^^

ياهلا بك عمر ..

ومنور ورده ..

..

لكن معليش :$
الخبر اللي فوق مكرر ..

ومشكوور على كل ما تقدمه للرابطة ورده ..

إقتباس الرسالة الأصلية كتبت بواسطة //""فتـى البلـوز""// رابطة عشـآق تشلسي تهنئكمـ بحلول شهر رمضـآن المـبآركـ .. ورده

الله يتقبل منا ومنكم ومن جميع المسلمين صالح الاعمال ..

ومشكور على مرورك بالرابطة

نورت الرابطة بوجودك وبوجود جميع الشبـآب

..

فيصـل ورده

من متى تشجع الفريق ؟

أي فريق ؟

انا شفت لك مشاركات في روابط قديمه للبارسا .. لكن ليش وقفت مشاركاتك معانا ؟

لكل جيل وقت .. انا شاركت في الرابطة من قبل ولازلت متابع يومي لها لكن مع الظروف والتزامي مع رابطة روما خفت مشاركتي تدريجيا ً مع الرابطة .

ماهي توقعاتك للموسم الايطالي القادم .. وهل تتوقع سترجع مكانة الكالتشيو الأولى بين باقي مسابقات الدوريات الأوروبيه .. وما الذي برأيك سيتغير بـ روما الموسم القادم ؟

الكالتشيو هذا الصيف حدثت فيه طفرات كبيرة من انتقال مدربين ولاعبين كبار .. محبي الكالتشيو موعودين بموسم رائع باذن الله سـ يعيد للأذهان أجمل المواسم في جنة كرة القدم .

عذرا ًبالنسبة للشق الثاني من سؤالك تمت الاجابة عليه مسبقا ً .

مقارنتك بين دي روسي وتوريه يايا !

بما انك متابع قوي للكالتشيو .. وتتابع البارسا في الليقا .. ولديك درايه بالأنديه الانجليزيه .. برأيك .. هل الليقا الاسبانيه ضعيفه مقارنة بباقي البطولات الكبيره .. وأن تطور اللاعبين بشكل فردي يصبح اكبر في البريمير والكالتشيو مقارنة بالليقا ؟ وهل مدربي البريمير والكالتشيو افضل من مدربي الليقا من ناحية عمق الأفكار والخبث الكروي ؟

بالنسبة لي الدوري الاسباني يأتي في المركز الثالث بعد الكالتشيو والبرمير .. الاسباني التأقلم فيه للمدربين واللاعبين سهل جدا ً مقارنة بالدوريات الأخرى .. أعتقد ان مدربين الكالتشيو خصوصا ً أفضل من كل النواحي لامتياز الدوري تكتيكيا ً وهالشي مااعتقد يخفى على أحد على عكس الانجليزي والاسباني .. عموما ً لكل دوري ايجابيات وسلبيات والقلب مايهوى .

يـآ آلله حــي مــــآآآجــد ..
وكـل عــآم وآنـت بـ خ ـير ..
فـي آلـبدآيـة مبـروووك عليـك منـصب آلآشـرآف .. وآعتـذر لآنهــآ مـتـآخـرة .. :$
وتستــآهل حبيـب قلـبي مـجووود ..

آلـبرسـآ و رومـآ آلسنـة هـذى وش تتـوقع آلـتركيـز بيـكون علـى آلـدوري ولآ آلآبطـآل .. ؟

أعتقد ان الهدف الأول للفريقين هو اثبات وجودهم في الدوري .

وش آلـفرق آلى تكـرههــآ .. ؟

الانتر وريال مدريد وليون وتشيلسي والنصر

مـن آفـضـل لآعـب عـندك [ مـو شـرط يكـون حـآليــآ ] .. عـآلميــآ ومحلـــيـآ .. ؟

عالمي زيدان .. محلي أكيد سامي

آكمـل آلفـرآغ .. وآن مـآ كبـرت مـآ ........... ؟

مابتصغر

F.C.Blugrana

شخص ما ترفض له طلب ؟ ( من الشبكة )

هلالي ومانشتراوي

مغامرة تود القيام بها ؟

skydiving

مين مطربك المفضل ؟

محمد عبده .. ابونورة

من هو أتفه مخلوق ؟

مافيه مخلوق تافه كلن خلق لسبب

مين توأم روحك :$ ؟

اتمنى تكون زوجتي في المستقبل

عندك إهتمام بالشعر ؟ وإذا عندك مين اللي يعجبك ؟

أكيد .. رئيسنا المبدع عبدلرحمن بن مساعد , خالد الفيصل , خلف بن هذال وأخيرا ً نزار قباني .

جدار فاضي .. وقلم .. وش تكتب ؟

النظافة من الإيمان

معك شبك مين تربط ؟

أربطك انت

متى ناوي تتزوج :$ ؟

اذا كونت نفسي ان شاء الله

نجي عاد للأسئلة الرياضية :

لو طلع توتي من روما أيام عروض مدريد والشيك المفتوح .. هل بتعذرة .. ولا بتحقد عليه ؟؟

لا أكيد بعذره لكن الوفاء من شيم الملوك

مين اللي خلاك تحب البرشا ؟ ومن متى تتابع البرسا ؟

ريفالدو .. تقريبا ً 8 سنوات

تتوقع إن روما قادر على الوصول إلى أبعد من دور الـ 8 بدوري الأبطال ؟

بالتشكيلة الحالية ايه نعم قادر وان شاء الله ربي يكرمنا ونفوز بالبطولة

بعد عودة اليوفي للمنافسة .. والتجديد لـ ميلان .. وتغيير المدرب بالنسبة لـ الإنتر .. وش ممكن يسوي روما بالدوري ؟

الكبير يبقى كبير .. أعتقد السؤال مفروض يكون هم وش ممكن يسوون معنا

آسف على الإطالة .. بس متى يجينا ماجد .. لازم نشرشحه

Lionel Messi

ماجد يا ماجد

سلام ياحلو كيفك ان شاء الله مبسوط ؟؟؟

تمام الحمد الله

او شي ابي رايك بالعضو Lionel Messi عضو اللجنة الاعلاميه >>> يعني ترى موب انا من كل النواحي السلبيات والايجابيات ؟؟

اذا كان للتميز عنوان فـ هو Lionel Messi

طبعا الجميع يؤكد ان روما بدون توتي مايسوي .. انا اشوف العكس وهذا اللي صار باخر موسمين نشوف الفريق يلعب بشكل حلو سواء كان توتي موجود او لا .. هل توافقني ؟؟؟

أكيد .. واعتقد اني وضحت هالشي في اجابة سابقة

رأيك بصراحه في البوندز ليغا ؟؟ وهل تقارن في الدوريات الكبيره كمتعه وحضور جماهيري ؟؟ ورايك في الاحجاف الكبير اللي صاير في شبكة كالزعيم لاتهتم في الدوري الالماني ؟؟ ولو كنت مكاني هل ستترك تقديمها اذا تواصل هالاحجاف والا بتستمر ؟؟ >>> سؤال طويل ارجو تجاوب عليه من كل اطرافه

شهادتي فيه مجروحة .. دوري رائع وممتع لكن أكيد لايقارن في الدوريات الكبيرة ولهذا السبب نشوف ان التفاعل معه عربيا ً قليل .. مافيه احد يحبه وش نسوي . .. لو كنت مكانك الصراحة اترك تقديمه واهتم في الرابطة أفضل

البطاقة الشخصية .. ادري مكرر بس عشان ما يصير لك مجال تتهرب وتقول ما سئلوني الاسم والعمر ووين ساكن والسيارة و وو و ؟؟

جاوبت عليه

هل تتعمد انك انك تحط بينك وبين العضو حاجز بالكلام والا لا ؟؟

قبل سنة او سنتين لا طبعا ً .. لكن في الوقت الحالي أكيد لان اغلب الاعضاء الحاليين مقطوع سرهم بوسط النادي الي يشجعونه .. علشان كذا صعب النقاش معهم

سليمان الريس السابق العزيز المخلوع سابقاً والفاخت حالياً بثلاث سطور وش تقول عنه ؟؟؟

سليمان من الأشخاص الي اعتز بمعرفتهم صراحة سواء في الشبكة أو خارجها

كلمة اخيره توجهها للرابطة ؟؟

أشكركم جميعا ً على اتحاة الفرصة لي للتواجد بينكم وأتمنى اني ماكنت ضيف ثقيل عليكم

بالاخير اذكركم ان فيه اسئله مكرره وتم حذفها .. وجرى التنبيه لذلك

شكرا لك ماجد على روحك الطيبه ورده ورده .. نورت الكرسي بجد ورده ورده

إقتباس الرسالة الأصلية كتبت بواسطة skroo فيه سؤال : انريكي كان بمدريد , لكن هل هو من برشلونه اصلا مثل جوارديولا الكاتالوني والا وشلون ؟؟

يـاخـي شـعـور بـايـخ لـمـن يـنـسـحـب عـلـى ام الـسـؤال

يـا نـاصـر لـويـس انـريـكـي مـن مـديـنـة جـيـجـون الـتـي تـقـع فـي شـمـال اسـبـانـيـا ، مـديـنـة سـاحـلـيـة و تـعـتـبـر مـصـيـف مـهـم لـ الـمـسـافـريـن

يـعـنـي لا عـاصـمـي ولا مـن الأقـلـيـم الـكـتـلونـي . . مـنـور .

إقتباس الرسالة الأصلية كتبت بواسطة skroo هلا والله وغلا فيك وبـ زعيــ[ كلهم ]ــمهم وببقية الشباب موقع قول ما اصدق اي شي يقوله حتى لو فيديو

هلا وغلا فيك ... معك حق بالنسبة لموقع قول وانا اصلا ما اعتبره مصدر صحيح للاخبار لكني ذكرت الخبر لسبب انه منقول عن صحيفة مشهورة ومتخصصة ، الا اذا كانوا يكذبون بسالفة انه منقول ما ادري ممكن .

إقتباس الرسالة الأصلية كتبت بواسطة H U N T E L A A R بـالـنـسـبـة لـ الـمـوهـبـة لاقـو تـعـودنـا مـن مـسـؤولـيـن الـفـريـق الـبـرشـلـونـي رمـيـهـم لـ الأنـديـة الأخـري ، وكـأن مـافـي شـي اسـمـه تـصـعـيـد مـواهـب لـ الـفـريـق الأول او أعـارة او حـتـي مـقـابـل مـادي مـحـتـرم ، يـلا وش زوده عـن فـابـريـقـاس و جـيـوفـانـي و دامـيـا و مـارك فـالـنـتـي و الـطـخـة الـحـلـوة ذي خـلاص مـنـتـديـات الـفـريـقـيـن الأجـنـبـيـة قـالـوا Done , ولا بـورتـا طـايـحـيـن فـيـه شـمـاتـة . . مـدرسـتـنـا تـفـرخ و تـعـطـي لـ الـمـزارع الـكـبـيـرة الأخـري .

امممم .. هذا سالفته غريبه وليد ..

هي بدأت لما انريكي جاب لاعب في نفس مركزه .. وهو سوا كم حركه في البدايه .. وانريكي مادري وش فيه اي واحد مايعجبه طيره ..

المهم هددوا الولد اظن .. وزبط .. وصار يتدرب زين .. لكن انريكي قال له انت بعدك موجاهز للفريق الرديف .. تحتاج فتره زياده في الفريق الا اقل ..

هو ماعجبه الوضع .. مادري ليه يعني .. اخر شئ رجع يسوي حركات نص كم شوي ..

هذي المشكله اكثرها من وكيله .. هو اللي حرضه بشكل اكبر .. مثله مثل جيوفاني ..

جيوفاني اللي ماقدم له شئ يشفع له .. كان يبغا يصير اساسي ووو طلبات زايده وكذا .. او يطلع .. وفي النهايه طلع ..

عموما هالنوعيه ماادري ليه ماعندها صبر على نفسهم .. هم يشوفو كيف اللاعبين ممكن يدخلو الفريق الأول وياخدو فرصه .. لما يصبرو على نفسهم ..

اللاعب كانت عنده موهبه .. بس نفسيته غريبه ..

عموما فريقنا مزرعة لاعبين كل سنه يطلع كم واحد .. حتى لو في مواهب نتحسر عليها .. لكن احيانا مانقدر نسوي شئ اذا الفلوس تتحكم بهالنوع من الأمور ..

===

شباب .. في موضوع عن كوبالا ..

نحتاج فيه مصمم حلو .. << مشكله ازليه في هالرابطه ..

اذا ماشفت باجيب لي فلبيني بفلوس هالمره

,
,
|| :: || قـوانـيـن مـنتدى الـريـاضة الـعربـيـة و الـعـالمـيـة || :: ||
,
,

أمل جديد


والله خوش امل الا حاط هالصوره

اليوم بالساعه الثامنه ليلا .. سيبدأ الفريق من اول نقطه في سباق الليقا .. سنلعب في ملعب لم نعتد ان نفوز فيه كل مازرناه .. صحيح اننا لم نخسر فيه .. ولكننا ننتظر من الفريق فوز يكحل به عين جماهيره ومحبيه

بعد التخبطات العديده .. والصيف المزعج .. آن الأوان للهدوء .. وعيش المرحله الجديد بشكل مريح .. وان نركز على كرة القدم تماما ..

وصلنا لحلول عديده في المشاكل الاداريه .. استقدمنا بعض اللاعبين الذين من المنتظر ان يصنعو من انفسهم نجوما .. بعد ان رحل عنا نجوم الفريق الكبار ..

تأهلنا للكأس الأوروبيه .. وجعلتنا القرعه في مجموعه من الممكن ان تكون الأسهل .. ولكن من الممكن ان تصبح صعبه لو لم نحسن التعامل معها ..

القرعه قد تكون خدمت برشلونه لعيش الضغط الأوروبي بشكل اهدأ .. فـأن تقابل فريق متوسط افضل من ان تقابل عمالقة اوروبا في بداية الطريق وان تحدث لك عوائق مبكره كفيله بأن تجعل الفريق يسقط للهاويه مره أخرى ..

نومانثيا .. عائد مره أخرى لدوري الأضواء .. ولديه كل الحرص للبدء بشكل قوي واستغلال الحاله الجديده للنادي الكاتالوني ..

برشلونه .. يريد فرض كلمته منذ البدايه .. وأن يبدأ الموسم بـ نتيجه ايجابيه .. أملا منه في ان تكون بداية مسلسل جميل من الانتصارات نحو احراز لقب غائب عن خزائن النادي منذ موسمين مريرين ..



الكل تبين له بأن بيب ذو تفكير دفاعي بحت .. خصوصا بتعاقداته الدفاعيه الكثيره .. لاحقا رأينا بأن الفريق يبحث عن الهجوم بشكل دائم ..

اللقاءات الوديه قد تكون مع فرق ضعيفه .. وقد تكون فكرتها هجوميه بحته .. لكن هي كانت استعداد جيد لحملات الفريق الهجوميه .. ومن بعدها العوده للتركيز على الدفاع ..

هي فلسفه ونظره للمدرب .. هناك مدربين يبدأون بشكل بطئ وقبيح مع انديتهم بسبب تركيزهم في البدايه على المبادئ الدفاعيه .. وم ثم يتقدمو شيئا فـ شيئا بحثا عن مزج الأفكار الهجوميه بالقواعد الدفاعيه الموضعه مسبقا ..

بدأناها بالهجوم .. وأأمل ان تكون نظرتي صائبه .. وان العمل الان ينصب على الأمور الدفاعيه ومزج التصحيحات الدفاعيه مع التركيبه الهجوميه ..

الشئ السلبي بنظري .. ان السبورت والموندو قاموا بالواجب .. بالنفخ الاعلامي .. كل يوم يوضعو مقاله للتفريق بين ريكي وبيب .. وكل يوم .. هذا قام وهذا قعد ..

اعزائي الكاتالونيين .. بلاش النفخ .. بيب لديه مشوار طوييييل .. ليصل الى ماوصل اليه ريكارد .. ريكارد الذي انهلتو عليه بالشتم واللوم بكل الطرق .. لديه فكر عالي ولكن خطأه فقط انه لم يسيطر على مشاكل غرفة الملابس ..

هي امنية مشجع لهذا النادي قبل ان اكون محب لشخص بيب .. ان يصل بيب الى ماوصل اليه فرانك قبل ان أأمل ان يتخطاه .. ولكن علينا بالصبر وان لانعمي بصيرتنا بأشياء معينه .. فقط علينا التحلي بالصبر والواقعيه .. وسنرى جيل جميل باذنه تعالي ..

انهينا تعاقداتنا وتجهيزاتنا .. وبقي ان نصل بشكل نهائي للتشكيله الأفضل .. الأمور محيره بعض الشئ في بعض المراكز .. خصوصا مركز المحور الدفاعي وقلب الدفاع ..

توريه عائد من اصابه بالظهر وعمليه جراحيه صعبه .. وكان الأفضل ان يعمل بشكل تدريجي وبشكل هادئ لكي لاتعود له الآلام ..

اتمنى ان ياخذ توريه مركزه الأساسي بشكل تدريجي .. لان وجود الايفواري الجميل يجعل خط الوسط يشعر بالثقل والأمان ..

قلب الدفاع .. ستكون مسأله محرجه الى بيب .. فـ هل سيختار الخبيران ماركيز وبويي .. ام سيعتمد على طموح وموهبة بيكي وكاسيريس ..

المنافسه صعبه .. والقرار صعب .. لكن المستفيد الأول والأخير هو النادي .. واتمنى ان من يستحق اللعب يأخذ مركزه .. ولا أن تحدث أية مجامله ..

خط الوسط اتمنى ان يكون مكون من ( كيتا - توريه - تشافي ) .. هذا التشكيل يمنحنا قوه اكبر .. وتغطيه افضل بالخلف ..



اتمنى ان يكون هناك لاعب يجيد مهام صناعة اللعب بشكل عام اكثر من مجرد اللعب في مركز الجناح الأيسر .. واعنى هنا .. اينييستا .. هليب ..



هنري جميل شغله على الرواق الأيسر .. لكن لتركيبه افضل في خط الوسط ولصناعة اللعب بشكل افضل .. اتمنى اشراك لاعب آخر غير هنري ..



ايتو يجب ان لا يشعر بالأمان بأن مركز الهجوم حصري له .. يجب ان تكون هناك منافسه واحساس بالخطر .. لكي نرى الشراره التهديفيه دائما في عينه ..



ابيدال هو الآخر يجب ان يشعر بأن هناك منافسه على مركزه .. ولو انها معدومه لكن اتمنى ان يعود تركيز هذا اللاعب وان يتوقف عن اغلاطه ..

اخيرا .. اتمنى ان تكون ضربة بدايه ممتازه ومبشره بالخير .. وان يكون الموسم مفاجئ للجميع .. ونحرز شئ .. او على الأقل ان نظهر بصوره جميله جدا .. مع انه باعتقادي بطولتنا المنشوده هي الخروج بدون اصابات اولا وبروح وعقليه جديده ..