][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا || - صفحة رقم 941 - نادي الهلال السعودي - شبكة الزعيم

المــلك الهلآلي · #14101 29/05/2009, 08:19 AM

تصميم روووعه أخوي حسحس

9 / 10

تحياتي

A B D U L A Z I Z · #14102 29/05/2009, 10:24 AM

إقتباس

الرسالة الأصلية كتبت بواسطة PUYOL Carles


	كما طالب الاخ عزوز .. حطينا عنوان به كمية هياط

يا لبى قلبك يا حسين

..

آخيراً حطيت عنوان من عناويني

..

بس الحمد لله إن أول عنوان لي بالرابطة بعد تحقيق الثلاثية

..

------------------

أنا أقول يا شباب المفروض من بيب يعتزل التدريب ما يحتاج خلااااص أول سنة تدريب وتحقق الثلاثية

..

حتى المفروض حنا المشجعين نعتزل التشجيع

..

أنا بجيب في حفل إعتزالي منتخب كاتلونيا مرصع بـ Misse & T T & Alves

..

بس بشرط نحقق المونديال والسوبر الأوروبي والأسباني وبكذا نصير حققنا 7 كؤوس منها 6 كؤوس رسمية وكأس غير رسمي ( غامبر ) كذا أنا أفكر إني أعلن إعتزالي

..

الزعيم 09 · #14103 29/05/2009, 10:52 AM

وانا حبيت اسوي تصميم للثلاثية

تفضلو

حسحس تصميمك رووووعة

اعطيك 9/10

LM-10 · #14104 29/05/2009, 10:55 AM

شباااااااااااااااب ممكن تعلموني متى كاس العالم للأنديه ؟

وهل في فترة كاس العالم للأنديه دراسه او شئ مثل كذا؟

أحــب الـشـلـ 10ـهـوب · #14105 29/05/2009, 10:57 AM

احتفالات امس ابيها وين القاها

LM-10 · #14106 29/05/2009, 11:17 AM

الــمــبـــآآآرآآآه الـــنـــهــــآآئــيـــة كــآمـــلــــه بــالــتــورنــت

التعليق مش عربي

للتحميل

S!R BARCA · #14107 29/05/2009, 11:20 AM

جمعه مباركه ع الكل

ايييييييييييه الواحد الحين يقدر يتكلم ويفضفض بعد موسم خرآآآفي بكل ما تحمله الكلمه من معنى

قبل لا ابدأ .. لابد ابارك لكل مشجعي البرشا في العالم

ولـ مشجعي البرشا في الزعيم

واخص منهم :

حسين

انس

سليمان

ابو نواف

ابو سلطان

ابو رويدا

فهد

الفهد

مبارك

بندر

يوسف

نايف

محمد

وليد

عبدالعزيز

مشعل

عبدالمجيد

سالم

ويعذروني اللي نسيتهم

تستاهلون ها الفرحه لبى قلوبكم كل ابوكم

و باذن الله راح تستمر الافراح

___________________________________________

قلتها قبل وارجع اكررها موسم خرآآآفي لازم كل برشلوني يحمد الله انه شاف ها الفريق الاسطوري

اللي يتذكر الموسمين اللي راحوا والظروف اللي صارت ع الفريق في الصيف الماضي ما يتفائل ابد ولا يتوقع موسم مثل هذا ..

ظروف كانت بتؤدي الى ان الفريق يخسر لابورتا ( الرئيس الذهبي

) ..

صراحة" كنت من الناس اللي تطالب براسه بعد الموسمين الكارثيين ..
وزادها مغامرته واسناد مهمة التدريب لـ بيب

..

بعدها قلت في نفسي للاسف راح نواجه موسم كارثي .. كل اللي ابيه نتأهل للابطال بس ..

واللي زاد الامور تعقيد انك تخسر اول مباراة في الدوري وبعدها تتعادل في ارضك ..
هنا الواحد يكون على يقين ان الفريق متجه للهاويه ..

بعد هذا كله وتحديدا" من مباراة خيخون بدا مشوار الفريق مع الابداع والسداسيات ..

كثير قالوا بعد ذيك المباراة ان خيخون ما هو مقياس لـ عودة الفريق .. والمصيبه ان ها الكلام استمر الى الحين

بعد مباراة خيخون سيطرت بشكل كامل على الدوري ..

وما فرقت بين فريق صغير وكبير كل فريق قابلك كان همه الوحيد انه يطلع بنتيجه مشرفه ( اقل من اربعه

)

صحيح انك واجهت فترة نزول في المستوى وها الشي طبيعي ..

لكنك في النهايه عرفت متى ترجع وبالتحديد مباراة الكلاسيكو في البرنابيو ..

كل ما جا طاري ها الموسم في المستقبل سيتذكره الجميع على انه موسم 6-2

كل هذا كان في الدوري بس

_____________________________________________

الكاس ما ابدع الفريق فيه بشكل كبير مثل غيرهـ ..

وها الشي طبيعي كون اغلب الفرق ما تعطي مثل ها البطولات اهميه ..

طبعا" يحسب لـ بيب انه اعطى البطوله حقها .. وما غامر بالاساسيين الا وقت الحاجه ..

احلى مباراتين في ها البطوله كانت اللي قدام اسبانيول في ملعبنا واكييد الثانيه النهائي

_______________________________________________

دوري الابطال .. وما ادراك ما دوري الابطال ؟!

بطوله مهما عملت لها وعطيتها من وقتك ما تقدر تضمن انك تحققها ..
كيف وانت بادي البطوله من الادوار الاوليه

وكلنا نعرف كـ برشلونيين ان ها البطوله صعبه علينا .. واحنا معها في شيل وحط

وغالبا" ما كانت تدير لنا ظهرها رغم احقيتنا فيها في بعض السنوات

لكن ولله الحمد .. لاننا عملنا معها بـ مبدا كل شي بوقته حلو

نجحنا

بيب صرح اكثر من مره ان همه كان الدوري الاسباني وان الابطال التفكير فيه بيكون في وقت مباراياته لا اكثر ولا اقل

وها الشي هو المطلوب للنجاح في بطوله كبيرهـ مثل الابطال

امنا انفسنا محليا" .. ودخلنا النهائي براحة باآآآآل .. وكانت النتيجه فوز ولا في الاحلام

كنا نقول قبل النهائي حتى لو خسرنا راح نشكر الفريق ع الشي اللي سواه في ها الموسم

لكن ميسي ورفاقه ابوا الا ان يكرمونا ببطوله ثالثه تكون خير ختام لهذا الموسم الاستثنائي

ما ابي اتكلم عن اللاعبين واللي سوووه في ها الموسم لاني اخاف انقص منهم

كل اللي اقدر اقوله شكرا" من القلب على ها الموسم

وللامانه مو بس انا اللي اشكركم العالم كله يشكركم

في النهايه الكوره انصفت الفريق الاكثر امتاعا" في تاريخها

ادري طولت في كلامي .. لكن للامانه الفرصه ممكن ما تتكرر

.................................................

................................................

الفهد · #14108 29/05/2009, 11:29 AM

يوووووووووووووه

خلاص ماتهم المباراة الجاية للبرشا .. الصراحة جتني حالة اكتفاء تامة ...

يمكن بداية الموسم الجاي احن للمتعة

S!R BARCA · #14109 29/05/2009, 11:51 AM

إقتباس


	شباااااااااااااااب ممكن تعلموني متى كاس العالم للأنديه ؟ وهل في فترة كاس العالم للأنديه دراسه او شئ مثل كذا؟

ع الكلام اللي سمعته انها بتكون في ذو الحجه

بس متى بالضبط ما ادري ؟

إقتباس


	احتفالات امس ابيها وين القاها

هذي وانا اخووك بعض المقاطع من اليوتيوب :

http://www.youtube.com/watch?v=LsMN_CV1eNc

http://www.youtube.com/watch?v=2xSm8...e=channel_page

http://www.youtube.com/watch?v=j_qPMLrpD44

http://www.youtube.com/watch?v=oe9o0...eature=channel

ان شاء الله تعجبك

David Naif · #14110 29/05/2009, 01:03 PM

مشاء الخيرآت / للجميع
مشكورين جميعآ على إشادتكم بتصميمي

إقتباس

الرسالة الأصلية كتبت بواسطة محب الذئب9


	آول شي يا حسحس وش كنت شارب يوم تتوقع النتيجة .. صاير تخوف ياخي هههههههه بعدين ممكن تقولي كيف تصمم الله لايضرك ..

هههههههه

الله يرجك , اوماا شارب

ماني شارب شي بس تخبر العصفورهـ اللي معي قالتلي عن النتيجة

الله يسلمك شهآدتك اعتز بهآ وشلون ما افتخر بهآ وهي من انس

إقتباس

الرسالة الأصلية كتبت بواسطة Lionel Messi


	حسحس : فديتك والله مشكور يالغلا على التصميم الروعه .. 9/10 .. لاتقولي ليه هالواحد اللي باقي ماحطيته .. مالي بالتصاميم قلت اتفلسف شوي دام التصميم معي ... وبعد اذنك بحطه توقيع ...

فديتك انا واالله

شلون هالواحد

بو تقصد الكوؤس الصغيره كاس الابطال ما حطيتله كاس صغير لانه موجود بالنص وتشوفه واضح يعني مسويه حركة

بدون اذن هو لك

تشكراتي

F.C hilal · #14111 29/05/2009, 01:24 PM

السلام عليكم

مبروك ألف مليون مبروك الثلاثية

أدري أنها جاية متأخره بس سامحونا

مثل منتم دارين أن كأس العالم للأندية في أبو ظبي

يعني مالكم عذر ماتروحون

أبحط لكم مبارايات برشلونة بـ كأس العالم

هي خلقة [ نصف نهائي + نهائي ]

--------------------------------------

.. نصف النهائي ..

الأربعاء
29 ذو الحجة 1430 .. الموافق .. 16 ديسمبر 2009

برشلونة
VS
( الفائز بـ : " دوري أبطال آسيا

" × الفائز من : الأهلي الإماراتي × أوكلاند سيتي النيوزيلاندي )

.. النهائي ..

السبت
2 محرم 1430 .. الموافق .. 19 ديسمبر 2009

الفائز من المبارة الأولى " برشلونة بإذن الله "
VS
( الفائز بـ : " كأس الليبرتادوريس " × الفائز من : دوري أبطال أفريقيا × دوري أبطال الكونكاكاف )

--------------------------------------

دعواتكم

الفهد · #14112 29/05/2009, 01:27 PM

:: وفاة اربع مشجعين برشلونيين في نيجيريا ::

ماقدر يمسك نفسه واحد من مشجعين مانشستر بعد مافاز برشلونة بدوري ابطال أوروبا، المشجع الغاضب مر بموكب برشلونيين وهم يحتفلون بالفوز وبعد أن تجاوز الحشد ديور بسيارته الصغيرة ووجه نحو الحشد مباشرة ودعس كم واحد منهم وماتوا 4 مشجعين وإصيبوا 10 آخرين حسب ما ذكرته الشرطة المحلية في مقاطعة هاكورت في نيجيريا .

وفي كاتالونيا مات شاب اثر ازمة قلبية ، ليكون الشخص الثالث الذي يتوفى أثناء لعب برشلونة مباراة نهائية هذا الموسم !!

المصدر 1

المصدر 2

المصدر 3

KROUSME · #14113 29/05/2009, 01:39 PM

الف الف الف الف الف مليون ترليون مبروووك

عن جد فريق احلاااام

alsha6ef · #14114 29/05/2009, 02:04 PM

الف مبروك لعشاق البرشا في كل مكان

1-كاس ملك اسبانيا
2-الدوري الاسباني
3-دوري ابطال اوروبا

اما الموسم القادم فانشاءالله البرسا يقدر ياخذ 6 بطولات وهي:

-1الدوري الاسباني
2-كاس ملك اسبانيا
3-دوري ابطال اوروبا
4-كاس السوبر الاوروبي
5-كاس السوبر الاسباني
6-كاس العالم للاندية

وبالتوفيق للبرسا

360 · #14115 29/05/2009, 02:22 PM

^^

ولو انها صعبه بس الله يسمع منك

يالربع انا متابع بصمت والله ماني عارف اتكلم من عقب المباراه وانا اخربط

قلت مالها داعي تنقدون علي

ياشباب فريقنا شقول عنه والله تحفه

عقب ماكنا ضد بيب ونبي مورينيو وبعد حملة حجب الثقه قسم بالله قلت الفريق ضاع هالسنه والله يستر بس من الكلاسيكو لاتصير فضايح وتروح الايام وحنا نلزخ بهالانديه

قالوا بيجيكم الـ 12 نقطه الاصعب قلنا الله يستر وخفنا ومن غبائنا صدقناهم وصرنا نشيل هم ونحاتي الفريق ونطلع منها بـ 12 نقطه اصعبها كانت امام الفياريال اي فريق انت يابارسا تلعب مع اقوى 4 انديه بعدك في الدوري وتسدحهم كلهم ومن ضمن هالاربعه كان حامل اللقب وش تسوي يالبارسا يامجنون

تمشي الايام وتروح الايام قالوا ماهو مقياس الدوري الاسباني واصلا الدوري الاسباني ضعيف والدليل البارسا مسجل مدري كم هدف ويجي دوري الابطال ونصير اقوى هجوم قالوا الانديه اللي قابلتوها ضعيفه

قلنا ياليل ذولي شلون يصدقون

وتمشي الايام يطلع تصريح لأحد اشخاص الخبره في كرة القدم والله ودي اتذكره المهم انه نصح بيب بترك بطولة الكأس وعدم إعارتها اي اهتمام لأنها بترهق الفريق وماسمع كلامه بيب لأنه يؤمن بقدرة فريقه

وتجي مباراة اسبانيول بالدوري

وتنتهي بخسارة البارسا قلنا الحكم طرى كيتا واصابة ابيدال ثم خسرنا عقبها من الاتلتيكو بـ 4-3 قالوا بس راحت عليك يالبارسا نال منك الارهاق لكن هيهات هيهات ويرجع برشلونه ويشغل التيربو ولايرده الا كاس الابطال يالبييييه بس

تدرون وش المشكله شباب

إن فيه ناس لحد الان تشكك في قدرة الفريق وترجع تاخذ وتعطي في مباراة تشيلسي انا ودي اعرف لهذي الدرجه حقد ولا ايش والله كنت خايف من الخساره بغض النظر اني مشجع لبرشلونه بس بيبلشونك ذا البزران انتم ماتستاهلون وانتم تأهلتوا بالغش

وسبحان ربك نتأهل بالغش كما يزعمون ونقابل بطل دوريهم واقوى فريق في العالم كما يقولون

ويلعب فريق المهايطيه (طبعا يقولون برشلونه مهايطي) مع اقوى فريق في العالم والله والمهايطيه يعلمون اقوى فريق في العالم كيف يلعب كوره وكيف يمرر وسبحان الله رد عليهم بالملعب

انا سابقا ماكنت اعرف معنى كلمة حقد لكن عرفتها عقب مافاز البارسا والاستنقاص من قوته واللي يقهرك لحد الان ناس تقول ميسي مايعرف يلعب ههههههههههههههههههه

والله يالربع من ناحيتي انا خلاااااااااااااااااااااص صار عندي اكتفاء ذاااتي يعني بهالصيفيه بحط ببطني بطيخ صيفي واجلس اتابع المباريات معاده واستمتع بهالموسم الاسطوري

من أمتع المباريات اللي شفتها هالموسم

الكلاسيكو ذهاب وإياب
اشبيليه ذهاب واياب
اسبانيول ذهاب
فالنسيا ذهاب
فياريال ذهاب
اوساسونا ذهاب

البايرن ذهاب
ليون إياب
مانشستر ذهاب < دز على ذهاب واياب هههههههه

تصدقون ياعيال شكلي بروح اجيب مباريات الموسم كلها واسدحها حسيت اني بكتب كل المباريات

لكن عندي سؤال نقاشي

أذكر أجمل ثلاث مباريات رأيتها للبارسا هذا الموسم؟؟ وعدد الاسباب ؟؟

في إنتظار اجوبتكم يا صديقيني

جلال العتيبي