إقتباس الرسالة الأصلية كتبت بواسطة the prince_14 سلاميسي ناس وناس... ناس تفوز على اشبيلية بالثلاثة وناس تأكلها من خيتافي بالثلاثة أنا ما راح أعلق على المباراة لأني وبكل صراحة شغلت رابط المباراة وبعد شويتين خمدت على الكيبورد بس حبيت أشارك بعنواني

هلا أخوي ،، نوم العواااااافي
مبروك الفوز علينا كلنا،، وصراحة فريق ( ما شاء الله ) يدرس كورة قدم،،
بس حبيت أقولك نقطة مهمة ،،، دروس الحياة علمتنا إن الشماتة شينة ،، وعلى مايقولون ( الشماتة تطيح الطير من السماء وتجدع التيس من الجبل) على فكرة ،، المثل توي مولفه ،، لكن متأكد بعد ستين سنة بتلقى العالم تقوله
صراحة أنا لما أشوف برشلوني يتشمت بالريال أسكته كله خوف على فريقي،،

إن شاء الله لي عودة وكم كلمة على كم نقطة من كم لحظة في المباراة

مبروووووووووووك الفوز واخص سليمان ويزيد تقاسموا القلب

عالطاير وانبراشه

للخبره في الدوري الاسباني وخاصتن في لقاءات الكلاسيكو ..

انا لاحظت من 8 سنوات ولقاءات الكلاسيكو بين برشلونه والريال لازم يكون احد الطرفين يعاني من ظروف اما اداريه او اصابات خلال موسم كامل ... ان شاء الله وضحت الصوره ...

ياليت واحد يذكر لي موسم مهب مباراه بين الطرفين ..كان برشلونه والريال في قمه مستواهم ..

العام وقبل العام برشلونه يعاني مع ذلك ينافس .. بس يعاني من ظروف ..

وقبل العاميين كان الريال يعاني خلال اربع سنوات ..

الى متى وهم كذا ..

ياليت تجاوبون علي وتعطوني من ثقافتكم الكرويه

تقبلو مروري

إقتباس 4 نقـآط ..

العتب على النظر

الف الف مبروك وعقبال الفوز ان شاء الله على الريال وبقية المنافسين

وبصراحه برشلونه مستواهم يطمن الايام وياليتهم يستمرون على الوضع

لبى قلبه هالخال الله لايحطني مدافع قدامه

من ريحة غلطه يجيب هدف < شكله بينتفه عين

البرشا ( بيب ) ميه ميه في المباريات الخارجيه < من امس ماسكه على عنوان ههههههههههههههه

وبعدين ياسوريانو انتظر لين 2010 بعدين تكلم ماندري تعيش ولا تموت

< وده يموتون كل اللي ممكن انهم يرأسون برشلونه عشان يبقى لابورتا هههههههههههه

اما مباراة امس فنجوميتها مع احترامي للجميع لـ تشافي

ياناس هاللاعب هو اللي يبرد المباراه هو اللي يحميها لبى قلبه والله

أما ماريسول المفروض تسوي لها كل اسبوع عيد ميلاد

واهنيكم ع الشغل في الرابطه وفي إنتظار المباراه القادمه

بوسني وابوسك



مباراه رائعه جدا .. فوز جميل جدا .. من النوع الا يخليك تحس بجو الكره .. يخليك تتحمس لآخر دقائق المباراه .. يخليك تحس بقيمة الفريق الا تشجعه ..

بالنظر الى احصائيات اللقاء [ بالشوط الأول ] كانت السيطره تميل لصالح برشلونه بـ 67 % اذا ماخانتني الذاكره .. وله 3 تسديدات على المرمى مقابل 4 الى اشبيليه .. ارقام بسيطه تثبت بأن برشلونه لم يكن سئ بالشوط الأول ولكن اشبيليه كان فعال اكثر ..

بالشوط الأول .. اشبيليه بدأ المباراه متسلحا بسلاح جمهوره الرهيب والمخيف .. وباندفاع بدني كبير .. اشبيليه حاول يبادر بالتسجيل من اول الشوط لتسيير المباراه وفق مايحب ..

الفوارق الا كانت بين الفريقين بالشوط الأول .. انه برشلونه كان يحاول يهجم ويهدي اللعب من وقت لآخر لقتل حماس لاعبي اشبيليه .. وهذا الشئ مانجحنا فيه بشكل جيد للدافع الكبير الا يلعب به اشبيليه .. اشبيليه كان بالشوط الاول يتميز بسرعه تفكير رهيبه .. وباندفاع وحماس كبير .. اقرب مثال على سرعة تفكير اشبيليه في بناء هجماته .. هي الكره الساقطه اللي لعبت الى كانوتيه وسددها بالعارضه .. الكره اتت له من كره ثابته .. لم يعطي فيها ماريسكا الفرصه لبرشلونه باعادة التمركز وبالتالي اللاعب اتى من الخلف بدون رقابه وكان ممكن يحرجنا لو لا التوفيق وايضا خروج فالديز لتضييق المساحه ..

كانوتيه هالموسم تغيرت بعض ادواره في الفريق الأندلسي .. واصبح قطعه مهمه في تحضير الهجمات ويرجع يساند الوسط ويتبادل مراكزه مع لويس فابيانو .. ولهذا السبب انضرب فريقنا بمرات عديده بالعمق .. السرعه في تبادل المراكز بين فابيانو وكانوتيه كانت سلاح مهم لعب به اشبيليا بالشوط الأول ونجح فيه من احداث خطوره كبيره على خط دفاعنا ..

وجود كانوتيه كمساند لخط الوسط كان يعطلنا في كرات عديده في تحضيرنا للهجمه .. وايضا تحوله كمهاجم ثاني للضغط على متوسطي الدفاع [ بيكي - ماركيز ] كان يربكنا ..

اشبيليا لعب بالشوط الأول مباراه كبيره من جميع النواحي وخصوصا من ناحية التغطيه الدفاعيه .. وجود كل من [ نافارو - ادريانو ] على الجهه اليسرى و [ ماريسكا - فازيو ] كلاعبين محوريين .. عطل مفاتيح لعب برشلونه في لحظات عديده ..

ادريانو راقب الفيس مراقبه لصيقه جدا .. نافارو كان مندفع بشكل كبير في مقابلته الى ميسي .. واذا دخل ميسي الى العمق يقابله ماريسكا واحيانا فازيو .. وهاالشئ خلا اداء ميسي اضعف .. خصوصا وان تشافي يضغط عليه ايضا فازيو وببعض اللقطات كانوتيه ..

انضباط كبير من جانب اشبيليه ومجهود بدني قوي .. خلا برشلونه تظهر بشكل اضعف من ناحية الحلول وايصال الكرات الى ايتو خصوصا ..

الهدف الاول اللي سجله الفريق كان فيه حظ وتوفيق .. ولكن يحسب فيه التحرك اللي عمله تشافي للعمق لاعطاء ميسي الحل بالتمرير .. فور وصول الكره لتشافي يضم ميسي لايتو لزيادة الكثافه العدديه في عمق دفاع الفريق الاندلسي .. هدف يحسب الى حس ايتو التهديفي المتطور هالموسم ..

الجهه اليسرى كانت فيها محاولات جميله من هنري امام موسكيرا مع وجود محاولات لعمل جمل ثنائيه بينه وبين كيتا لكن لم تكن بتلك الفعاليه ..

الشوط الثاني الا تغير فيه بشكل اكبر .. انخفاض اللياقه البدنيه للاعبي اشبيليه بعد الشوط الأول الكبير .. مع اخراج ايتو من عمق الدفاع الى وسط الملعب لموازنة الكفه مع القوه الجسمانيه الا يتمتع فيها محاور اشبيليه وجعل ميسي رأس الحربه لاستغلال الفراغات الا ممكن تحصل .. تثبيت الدفاع بشكل اوضح برسم دفاعي ثلاثي .. مع وجود رافا كلاعب ليبرو لتنظيم منقطته الدفاعيه كما يجب .. ايضا مراقبة توريه الى كانوتيه ..تحسن مستوى كيتا على مستوى المراقبه والضغط ..

هاالشئ اعطى ثبات اكثر من ناحية افتكاك الكره .. اعطى قدره ومدى اوسع للسيطره على الكره بشكل [ ايجابي ] .. وهاالشئ احرج مدرب اشبيليه .. اللي حاول بشكل يائس فك شفرات الدفاع واعطاء حلول هجوميه اكبر لفريقه ولكن لم يستطع ..

الاندلسيين تميزو في الرقابه الشخصيه بالشوط الأول .. لكن بالشوط الثاني لما تخلى المدرب عن هالشئ وحاول يهاجم بادخاله لكل من [ روماريك - كابيل - ريناتو ] اعطى برشلونه حريه اكبر بالأمتار الأخيره ومساحه اوسع لعمل مايحتاج فعله لزيادة الغله وتخليص المباراه ..

الفريق تميز في المباراه بشكل عام بالصبر والتركيز الذهني .. التغييرات الا عملها بيب نشطت وسط الملعب .. و اعطت قوه اكبر دفاعيا ..

الا صار بالشوط الثاني يحسب الى بيب اللي صحح اخطاء الشوط الأول بشكل مثالي واعطى الفريق الامان اللازم لعبور محطة السانشيز بيزيخوان الصعبه جدا .. اللي استعصت على معظم الانديه في المواسم السابقه ..

[ توريه ] كان نجم فوق العاده بالمباراه .. لاعب قتالي من اروع مايكون واحد اهم ركائزنا واسلحتنا في الفوز بالمباريات .. [ كيتا ] ايضا لاعب مفيد جدا من الناحيه التكتيكيه ولكن يحتاج يتحسن بشكل اكبر مع طريقة لعب الفريق .. افضل مباراه ممكن الى كيتا من جا لنا .. كان دوره مهم جدا بالوسط خصوصا مع مستواه بالشوط الثاني ..

[ الفيس - بويول ] .. تألق غير عادي في مباراة الأمس .. جميع اجنحة اشبيليا بالأمس تناوبت عليهم لكن لم يتمكنو من فك شئ ..



[ هنري ] .. قدم مباراه تكتيكيه هو الآخر من اجمل مايكون .. لاعب منضبط جدا ويعطي كل مالديه للمجموعه .. لكن يعيبه اللمسه الأخيره امام الشباك ..



[ بيكي ] .. ما اعتقد انه كان سئ .. لكن المباراه كانت صعبه جدا وفي ملعب صعب ايضا .. بيكي مازال شاب .. الالتحام الا صار بينه وبين كانوتيه اعتبره عادي .. ممكن ينحسب وممكن ماينحسب .. تعتمد على جرأة الحكم ..

[ رافا ] .. قدم اداء انيق جدا بالمباراه وخصوصا بالشوط الثاني .. حرفيه عاليه في تنظيفه للمنطقه الخلفيه .. وهذا اهم خواص رافا اذا كان مركز ..

في تقييم الماركا للحكم اعطته 8 من 10 .. وفي تعليقها على الحالات التحكيميه قالت انه لم يرى اعاقه الى كانوتيه كان فيها احتمال وجود ضربة جزاء ..

مباراه جميله في كل شئ .. من النوع الا عادي تشاهدها اكثر من مره .. كان فيها حرق اعصاب .. لكنها من اجمل مباريات برشلونه من سنوات

الى الامام يا برشلونه ..

<< عـآآآآآآد إليكم من جديد


جن جنون البرشلونيه .. في الصداره وقع ياليغا اسبانيه

ثلاثيه في اشبيليه .. تجعل الصدراه ملك البرشلونيه



بصراحه مباراه رائعه قدمها الفريق ... ولكن كان بنقص المباراه معلق يفتح النفس

لان المعلق كان يجيب النوم .. كنت اشوف دقيقه واغفي خمس دقايق


اما غياب ايتو جا بوقته

ميسي .. هالآدمي موب عاقل


كل الشكر ..!

كابتن فالنسيا مارشينا طرد البارحة بالكرت الاحمر في مباراة بيتيس ، يعني سيغيب عن لقاء برشلونه في الكامب نو .

غلاف الموندو ليوم الاثنين

ميسي : 15 هدف + 11 تمريرة

ليو قائد وصانع المد الهجومي للبلوغرانا

26 هدف ساهم فيها النجم الارجنتيني من مجموع 62 هدف سجلها البرسا هذا الموسم

ظهر اليوم موعد إجراء قرعة دور 16 والدور ربع ونصف النهائي من كأس ملك اسبانيا

السبورت

إقتباس الرسالة الأصلية كتبت بواسطة العاشق الكتالوني هلا أخوي ،، نوم العواااااافي مبروك الفوز علينا كلنا،، وصراحة فريق ( ما شاء الله ) يدرس كورة قدم،، بس حبيت أقولك نقطة مهمة ،،، دروس الحياة علمتنا إن الشماتة شينة ،، وعلى مايقولون ( الشماتة تطيح الطير من السماء وتجدع التيس من الجبل) على فكرة ،، المثل توي مولفه ،، لكن متأكد بعد ستين سنة بتلقى العالم تقوله صراحة أنا لما أشوف برشلوني يتشمت بالريال أسكته كله خوف على فريقي،، إن شاء الله لي عودة وكم كلمة على كم نقطة من كم لحظة في المباراة