27/10/2008, 07:28 PM
|
 | زعيــم فعــال | | تاريخ التسجيل: 12/10/2004 المكان: الرياض
مشاركات: 451
| |
عبدالاله يا لبا قلبك انت 
أول شي ... كلامي ماكان سببه اني احط شخص بدل شخص.... فكرتي كانت لاعب غاثنا بالملعب... ولاعب مبدع وقال الحق... وحط تحت كلمة الحق اي عدد من الخطوط وانت أيدتني بالنقطة هذه مشكورا ومنفتح الذهن على نقكة الحوار الراقية المعهودة منك
كلامي كان اننا نشوف الاثنين...ونشوف هذا وش جاه وهذا وش جاه
وبالنسبة لمسالة ان شوستر ابخص... انا معك...ومثل ماقلت من قبل انا من مؤيدينه...لكن هل هو قادر على زحزحة راول لو في هذا الشي صالح الفريق؟؟؟ ما اظن ابدا
ولكن...احسن انه ارتاح ودخل مبدأ المداروة...ثانيا..اتوقع لو راموس مكان سلجادو امس..كان انطرد من الشوط الاول
ومن ناحية ان راول و من مبدا واجبه ككابتن للفريق ماسلم على راول... اعذرني واسمح لي اقول اصلا الفكرة خطأ
اولا...الواحد لما يشوف الكل ضده...وش تترجى منه؟؟مافي احد يساعده (يساعده يرجع للصواب وليس المساعدة في الاستمرار في الخطأ)...وش تتوقع منه...خصوصا لا صار قليل الخبره... وينرفز بسرعه
ثانيا.. اللاعب بيشوف ان مافي احد اخذ بيده...ما اقول انه يشجعه على الخطأ ( لو فرضنا جدلا انه أخطأ).. لكن مقصدي ان احد يشد والثاني يرخي...واللي يرخي يكون من باب تقريب اللاعب للجهة اللي تشد
يعني ابسط مثل في البيت...الاب والام مع البزران...كلنا نعرف ان الاب دايم الشديد والام هي الحنون...وتداري على اخطا عيالها...هل هي تشجعهم على الخطأ...لا طبعا...لكن تحاول تكسب ود البزر..و بعدها تفهمه
مثال كروي ثاني...في مسألة التلاعب على نغم النفسية...سامي الجابر والدعيع وفي لقاء في موسم 2001 او 2000 يوم يوم الهلال يوردانيسكو وجابو الرباعيه...في لقاء تلفزيوني الاثنين اتفقوا ان يوردي اذا شاف اللعيبة بين الشوطين مبسوطين وفالين الحجاج...هزأهم حتى لو كانو مقدمين اعلى مستوى.. واذا شافهم متحطمين والمستوى طايح...كلمهم بهدوء وواساهم ووقف معاهم
اخر مثل ربينهو...شوستر سانده رغم انه قلل من حجم الريال ككيان و عظمة...والادارة كانت ضد روبينهو
راموس...الادارة ساكته للحين ماندري وش تطبخ له...و مبين ان شوستر زعلان..وراموس ومثل مانت قلت...ماقال الا الحق...وتكلم عن نقص بالخانه فقط
+++++++++
موضوع بيكس...انا ماجبت طاريه راموس هو اللي تكلم وقال بيكس....
لكن خليني اوضح نقطة
فيجو انتقل في سنة 2005 اعتقد...يعني موسم 2005 - 2006 بيكس لحاله يمين...و موسم 2006-2007 جا كابيلو وورا بيكس العين الحمرا...بعدها بكس تفلت الين نهاية الدوري وبعدها انتقل
في كثير من الاحيان بيكس كان يلعب محور...او يلعب بالدائرة...حتى اذكر كلمة الشتالي..يقول شوف اشكال جوتي وبيكهام محاور الريال...كيف هالاشكال تكون محور...
ووقتها استاذي كان الفريق كله مزري...ونعتمد على الله ثم زيزو...ولا زلت اذكر كلمة وليد يوم قال...زيدان و 10 خشبات بالملعب تجعلني أتفائل بالمباراة
يعني كان يمكن,,واحتمالية ضعيفة...ان بيكس لو كمل كان بيكمل التفلت...خصوصا وان الروح اللي جت مع كابيلو نشوفها للحين مع شوستر
ولاتنسى انه تفلت وهو رايح لامريكا وخلص كل اموره...يعني المسالة مسالة اثبات وجود وتحدي بينه وبين نفسه اكثر من محاولة ارضاء للريال...وان كنت اعتقد انه ما كان يمنع بيكهام ان يستمتع بلحظات حلوة وترحيب من جمهور المرينغي قبل لا يطلع ويذكرونه بالخير ولو لمدة 3-4 اشهر
انا هنا ما ادافع عنه...انا اقول انه فشل فنيا مع الريال,,, وحبي لللاعب ما يخليني اغير حقيقة فشله الفنية..حتى في اوقات لعبه في اليمين وان كان النادي استفاد من وراه ماليا ولكن هذا مو محورنا
واقولها صراحه.... والله على كثر ماتمنيت لاعبي المفضل في ناديي المفضل...الا ان بعد ماشفته...قلت ليته ماجا
عبدالاله,,,ارق تحيه على حوارك الراقي ورده
|
![●● ║ رابطة عشاق ريال مدريد..][ 2008-2009 ][║●║● UNO,DOS,TRES..WELCOME CRIS ][](iconimages/t609623_rtl.gif)
ورده ..
الوضع العادي
