سليم يابعد قليبي

القضية مو انها فيه فائض او لا

السالفة زي ماسمعتها الظاهر انها اراضي اشتراها بيريز وله حق التصرف فيها او مدري وش القصة


نبي ننتظر رد الشباب اللي عندهم خلفية


سليم .. اي لايك يو مان .. ويذ اوت أني فكن ريزون

اذا كان فيه صفقات هذي السنه للريال

اتمنى ان هذا الانسان يكون اول صفقه

وهو يتكفل باللاعبين زي ما سواء لتشلسي

إقتباس تتوقعون وش كان بيكون رد لابورتا لو نفس كلام بيريز قاله كالديرون؟؟؟

ابطت يقوله
تبي اتوقّع .. عطني شي واقعي ..

اما بهالسّؤال كأنّك تسأل " وش تتوقعون يصير لو القطو يحلّل الوضع الاقتصادي للريال ؟ "
شي مو واااااقعي ابدا

< سلّكله .. سلّكله



الا على طاري الاقتصاد وسالفة الدّيون الي تكلّم عنها بيريز ..
مابي اتفلسف بهالموضوع لان مالي دخل بالاقتصاد ابد

بس ياجماعة كلامكم وخوفكم ماله معنى ابد
بيريز مب هيّن .. ومستحيل يتكلّم بمثل هالموضوع ويقول انه بيصرف كثير بالصّيف الجاي ووراه ديون كبيرة بنفس الوقت

اللي متاكد منه ان بيريز يعرف من وين تطلع القروش ..
وما عليه خوف ابدا من هالناحية
المشكلة هيّ ، انه ممكن يضحّي بـ " الشكل الفني " للفريق على حساب انه يضخّم من نفوذ الريال الاقتصادي
< متعوب عليها هالجملة .. والله متعوب عليها

لا تنسون ان بيريز يوم جانا سنة 2000 كان وضع الريال اقتصاديا مهزوز وعليه ديون كبيرة جدا ،، حوّل الفريق لـ اغنى نادي بالعالم في 4-5 سنوات

ارجع اقول .. بيريز ماعليه خوف من هالناحية ابد


#

إقتباس الرسالة الأصلية كتبت بواسطة Z I D A N E زيد انا ممكن بكون مثلك ما ابي انشيلوتي ! لاني اشوفه مدرب ضعيف شخصيه ! لكن اذا كان الخيار لي بين { فينجر ـ انشيلوتي } فـ اكيد بقول انشيلوتي ! مدرب ضعيف شخصيه ! ازين لي من مدرب ! يكره النجوم وهمه الاول والاخير رعاية الصغار !

ثامر ..
مين قال انه يكره النجوم ؟
الارسنال - مع احترامي - فريق مطفّر بالمرة .. ميزانيتهم السنوية بالصّيف 20 مليون وحولها .. ما يقدر يجيب منها احد
استثمر بهالفلوس وقال بدل ما اجيب لاعب واحد سوبر ستار - اجيبلي 3-4 لعيبة شباب متحمسين يفيدون النادي ..

وهذاهو الارسنال اللي تشوفه الحين ..
على ان معدّل اعمارهم صغير لكنّ مثل ما قالوا بعض الشباب يحافظ على مركزه بين الاربع الاوائل في اقوى دوري بالعالم + يوصل بعيد بـ دوري الابطال

انشيلوتي ؟
كنت اعتقد انه كويّس للفريق .. بس بالفعل بعد ما جابوا الشباب نتايجه مع الفرق اللي درّبها - الميلان واليوفي اثنينهم فرق سوبر - ومع ذلك ما قدر يجيب الا بطولة دوري وحدة + بطولتين دوري ابطال

زيادة على هذا ، انشيلوتي مو المدرّب السوبر ببطولات النفس القصير
يكفيكم هالسّنة كانت فرصة ذهبية للميلان انه ياخذ بطولة الاتحاد الاوروبي وضيّعها !



لسّه بدري ياقدعان على هالكلام
بعد مؤتمر بيريز الجاي بتتضح معالم الفريق بشكل كبير السنة الجايّة << اتمنى عالاقل
والصّيف قرّب


يعطيكم الفين عافية هالمرة
ماتقصّرون والله ،، كل يوم 4-5 صفحات على نقاشات عالية المستوى ..
ماودّي احشّ بالروابط الثانية بس بعضها وضعها مضحك

باي ذا واي .. آي فكن لوف يو قايز
كيفني معك يحيى ؟ خليتك قدوتي


برب

للي يسئل عن ديون الريال

سوف تكون 120مليون يورو مع بداية الموسم المقبل

,,

إقتباس للي يسئل عن ديون الريال سوف تكون 120مليون يورو مع بداية الموسم المقبل

اعذرني محمد .. بس مصدرك الله لا يهينك !

هلا بشباب ازعمي

والله انكم كفو

عساكم عالقوه

إقتباس لابورتا يهدء الاوضاع مع فلورنتينو فلورنتينو رجل محترم ويفهم الروح الرياضية

لابورتا ههههههههههههه اكفشششششششششششششششششش بالع اوم العافيه

وبعدين وش الروح الرياضيه؟

هذا احتراف ولا له دخل بالروح الرياضيه ولا غيرها

يعني صارت التعاقدات خارجه عن الروح الرياضيه

لابورتا خايف يصير مثل ماصار مع فيقو

واتمنى اذا بيصير هالشي وبيتعاقد مع احد لاعبي برشلونه يجيب انييستا مع انها صعبه يجيب كتلوني

اذا بيجيب لاعب من برشلونه بيجيب لاعب مو اسباني

بس اغلب لاعبي برشلونه اسبان كتلان !!!


اهم شي يعزز صفوف الريال ويكون قادر على المنافسه بكل المسابقات


ومبروك ثلاثية الشباب مع الرأفه طبعا

اكفشششششششششششششششششش

إقتباس الرسالة الأصلية كتبت بواسطة Madridi اعذرني محمد .. بس مصدرك الله لا يهينك !

والله ما عندي المصدر

لكن اذكر هالشي بعد عقد الجلسه العموميه في شهر
يناير وقتها ظهر كالديرون وقال ديون الريال كل فتره تتقلص
وفي بداية الموسم المقبل سوف تكون 120 مليون

واعذرني لن ما عندي مصدر

إقتباس لقيت خبر ما أدري عن مصداقيته يقول ديون أندية الليغا 3.5 مليار .. الريال هو الأعلى بـ 563 مليون يورو .. بصراحة أستبعد هالشي .. الخبر ماراح عليه شهر .. هنا ..

وهذا اللي قاله ادواردو .. الريال ديونه ما بين 300 -500 بعضها على مدى قصير والاخر على مدى متوسط

" صافي ديون النادي كان 199 مليون يورو , وليس 500 مليون يورو أو 340 مليون يورو كما يدّعي البعض ولا أساس له من الصحّة , وهذا لا يخرج إلاّ من جاهل , ولكن الجاهل من الممكن تعليمة . المبلغ المدّعَى نستطيع تغطيته بأموالنا الخاصة , ولكننا لا نريد ذلك . الدّين ليس سيّئاً , مدريد يولّد فائض 100 مليون يورو كلّ عام , وهذه الديون لا تثير القلق , السيئ هو الحصول على الدين لتمويل الخسائر المالية في العالم , نحن نوصف في عالم المال بالجودة العالية من الجدارة الإئتمانيّة . سيولة النادي كما يلي : التوازن النقدي 85 مليون يورو , وخطوط الإئتمان الممنوحة دون 29 مليون يورو كضمانات مصرفية هي 47 مليون يورو " هذه هي الحسابات النظيفة للنادي وفقاً لنائب الرئيس , وتحدّى خوسيه إغناسيو ريفيرو الشركاء الإقتصاديين الذين لا يقبلون بذلك , وإذا أثبتوا العكس ريفيرو سيستقيل , وإن كان ذلك صحيحاً يستقيل الشريك الإقتصادي .

.
.


من ترجمة عزوز قبل الجمعية العمومية اللي كانت ايام العيد الأضحى ..
و بكذا ريّحنا كثير ..

عيال ديون النادي بتأثر على الفريق هقوتكم
ياعيال فلورنتينو اذا مسك الرئاسه
بيتسهل كل شي خصوصا انه تاجر وعارف كيف يسدد ديون النادي بعدة طرق
والجزء اللي لهفه كالديرون معوض بوجود بيريز في الرئاسه
اهم شي بيريز يقهر كالدي بالرئاسه
ولا الديون محلول امرها ولا فيه اي دين يؤرق ريال مدريد النادي الملكي العريق
والاراضي اللي تقولون عنها تاكدوا ان بيريز راح يتصرف بها تصرف سليم
وتاكدو ان الريال من الناحيه الماليه ماعليه خوف بوجود فلورنتينو اللي تعودنا نشوف الريال في عهده اغنى نادي في العالم ولحد الان هو من اغنى الانديه في العالم
وتاكدوا ان بيريز ماراح يعبث في الريال مثل ماقال انه تعلم من اخطاءه

إقتباس من ترجمة عزوز قبل الجمعية العمومية اللي كانت ايام العيد الأضحى .. و بكذا ريّحنا كثير ..

خالد ..

سؤال غبي

من اللي استقال ؟

هل ادارة كالديرون جديرة بالتصديق

اين ذهبت 300 مليون ؟!

بعد كل هالاسئلة .. هذا الكلام انا لا اصدقه