^ ^ ^
قدها وقدود

الليغا صعوبتها لما تلعب خارج أرضك ، دائما ً ماتكون المباراة صعبة حتى لو كان هناك فارق بالامكانيات ، دائماً تشهد الجولات سقوط الفرق الكبيرة بأرض الخصم ، هالجولة بيلعب فيها البرشا خارج أرضه وهنا تكمن الصعوبة .

ألميريا vs برشلونة
مباراة سهلة صعبة ، كل الأمور تدل على أن البرشا في طريقه للفوز وبسهولة بعد ماعاد للعب باقناع وتأهل لنهائي الكأس ولدور الثمانية بالأبطال ، المشكلة تكمن فقط بالدفاع لغياب بويول وأبيدال ولأن الشايب سلفينيو لاعب 180 دقيقة الأسبوع اللي راح يعني صعبة يعطي نظراً للعمر .
أتمنى التشكيلة تكون : فالدز - كاسيرس - بيكي - رافا - داني - توريه - تشافي - انييستا - (ميسي - ايتو - هنري ) < اللي بين القوسين
العامرية بملعبهم دايم يستلكعون على الفرق الكبيرة ، السنة اللي راحت تعادل غبي من ركنية والبرشا بآخر المباريات بالكرات العرضية الله يعين ويوفق .!

، ، ،

بالنسبة للنقاش :

1- ايش رايكم في مستوى الدفاع في المباراتين ؟

بمباراة بيلباو ماتقدر تحكم لأن الفريق ماواجه أي تهديد هجومي ، أما ليون فللأسف أن الفريق لم يهدد الا بـ 3 أو 4 كور منها ثنتين أهداف ، ومرة أخرى من كرة عرضية

2 - هل تعتقد بالامكان التعويل على سيلفينيو في لقاء الميريا خصوصا وانه لعب الأسبوع الماضي 180 دقيقه ؟

لو أعطينا الثقة لكاسيرس من البداية كان ماشفنا خشة ذا الشايب ، أتمنى أن أشوف كاسيرس قدام ألميريا .!

3 - في ظل اصابة كل من بويول وابيدال .. نرى بأن مركزي الوسط الدفاعي شاغر للثنائي رافا وبيكي .. ارائكم في مستوى الثنائي في المباراتين الأخيرتين ؟

بالتأكيد أن بويول وأبيدال ماعنهم غناة ، بالنسبة لرافا فهو فوق تقييمي ، أما بيكي فهو مميز بالكرات الطويلة لكنه لاكانت الكورة بالأرض الله يستر ، ماأدري من اللي قايله أي كورة معك لازم ترجعه للحارس .

- بوسكيتس - تشافي - انييستا .. ثلاثي يدخله بيب اذا حب يسيطر على الكره بشكل اجرامي .. بينما .. توريه - تشافي - انييستا .. ثلاثي يدخله بيب اذا حب يعطي قوه بدنيه اكبر .. عمل هالشئ ضد بلباو وليون .. هل هالشئ راح يستمر ضد الميريا ؟ ايش الا تفضله انت ياسيدي الكريييييييييم ؟

توريه - انييستا - تشافي الأمثل والأفظل خاصة بالمباريات اللي خارج الأرض أو المباريات الحساسة والقوية ، مع وجود بسكويتس بالبدلاء لاحداث الفارق .

- ميسي .. وبواقع تاريخه الحافل مع الاصابات دائما يكون محل شك وخوف من الاصابه في نفس اي برشلونه .. والحين نشوف الولد لعب 180 دقيقه الاسبوع الماضي .. هل راح يشارك اساسي والا احتياطي ضد الميريا وايش الا تفضله انت يا ولد ؟

أتوقع وأتمنى يلعب أساسي ، المباراة حساسة وأتمنى أن بيب يدخل بالتشكيلة الأمثل خاصة أنه مافيه أي مباراة بنهاية الأسبوع في الأسبوعين القادمين ، أما مسألة انه يشارك بالاحتياط واذا ساءت الأمور يدخل فأنا ضده تماماً وهالشي يرهقه بدنياً وذهنياً بشكل أكبر.

6 - هل هناك ملاحظات فنيه على طريقة ادارة بيب للمباراه ضد ليون ؟

أبدا ً .

7 - الناقه جيرارد بيكي .. دائما مايطامر فوق اللاعبين بعد كل هدف رأيك الى اي مدى سيتحمل اللاعبون ثقل هذه الدابه ؟

أهم شي يطامر فوق الخوال هم اللي يتحملون

8 - توقعاتكم للنتيجه ضد الميريا ؟

3-0 ايتو و ايتو وهنري ,,,


ولكم باكـ للي شرفونا بعد الغيبة ، والله يعطيكم العافية على الأخبار والنقاشات والتفاعل ،،،

غلاف الموندو ليوم الاحد

لا للتراخي يابرسا

جمعه مباركه << حاب يقول هالكلمه وش فيكم ههههههه

==========

مبارك



ههههههههههههههههه

ترى خبل هالبني آدم والله .. احس ماجا لبرشلونه الا علشان يسوي هالحركه .. في مانشستر كلهم طوال واجسام .. لويسويها كفخوه ابو عيون ملونه ..

==================

Hilali 3asal

مشكلة الفريق انه ماقدر يتأقلم مع الجدول المزدحم الا صار قبل شهر .. لكن اعتقد الحين الفريق في بداية الرجوع للطريق السليم .. وهالتفاصيل الدفاعيه الا ذكرتها حبيبي ممكن تتعدل بسرعه ..

بالنسبه لسلفينيو .. صحيح .. لازم التغطيه الدائمه معاه من لاعبي الوسط ..

على طاري بيكي وتوفير لياقته ذكرتني بتورام .. تورام نادرا مانلقاه يحتفل مع فريقه في الأهداف .. ويقول افضل بذل المجهود في الدفاع بدل هالحركات النص كم ..

محب الذئب9

وش تصويته .. هذا ليفربول صك مانشستر .. خلكم على مانشستر اجل ههههههه .. برأي الحين احنا في دور الـ 8 .. مرحلة حقيقه .. اذا بنتابع نبغا الفريق الفلاني ونبغا العلاني .. نقفل النادي احسن .. اذا كنا نبغا اللقب لازم نمر من اي فريق .. وصدقني ناخذ الحين فريق قوي احسن من بعدين .. لو حصل لنا فريق قوي كثير في دور الـ 4 مثلا .. مشكله اتوقع بتواجهنا .. لأنها اظن تتخلل الشهر الصعب في الليقا الا فيها مباريات الكلاسيكو ومادري من .. واظن مباراة نهائي الكأس .. وثانيا وش فارقه .. طلعنا من دور الـ 16 او الـ 8 او الـ 4 .. اذا ماكنا نقدر نجيب البطوله نطلع بدري اريح لنفسياتنا ..

دفاعنا هالسنه فيه تغييرات كثيره .. وفيه لعيبه صغار او لاعبين توهم اول سنه مع النادي .. فـ الشئ طبيعي .. وهجومنا راح يرقع دفاعنا في الفترات الحرجه لاتخافو

وبعدين ماادري ليه موعاجبكم سؤال ثنائي الدفاع

وعلى فرحة بيكي .. هههههههههههههههههههههههههههههههههههههه ايه والله ودك يا انس .. يجي من بعيد هو وفالديز يبغو يطمرو فوق اللاعبين ويوخرو .. وطاااااخ على الوجه هههههه ..

هلالي وأحب برشلونة 9

بالنسبه للفرق الكبيره الهجوميه .. اممممم .. مرحلة الذهاب كان بيب واقعي اكثر .. وكان مهتم اكثر بمنطقة المحور .. لكن في الاياب صار يعول اكثر على الهجوم .. مادري الشئ فيه نظره بعيده والا كيف .. لكن نقول ان شاء الله يتعدل وضع الفريق ..

هلالي الكتلان

لا ليييييش رافا فوق تقييمك .. رافا على العين والراس ومن الحرس القديم في النادي واحد الكباتن .. واذا مر بفترة هبوط واخطاء هالشئ مايمنع انه لاعب كبير .. عموما رافا كانت له اخطاء اكبر .. تذكرو يوم لعبنا ضد خيتافي في الدوري .. وجا بيمرر الكره لفالديز .. وغلط مررها قصيره وجو قطعوها وجا هدف ..

BARCA-2007

امممممم .. هو صحيح بلباو موفريق هجومي يكشف مستوى دفاعك لكن لاننسى انه توه صاك اشبيليه بالثلاثه .. صحيح اشبيليه موزي اول في دفاعه .. لكن برضو رقم مايقدر الواحد يهمشه ..

بالنسبه للثلاث هجمات والهدفين .. زي ماقلت قبل .. احيانا نحتاج التوفيق للخروج بدون اهداف .. هدف ليون الأول اعتقد لوعادو الركنيه عشرين طعش الف مره ماراح تزبط معاهم ..

L.Messi-10

مارتن كل ماعطيناه فرصه عيشنا على اعصابنا .. اعتقد مسيرة الفريق ماتستحمل اعطاء فرصه الى مارتن .. نحتاج النقاط والفوز وهالشئ يتطلب الحفاظ على نظافة الشباك قدر الامكان .. ومارتن بمستواه اثبت انه مازال يحتاج وقت علشان يتأقلم ..

مااعتقد اللاعبين عندهم استهتار بالخصم .. من اول الموسم وبيب محترم الصغير اكثر من الكبير وهاالشئ منعكس على اللاعبين .. بس اللهم من وجهة نظري هذي من تبعات الماضي .. احنا عندنا لاعبين نفسهم قصير وماعندهم تركيز عالي طول المباراه .. وهالشئ ماراح يتغير بسرعه ويمكن حتى مايتغير لبعض اللاعبين ..

مجن{الهلال}وون

بالفعل .. غياب بويي وابيدال .. اثرت على توازن الفريق ..

Barca10

اممممم .. مع انه كاسيريس افضل دفاعيا .. لكن خبرة سيلفينيو ترجح خيار اللعب به .. لاننسى انه كنتروله على الكره وتصرفه بها افضل ..

بالنسبه للانتقاد على رافا .. بالعكس .. الشباب شرشحو بويول على الهدف وشرشحو باقي اللاعبين ..

بالنسبه ليي انا مانقهرت من الدفاع كثر ماانقهرت من ايتو ..

في مباراة اتلتكو مدريد الفريق كان يواجه خصم افضل منه في اخر نص ساعه من المباراه .. وايضا .. كثرة تضييع الهجمات تخلي الفريق يدخل في مرحلة شك .. غير عن طريقة اهداف اتلتكو مدريد .. مثلا هدف فورلان الأول ..

فـ تأثير خطأ رافا في الهدف الثاني لاتلتكو اخطر من تأثير خطأ بويي في الهدف الرابع .. لأنه تقريبا الفريق انقتل نفسيا مع ضربة الجزاء ..

عموما مباراة اتلتكو كانت انحراف بسيط عن المسار الصحيح .. لكنها موحكم نهائي على مستوى اي لاعب كان في المباراه ..

=========

بالنسبه لأخطاء الدفاع .. قبل مباراتنا مع خيتافي في الذهاب هالموسم .. قال فكتور مينوز بان طريقة لعب بيب الدفاعيه تشبه العقليه الايطاليه .. وفيكتور لاعب خبير وسابق في برشلونه ومدرب خبير وسبق وان احترف في ايطاليا .. بالتالي لما يقول كلمه ماراح يقولها من فراغ ..

انا اؤمن بان الأخطاء الا يوقعو فيها المدافعين توازي الاخطاء الا يوقع فيها اي لاعب .. لكن الفرق انه خطرها بهدف .. واحيانا نسوي مباراه بطله في كل شئ ويجي هدف من كره ميته ..

مثلا مباراة الامس في كلاسيكو انقلترا .. النتيجه 4 - 1 .. نتيجه كبيره .. لكن طريقة الاهداف اعتقد ماتوحي بانه كان فيه فرق كبير بالأداء لدرجة انه يقبل الفريق مثل هالنتيجه ..

مجرد اخطاء فرديه .. ماتعني انه هاللاعب كخه او هاللاعب ماله مكان في الفريق ..

الكل معرض للأخطاء يعني .. لكن الشئ الا يحسب لهاللاعبين متى تكون لهم ردة فعل وكيف ردة فعلهم ..

اعتقد الفريق فترة هبوطه في المستوى جت في وقتها .. وممكن نشوف فريقنا الحين بعقليه افضل من قبل ..

هالفريق يستاهل انه نوثق فيه حتى في اصعب مراحله .. لأن الا سواه هالسنه كان شئ غير متوقع ويدعو للفخر

PUYOL Carles




بس مــارتــــــــــــن أفضل مــن سيلفينهـو


الهدف الثاني في مبـاراة ليــون :

كانت جايه من صوب سيلفينهـو

.

حسين ، مو معناته أني قلت فوق تقييمي يعني الولد ماينخفض مستواه أو يخطي ، بس يمكن لأني شفت كم رد عن رافا ماأنصفه اطلاقاً مع كامل الاحترام والحرية لصاحب الرأي برأيه ، يمكن بالغت فيها شوي بس بالنسبة لي أعتبر رافا من أفظل اللاعبين هالموسم ومقدم مستويات ماكنت أتوقع يقدمها خاصة ً بعد موسمه الماضي السيئ ويمكن هالشي يرجع للثقة اللي أعطاه اياه بيب ، يبقى رافا سبشل ون تو مي

أما ان تأثير خطأ رافا أكبر من تأثير خطأ بويول غريبة الصراحة ، يعني رافا لولا رعونة المهاجمين سواء ً باضاعة الفرص أو التسبب بضربة جزاء كان ماتكلمنا أبد عن الخطأ أما كابتن الفريق بالدقيقة 88 وداخل منطقة الجزاء والنتيجة تعادل ويقوم يخطي خطأ بوقت لايمكن يتعوض أحس مافيه وجه مقارنة بين الخطأين ، يمكن أنت قصدك أن خطأ رافا أعطى الثقة لأتلتيكو وهزه عند برشلونة بس اللي أشوفه أن الفريق ماوضح عليه التأثر بهالخطأ وظل مسيطر لاكنه يضيع فرص سهلة وبأخطاء فردية خسر وآخرها واللي تسبب بالهزيمة خطأ بويي بالهدف الرابع ، ودمتم سالمين

ياليت نقابل فريق قوي بالأبطال يعني يالمان أو الليفر أو البلوز أما اننا نفوز ونكمل ونطمح للقب أو نرجع نركز على الليقا اللي صارت صعبة .

،،،

إقتباس الرسالة الأصلية كتبت بواسطة شيخ المحبة يا شباب ممكن طللب هل في صورة للاعبين مدريد تصف للاعبي برشلونة ؟

والله يا شيخنا الغالي ما فهمت من كلامك شي ابدا ويا ليت لو احد فهم يقول لي

هلالي الكتلان

حبيبي انت .. لا مااعتقد الشباب منتقصين منه .. ماوصلوه لدرجة فالديز هم .. بس احيانا فيه مباريات تسوي في نفس الواحد حرقه .. مثلا انا حقدت على روبرتو كارلوس بعد هدف فرنسا في مونديال 2006 .. بس مومعناتها اللاعب موكبير ..

وانت صحيح جبت الا كنت ابغا اوصله .. انه الهدف الثاني حق اتلتكو اعطى ثقه اكبر وكان وقت تسجيله يضر ببرشلونه اكثر .. ومرورا الى ضربة الجزاء الفريق تحطم نفسيا .. فـ الاخطاء كانت من الكل بس فيه شئ كان وقعه على الفريق بشكل عام اكبر .. مع انه ذاك هدف فوز يعني بس قاعد اقيسها بشكل عام انا ..

رافا زي ماقلت انا احيانا يكون وحش .. واحيانا ماادري كيف يسوي اغلاطه .. لكن ببساطه .. عقلية المدافعين اللاتينيين كذا .. مهما كان مستواهم بطل عليهم اخطاء غريبه .. سبحان الله هم كذا مخلوقين .. ايالا على انه كان وحش لكن له اخطاء غريبه .. لوسيو .. الدايير سابقا .. سامويل .. شاموت .. على مدى السنوات الماضيه يعني هذا الا اشوفه موجود ..

بيب يقول عن رافا لما يكون في الملعب انا اكون متطمن .. مع اننا كلنا نعرف روح بويول .. او حماس الفيس .. او تركيز تشافي .. او لعانة ايتو .. كل هالناس طنشهم بيب وركز على رافا في هالنقطه ..

عقليه قياديه واذا كان في يومه يكون مدافع رائع ..

وشلوون مغليك

ان شاء الله نفوز اليوم .. وبالنسبه لأولوية البطولات .. انا على ثقتي الكبيره في الفريق بس بالنسبه ليي اشوف احتمالية انه احنا نجيب دوري الابطال ضعيفه .. مو لشئ .. بس الفريق هالسنه تغيرت فيه اشياء واجد بالمقابل نشوف انديه اكثر استقرار تلعب معانا في دور الـ 8 .. فـ نجيب الكاس والدوري .. والابطال نخليها للحظ ..

===

فيه كلام على ان بيب راح يريح الثلاثي الهجومي HEM .. لكن ممكن برضو يلعب هنري ..

نقول خير يارب .. مابغا غير الفوز الليله ونطلع بدون اصابات .. اهداف دخلت علينا .. جبنا عشره جبنا هدف .. المهم نطلع بثلاث نقاط وبدون اي اصابه ..

يا ناس هل في صورة للاعبين ريال مدريد تصفق للاعبين برشلونة .

زي كذا !!



بس انا ابي مدريد هي اللي تصفق للبرشا .

البارسا اتلتيك يفوز اليوم على ايفيسا ويوصل لمركز يأهله للتصفيات ..



العيال بعد فوزين متتاليين .. كملو سلسلة الانتصارات بفوز جديد المباراه تألق فيها اللاعب [ بينيا ] سجل فيها هدفين ..



الشوط الاول كان دايخ .. والفرص فيه قليله خخخ .. والشوط الثاني تحسنو الأولاد وصارو حلوين .. وفاوزو ..

بطاقة المباراه



Barça Atlètic, 2
Eivissa, 0

Barça Atlètic: Miño, Córcoles, Joni López, Fontàs, Botia, Xavi Torres, Pedro (Rayo 45’), Longás, Benja, Thiago (Abraham, 45’) i Jeffren (Nolito, 32’).

الاهداف : 1-0. Benja (min 64), 2-0. Benja (min 76)

الحين فريق لوتشو في المركز الثالث بفارق نقطه عن الا في الرابع والثاني لاتسألو عنه الحين ..

إقتباس الرسالة الأصلية كتبت بواسطة شيخ المحبة يا ناس هل في صورة للاعبين ريال مدريد تصفق للاعبين برشلونة . زي كذا !! بس انا ابي مدريد هي اللي تصفق للبرشا .

انا ماخبري ان 11 واحد منهم صفق لـ 11 واحد من عندنا

بس خبري ان اكثر من 30 الف بالبرنابيو منهم صفق لشخص واحد منا وهو رونالدينيو !!


ملاحظه:30 الف فقط لعدم المبالغه اما العدد تقريبا ثلاث ارباع الحضور في الملعب !!





للتفاصيل اكثر اضغط على الصوره

يا صديقي ــهلاليـــ فيه 11 واحد منهم صفقوا لـ 11 واحد منا

عام 91 يعني ترى حنا قبلهم لايهايطون هم بس سددوا الدين ماسوو عمل اسطوري

سبقهم بها الكتلان < مبتسم واجد

عندي مقطع لمدة ثانيتين وهم يصفقون للكتلان إذا تبيه راسلني ع الخاص يالذيب

الوكاد ياعيال تشوفون وش يسوي دييغو لوبير ؟؟؟؟؟؟؟


تهقون لا كان مكانه فالديس كم النتيجه

ياعيال مباراه اسطوريه بين الاتلتيكو و الفياريال !!!!!!!!!!!

بالتوفيق يارب في مباراة اليوم

والتشكيله مافيها شي غريب مره الا وجود بويان بدل إيتو ونقول إن شاءالله يسوي شي يارب

يعني أنييستا مكان هنري مو أول مره وشي وارد لكن وجود بويان هو الغريب واتمنى يكون في مصلحتنا

واضح إن بيب يبي انييستا يلعب بأي طريقه حتى لو كان الإستغناء عن أحد الاعمده وأنييستا بيبدع إن شاءالله

ننتظر المباراه لنرى وبالتوفيق بإذن الله

يا شباب ما فيه رابط للمبارات