إقتباس الرسالة الأصلية كتبت بواسطة LoVeFoReVeR كالديرون الوحيد الذي يرغب بإعطاء شوستر فرصة أخيرة جميع أعضاء مجلس الادارة يريدون رأس شوستر مياتوفيتش ربما سيعلن عن صفقتين خلال المؤتمر الصحفي هل هي تمثيلية من كالديرون ؟ هل يستمر شوستر حتى لقاء ريكرياتيفو ؟

القرار الثاني أشوفه أقرب !
يا حُوول , رجعنا على أيام بيريز وطقة المُدربين اللي معاه ,
مثل ما قال زيد , خروج شوستر الآن أكبر خطأ يمكن تسويه الإدارة ,
يعني بـ يزيدون الطين بلّه !

واللي يغبنك , الأسماء اللي تبي تخلفه ,
مانشيني ؟!
من متى ذا صار بـ مُستوى الريال ,
أو ميتشيل , ما بزيناه مع الكاستيا , تبيون يجي يدّرب الفريق الأول ؟!


إذا حدثت الإقالة , فـ خواندي راموس أفضل قرار !

لكن لو على الأمنية , كان إخترت بينيتيز مُنذ مُبطي !

#


هـ الساعات حسستني إني بآخر ساعات من الميركاتو الصيفي !


ناصر ,
منوّر يابعدي , وليتك كل يوم تسيّر بس !

إقتباس صفقتين = لاعبين ؟؟ والا صفقتين = مدرب ومساعده ؟؟

لاعبين وش مُساعده ,
رويز يحليله , ليش يجيبون مُساعد ..



لكم ورده ..



إعذرونا عـ القصور ..

ورده

.
.

مساء الخير ..



!!

مع احترامي لريال مدريد .. لكن الإدارة فاشلة بكل ما تحمله هذه الكلمة من معاني !!

لو تمت إقالة شوستر فهذا غباء ! أُقيل شوستر من اللي بيخلفه و بيعدل الفريق

صراحة البلا في الإدارة مو في شوستر .. صورته هنا خلتني أحزن صراحة

أتمنى يدرب الريال مانشيني و تحسون بنعمة شوستر و غباء الادارة



الله يرزقك بريال مدريد يا شيخ

تحياتي للجميع

لكمـ ورده

إقتباس الرسالة الأصلية كتبت بواسطة القطو الازرق لا والله اللي بنكحّلها خخخ بالتوفيق للفريق والمدرب الجديد مهمن كان, اهم شي لا يحوقها ناصر ليتني اشوفك موجود بالرابطة كل يوم مثل كذا, محلّي الرابطة بدون مجاملة ورده وليد, مبروك حبيبي خخخخ ولا انسى عبدالرحمن قنّوص ردودك من تالي ما افوّتها ابد وش هالزين ما شالله يعطيكم العافية جميع, ومتابع بـ صمت

مبارك انا دورني عند أي مصيبة يوم هبطو يوفنتوس تكيت في الرابطة
والحين يوم تدهور الريال ابتكي معكم بعد لو فيه رابطة لتوتنهام كان تكيت فيها ايام هزايم خواندي راموس
يعني انا مثل الغراب

والله يخليك على الملاطفه الجميلة

فيه اخبار غير مؤكده..تقول ان شوستر اقيل من تدريب الريال..!!

//

اتمنى ما يصدق هالخبر..!!

إقتباس في اغلبها لكنك ماخذ بعض الامور ببساطه , يعني مثلا راموس تصرفه الطفولي انت طالبت انه يلطعه احتياط وهنا انا معك 100% لكن مين البديل , بصراحه رعونة راموس ولا نكبات سلقلق ,,, مثال ثاني أمام بلد الوليد راؤول وجوتي كانوا سيئيين والكل متفق لكن يطلعهم شوستر ويلعب مين ؟! شنايدر مصاب على كلامك ! وسافيولا لاتعليق عليه ,,, برضه فارت كان سيء جدا والتبديلات المسموحه 3 تبديلات فقط وعدد السيئيين في الملعب اكثر من التبديلات المسموحه , وياليت فوق ذا كله في بدلاء يعتمد عليهم ويعملون لك فارق ,,, انا اتفق معك وألوم شوستر واقول ليه مايعاقب راموس وليه مايطلع راؤول وجوتي و .. و.. لكن مين البديل !

مسّاك الله بالخير عبيّد .
ما بسطّت المسألة أبد .. هي أشياء بديهيّة ومعروفة .. بيكس لمّا وقّع عقد لطعه كابيللو ولاقلنا وين بديله ؟
ديارا كاسانو عابطوا انلطعوا بالدكة وواحد انباع .. رونالدو وروبينهو بزوطوا واحد باعوه ..
والثاني ربّاه كابيللو لين صار رجال .. ولاقال كابيللو من عندي إحتياط " مع إن الفريق كان بحال أسوأ من الحين "
هلغيرا صار عنصر مهمّ بذاك الفريق بعد ماكان ينظم دورات حواري لأن كابيللو احتاجه وقدر يستفيد منه ..
توريّس بعد خنبقة كارلوس صار موهبة " وقتية وحصرية للدون " طلع الدون وصار عاهة "
بوصل لك إنه مهما كانت الظروف إلا إنه بالأوقات الصعبة يبيّن المدرّب .. وبس .

لما تقول لي إن فارت سيء .. بقول لك سوء مستواه بسبب مركزه الجديد واللي مخترعه له شوستر " جناح أيمن " ؟؟
معروف فارت إنه يلعب ورا رأس الحربة " صانع لعب يعني " أو مهااجم ثاني ..
لكن شوستر من كثر مايقدّر خطة 4/3/3 ماعنده مانع لو يلعب بـ سلقلق جناح أيمن لو استدعت الحاجة.
شيء ثاني .. أنا ما أبي أمس من شوستر تبديلات خخخخ أبي تشكيلة منطقيّة قبلها .. وين يلعب فيه أمس جارسيا ؟ قاقو وين ؟
أشياء قبل ماتتعلق بـ التبديل هي متعلقـّة بـ التشكيل الأساسي اللي المفروض صح عشان تقدر تبدّل اللاعب السيء .
لمّا تحط لاعب " X " بمكان مو مكانه .. بيطلع سيء .. تجي ياشوستر تقول المفروض أبدّله ؟
إلا المفروض أصكك كف وقتها خخخخخ .. ليه تلعبّه بهالمركز أساساً .
فيه واحد نسيت اسمه " شكله جديد الظاهر " قال مو شرط ألعب بـ مهاجمين أو 3 عشان أكون أقوى .
قدّام ملقا لعبنا برأس حربة واحد وكان الفريق قوي هجومياً .. وحنا نلعب بهيجو ووراه فارت ..
اللي بوصل له أمس المفروض راؤول إحتياط ومكانه يلعب درينثي أو بوينو .
لو كان هيغو سيء يدخل راؤول .. لو كان فارت سيء يدخل درينثي .
قوتي أمس نقول مضطريّن لوجوده .. ممكن نعذره فيه لو لعب أساسي .. الظروف حدّته على هالشي " قبل أمس بس "
بس ما نقدر نعذره على وجوده أساسي من بعد ما أصيب بكل المتشات ولايتبدّل ؟

المشكلة وين ؟ .. مهيب إنه أمس مخبّط وقبلها كان ماشي صح .. المشكلة إن تخبطااته من يوم كان الفريق مكتمل "اليوفي ذهاب وإياب" .
ميشان هيك أقول إن فارت سيء بسبب توظيفه + خافي جارسيا ومركزه + قاقو ومركزه .. الملام في هالاشياء شوستر ..
" اشياء غلط مسويها بالتشكيلة صعب تبدلّها بـ 3 تغييرات خصوصاً إن عندك عالتين بالملعب .. تخلي مين وتترك مين " .
وعلى فكرة إذا مايقدر يلعب بتوريس أو سلقلق مكان راموس .. المفروض عقوبة ماديّة ..
المفروض فيه شيء يحسسك إن شوستر له شخصيته بمثل هالمواقف .. يخطي بتصريح ويغاب مباراة ..
يرجع مباراة بعدها ويتوطى لاعب وينطرد .. ويرجع يلعب حتى بدون مانسمع بالصحافة إن النادي عاقبه على سلوكه .


هذا كله كوم وإن الفريق ماقدر ولامباراة يطلع بكلين شيتس إلا قدّام راسينغ
نلعب بمحور وإلا محورين فريقنا دفاعياً مفصخ .. كل مباراة نلقم .. فريق ضعيف وإلا قوي .. لاقمين لاقمين .
كل هذا لازم ينلام فيه شوستر .. فريقنا " إن ماخاب ظني " ثاني أضعف دفاع بالليقا ؟؟؟؟؟؟

ياخوفي نبدّل شوستر ومايكون بديله خواندي .. وقتها إدارتنا تصير وضعت الحبل على رقبتها .

تحياتي لك وللكات الأشهب

‏قـنـ مـدريـ10ـدي ـاص

يالبى قلبك بس .. كلامك واجد .. ولكن لازم نوقف ونقراه


...

إقتباس مياتوفيتش سيعلن بقاء شوستر لاكن النادي بالفعل يبحث عن بديل

ممكن التفكير يتجهه لـ ابقاءه لين ما يضمنون البديل!!



واهم شي نبعد عن مانشيني .. الي اشوفه مو قد نادي مثل ريال مدريد ..





قفله# ..


شباب عندي مشكله بالمسنجر صار لي 4 ايام ! يطلع لي خطأ 81000306 ,, سويت كل شي ما يشتغل .. مع انه اقدر ادخل من اي جهاز ثاني الا جهازي !!

إقتباس الرسالة الأصلية كتبت بواسطة Raul _7 قفله# .. شباب عندي مشكله بالمسنجر صار لي 4 ايام ! يطلع لي خطأ 81000306 ,, سويت كل شي ما يشتغل .. مع انه اقدر ادخل من اي جهاز ثاني الا جهازي !!

أخوي تأكد من تاريخ الجهااز وردلنا

إقتباس الرسالة الأصلية كتبت بواسطة Raul _7 ‏ قفله# .. شباب عندي مشكله بالمسنجر صار لي 4 ايام ! يطلع لي خطأ 81000306 ,, سويت كل شي ما يشتغل .. مع انه اقدر ادخل من اي جهاز ثاني الا جهازي !!

السلام عليكم

ياليت تكتب لنا وش مكتوب برسالة الخطأ علشان نقدر نساعدك اكثر

واعتقد ان اعدادت الاكسبلورر فيها مشكلة , رح وشل كل علامات الصح في LAN SETTING وجرب

هاااااااااااااه يا خوداي راموس....
اتوقع هو الي ينفع للدوري الاسباني...(ريال مدريد)

إقتباس الرسالة الأصلية كتبت بواسطة skroo هلالي مغرور من ناحية التكتيك فالوعد اخر الموسم وان شاء الله الافراح تملى الرابطة الفرق عن المتصدر هو 5 نقاط ولسى الدوري ماخلص الا ثلثه يعني فيه امل ان شاء الله وبالنسبة لايام كابيلو فالفرق كان اكثر مع المتصدر لكن الفريق لحق وقدر يلملم صفوفه وان شاء الله الملكي قادر على هالشي قريبا بس لابد من التكاتف وانا اشوف الان فيه اخبار عن اهتزاز الثقة بشوستر ( كاسياس مايصافحه وكالديرون زعلان عليه ) واذا هالكلام صحيح فعلى مدريد السلام لان انعدام الثقة بين المدرب واللاعبين نتيجتها سلبية بكل تأكيد بس انا مؤيد لكلام اخوي ثامر Z I D A N E بخصوص الابقاء على شوستر رغم كل الظروف وماله داعي الدخول في دوامات اخر فترة بيريز ايام ( المطاريس )