إقتباس الرسالة الأصلية كتبت بواسطة السفيرالهلالي ممكن سؤال احبتي كم اسعار الجزيره الرياضيه خصوصا بعد ضم دوري ابطال اوروبا لقنواتها هل هنالك تغير بالاسعار وياليت ياحبايبي اعرف متى راح يبدأ الدوري الاسباني وربي يعافيكم

الأول سبق الاجابة عليه.

الدوري الاسباني يبدأ 30/8/2009

إقتباس الرسالة الأصلية كتبت بواسطة waheed81 ياشبااااااااااااااب فروع لينقو في الرياض قفلوووووووووووووو الفالح سنتر - المحل صار للتقبيل الرويال - الكشك صار مغبر ومابقى فيها الى الجوالات الزينة هههههههههههههه المرسلات -مشوووووووووووار اروحله ابي اجدد اشتراكي المحلات راحوا يزرفونا عيني عينك وش السوات

بالنسبة للتجديد اصبر.. لأنه حتى الان مانزل نظام التجديد عند لينقو وهو الموزع المعتمد الوحيد في السعودية حتى الان.

باقي الموزعين سيعلن عنهم قريباً

فيه بطاقة لـARTلمدة 3شهور.؟ وبكم؟

وهل فيه باقه منفردة لكأس العالم.؟ وبكم؟

إقتباس الرسالة الأصلية كتبت بواسطة ي ا س ر20 فيه بطاقة لـARTلمدة 3شهور.؟ وبكم؟ وهل فيه باقه منفردة لكأس العالم.؟ وبكم؟

حالياً فيه 6 شهور وسنة فقط

الباقة المنفردة أعتقد ستتوفر قبل بداية كاس العالم بقليل وسعرها بيكون فوق الـ 1000 ريال .

وجع الف ريـآل عشآن كأس العـآلـم..!

والله مايستاهلوون

هلا والله

في احد يقدر يوصف لي شارع الحمداني المشهور ( بشارع الشياطين ) في حي السليمانية ( وسط الرياض ) ..؟!

الله يعافكم اذا احد عنده خلفية يعطينا الوصف

+

إقتباس الرسالة الأصلية كتبت بواسطة waheed81 ياشبااااااااااااااب فروع لينقو في الرياض قفلوووووووووووووو الفالح سنتر - المحل صار للتقبيل الرويال - الكشك صار مغبر ومابقى فيها الى الجوالات الزينة هههههههههههههه المرسلات -مشوووووووووووار اروحله ابي اجدد اشتراكي المحلات راحوا يزرفونا عيني عينك وش السوات

في فرع لـ لينقو بالمرسلات .؟!

اذا فيه ياليت احد الاخوان يوصف لنا وينه بالضبط

^

هلا خالد

ايه نعم فيه فرع للينجو بالمرسلات .. تقاطع طريق الملك عبدالعزيز
مع شارع الإتصالات قدام المبنى الأسود الحكومي ما اذكر وش هو بالضبط

بالنسبة لشارع الحمداني فخذ وصفه ..
بعد ما تمسك طريق الملك عبدالعزيز و تخلي فندق صلاح الدين على يسارك
ابتل و اترك اول إشارة بعدها بتجيك إشارة العروبة برضو اتركها و الإشارة
اللي بعدها لف يمين و هذا هو شارع الحمداني - على ما اظن - ..
و هذا اللي تقصده انت

شباب ممكن ترد قنوات الجزيره على
الهوت بيرد..

وشكرا لكم

شباب لو سمحتم سؤال :
أنا من القصيم وأبغى أجدد بطاقة الجزيره .. علماً أنها بدون اسم ..

إقتباس الرسالة الأصلية كتبت بواسطة MANU10 شباب ممكن ترد قنوات الجزيره على الهوت بيرد.. وشكرا لكم

تفضل

إقتباس الرسالة الأصلية كتبت بواسطة ..departed.. شباب لو سمحتم سؤال : أنا من القصيم وأبغى أجدد بطاقة الجزيره .. علماً أنها بدون اسم ..

حالياً الموزع الوحيد للجزيرة في السعودية "لينقو" وماله فرع بالقصيم

التجديد اصبر لحين بداية البث الرسمي للقنوات الجديدة.

هذي الأسعار من موقع القناة

هلا وغلا ومع السلام عليكم

سؤال على الطاير !!

وش اوضاع الشوتايم هالايام !! اشتراكي انتهى من فترة وسحبت عليه
لان اغلب مباريات المانيو المتبقيه كانت وقتها غبي وما اقدر اشوفها عشان الدوام

المهم المختصر ... اسعارهم الحين باقة السبورت نفس القديمة 89 ريال بالشهر !!

الشي الثاني ... لو اشتراك اي ار تي خلص وما ابغى اجدده طبعا ... هل اقدر اجدد الشوتايم على بطاقة الاي ار تي !! والا لازم يكون اشتراك الاي ار تي شغال عشان يجددون لي الشوتايم عليه !!

الشي الثالث وهو الاهم

كلمتني بنت من الاي ار تي الا غصب اخق واجدد معهم وسحبت عليها اخر شي طفشت وعطتني رقم جوالها قالت متى ما حبيت تجدد كلمني اعطيك رقم الحساب تحول وافعله لك على طول بس بصراحه كنت بخق لاخر لحظه تماسكت

انا بصراحه ترددت اجدد او لا خصوصا عشان كاس العالم

الحين سؤالي لاني ما كنت مشترك معهم كاس العالم الماضيه !!

لو سحبت على الاشتراك لشهر 1 او 2 الجاي وجددته لـ ست شهور !!
سمعت ان الاسعار وقتها تكون مرتفعه كثييييير عن اسعار الحين !!
يعني بهذيك الفترة هل اقدر اجدد ست شهور بالسعر العادي حقهم والا فعلا
يبدأون رفع الاسعار عشان كاس العالم قرب

وميرسي كتير لـ الكون كلياتكون ناس زوووووأ

السلام عليكم ورحمة الله وبركاته
هل الجزيره الرياضيه بتنقل ابطال اوروبا امــ الــ ART
لأني لقيت قناة مكتوب +5.+6.+7.+8 قريبا