][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا || - صفحة رقم 755 - نادي الهلال السعودي - شبكة الزعيم

PUYOL Carles · #11311 04/05/2009, 08:42 AM

المشكله على انه ابيدال يقول انه يحب مركز قلب الدفاع اكثر من الظهير .. بس مشكلته انه مومتعود كثير على هالمركز ..

شئ آخر .. ابيدال طويل .. صحيح .. لكن توقيته في الكرات العاليه كله ضعيف ..

يعني مشكلته اكثر شئ في التمركز .. وهاالشئ يخوف

كاسيريس .. متهور صحيح .. خصوصا وانه من المتوقع يكون في صراع بدني قوي مع دروقبا .. وممكن كاسيريس يحاول يجاريه ونناكلها

خلنا نلعب سيلفينيو ظهير هالمباراه .. وكاسيريس قلب .. ويافيها يافي الجدار

سيلفينيو يستحق فرصه .. واشوف انه ممكن نستفيد من تسديداته وانطلاقاته

لكن توريه .. لايمكن الاستغناء عنه في الارتكاز .. كل شئ الا هاللاعب .. هذا ميزان الفريق

David Naif · #11312 04/05/2009, 08:45 AM

صبآح الخير

شخباركم, ان شاء الله طيبين

Pride oF LoNDoN · #11313 04/05/2009, 08:52 AM

صبآح النور والسرور ,,

مو معقولهـ بيب يفكر كذآ ..

بس عندي سؤال اللاعب ( كاسيراس ) وينه ليش ما يحطه هو قلب دفآع ؟

وحتى في الظهير لو يلعب يغطي على ابيدآل ( وجهة نظر ) !

لكن اعتقد ان سلفينيو مغطي هذي الخآنه ..!

لكن المدربين قنآعات ... ؟!

واتمنى مناقشة هذي النقطة

شاكر لكم ...

Hilali 3asal · #11314 04/05/2009, 09:09 AM

بالنسبة للجهة اليسرى لبرشلونه سواء لعب سيلفينهو او ابيدال انا ما اعتبرها مشكلة لان اللي يقابلها في الجهة اليمنى لتشيلسي ماهي بذيك القوة والفاعلية سواء لعب ايفانوفيتش او بوسينغوا ... قوة تشيلسي اللي يعتمد عليها كثير في اليسار اشلي كول ومالودا او في التمريرات من العمق خاصة انه هيدينك متوقع يلعب بدروغبا وانيلكا مهاجمين .

ابيدال ميزته الهدوء حتى في استخلاص الكرة لو انه فعلا ارتقاءه احيانا يفتقد للتوقيت السليم ، بعكس كاسيريس جيد في الارتقاء والمراقبة لكن عنده تهور في تدخلاته على المهاجمين والمشكلة انه يلعب ضد دروغبا اشهر ممثل حول منطقة الجزاء في اي اشتراك مع المدافعين دائما يبالغ بادعاء الاصابة ، والخوف من تأثير الجماهير الانجليزية على قرارات الحكم أي اشتراك يحسب فاول .

محب الذئب9 · #11315 04/05/2009, 10:34 AM

---

غـلاف صحيفـة السبـورت ليـوم الاثنيـن 4 / 5 / 2009 :

نتيـجة الـ 6-2 دآرت حـول العـالم ..

آلظـاهر يقصـدون آن الفضيحـة انتشـرت حـول العـالم
وصـارت بجلآجـل علـى الريـال ..

مـاهم عـاقليـن السبـورت ..

اكشخ واحد · #11316 04/05/2009, 10:34 AM

والله يالموندو والسبورة مايخلون خمبقتهم دايم

الحين كاسيراس جايبينه يقطع بصل على كراسي الاحتياط ؟؟

والله ياهو بطل .. ولا منه خوف .. ويلعب اساسي دايم مع المنتخب

واذا لعب مع البرسا دايم يكون في الموعد .. الا في مباراة الكاس مع اتليتكو الشوط الاول بس

غيرها والله انه بطل ويعجبك

وبالنسبه للتشكيله اتوقعها وبشكل كبير

فالديز

ابيدال ... بيكي ... كاسيراس ... الفيش

يايا توريه

سيدو كيتا ..... تشافي

انيستا .... ايتو .... ميسي

بسب اصابة هنري .. اتوقع بيعتمد على انيستا .. وبكذا

ماراح يجازف بهنري وراح يخفف الضغط على الوسط

بوجود انيستا في هذا المركز .. ووجود كيتا مع يايا توريه

راح يعطي قوه بدنيه للوسط

وصدقوني انا متفائل كثير كثير

وانشالله يارب تستمر الانتصارات

Hilali 3asal · #11317 04/05/2009, 10:42 AM

التشكيلة المتوقعة لمباراة تشيلسي من صحيفة AS

فالديز

ابيدال ........... بيكي ............. كيتا

............... الفيس

انيستا ............... توريه .................. تشافي

هنري ................... ايتو ......................... ميسي

الاحتياط : جوركيرا / بويول

/ سيلفينهو / بوسكيتز / هليب / جوديانسن / بوجان

AS

الظاهر الستة الى الحين مأثر مفعولها صعب تلومهم

، أجل كيتا يبي يلعب قلب دفاع وبويول في الاحتياط وهو موقوف .

PUYOL Carles · #11318 04/05/2009, 10:42 AM

المشكله مو في التفاءل مشعل

.. المشكله اذا دقت ام العبيد على اللي رقمه 9

..

العام الماضي ايا مانشستر قفل مخه على الآخر .. لدرجة انه فيرديناند ينبرش عليه يحاول يكمل بدل مايطيح وياخذ بلنتي

..

الذهاب كنا نقدر نسجل لو بس هذا الزلمه الا اسمه توفيق جا الملعب

نحتاج نستغل النص فرصه .. نحتاج نكون في قمة حظنا .. بس

==
ابوسلطان التشكيله مسخره هههههههههههههه

S U L A I M A N · #11319 04/05/2009, 10:52 AM

السلام عليكم حبايبنا

كلمتين بقولها عن المباراة وبعدها بحول على تشلسي ان شاء الله ..

إقتباس


	أما مباراة مدريد فـ أنا حاليا صراحة مستانس .. لأنه وبعد فوزهم الاخير على اشبيليه .. وبرضو فوزهم على خيتافي .. شوفوا كيف المستويات الي يقدمونها .. حتى نتيجة اشبيليه كانت على المحك لولا الله ثم هدم مارسيلو .. لذلك مهما كانت مستوياتهم قدامنا ماراح تكون هذيك المستويات الي ممكن انها تهزمنا .. إذا كانت هذي المستويات ضد فرق قدرنا نفوز عليهم وبمستويات كبيره كيف بتكون مستوياتهم قدام فريق فاز على هالفرق بمستويات كبيره .. لذلك هالشي هو الي مخليني متفائل + الثقه الكبيره الي راح يدخلها لاعبينهم .. المباراة على أرضهم وبرشلونة تعادلوا قدام فالنسيا وحنا فايزين على اشبيليه بلأربعه يعني خلاص الفارق بيصير نقطه .. حتى اني أقرى بعد الردود ان الاحد الجاي بتصير الفارق نقطه وينتظرون احد يوقفنا علشان ياخذون الدوري ..

إقتباس


	وهالشي بيريح اللاعبين وممكن نشوف ابداعاتهم .. الي لو كانت حاظره في المباريات الثلاث القادمه فـ صدقوني مسائل كثيره راح تنحل ومنها اقترابنا الكبير نحو الـ 107 اهداف وافهم يافهيم ..

( إقتباسات من ردود سابقه لي )

قلتها سابقا وتحديدا قبل المباراة بكم ساعه .. في حال الريال فتحوا ملعبهم .. فـ مسألة الفوز خالصين منها خصوصا انهم داخلين كبت إعلامي رهيب وكبير جدا .. وفوق هذا كله الكلام الي قلته فوق .. داخلين المباراة فايزين على اشبليه وقبلهم خيتافي وحنا متعادلين مع فالنسيا وتشلسي يعني خلاص بنفوز عليهم متى بس يخلص الدوري وناخذ الكاس! .. لكن الي صار عكس طموحاتهم 100% .. وبالضبط زي ماكان الكثير مننا نتوقع .. افتحوا الملعب وواجهونا رجال لرجال ونشوف .. صدقوني ياشباب وهالكلام كنت دايم أقوله ومازلت .. في حال البارسا اكتمل عناصريا .. وقتها تعالوا احكموا على مستوياتنا .. نلعب معكم ناقصين عناصر عن فريق كامل طبيعي بندحدر .. الموسم هذا أشوف ان الريال ماتغير عن الموسم الماضي .. بل بالعكس أقوى والله .. وبالأرقام .. الموسم هذا أفضل بإعتقادي حسب ما قريت كاني ماني غلطان .. العنصر الوحيد الغائب وعليه الكلام هو نستلروي .. حتى غيابه ما أسميه غياب لأني أشوف التشكيلة هيا هيا من اصابته لين مباراة قبل أمس .. معناته الفريق خلاص انسجموا مع بعض وتأثير غيابه شبه راح .. وقابلونا رجال لرجال وصار الي صار ..
البارسا الموسم الماضي كان يعاني معاناة غير طبيعية .. اصابته ومشاكل في غرفة الملابس وكل واحد يصرح على كيفه وريكارد ماهو عامل شي .. أشياء كثيييره كانت سبب في نكسة الموسم الماضي .. كانت حسب رؤيتي سبب في قوة الريال .. لما كنا ناخذ الدوري كان اشبيليه ياخذ الاتحاد الاوروبي وفيه انديه ماشيه صح بالابطال .. معناته الفرق مميزه في الدوري .. مع ذلك كنا نتصدر بفارق كبير بعد .. لكن الموسم الماضي جميع الفرق الكبيره كانت ضائعة .. ما أقلل من قوة الريال لكن عناصر الريال الموسم هذا أقوى من الموسم الماضي .. لكن وينهم الآن .. !؟
( واللهي مازلت اتذكر عدة جُمل قالها لي أحد الأصدقاء في الموسم الماضي .. كانت بداية لناقاشات بيني وبينه .. أحدها يقول فيها ان هذا هو مستوى برشلونة الحقيقي وماكان يحدث قبل ذلك ماهو الا كبوة فارس للريال \\ انتم تقولون إصابات وغيابات كثيره .. في كل مره أرى فيها برشلونة فـ أنا أراه مكتمل الصفوف ! < قالها عندما كان إيتو وميسي مصابين! .. ) كما لا أنسى الكثير والكثير من تعليقات بعض الاعضاء في المنتدى .. منهم من ترك المنتدى بغير رجعة ومنهم من تركه للدخول مره واحد بالشهر .. ومنهم من مازال على اتصال حتى اللحظه .. ولن آتي بتعليقات لعدم احقيتي بذلك ..
طبعا مع كامل الاحترام للاخوان المدريديين .. ورده لكن تبقى وجهة نظر

. .. .. .. .. .

* فالديز | (6 من 10 ) والله صراحة يافالديز انت ماش ماينغزابك .. هجمتين وصلت عندك كلها أهداف ! متى يخلص الدوري بس ونشوف وش بيسوون

.. يالله ياكريم نشوف تحرك من هالناحية .. والله يابالوب شفت عنه تقرير على السكاي .. احيييه بس أحيه

* أبيدال | ( 6 من 10) حللني تكفى

يانا استأثمت فيك بالمباراة .. غثيتنا الله يهديك بس

.. فقعت مرارتي قسم بالله .. طريق الدائري صار بأكالمباراة الله يهديه مادري شفيه ! كان كويس المباريات الي قبلها وماعليه ماشي مضبوط .. بسم الله مادري وش جاه الولد .. ودي امدحك ولا أتغاضى عن الي سويته يا أبيدال بس مايطاوعني قلبي !

* بويول | ( 9 من 10 ) قدم مباراة مميزة وكبيرة جدا .. قضى على خطورة هجومهم قبل توصل الكوره عن سطلنا .. كنه عارف سبحان الله ان الكوره اذا وصلت له بتصير هدف .. وهذا الي صار .. هدفه وتقبيله لشارة الكبتنيه معبره جدا .

* بيكي | ( 9 من 10 ) وش أقول ووش اخلي يابيكي .. والله يالو مستواك هذا لعبت فيه مباريات سابقة كان شفنا دفاع حديدي صلب جدا من برشلونة ومنك خصوصا .. مان تو مان منتهي الموضوع لصالحه .. كرات هوائية انطلاقات للمنتصف شل حركة كثير من اللاعبين لوحده .. وختمها بهدف مايجيبه الا اللاعبين الكبار .. من طينة الأساطير يابيكي ..

* ألفيس | ( 7,5 من 10 ) ألفيس كان كويس لكنه مش بالكوس الي كنا منتظرينه منه بصراحة .. تسرعه الكبير في بداية المباراة بالكورالعرضيه خلانا نفقد كثير من الكرات الي كان ممكن انها تشكل خطوره كبيره على كاسياس .. لكن كـ أداء دفاعي كان مميز بصراحة .

* توريه | (9 من 10 ) ما أقول الا الله لايضرك .. مستوياته من جاء لبرشلونة ماشاء الله عليه من حسن إلى أحسن .. هالموسم مقدم مستويات جدا كبيره .. واللهي كل مره أقرى فيها أخبار عنه أقول يارب مايروح .. إذا فيها روحة يروح كيتا ومايروح هو .. أو يقعدون كلهم .. مستانسين جميع طيب مره هذا يلعب ومره ذاك وانت ماشي .. في مباراة تشلسي لاعبين كثار ماشفناهم في نص الملعب .. الملاكم بالاك والشبح لامبارد .. هذولا أهم لاعبين وسطهم .. ومباراة مدريد مسح وسط الملعب مسح ماشاء الله عليه .. مافيه كوره تمر من وسطهم لهجومهم الا ماتكون مرتعليه .. لان لو هي ماره عليه ماظنتي بتكمل مسيرتها .

* إينيستا | ( 9 من 10 ) ماقدر أقول شي والله ..

* إكزافي | ( 10 من 10 ) في عز الكلام .. سكت الكلام .

* ميسي | ( 8 من 10 ) مستواك كان مميز يا ميسي .. لكن التسرع في التسجيل وخصوصا في بداية المباراة ضيع علينا نتيجه كانت بتكون تاريخيه جدا .. لكن مع ذلك قدرت تسجل هدفين مميزات .. وتصنع هدف بطريقة خرافية .. صار فيها شوية اكشن من أفضل ظهير أيمن بتاريخهم ..

* إيتو | ( 8 من 10 ) كنا ننتظر التخصص يا إيتو لكن ماحصل .. حاولت لكن ماكنت في يومك .. كنت متسرع حبتين وهالشي أثر عليك وعلى تهديفك .. ان شاء الله نشوفك المباريات الجايه تزيك غلتك من الاهداف وتبتعد عن المطاردين الي كل مالهم يقربون وانت واقف يا إيتو ..

* هنري | ( 9 من 10 ) دائما تكون في الموعد يا تيتي .

** بيب قوارديولا | قسم بالله جلست فتره أدور شي أحكيه وأقوله .. ماحصلت .. دورت بيت شعر شي يمين يسار ماحصلت .. لذلك ما أقول الا شكرا بيب .. على الامتاع والاقناع ..

. .. .. .. .. .

- حركة زافي مع ديارا كل ماشفتها تجيني رعشه .. كبير يازافي وربي انك كبير .. والله العظيم شوية عليك أفضل صانع ألعاب بأوروبا ياشيخ ..

- يوسف سيف للأسف طاح من عيني بدرجة كبيره وكبيره جدا .. ماكنت متوقعه بالدرجة هذي بصراحة .. عارف انه مدريدي لكن مهب لدرجة انه يسكت أوقات هجمات برشلونة ! مو معقول يشرب مويه ولا يعطس ولا يكح بس بأوقات هجمات برشلونة ! وربي تمنيت لو كنت شايف المباراة بتعليق علي محمد علي .. ياليت ياشباب تكفون أي واحد يدبر لي اهداف المباراة او ملخص عنها مع اهدافها بتعليق علي محمد علي .. دورتها باليوتيوب ماحصلتها .. يوتيوب او رابط تحميل .. اي شي بس ودي أستمتع بتعليق أهداف اللقاء بدال المتعصب ذا حسبي الله على الجزيره الرياضية بس .. متى يجي رؤوف بس .

- حكم المباراة كان أسوأ مافيها .. لاعبي مدريد سيئين لكن سوئهم كان لقوة برشلونة .. لكن الحكم ! تمركز جدا جدا سيء .. مرتين تضرب فيه الكوره وكل مره يتسبب بمشاكل كبيره .. المره الأولى وقف هجمه مرتده لنا .. والمره الثانيه !! تسبب بشكل كبير بإرتداد الكوره على مرمانا وتسجيل الهدف الثاني بعد فاول روبين ! بالإضافة إلى توزيع الكروت على لاعبيننا بشكل عجيب ! أضف إلى ذلك عدم إحتساب ثانيه واحده كـ وقتل بدل ضائع لشوطي المباراة ! ماكفاك 8 اهداف بالمباراة يعني ! صافرة الشوط الأول كانت هجمه خطره لبرشلونة وألفيس كان يتجهز لعرضيه ممكن تكون خطيره جدا خصوصا مع التمركز الجيد لإيتو وهنري .. نفاجأ بإنهاء الشوط ! ..

- الكروت الصفراء تهدد جملة من لاعبيننا ! :

9 كروت لـ إيتو وألفيس وبوسكيت
4 كروت لـ زافي وبيكي وبويول وأبيدال وتوريه
3 كروت لـ هنري وإينيستا
2 ميسي
1 جوديونسون
والباقين ماعليهم شي ..

والمعلومات من هالموقع :

http://soccernet.espn.go.com/team/sq...eId=15&cc=4716

فيه معلومات عن كل لاعب بالتفصيل .. بالدوري وبالكاس وبالأبطال واعتقد مع المنتخب برضو .. ممكن يفيدنا إذا بغينا نسوي معلومات عن كل لاعب بالي سواه هالموسم .. نهاية الموسم .. إذا حابين طبعا ..

C A M P - N O U · #11320 04/05/2009, 10:57 AM

إقتباس


	التشكيلة المتوقعة لمباراة تشيلسي من صحيفة AS فالديز ابيدال ........... بيكي ............. كيتا ............... الفيس انيستا ............... توريه .................. تشافي هنري ................... ايتو ......................... ميسي الاحتياط : جوركيرا / بويول / سيلفينهو / بوسكيتز / هليب / جوديانسن / بوجان