^^

الصور حلوه يالغالي .. بس فيه مشكله صغيره جدا .. ولا صوره طلعت



بيب ياحقير يوم انك تقول هالتصريح ماتدري ان رونالدو عنده مباراة مع فياريال تراك كذا تجرحه وبيلومونك المانشستراويه



بالنُسبه لمباراة اليوم فـ ماودي قوارديولا يولف بالتشكيله .. صحيح انه ورانا مباراة يوم السبت قدام اشبيلية لكن مهب معناته نسحب على هالمباراة .. متأهلين صحيح لكن المركز الأول مطلوب برضو .. أضف الى ذلك انك ممكن تعتبره تمرين وماتخلي اللاعبين يفلونها مره بالملعب .. طقطقه يعني عاد سبورتنق مايبيلهم ام شاء الله نطقطق عليهم زي كاطقطقنا على غيرهم ::razz

إقتباس الرسالة الأصلية كتبت بواسطة the prince_14 ^^^^^^^^^^^^^^^^^^^^^^^ عطني موقع رفع زين عشان أحل المشكلة

يا هلا بالبرنس

شف عندك الزعيم بإمكانك ترفع بالمرفقات

هذا الموقع

مخزن

غلاف السبورت ليوم الاربعاء

نـريـد المـركـز الأول

إقتباس الرسالة الأصلية كتبت بواسطة مسي الخبر جوراديولا : ميسي رابع أفضل لاعب بالعالم مدرب برشلونة لم يقرر يوم الاربعاء اشراك المهاجم الارجنتيني لونيل ميسي أمام سبورتينغ لشبونة البرتغالي في الجولة قبل الأخيرة للبطولة. وبعد الاجتماع مع ' لونيل ميسي' الذي لم يلعب مباراة خيتافي في الدوري بسبب بعض اللآم في عضلات الفخذ والارهاق وفضل بيب اراحته وسئل بيب جوراديولا في المؤتمر الصحفي عن حظوظ في ميسي في جائزة أفضل لاعب بالعالم فأجاب بيب مازحـاً : { ميسي أفضل رابع لاعب بالعالم لأن كريستيانو يقول أنه أفضل أول وثاني وثالث لاعب بالعالم } SPORT والله موهين بيب يعرف يذب الولد

الييييم يا بيب

ما يصير كذا يا بيب

غلاف الموندو ليوم الاربعاء

الفوز من اجل الليغا ( ان الفريق يفوز ويضمن المركز الاول ثم يحول تركيزه كله الى الليغا )

يا هلا والله بأهل الخبر كلهم

هلا بالغالي ميسي الخبر هلا بشعلة الرابطة


1/ بما أنك تحب البرشا .. من أفضل لاعب عندك ؟ وتشكيلتك المناسبة ؟

2/ جدولك اليومي .. متى تصحى .. متى تنام .. وين تروح يعني ؟

3/ عضو يجعبك بالرابطة ؟ وعضو تسولف معاه دايم بالمسن ؟

4/ ماذا ينقص رابطتنا ؟ وش رأيك بقناة فنون ؟

5/ تحب السفر ؟ ووين رحت إذا تحبه ؟

6/ ودك تروح برشلونة وتزور الكامب نو ؟

7/ الزعيم وطارق التايب وش يعنون لك ؟ ومن تتوقع اللاعب العالمي اللي يريده الزعيم ؟ الله يحفظ إبن مساعد إدارة إبن مساعد تمشي بخطى ثابته نحو المقدمة







10/ سؤال أنس المعتاد

يا حبي له هالآدمي بو مالك

من أفضل ( بوفون - كاسياس ) ، ( توريس - ايتو ) ، ( تشافي - لامبارد )

إقتباس الرسالة الأصلية كتبت بواسطة S U L A I M A N بالنسبة لفالديز فـ مادري وراكم عليه ياشباب .. كل الي أقوله هو ماعليكم من رأي متابعي الفرق الأخرى عن فالديز .. لانهم مايشوفون ومايدرون وشو فالديز زيكم .. أنتم تشوفونه وتعرفونه زين .. لكن توصل إلى انه سيء جدا والكلام الي قريته .. لأ ممكن يكون أخطأ قبل خمس سنين .. وأربع .. لكن من أول مباراة له مع برشلونة لين آخر مباراة .. أعتقد ممكن تنعد اخطاؤه .. معناه ان عندنا حارس ممتاز نصيحة .. اتمنى أي واحد يعطي رأيه حول فالديز .. يتذكر الشغلات الحلوه الي سواها مع الشغلات الي مو ممكن ينساها الي هي السيئه .. يعني أنصفه وتذكر كل شي عنه .. مهب تتذكر لي هدف ديفيد فيّا قبل خمس سنين وتجي تقول انه شين

من جدك تتكلم ياخي قبل لا تتكلم عن فالديس توضى وتعوذ من الشيطان .. انا اول مره اشوف حارس مزاجي , مره يكون ممتاز ومره مستواه زفت يخليك تكره ام المباراه , ما عنده حل وسط ابد , مباراة سلتك الذهاب بغى يضيعها علينا بسبة الهدفين إللي مدري وش يبغون , ومباراة مانشستر إللي للحين محتر منها , وهدف خيتافي يوم يفتح الزاوية , وهدف لمبارد قبل سنتين , ووووووووووووووووووووووووووعد وإغلط , ولا اقلك , شف ذا المقطع وإحكم , يا شيغ غطى على بوفون وكاسياس وسيزار وكل ابوهم , وإعذرني ع المداخله بس انا انترفز إذا شفت احد يدافع عن عنه , خذ

إقتباس الرسالة الأصلية كتبت بواسطة مسي الخبر جوراديولا : ميسي رابع أفضل لاعب بالعالم

صراحة تصريح قوي في الصميم من جوارديولا لكني استغربته منه ... شخصية بيب من النوع الجاد يعني ماتتوقع منه مثل هالتصريحات الساخرة شوي ، يعني كلام مثل هذا تسمعه من مدرب مثل مورينهو ماهي غريبة لكن جوارديولا ماتوقعته .

مبارك / ارجع لموضوع فالديز قلت لك ان اكثر الانتقادات كلها عن مباريات ماضية في مواسم سابقة وانت اكدت كلامي تقول التاريخ يشهد ... فالديز انا اشوفه هالموسم غير وشاهدنا مباريات قدام اسبانيول وبلباو يوم كان الكابتن كان مستواه فيها متميز ، وكاسياس مثلا اللي كان في السابق يشيل فريق مثل ماتقول مسجل فيه اهداف هالموسم اكثر من حارس اوساسونا اللي ترتيبه في المركز قبل الاخير ،

ثانيا انا قلت لك كل حارس لو كان افضل حراس العالم له اخطاؤه وهذا صحيح ، لكن اللي يفرق مع فالديز اذا اخطا ان فريقنا في السابق اذا سجل فيه هدف عادة تحس انه يستسلم ولا يستطيع العودة في المباراة ويخسر فيبقى الهدف عالق في الذاكرة ، بعكس فرق اخرى لو اخطأ حراسها ترجع وتفوز ونعرف الفوز ينسي كل الاخطاء .... فقط معلومة في آخر خمس سنوات ( باستثناء الموسم الماضي ) كاسياس اللي هو حارس اسبانيا الاول يدخل مرماه كل موسم اهداف اكثر من فالديز ووصلت في موسم الى اكثر من خمسين هدف .

بالنسبة لاختياره للمنتخب يعني اسبانيا من زمان وهي تعتمد على كاسياس وبالوب ورينا وبعض المدربين مايحب التغيير وفي النهاية هي قناعات مدربين بعضها تكون ماهي مقياس ... يعني اعطيك مثال في البرازيل دونغا مثلا من بدايته وايام كوبا امريكا كان يعتمد على دوني حارس روما اساسي مع انه قبل البطولة منرقع بسبعة من المان وجوليو سيزار كان في عز تألقه مع الانتر في ذيك الفترة ومع كذا ما اختاره حتى الاحتياطي كان الفاشل غوميز .

أسعدني النقاش معك وبالتوفيق لجميع لاعبي برشلونه .

خمسة اسباب رئيسية للفوز على سبورتينغ

قالت صحيفة السبورت ان هناك خمسة اسباب رئيسية تجعل من فوز برشلونه على سبورتينغ لشبونه هذا المساء امرا مهما :

1- ضمان صدارة المجموعة يعطي الفريق فرصة لعب مباريات الاياب على ارضه في الادوار القادمة ، وكذلك تجنب بعض المنافسين الاقوياء والمتوقع ان يكونوا رؤساء مجموعاتهم .

2- الفوز بمبلغ 600000 يورو حيث ينص نظام البطولة على حصول كل فريق يلعب اي مباراة على مبلغ 400 الف يورو ، وفي حالة الفوز يحصل على مبلغ 600 الف ونصفها في حالة التعادل ( البرسا جمع حتى الان 6.7 مليون يورو ) وهذه المبالغ في ظل المصروفات الكثيرة للنادي تجعل هناك حاجة للنقاط الثلاث .

3- نسيان دوري الابطال حتى شهر فبراير القادم رغم تبقي مباراة واحدة امام الفريق الاوكراني في ختام المجموعة ستكون هامشية .

4- التركيز الكامل على الليغا مع بداية شهر المباريات القوية امام المنافسين ، الى جانب ان الصدارة في الشامبيونز تعطي اللاعبين حافز وتفاؤل قوي في هذه المباريات وحتى للجماهير .

5- استمرار تقديم الصورة الجيدة للفريق والتي جعلت من المتابعين والنقاد يقدمون له الاعجاب ويرشحونه احد افضل واقوى الفرق الاوروبية في الوقت الحالي .

السبورت

التشكيلة والنتيجة المتوقعة من موقع GOAL

فالديز

سيلفينهو ........... بيكي ............ ماركيز ........... الفيس

تشافي ............ بيسكيتز ................ هليب

هنري ..................... ايتو ........................... ميسي

النتيجة : التعادل 1/1

GOAL

تشكيلة قريبة وتعتمد اذا ميسي راح يشارك من بداية المباراة او لا ؟؟

في حالة عدم مشاركة ميسي وهذا اللي نتمناه من بيب هناك خيارات كثيرة ، ممكن مشاركة كيتا في خط الوسط وهليب يتقدم لمركز الجناح الايمن مع هنري وايتو ، واحتمال نشوف بيدريتو اساسي بديل لميسي ويكون هليب في الوسط مع تشافي وبيسكيتز لان كيتا ارهق كثير في مباراة خيتافي مابين الوسط وانتقل للظهير ، وبالنسبة للدفاع اكيد هي الاسماء المتوقع مشاركتها .

والنتيجة ان شاء الله فوز للبرسا وليس تعادل .

إقتباس الرسالة الأصلية كتبت بواسطة the prince_14 أغنية برشلونة

ههههههههههههههههههههههههه
ضبطوها الزلامات

نصيحة لا أحد يحمل المقطع

( خخخ خل الملاقيف يحملونه ، مثل الخبر الي كان يكتب في الشرق الأوسط زمان " لا تقرأ هذا الخبر " )

إقتباس { ميسي أفضل رابع لاعب بالعالم لأن كريستيانو يقول أنه أفضل أول وثاني وثالث لاعب بالعالم }

وهو صادز والله ، لاعب مغروور وهذا الي كرَه الناس فيه

بخصوص فالديز انا كنت أحترمه وأقدره ، كان يبذل مجهود حلو وله مباريات طيبه بالصعوبه لأي برشلوني واقعي ينساها
بس اعلانه الأخير ، أسقطه من عيني تدرون وش مسوي سويد الوجه
مصور اعلان ماكان يستره فيه ولا حتى ورقة توت
قال وشو بيساهم في منع العنف ضد المرأة ، تخلف وانحلال عندهم مدري شلون يفسرونه !

طحت من عيني بعد ماكنت عالي
تبوني انزل صورة الأعلان d :
____

نسيت أقول بالتوفيق اليوم
بحاول أنقل المباراة كود يفوزون

شركة ساعات تصمم ساعة خاصة باسم القائد بويول

أعلنت شركة الساعات الرائدة " ماكينا ديل تيمبو Macchina del tempo " عن تصميمها لساعة خاصة لقائد فريق برشلونه كارلوس بويول ، وسوف يزاح الستار عن التصميم الخاص لهذه الساعة يوم الثلاثاء القادم في فندق كونستانزا NH Constanza ، وسوف تحمل الساعة اسم CP5 والذي يشير الى الحروف الاولى من اسم قائد البرسا ورقم قميصه الذي يحمله في الفريق .

السبورت

|| غوديولآ و آهتمامه بـ النظام الغذائي ، يعطي كل لآعب في الفريق 4 شطآئر ( ساندويتشات ) 2 مكونه من الجبن و 2 آخرى مكونه من لحم الخنزير ، سبب ذآلك بآن المضيفات في الطائرة آعطوا الجميع ما يرديونه من دون تحديد الكمية وهذآ ما اغضب بيب غورديولآ ||



SPORT