوفيتش سيلتقي مع وكيل أعمال اللاعب كريسبو وفقا للجازيتا ديلو سبورت : وكيل اللاعب الأرجنتيني هيرنان كريسبو سيقابل اليوم الأربعاء المدير الرياضي لريال مدريد بريدراج مياتوفيتش لإنهاء كافة التفاصيل لنقل اللاعب إلى مدريد تحياتي لكم ورده

سبحان الله...

اللي وده يشوف نسخة من نادي النصر السعودي يشوف ريال مدريد...

صفقات غير محسوبة...

صفقات تنجز لأنها مجرد صفقات لا غير...

و أقرب مثال صفقة ميتزلدر...

واضح من صفقة كريسبو (إذا تمت) أنها صفقة لمجرد إسكات الجمهور الغاضب و إمتصاص غضبه...

يبقى كريسبو لاعب كبير لكن ما أعتقد يناسب الريال حالياً...

بانتظار عودة المقاول...


تحياتــ ي ـــ

هالحين صار بيريزالمقاول هو الحل !!!
ياسرع ماتنسون ..
بعدين مافيه إلا بيريز أو كالديرون ؟
وإن كان ولا بد فكالديرون أرحم ..