تحذير من كاميرا الاب توب‎ ؟؟؟؟
 

نصيحة لكم من من اعماق قلبي ..

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفوريةهذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<
يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو
خويي تحمس وجا يبي يطالع الا المسكين شاف نفسه وهو يبدل
يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي
طبعن خويي ما وافق لانه عارف ان الولد بيرجع له مرة وثنتين و3
الولد للاسف عمره 21 ومبين عليه وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين
المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف
والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية

وأنا والحمد لله مغطي كميرتي بشطرطون أسود

منقول للامانه والفائده

<!-- google_ad_section_end -->

مشكووووووور على النقل وان شاء الله يستفيدوووووون منها الاخوه القراء


ودمت بود مدمي الشباكـ

:bigeek:الللللللللللللللللللللللللله يستر
لآشوف صورتي منتشره بهالمنتديات
بس لي شفتوها تراها مو أنا
هذي وحده تشبهلي!!:yes:
مشكوره كثير عالموضوع والله يحفظك يارب
تحياتي لك

والله هالفكرة فـ بالي ..:razz:

بس حاولت اغطي الكام بمنديل وما ثبت :d :d
بحاول ادورلي تيب اسود :d

والله يحفظنا من شر الهكرز .



جزاك الله خير دوم دوم s34s

مشكووووووور على النقل وان شاء الله يستفيدوووووون منها الاخوه القراء

هههههههههههههههههههههههه ام هي سالفه اخونا بالله مشغل الجهاز ورايح يتروش ما يعرف انه في عالم ثاني

الله يحفظنا ويستر علينا

جزاك الله خير
على التنبيه

اختك

http://www6.0zz0.com/2008/07/13/02/871095835.gif


يعطيك العااافية اخووووي ...


انا قدام الكااام على طوووول


الله يكفينا الشــــــر

الحمدالله انا مغطي الكاميرا بشرطون ازرق ولا بكسرها

مشكور على النقل
والله يعين ذا الولد
.......................

الله يعين الرجال ويستر عليه وعلينا
...........................

مشكور على النقل
والله يعين ذا الولد
.......................

طيب اذا مادخلت على المسن , يقدر يفتح الكام؟؟؟

,,,,,,

الله يجــزاااااااااااك خيــــر على هالنصيحه......