إقتباس الا عبدالله بنزيما وراه مختفي هاليومين ماله حسّ ؟

الاخ من شلة المهايطية قبل الكلاسيكو .. دوره في منتدى الثقافة الاسلامية او صيد الانترنت مع يحيى وزيد

على فكرة .. جهاز خوينا عبدالله FLORINTINO انسرق للاسف .. لذلك يستسمحكم على قلة التواجد .. والله يعوضه ان شاء الله

إقتباس ياشيخ ليتني اكتب كل يوم ردّ يستفزّك دامنا بنشوف يوزرك منوّرنا والله

يالبيه تكفى انت الوحيد اللي ما اعرف اتنرفز منه يا اخي انت اخوي واحبك والله << بدينا لووول

إقتباس الرسالة الأصلية كتبت بواسطة Madridi الاخ من شلة المهايطية قبل الكلاسيكو .. دوره في منتدى الثقافة الاسلامية او صيد الانترنت مع يحيى وزيد على فكرة .. جهاز خوينا عبدالله FLORINTINO انسرق للاسف .. لذلك يستسمحكم على قلة التواجد .. والله يعوضه ان شاء الله

يؤيؤيؤيؤ
من الحقير اللي سارقه
الله يعوضه خير انشالله
عليه بالمقاهي اجل

إقتباس لكن لفت نظري شيء غريب أن كالديرون من الممكن يأخذ فيها عقوبة سجن مؤبد !! مدي هو صحيح الكلام هذا ولا لا !

مثل القضايا هذي فيها حق عام وحق خاص !
الخاص على ماا عتقد هم بقيه اعضاء الاداره الي ورطهم كالديرون بدون علمهم والعام
أتوقع انه الحكم الي بيصدر على كالديرون بسبب التلاعب او كذا .

<< محامي سابق

شباب انا زيد وهذا يوزر اخوي جهازي فيه فايروس

عبودي الله يعوضك بجهاز أطلق منه
والي سرق جهازك ان شاء الله مدعوس تحت تريله

نيجريدو مهاجم الميريا تحدث عن امر احتمالية عودته الى ريال مدريد
وقال " لن اذهب الى ريال مدريد لكي اكون مهاجم خامس ! " ..

http://www.cadenaser.com/deportes/au...rcsrdep_9/Aes/

* *

ادواردو جارسيا يهيء عرضاً لـ فابريجاس ! ..

http://www.defensacentral.com/real_m...ferta-por-Cesc

إقتباس الرسالة الأصلية كتبت بواسطة القطو الازرق يعطيكم العافية شباب عالمجهود .. خصوصا ً برهوم وسليم .. الا عبدالله بنزيما وراه مختفي هاليومين ماله حسّ ؟

مرحبا
من معي ؟!
هههههههههههههههه
إيه يا مبارك في هالدنيا موجود بس الدوام قاطعني عن العالم
تدري إني لين ألحين ما أدري كم نتيجة الكلاسيكو
يابن الحلال نبي الموسم ذا ينتهي بس علشان نعرف وش وضعنا
نبي نشوف الملف حق الإمبراطور بيريز
علشان إذا هايطنا ما يحتاج نشوف المباراة اللي هايطنا بها من قوة الثقة
جايكم بس خلوني أخلص هالشفت و أبشرو بالطلات البهية

النقاش بتاع الواد خالد



شوف أنا بأتكلم عن فينغر
كل الناس يقولون إن فينغر مدرب يعتمد على اللاعبين الصغار
و هذي السياسه ما تصلح لـ ريال مدريد وووو إلخ إلخ ..
أرسين فينغر في عام 2004 حقق الدوري الإنجليزي بدون هزيمة
لكن خلونا نشوف بعض اللاعبين اللي كانو معه في الفريق
[ بيرجكامب - هنري - ليونبيرغ - بيريس - فييرا - جيلبيرتو سيلفا - آشلي كول
سول كامبل - توني آدمز - ديفيد سيمان ]
و كثير من اللاعبين الكبار في الفريق الأساسي و الإحتياطي ..
لكن بعد خروج الفريق من ملعب هايبري و إنتقاله إلى أستاد الإمارات
اللي كلف الفريق كثير و السالفه مو بس ملعب و خلصنا .. لا
الملعب تم بناءه في أغلى منطقة في لندن و كان كبار تجار لندن رافضين أن يتم
بناء الملعب في هالمنطقه
لكن إستطاع الأرسنال أن يكسب القضية أمام تجار لندن
وأن يبني الملعب في المنطقه لكن بشرط
وهو أن يتكفل الأرسنال بالمرافق اللي حول الملعب من شوارع و أنفاق .. إلخ ..
وهذا بالتأكيد سيكلف الفريق أكثر مما يحتمل ..
يعني الفريق عنده ملعب و مرافق و أموال ستصرف غير الدين السنوي
اللي يدفعه الأرسنال بقيمة 24 مليون سنويا
فتغيرت سياسة النادي بالتفاهم مع فينغر وهي بوضع سقف للرواتب و جلب اللاعبين
صغار السن و الناشئين و اللي ما يكلفون النادي ميزانية كبيرة

شوف عندك فان بيرسي حاليا يستلم 70000 باوند في الأسبوع وهو نجم الفريق
و شوف هنري لما كان في الأرسنال كان يستلم 200000 باوند في الأسبوع

خلاصة البربره هذي إن الظروف أجبرت فينغر على تغيير سياسته بالإتجاه
إلى صغار السن و الناشئين و تاريخه يشهد له إنه مدرب كبير و هذي ليست سياسته
لكن الظروف هي اللي خلته يمشي و يواصل على هالمشروع
اللي فشل بوجهة نظري ..

و إذا وافق بيريز على إعطاء فينغر الصلاحيه الكامله خذوها من عندي
بيكون فريقنا شي ثاني ..

إقتباس الرسالة الأصلية كتبت بواسطة Barhoum زيزو سيعود الى نادي ريال مدريد مع فلورنتينو بيريز كـ مستشار رياضي وهذا هو الذي جعل ريبيري يلعب لريال مدريد , حيث وعندما كان زيزو نجم في الملاعب كان يعتبره ريبيري مثال يحتذى به ولايزال هذا الشعور عند النجم الفرنسي , كل شيء يبدو الآن على مايرام . في الواقع فأن جريدة ليكيب الفرنسيه تعتبر مصدر قوي , حيث وفي غضون عشرة أيام سوف تنشر وبشكل رسمي توقيع اللاعب الفرنسي بلال ريبيري مع ريال مدريد .

زيزو
وجوده فقط في البرنبيو روعه
وكيف مستشار رياضي

إقتباس فلورنتينيو بيريز اتفق مع كاكا

مضمونه

هالمملوح حكم مباراتنا امام فياريال الاسبوع بعد القادم ..

إقتباس برأيكم من الأفضل لتدريب الريال و الأنسب .. و فضفضوا يعني عيوب الصحافة الإسبانية ، ميزتها مع المدرب .. من الرئيس اللي يناسب لهالمدربين !؟

خـالد

عن نفسي أفضل مورينهو بالدرجه الاولى ويأتي بعده فينجر ثم أنشيلوتي .. كلهم اسماء كبيره واي واحد منهم يجي
يعتبر مكسب وانجازاتهم وارقامهم تحكي عنهم ..

راح اعلق على النقاش بعيد عن الامور الفنيه ! ..

:: مورينهو ::

تعجبني الكاريزما اللي يتمتع فيها وشخصيته القويه والصارمه .. ونادرا او مستحيل تحصّل لاعب
تدرب تحت يد مورينهو حاقد عليه او يكرهه او يسبه ! .. هذا بالرغم من صرامة مورينهو الا انه
اللاعبين يحبونه ويحترمونه .. أعتقد ان سر ذلك هو " ايثار مورينهو للاعبين على نفسه " ..

يعني مورينهو يقدم مصلحة اللاعب على مصلحته .. لآنه في النهايه هو الكسبان اذا نجـح اللاعـب
ولنا مثال في دخول مورينهو للمهاترات مع الصحافه الايطاليه او الانجليزيه سابقاً ! , اعتقد انّ مورينهو
يقصد بذلك ابعاد ضغوطات الصحافه ومشرط نقدهم عن لاعبي فريقه ! .. والجميع يعرف مدى تأثير الصحافه
على اللاعبين فهم يستطيعون تدمير اللاعب او يرفعونه للسماء ويزيدون ثقته بنفسه ! .. وحنّا في مدريد
نعاني كثير من الصحافه المدريديه وغير المدريديه ومهاجمتها الدائمه لـ لاعبي الريال واظهار الشائعات عليهم !
او المبالغه في مدح اللاعبين وتصويرهم لنا بأنهم فلتات زمانهم بمجرد ابداع اي لاعب في مباراة او ثنتين ! ..
ولنا مثال في المديح المبالغ فيه اللي جاء شنايدر و فارت في بداياتهم وكيف تأثر مستواهم من ذلك ..
اعتقد وجود مورينهو راح يحل المشكله هذي لآنه هو اللي بيكون في وجه المدفع .. وكذا اللاعبين يعطون
افضل ماعندهم بدون تأثيرات جانبيه .. والنجاح في النهايه من مصلحة الجميع ..

طبعا هذا غير اسلوب لعب مورينهو المميز وقراءته الرائعه للمباريات .. لكن لا اعتقد ان مورينهو راح يتوافق
مع قناعات بيريز الا اذا فعلا بيريز تغيّر ..

* * * *

:: فينجر ::

بدخل في الخط على كلام عبدالله (بنزيما)

نادي ارسنال مو هو الوحيد المديون ! .. كل اندية انجلترا تعاني من الديون والعام الماضي رئيس الاتحاد
الانجليزي ديفيد تريسمان حذر من الازمه اللي تعاني منها الفرق الانجليزيه وأنها قد تهدد مشاركة الفرق
الانجليزيه في دوري الابطال لآن الديون بلغت 5.36 مليار دولار .. وثلثي هذه الديون من نصيب الفرق
المشاركه في الابطال ( المان 764 مليون جنيه استرليني ) , تشيلسي ( 736 مليون ) , ارسنال ( 318 مليون )
وليفربول ( 350 مليون ) .. وطبعا ديون الارسنال من ملعب الامارات اللي من بعده زادت مدخولات النادي !

كيف المان و تشيلسي يشترون اللاعبين بمبالغ عاليه بينما الارسنال يعتمد على المواهب ؟ .. اعتقد ان المسأله
واضحه وفكر فينجر معروف بأنه يحب شراء اللاعبين الصغار ويصقلهم على طريقته الخاصه مثل فابريجاس جابه
وعمره 16 سنه وصقله على طريقته ..

ثانيا بالنسبه للاعبين اللي ذكرتهم , طبعا معروف ان بيرجكامب ماجلبه فينجر وكان موجود قبل مايجي فينجر
ونفس الكلام ينطبق على سيمان وتوني ادمز , يعني هو اعتمد عليهم في البدايه لآنه وجدهم لاعبين
مبدعين واضاف عليهم انيلكا .. وبعد ماحقق الدوري اول مره بدأ في الاعتماد على اوفرمارس وبيتت وانيلكا وغيره
ثم فرط فيهم الاول والثاني راحوا للبرشا والثالث للريال رغم انهم لاعبين متألقين وبارزين ! .. ثم بدأ في الاعتماد
على هنري وغيره وبدأ يصقلهم وبعدة كم سنه صار عنده فريق قوي ينافس على الدوري والابطال ولكن نفس
اللي سوّاه مع انيلكا وافرمارس وبيتت سوّاه مع هنري وبيريز و فييرا وبدأ في الاعتماد على لاعبين صغار يكونهم
على طريقته بدون التركيز على البطولات طبعاً او على الاقل عدم جعل البطولات اولويه ! وعلى ما اظن هو ذكر
بنفسه بأنه تهمه الكره الجميله بغض النظر عن البطولات ! ..

يكفي ان نعرف ان الارسنال اصغر الفرق الاوروبيه عمرياً لكي نتأكد من هذي السياسه لـ فينجر !
ويكفي تصريح فييرا اللي انتقد فيه سياسة فينجر وقال ان الارسنال مايملك قائد حقيقي ومايملك
لاعبي خبره وان فينجر مخطيء بالاعتماد على المواهب فقط , وهذا مو كلامي انا
هذا كلام قائد سابق لعب تحت مضلة فينجر وهو ابخص ..

طبعا جمهور الريال وصحافته ماترحم وماعندهم اي صبر .. وكلنا نتذكر مطالبتهم بإقالة الدون كابيلو بعد
فتره قصيره من بداية الدوري ! .. مافيه شيء اسمه اصقل ونصبر لين يشتد عوده ومن هالكلام
يبون نتايج على طول , وطبعا الشيء هذا مستحيل مع فينجر الا اذا اتفق مع بيريز على قناعات وفلسفه
معينّه لـ تسيير النادي ! .. يعني يكون فيه اتفاق بينه وبين بيريز ان الريال لن يعتمد على المواهب فقط !
وياليت يجي فينجر ويدمج المواهب مع الجلاكتيكوس ويكون الريال نااااار ..

* * * *

:: انشيلوتي ::

أنشيلوتي مدرب كبير , وتاريخه وإنجازاته يثبتون ذلك .. ويكفي أنه في الـ 2007 وبـ فريق متهالك
إستطاع تحقيق التشامبينز .. ومن أكبر مميزاته إجادة التعامل مع النجوم

والكل يعلم بأن عيب انشيلوتي أنه مطيع ومطبل للشيوخ ويسكت ومايطالب بـ لاعبين ..
ولكني أرى أنه اختلف قليلا ً هذا الموسم .. قرأت له عدة تصريحات بـ مطالبته للاعبين
وتحديد المراكز المتطلبة للدعم .. وهذا شيء ايجابي وفيه تطوّر

عبدالإله

فينغر فيه سلبيه وحيده واللي هي
إنه إذا قال اللاعب أبي أطلع قال له إنقلع في اللي ما يردك
ومنهم أنيلكا اللي قال أنا طلعت من الفريق بسبب أنانية أوفر مارس
تخيل علشان عذر زي كذا قاله الباب يوسع جمل
و مثلهم مع لاعبين آخرين ..

بالنسبه للديون و ليش الأرسنال مو مثل المان و البلوز ؟!
أنا ذكرت في ردي إن الإدارة هي اللي طلبت تخفيض سقف الرواتب و فينغر وافق على هالشيء
و على فكره اللي دمر الأرسنال بزياده هو وجود مستثمرين من جنسيات مختلفه
ما يهمهم الفريق بقدر ما يهمهم المال لأنهم و بكل إختصار يبحثون عن المال وين ما كان ..
أرسنال ما عنده مالك للنادي وهذا سبب من الأسباب ..

طيب شف فينغر تعاقد مع سيلفستر و مع أرشافيين و شف كم أعمارهم
في آخر ساعات الميركاتو الصيفي طلب ألونسو
و الموسم الماضي كان يبي بيرباتوف وكان داخل في صفقة توريس مع ليفربول و مانشيستر
شف الأسماء هذي كلها لعيبة كبار ولاعبين خبرة لكن ما فيه فلوس ..

فينغر له تصريح في الجارديان و قال فيه
إن القيود المالية جعلته يعتمد على اللاعبين الشباب في هذا الوقت
لكن الرئيس نفى هالشي وقال فينغر ما طلب لاعبين <<< كذاب هالحقير
و يقول إحنا عطيناه فلوس و جبنا له أرشافيين بـ 15 مليون الله و أكبر والله لو إنه دافع 100 مليون
ما جاب إلا لاعب واحد و يمن به إبن الكلب [ كالديرون نسخه 2 ]

إقتباس الرسالة الأصلية كتبت بواسطة قاهر الظروف طبعا جمهور الريال وصحافته ماترحم وماعندهم اي صبر .. وكلنا نتذكر مطالبتهم بإقالة الدون كابيلو بعد فتره قصيره من بداية الدوري ! .. مافيه شيء اسمه اصقل ونصبر لين يشتد عوده ومن هالكلام يبون نتايج على طول , وطبعا الشيء هذا مستحيل مع فينجر الا اذا اتفق مع بيريز على قناعات وفلسفه معينّه لـ تسيير النادي ! .. يعني يكون فيه اتفاق بينه وبين بيريز ان الريال لن يعتمد على المواهب فقط ! وياليت يجي فينجر ويدمج المواهب مع الجلاكتيكوس ويكون الريال نااااار ..

وهذا اللي بيصير إن شاء الله

اخوي خالد اخواني ماقصروا ودي اتكلم بس مالقيت شي جديد اضيفه على كلام الاخوان
كفيتوا.. ووفيتوا.. والله لكم نظره عقبال مانشوفكم من ضمن طاقم عمل فلورنتينو

لكن بالتمني اتمنى مورينهو
لانه يمتاز بالشخصيه والاستفاده من اخطاءه واخطاء الاخرين ايضا..
وعنده نظره للاعب المحور ويعرف الاعب المحور هل هو محور كويس او محور مش حالك.. مثل ماشفنا في الانديه اللي دربها مثلا يوم كان في بورتو كان معه كوستينها وكن من افضل المحاور في ذالك العام عندما حققوا الابطال ولما درب تشلسي جاب ايسيان وشوفوا ايسيان الان من افضل محاور العالم واخيرا مع الانتر معاه مونتاري
وانشالله يجينا ويصقل موهبة ابو الحسن ديارا ..ولا يجيب لنا لاعب محوري كويس بالاضافه الى سنتر ممتاز جدا وانا افضل لوسيو لاعب البايرن
اما فينقر
مافضل انه يجي لانه يخدمه الجو العام للفريق اذا كان الامور ماشيه تمام من جميع النواحي تشوفه ماسك الفريق تمام بس اذا حصل مشكله تلاحظ ان الفريق يخربط شوي عشان كذا ماضمن له اذا جاء للريال بيلقى الامور توب التوب
بلجريني..
مسكه فريق متوسط تلقاه تمام اما مع فريق كبير مايندرى وش بيسوي لانه مامر بتجارب مع فرق كبيره
انشيلوتي
والله انه بطل بس عيبه ان طاح في اداره عندها هوس بالشياب يموتون في الشياب.. يعني تجيبون للمدرب شايب منتهي وش تبون المدرب يسوي اكثر يعني يحمدون ربهم ان انشيلوتي جاب لهم التشامبينز يعني لو الميلان يجيبون لاعبين كويسين واعمارهم معقوله تشوفونهم توب توب << احترامي للميلان والله فريق كبير

وشكرا