السلام عليكم ورحمة الله وبركاته

هاردلكم الخسارة المتوقعة

فريقنا يحتاج إلى غربلة شاملة من خط الدفاع إلى خط الهجوم

شوستر لايلام أنا أصر عليها ( لايلام ياناس ) فلا تقسو عليه وتحملوه كل ما يحدث للفريق

هو يتحمل جزء من المشاكل لكن ليس مسؤول عن كل شيء

موسمكم في بدايته

الفريق سيحقق إنجاز كبير إذا أنهى الدور الأول وهو في المراكز الأربعة الأولى

وفي يناير سيكون الحل بإذن الله من تعزيزات للفريق

قــفــلــة

.
.
إرفع راسك إنت مدريدي
.
.



تحياتي للجميع

حواق × حواق مستوى الريال اليوم ..!
استغرب من شوستر اصراره على غوتي وفارت ؟؟! قسم بالله كانو عله على الفريق !!
لاعبين ما عنده اي استعداد للتحرك يلعبون على الواقف واخلاق زفت مثل خششهم !!
من تنقطع الكورة من اي واحد منهم على طول يوقف ويتفرج ولا عنده اي استعداد انه يتحرك لو مجامله !!
فوق هذا ماله اي وجود .. لا تحركات ولا تمريرات .. اغلبها مقطوعة والا تمريرة خطأ ؟؟!!
فوق هذا كله مافكر يغير الا فارت بس وهو يشوف العك اللي يقدمه غوتي !!
كلهم ما يستحقون انهم يلعبون ولا دقيقة .!! حتى حرام فيهم انك تحطهم على الدكة !!



الهجوم مافيه الا هيوغوين هو اللي يتحرك ويحاول اما غيره فهم مجرد متفرجين لا اكثر ولا اقل !!
ولا يهون النص اللي مافيه الا جاجو هو الوحيد اللي يتحرك ويقاتل وما عنده استعداد انه يخسر اي كورة ..! بينما تشوف الباقين يتفرجون عليه !!

الشوط الاول مافيه اي كورة للريال الا حقت هيوغوين اللي انطلق فيها وكورة راؤول بالرأس بس !!
الشوط الثاني مابدينا نتحرك ونشكل خطورة الا يوم دخل شنايدر .. وكلها تسديدات منه !!
وكورة كنكن اللي من الركنية !! وكورة راؤول اللي شاتها في الحارس !! اللي كمل فيها مستواه الزفت وانه ضيف شرف خصوصاً بالشوط الثاني ضيعها بالكورة هذي اللي مدري وش يحس فيه !!

بشكل عام مستحيل تفوز وانت ما شكلت اي خطورة طول المباراة الا من خمس كور !!
وش هالفريق اللي يبي ينافس وهو ضايع ومهوب قادر حتى يخلق لنفسه فرص !!




لا تخبطات مدرب ولا مستوى لاعبين وغباء ادارة تخليك تنسى شي اسمه تفائل !!
من تشوف غوتي وفارت يتمشون بالملعب والمدرب يتفرج عليهم وانت غاسل يدك !!



متى ما اللاعبين احترقوا بالملعب مثل جاجو و شنايدر وقتها نقدر نقول ان الريال يبي يسوي شي حتى لو استمر غباء شوستر ..!
لكن غباء مدرب وفوق هذا لاعبين من دون روح مستحيل تسوي شي ..!

السلام عليكم ورحمة الله وبركاته

هاردلك الخسارة من بلد الوليد

صراحة ماشفت المباراة بس ابشوف الملخص وبنشوف وش السالفة

إقتباس الرسالة الأصلية كتبت بواسطة دبيب نحيف السلام عليكم شخصياً انا من اشد المعجبين بنضرتك للامور الكرويه و احياناً ادور عن اسمك لاقراء ارائك ولكن اليوم انا اخالفك و اقول قف قف قف قف قف انت تتكلم عن روح البلانكو رؤول المضلوم من متابعتي للرابطه لثلاث مواسم سابقه رؤول مهما سوى زين شين هو عاهة الفريق لمى كاسياس يقل مستواه وهوا سبب خروج الريال من الابطال العام قدام روما واخطائه الفادحه هذا الموسم القى بالرابطه تصفيق وتطبيل له نفس الحكايه مع راموس و كنافارو والفريق كـ كل بس السبب الرئيس على طول ينحط على رؤول رؤول بكل اختصار (شعير مأكول مذموم) واخرتعليق لي على قولك "شتان مابين الثرى والثريا !! واحد شايل فريقه والثاني فريقه شايله " رؤول شال كاس الابطال اكثر من تاريخ اليوفي بس ماهقيت منك انك تنقص من لاعب كبير مهضوم الحق الجندي المجهول

اول حاجة اشكرك على تعقيبك وعلى ثنائك علي في اول ردك وهذا فخر لي

ثانيا راؤول اعرفه زين وبداية معرفتي له في كأس العالم 98 ومن يومها وانا اتابعه
الولد فلتة وظاهره وحقق لريال مدريد ارقام يحسدهم فيها اي فريق ثاني
وراؤول شئنا ام ابينا اسطورة من اساطير مدريد بجوار دي ستيفانو وزيدان وهييرو وبوشكاش ..... الخ

لكن اللاعب معرض للانتقاد حاله حال كل اللاعبين
راؤول مستواه منخفض في اخر سنتين وصاير مثل العالة على الفريق اللهم يشيل الكورة من داخل الباب اذا جت هدف ويركض للسنترة ولا اشوف له تأثير على الفريق مثل دل بييرو ومالديني وجيجز اللي في حالة الازمات يتضاغف دورهم ويتدبل

انتقادي لراؤول مايعني اني محيت تاريخه بالعكس تاريخ راؤول ذهبي ويشرف اي لاعب ولو ما يتسجل في تاريخه الا كلامه في 2005 يوم يقول لو انا سبب تدهور مستوى ريال مدريد انا مستعد للمغادرة وهذا كلام مايقوله الا الشجعان

لكن هالموسم اغلبنا نتفق على انه مجرد صورة

ملاحظه أخيره / اللي لونته بالاحمر من ردك وش محله من الاعراب ؟

السلام عليكم ورحمة الله وبركاته..

في البداية هاردلك لجميع عشاق ريال مدريد الخسارة..

صراحة هناك فرص تهديف اضاعها راؤول وزملائه.. كادت ان تقلب النتيجه ..ولا

تنسون ان حارس بلد الوليد انقذ مرماه في اكثر من هجمه..

,,,,,,,,,,,

نستلروي سيغيب 9 اشهر !!!!!!!! خسارة كبيرة للدوري الاسباني اولا..

ولفريقه الريال ثانيا..

ومع تراجع مستوى راؤول سيتأثر كثير هجوم الريال ..

ارجوا ان تتقبل وجهة نظري المتواضعه بصدر رحب ..

ومشكورين على الجهود في رابطة النادي الملكي ..

دمتم بخير..

هيغوين هيغوين وبس
لاعب يقاتل على الكره تحسه اقل مايقال عنه مجتهد
واالبقيه بدون روح
شوستر اغلاط لآخر لحظه وان شاء الله فعلا تكون اخر لحظه له بـ السنتياغو
شنايدر احتياط؟؟؟؟


آآآآه يابو خورخي ضاعت ارقاب مو فرصه

يا شباب وشياب

هاردلكم الهزيمة اولاً

و بختصــــــار

حتى لو اقالوا شوستر وجاء مدرب مؤقت حتى نهاية الموسم

وبعدها يفكرون في مدرب عالمي و لا مدرب كبير امثال مورينيو وانت رايح

هل تتضمنون ان اي مدرب بيجي يدرب الريال وخاصة

ان الريال في الموسم القليلة اللي مضت اقيل اكثر من 3 مدربين

من هو المدرب اللي بايع سمعته بيجي واي خطاء بيكون اللوم عليه

ومطلوب منه من اول موسم دوري الابطال ووووووووو

و من هو المدرب اللي قادر انه يفرض رايه و شخصيته على الادارة وعلى الاعبين

لازم ذا يكون اساسي وذا احتياط

والله بالعقل

حتى خواندي راموس اللي ماهضمته ماظنتي يجي

ماهو مستعد يغامر سنة على الفاضي وتشوه سمعته

كيف اذا كان مدرب كبير

اذا كابيلو في اول موسم لها جاب الدوري وعدل اوضاع النادي اقالوه

كيف اذا كان مدرب مبتدى او مدرب يبي له وقت عشان يتأقلم مع الفريق





لا رئاسة مثل الناس و لا مدرب زي الناس و لا لا عبين زي الناس

ما اقول الا

الله يصبرني ويصبكم معاي

اول شي احب اقولكم هارد لكم على الخسائر المتتاليه والله يعينكم بصراحه

ويا شبـــاب لازم تفاؤلون في اللاعب الجديد اللاعب النصراوي (رزاق)




وهذا الخبر موجود لا بقنوات ولا بجرايد ولا بمنتديات
وعلى العموم لازم تعطونه فرصه في النادي الملكي مو عشان يثبت نفسه
لا عشان يعرف يثبت الكوره ....

انا يا شباب ما جبت الخبر عشان اتمهزى بعشاق رابطه الريال لا والله
جايب الخبر عشان يثبت لنا ان اداره الريال والمدرب فااااااااااااشله
بما تعنيه الكلمه..

مع العلم اني اميل للريال بس جنوني الريدز وتقبلوا تحياتي

إقتباس الرسالة الأصلية كتبت بواسطة skroo لكن اللاعب معرض للانتقاد حاله حال كل اللاعبين

إقتباس الرسالة الأصلية كتبت بواسطة skroo راؤول مستواه منخفض في اخر سنتين وصاير مثل العالة على الفريق اللهم يشيل الكورة من داخل الباب اذا جت هدف ويركض للسنترة ولا اشوف له تأثير على الفريق مثل دل بييرو ومالديني وجيجز اللي في حالة الازمات يتضاغف دورهم ويتدبل

Game Over
.
تكفون لا أحد يقول شوستر ماله دخل !!!
إذا كل مباراة بتحملونها اللاعبين أجل وش شغل المدرب
طلعنا من الكاس قلنا لاعبين أكلنا من اليوفي رايح جاي قلنا لاعبين
أجل وش فايدة المدرب إذا ما عرف يصلح أخطاء اللاعبين
أعتقد شوستر مو قادر يستحمل الضغوطات الي عليه
فالأحسن نشوف واحد ثاني بداله
أسهل شىء في الكوره تغير المدرب لأنه مستحيل تغير الفريق كامل
و برضوا مستحيل تستقيل الاداره
.
بورتقال مهوب سىء و نتايجه مع الرايسنغ في السابق تؤكد كلامي
الفريق يبي له انتفاضه و هذي ما تصير الا بالاقاله مع أني اتوقع المباراه الجايه
هي الي بتكون مباراة تحديد مستقبل شوستر
.
صدى الامس منورنا بوجودك

ملخص مقال الفريدو ريلانو


- تحدث ان المدرب لا يحكم عليه بسبب نتيجة مباراه او اذا خسر او فاز لكن ينظر الى سيطرة المدرب على فريقه واتصاله مع الجهاز الفني وهذا ينقص شوستر

- حمل الاداره مسؤولية الفشل في التعاقدات لكنه يقول ان لاعبي الريال الحاليين يستطيعون هزيمة يونيون وبلدالوليد وهم افضل منهم

- كيف ضيع راؤول الانفراده؟؟؟؟

- انتقاد لتغييرات شوستر وقال انها فقط لاعب يدخل ويخرج بلا تكتيك

- اخيرا, اماما اسبوع من دون مباريات ويوجد مدربيين داخل ةخارج اسبانيا اي انه يطلب التغيير

Relano AS....