بخصوص سالفة المحورين وان شوستر امس طبقها ومع كذا الفريق خسر ..!
صحيح هالكلام لكن لو شفنا الدفاع ما انكشف بكل الكور مثل اذا لعب شوستر بمحور واحد بس ..!
الريال دايم يعتمد على تقدم الاظهرة اي كان الظهير .. وبالتالي مستحيل انك تغطي منطقتهم بمحور واحد بس ..!
لان هالمحور وش يغطي وش يخلي .. مساحات كثيرة تنكشف ..وصعبه على لاعب واحد والله لو انه سوبر مان ..!

شوستر يتحمل اللي صاير ومحد ينكر هالشي .. حتى لو كانت الادارة ساحبه عليه خلال الصيف ومالبت رغباته .!
من حيث التعاقدات .. لان اي مدرب في العالم له شخصية وله اسلوب وتكتيك .. ما تلبي طلباته يبي ينسحب ويترك لك المجال تسوي بالفريق اللي تبي ..!
لكن شوستر من مسك الفريق وهو لا تاريخ لا انجازات ولا شي ..!
بالتالي اللي مثله وعلى من هم شاكلته يبون يرضون ويسكتون للادارة مهما سوت ومهما فعلت ..!
صحيح ان شوستر تكلم لكن بعد ضياع الوقت واقصد اخر ايام الانتقالات بعد ما طارت الطيور بارزاقها ..!
وضع الريال الحالي يتحمله شوستر والادارة وكلهم بنفس الدرجة .. لكن يزيد على شوستر غباءه وتصرفاته في المباريات .!

اقرب مثال على هالشي مباراة امس .. في اكثر من نقطة تدل على غباءه المستفحل ..

منها اشراك راموس .. صحيح راموس هو الظهير الوحيد اللي مفتح في الفريق .. لكن برضوه احساس راموس ان الخانة مضمونة له ومهما سوى ومهما فعل من كروت غبيه اخرها قدام ملقا وكرت اسخف من السخيف ..!
اقلها عقاب له انك تركنه عندك احتياط .. وتعلمه يحترم الفريق ولا يضيع الفريق بتخبطاته وحركات البزارين ..!

وجود غوتي وفارت .. مستحيل هاللاعبين انهم يجتمعون لك في تشكيلة وحدة وكلهم اساسيين ؟!!
تغطيتهم الدفاعية اكثر من سيئة .. تحركاتهم اقل من القليلة .. تمريراتهم الخاطئة خصوصاً غوتي في الشوط الاول كاني منب غلطان ماسلم الا اربع او خمس كور صح بس ..!! ودي اكتشف اي ميزة لو وحدة بس بوجودهم سواء .!
غير ان فارت مثلاً امس كان سئ هجومياً وما كانت له تحركات ولا شي . لا هو اللي ساعد هيوغوين ولا راؤول ولا ساند الوسط مع غوتي ولا شي .. كان ضيف شرف !!


استمرار راؤول بالتشكيلة .. حتى مع ضياعه .. ما انكر راؤول تحرك شوي الشوط الاول لكن الحركة مهيب كل شي .. لكن من بداية الشوط الثاني ما شفت راؤول ابد .. وكلامي عن راؤول مهوب بس في هذي المباراة كثير من المباريات كان ضيف شرف وكأن الفريق يلعب ناقص .!! بالتالي استنزف هيوغوين كل مجهوده لانه جالس يعوض لاعبين .. راؤول وفارت ..!


قراءة شوستر للمباريات غالباً ما تكون خاطئة .. اقرب مثال مباراة اليوفي في الابطال اللي ضيعت 6 نقاط منك .. الذهاب قدام اليوفي تلعب بمحور واحد وانت تلعب خارج ارضك وانت المتصدر لمجموعتك .. وش اللي يحدك على هالشي والمجازفة هذي .. تكرر الخطأ قدام نفس الفريق وفي فترة بسيطة ونفس الخطأ محور واحد برضوه ..!! بالتالي انت صعبت عليك المهمة ..!



وضع الفريق حالياً صعب .. تغيير شوستر مهوب قادر انه يحل كل المشاكل .. حالياً مافيه ذاك الاسم اللي يجبرك انت تجازف وتغير مدرب بنص الموسم صحيح اني منب مقتنع بشوستر من يوم ما مسك الفريق .. والى الآن منب مقتنع فيه .. لكن السؤال الاهم من هو البديل اللي قادر انه يشيل الريال ويرجعه .!!؟؟

.


ارفع راسك ـ انت مدريدي

.

لكل من ينتقد شوستر ! المغلوب على أمره !
أتمنى أنه ما ينسى !

الفساد الاداري ! الذي خلفه مياتو و كالديرون !

الريال اغنى نادي بالعالم ! واستثماراته في ازدياد !


بس عاجز يجيب له لاعبين !


صدقوني ـ لو شوستر يلعب شنايدر دفاع ! وهاينزه راس حربه !

ما الومه ابداً !

مدرب طلب لاعبين !
حتى يضبط تكتيكه ـ و يرتب افكاره !

يجيك الفاسد و المنحط كالديرون ! يقول الفريق كامل !


شوستر ـ ان رحلت ـ فـ احمل قلبي معك


قوم ديدنهم الخيانه دائماً وابداً

الى هادرجه وصل الحقد على النادي الكتلوني

مااقول الا الريال حارق دمكم

والكبير كبير يامدريد

ورووح الريال ستعوود وتذكرو كلامي

محبكم واخوكم عبدالله

إقتباس الرسالة الأصلية كتبت بواسطة zizo4ever Game Over

إقتباس الرسالة الأصلية كتبت بواسطة zizo4ever . تكفون لا أحد يقول شوستر ماله دخل !!! إذا كل مباراة بتحملونها اللاعبين أجل وش شغل المدرب طلعنا من الكاس قلنا لاعبين أكلنا من اليوفي رايح جاي قلنا لاعبين أجل وش فايدة المدرب إذا ما عرف يصلح أخطاء اللاعبين أعتقد شوستر مو قادر يستحمل الضغوطات الي عليه فالأحسن نشوف واحد ثاني بداله أسهل شىء في الكوره تغير المدرب لأنه مستحيل تغير الفريق كامل و برضوا مستحيل تستقيل الاداره . بورتقال مهوب سىء و نتايجه مع الرايسنغ في السابق تؤكد كلامي الفريق يبي له انتفاضه و هذي ما تصير الا بالاقاله مع أني اتوقع المباراه الجايه هي الي بتكون مباراة تحديد مستقبل شوستر .

حبي

ودي اعرف ! على اي اساس بنيت انتقادك على شوستر !
وعلى اي اساس ! جعلت كل الخلل من شوستر فقط !
وكأنه لا يوجد فساد اداري ! وكأنّ اللاعبين في أوج عطائهم !

همسه لكل منتقدي شوستر !

ناظروا دكة الريال ! قسم بالله تستحون !

إقتباس الرسالة الأصلية كتبت بواسطة beckhaam الى هادرجه وصل الحقد على النادي الكتلوني مااقول الا الريال حارق دمكم والكبير كبير يامدريد ورووح الريال ستعوود وتذكرو كلامي محبكم واخوكم عبدالله

من الخطأ !


النظر للخلف

إقتباس الرسالة الأصلية كتبت بواسطة هلالي بس مدريدي هههههههه والله يا بعض الردود تحفه آخر شي الحين لكم شهرين مسوين زحمه وتقولون العب بمحورين يا شوستر ويوم طبقها قلتوا ما تنفع

معليش يا زيد , شوستر امس مالعب بمحورين ! لعب بـ 3 محاور
((جوتي-جاجو-جارسيا)) وجاجو كان ثابت , وكأن لسان حاله يقول وش تبوني اسوي بعد ,
امس شوستر لعب بطريقه جديده , وشتت الفريق , ((راؤول - هاجوين - فارت )) الثلاثي الهجومي
كانو ضايعين في الملعب ومتشتتين ويتداخلون على بعض في اكثر من مره !! , هذا بالاضافه الى
ان مستواهم كان سيء جدا !! فيه اكثرمن كوره وخصوصا في الشوط الاول نشوف راؤول و فارت
في مكان واحد ومتلاصقين !

طبعا السبب في تداخلهم ان فارت اعطي مهمات ماتعود عليها وجديده عليه وماتفاهم مع اللعيبه
لآنه هذي اول مره يلعب مع الريال كجناح واحيانا يترك خانته ويتجه الى صناعة اللعب<< تعود عليها , بجانب راؤول
اللي لعب في الشوط الاول خلف هاجوين , لذلك ماقدرنا نبني هجمات ولا قدرنا حتى نفرض طريقتنا
على بلد الوليد ,,,

والدليل على ان الهجوم ضايع لاعبين الوسط واخص بالذكر السيء جوتي لو لاحظتوا اذا استلم الكوره
يرفع راسه ويتمخطر ببطء ويدور احد يلعب له الكوره , يناظر قدام مايحصل اي لاعب متمركز بشكل صحيح !
وثم تنقطع الكوره اما بتمريره خاطئه منه او تنقطع من بين رجليه وهو مفهي يدور احد يناوله !!

وطبعا ما ألوم المدرب لآنه اشرك فارت في خانه مو خانته الاساسيه لآنه هذه الحلول المتوفره عنده
وماله اي بديل , في المباريات السابقه جرب درينثي جناح ومانفع والان جرب فارت وما الومه لو جرب
بيبي في الجناح لعل وعسى ان يجد ضالته في الفريق الكامل << وجه يناظر شرشبيل ,,

دفاعيا الفريق ماكان سهل المنال كما حصل في جميع المباريات السابقه كان تحسنه ملحوظ بشكل قليل
وهذي بركات تكثيف المحاور ولكن مازالت الاخطاء الفرديه من لاعبين كبار مستمره وبشكل
غريب تشكك الواحد ان فريقه مسحور او منظول !!


**

كثرة إلقاء اللوم على شوستر لها مبرراتها , اخطاءه في التشكيل متكرره وتجلب المُر ! وتبديلاته غالبا
متأخره او في غير محلها وقاتله !!
لــكــن :
-لماذا لم يقتلنا شوستر بتشكيلته و تبديلاته في الموسم الماضي ؟!
-لماذا كانت اغلب تبديلات شوستر في الموسم الماضي في محلها وتقلب المباراة ؟! وبشهادة الاغلبيه هنا ,,,
-لماذا اختلف الوضع في هذا الموسم مع نفس المدرب ونفس اللاعبين ؟!

تساؤلات اعتقد ان في اجابتها (( الصريحه )) كشف (( جزء )) كبير من المعضله الحاصله في الوقت الراهن ,,,

اتمنى ان لايفهم من كلامي الدفاع عن شوستر او الهجوم عليه بل مقصدي ان المشكله ليست شوستر فقط
بل شوستر مجرد غطـاء ولو تغير المدرب لـ تعقدت المشاكل اكثر واكثر وعلى الرغم من كثرة اخطاءه الا ان
تغييره في هذا الوقت سيئاته اكثر من محاسنه ,,,

قفله : تخيلوا ان كالديرون اهتم بالفريق في الصيـف بدلا من مطاردة رونالـدو ضنكم الوضع اللي صاير الان بـ يحدث ؟!

شكرا لكم ,,,

إقتباس الرسالة الأصلية كتبت بواسطة Z I D A N E . لكل من ينتقد شوستر ! المغلوب على أمره ! أتمنى أنه ما ينسى ! الفساد الاداري ! الذي خلفه مياتو و كالديرون ! الريال اغنى نادي بالعالم ! واستثماراته في ازدياد ! بس عاجز يجيب له لاعبين ! صدقوني ـ لو شوستر يلعب شنايدر دفاع ! وهاينزه راس حربه ! ما الومه ابداً ! مدرب طلب لاعبين ! حتى يضبط تكتيكه ـ و يرتب افكاره ! يجيك الفاسد و المنحط كالديرون ! يقول الفريق كامل ! شوستر ـ ان رحلت ـ فـ احمل قلبي معك قوم ديدنهم الخيانه دائماً وابداً

" ضربتين على الراس توجع " ..

ثامر , المسألة ما يبي لها حل مُعادلة عشان توضح !
قلناها من قبل , شوستر ما يتحمّل أي شي في الخسارة ,
بـ عكس الإدارة اللي أشوفها تتحملها بـ نسبة 99 % !

مافي كور توصل لـ الأجنحة , المسألة بـ كبرها , ما في لاعب جناج !
أغلب وإن ما كان كل اللعب في الوسط , مافي أحد يفتح لك يمين أو يسار ,
عدا راموس , ولو إن مارسيلو بـ درجة أقل ..


شوستر ماله أي ذنب في النتيجة !
لكن هذا ما يمنع إنه وضّف الوسط والدفاع بـ طريقة حلوة ,
لكن كـ العادة , الهدف خطأ من هاينز !
وشوستر ما يتحمل أي جزء منه ,
ونفس الكلام , حاول وحاول , ولو بـ التعادل , لكن راؤول !


هاردلك شباب ..



#


سؤال صريح !

قلب راؤول يطاوعه يستمر أساسي ؟!


,


روبين ,
والله له فقده بـ قوّة !


.
.