في البداية ! وعشان نطلع في نقاش ’ غير عقيم ‘ ..
خلونا نحدّد على ’ إيش حنّـا نتناقش ‘ ووش هو محور النّـقاش ..

مافي برشلوني ما يعرف قيمة إيتو الـ فنّـية ! وما في أحد ما يعرف إمكانيّـاته التهديفيّـة !!
محور النّـقاش هو كما قال مشعل ’ حركات إيتو الصّـبيانيّـة ‘ والعدم إحترافيّـة !

إيتو ما في أحد ينكر إنه يستخدم مع الإدارة أسلوب ’ ليّ الذراع ‘ .. عشان يحصل على اللي يبي .. !
إيتو طلباته مستحيلة ! وصعبة على الإدارة تلبّي متطلّباته ! يبي راتب 9 مليون ! و يعقّـد العروض اللي تجيه من خلال مطالبه ’ يبي 15 مليون من الصّـفقة ‘ ..
وهذا طلبات مستحيلة الحل في برشلونة ..

على العموم ، تصرّفات ما هي غريبة على إيتو ! وإذا بـ يستخدم ليّ الذراع مع الإدارة ، حنّـا نكسر يدّه موب نلويها !!
زي ما قال أبو سلطان ،
الموسم الجايّ يقضيه كلّـه على مقاعد البدلاء ! بـ نحرمه من كأس العالم .. ومافي نادي بـ يرغب في ضمّـه ..

ياليت ما ننعت وجهات النّـظر بالـ ’ تحامل ‘ و الـ حقد على إيتو !
كل واحد له وجهة نظرهـ .. !!


هلالي لكتلان - محمّـد

أكيد إنك تعرف إن الصحف البرشلونية ’ الموندو - السّبورت ‘ أكبر مصادر الإشاعات في الصّـيف ! فـ ما أدري كيف تعتمد عليها
وتستدل فيها في نقاشكـ !! الرّسمي أعلن إن الإدارة كلّمت إيتو بـ خصوص التجديد ! لكن هو اللي ما وافق وقال إنتظروني أجلس مع نفسي وأفكّـر ..
واضح على إيتو إنّـه يضغط على الإدارة من خلال عامل ’ الوقت ‘ .. كل ما تأخر اوقت إيتو هو الكسبان .. !!


في النهاية ، مافي أحد أعلى من الكيان ..

//

اليوم خلّصت إختباراتي .. يا زين الحرّيّـة ..

إقتباس الرسالة الأصلية كتبت بواسطة هلالي وأحب برشلونة 9 |[ البرشآ يعرض على الليفر 30 مليون لـضم ماسكي ]| رافائيل بينيتيز مدرب الليفر ليست لديه آي نية لـ بيع الآرجنتيني ماسكي الذي يعتبر جزءاً مهماً من هيكل اليفر ! و مع ذلك يعترف بينيتز بآن العرض اللذي وصل لـ النادي يستحق النظر فيه ! بيب غورديولآ مدرب البرشا يريد تعزيز خط الوسط بـ ماسكي ، لكي يعطي لـ الفريق جرعة معنوية لـ الآنتعاش الموسم القادم ، العرض لـ ماسكي من الممكن آن يتجاوز الـ 30 مليون دولآر ! El Barça ofrecerá hasta 30 millones por Mascherano

تأكيد للخبرمن السّـبورت !!
والصحيفة تقول إن تشكي كلّـم بينيتز بخصوص التخلي عن ماسكيرانو ،،

إقتباس الرسالة الأصلية كتبت بواسطة هلالي الكتلان عزوز عقبال التفوق ان شاء الله ،، أول شي النقاش بادي قبل رد مشعل وماكنا أبد نتناقش عن تصرفات ايتو وماأدري وش جابه على باله لأن ماله علاقة بموضوعنا ! كل اللي كنا نتكلم عنه من المخطئ الأكبر باللي جالس يحصل بين ايتو والادارة ؟ المشكلة أنك تنصحن أني ماأصدق السبورت وأنت اللي مصدق اشاعاتهم من قالك أن ايتو يبي 9 ملايين أو انه يبي 15 مليون ؟! كله كلام جرااايد الواقع يقول أن وكيل اعمال ايتو طلع اليوم ونفى كل هالأشياء والى هالوقت مافيه أي رد من الادارة عليه يعني كلامه صحيح ، وكان يعتب كثير على تصرفات الادارة ومعه حق بكل اللي قاله . طبعاً مافيه أحد فوق الكيان بس اللي جالس يصير لسامو حرام والله الادارة مجحفة بحقه كثيييييييير .! بعدين وكيل أعمال اللاعب بالصورة اللي حطه حسين عارض الايميل والمسج اللي جايه من الادارة والادارة حسب كلامه هي مرسلته أمس بعد ماأعلن الوكيل عن المؤتمر الصحفي فأنا أشوف واقع قدامي مب كلام جراايد وعلى حسب كلامه أنه اول خطاب رسمي من برشلونة ، معقولة تو الادارة تصحى وتقدم عرض ولا لاهين بعرض السيتي طيب من أول وضحوا وجهة نظركم ، من جهة يدورون مهاجم ومن جهة ايتو أحسن أحد وبيقعد معنا كل اللي أبي آصله أن ايتو ماعومل بالطريقة اللي يستحقه وأن سبب اللي يحصل الحين أكثره تتحمله الادارة . حتى لو طلع سامو بالنهاية مايهمن بقدر ماأني منغبن من تصرفات الادارة معه ، وخاصة لو كان البديل فيا ! برب ZzZzZz ،،،

ويّـاك حمّـودي ..

أوكي ! أنت تقول إنّـنا ما نتنناقش في تصرّفات إيتو ! طيب كلام جميل ..

وتقول نتناقش في ’ من المخطئ ‘ الإدارة أم إيتو .. !!
طيّـيب كيف أحكم من المخطأ !! إلى من خلال ’ المقارنة ‘ ما بين تصرّفات الإدارة ، وتصرّفات إيتو ! صح ولا لا ؟!

وكيل إيتو طلع عن طريق ’ الرّسمي ‘ ! وقال إن الإدارة قدّمـت عرض رسمي لإيتو .. ولكن إيتو قال يبيلي وقت ! لاحظ إني أستدل بـ ’ الرسمي ‘..

علاوةً على تصريح إيتو الـ ’ مصوّر ‘ عن طريق السبورت يقول فيه
إن الإدارة تلقّـت عرض من المانشستر سيتي لا يعوّض .. !!

هذا الخبرين يدلّون على إن المبادرة كانت من الإدارة سواءً بالـ ’ التجديد - الإستغناء ‘ .. ! وكل هذا يعتمد على قرار إيتو ! طيّـب إيتو ما ردّ على الإدارة ! وقال يبيلي وقت أفكّر فيه ! وش تنتظر من الإدارة عشان تصير ’ محترمة ‘ لإيتو وعطته التقدير الكـامل من وجهة نظركـ !

بالنسبة للعامل الزمني اللي تتكلم عنه ! الإدارة كلمت إيتو عن التجديد في الموسم الماضي ! وأجّـل الموضوع لـ الصيف .. موب هذا يعني إن إيتو يبي يضغط على الإدارة .. ؟!! وإذا صار لأ عطن تفسير منطقي ..

على العموم الإدارة تعمل بـ غموض كبيييير ذا الصيف وما نقدر نحكم بـ شكل دقيق .. ! ممكن ما ننصف إيتو ! وممكن نظلم الإدارة !!

لكن في النهاية الواحد اجتهد وحاول يقيّـيم الأمور من خلال الأخبار الأكثر مصداقيّـة من وجهة نظر
الـ ’ كاتب ‘ ..

//

والله أشوف مسلسل روني الموسم الماضي يتكرّر ذا الموسم !

وإن شاء الله نشوف قرارات الإدارة ’ آتت أكلها ‘ وأثبتت صحّـتها زي الموسم الماضي ..

سعدت بالنقاش معكـ حمّود ، وأنت أخ وعزيز وغالي ،،

//

* ميشو .. الدجّـة بعد التحصيلي إن شاء الله ..
* بندووور . كل شيء منكـ حلو أنت ،،