السلام عليكم يازعماء

جبتلكم قصة


نخليكم معها ::



إحدى مغامراتي الفتاكة !!

تبون قصة الواحة المهجورة في قلب القرية السحرية والحارس الخفي ؟؟ <<-----يووووووه قصص المكتبة الخضراء هههههه

ولا تبون قصة قريتي الساحقة بالسيرفر الرابع والثلاث هجومات الغريبة ؟؟

^^ عناوين جذابة صح ؟؟


أشوفكم تحيرتوا .. أجل بأقولكم القصة الثانية ...

كان ياماكان في قديم الزمان قبل أمس

كنت قاعد كالعادة أمام جهازي البنتيوم نص .. <<---- كان فرعون يلعب عليه كانسة الألغام !!

المهم إلا ويجيني حس الملعنة !! يقولي أهجم ... ولا تخاف ؟؟ <<---- أما ذي قوية

والله وبدت الفكرة تدخل براسي وها أنا ذا أفتح الخريطة أنظر يمنةً ويسرةً وإذا بتلك القرية تترنح أمامي فكأنما
رأيت الدر فوق السحاب مهرولا فقلت تعال قال اقلب وجهك <<---- ؟؟ وش يبي ذا ؟؟

المهم سويت فيها فدائي وأقز لي قرية سكانها حول 56 قلت أبد هذي هي ... والله وبدون جواسيس ولا شي أغتريت قلت يرجااااااااال ذا حده مطور له كم حقل حتى سفارة ماعنده !!!

المهم والله واطلع 10 كتيبة نقيتهم نقوة !!! وارسلتهم قلت اللي مايجيب موارد ياكل تبن ولا يوريني وجهه !!

والله وطلعوا من عندي ...

وأنا أطالعهم مع شباك السكن .. إلى أن إختفوا عن الأنظار ...

المهم أخذت غفوة في غرفة النوم اللي في السكن وأنا أطالع العمال يبنون المطاحن من شباك الغرفة واحد منهم كل شوي يطق المسمار بيده ويقول الله يلعن الملك ههههههههههههههه <<---- قال الولاء 100% أمحق ولاء !!

المهم والله وأنتظر اشوف أخبار الهجوم متشوق أشوف الغنائم ...

وشوي ويقرب الهجوم ...

3




2






1






بسررررررررررررررعه






وأطالع ... وين التعزيز ؟؟ وين ؟؟ كان المفروض يطلع تعزيز بعد الهجوم ؟؟؟ قلت أبد أكيد السيرفر معلق وأمسك الظاطور (( قصده الفارة )) وأروح للتقارير قلت أبد مو معقول اكيد السيرفر خرف ..

والله وافتح التقرير ...

إلا مكتوب ...


كل تبن وأقلب وجهك !! لم ينجو أحد من جنودك !! <<----- يبهر شوي !! ههههههههه

والله وأنا توصل معي أثاري الوصخ آسرهم ...

سفط كل جنودي وطاحوا بالأفخاخ حقته !!! لا ومن زود الدباشة كل 2 طايحين بفخ واحد !! دق علي واحد منهم عنده ربو قال تعال انقذنا تكفى بأموت آآآآآآآآآآآآآآآآآآآي <<---- مصدق هههههههههه

المهم وشوي وأنا في خضم التفكير خطرت في بالي فكرة جهنمية !!

قلت ليش ما أعمل خطة مفاجئة ؟؟

أرسل كم جندي بهجوم كامل يفكونهم ويرجعون لي ؟؟ <<----- أحسدك على العقلية الفتاكة نيوتن 2 ههههههههه

المهم أنا أصدرت أوامري لجيشي الفتاك كالبف باف 15 جندي الباقين ههههههههههه وقلت لهم روحوا أنقذوا الشباب ..

والله وطلعوا ..

وهم يمشون في طريقهم دق علي قائد الكتيبه اللي أرسلتها !! قال إذا مت بلغ زوجتي إني أحبها !! قلت له طيب ...<--- قلبناها فلم هندي هههههههههه

وتوعدني بأنه بيرجع بالجنود كلهم ولن يبقى أحد في الأسر ..

وقال إذا مارجعهم ماهوب رجال ..

المهم راحو

ويوم وصلوا وأنا على أعصابي منتظر التقرير ...

ويجيني التقرير مكتوب فيه ...

ياخي قلنا لك لم (( ولن )) ينجو أحد من جنودك أنت ماتفهم ؟؟ !!

إلا وشوي أشوف الجوال ينور ... رسالة جديدة ...

أفتحها





دن دن دن دااااااااااااااااااااااااان








دن دن دن دااااااااااااااااااااااااااااااااان






^^ موسيقى حماسية !!


إلا وهو قائد الكتيبة اللي أرسلتها مرسل لي وسائط ...




الأمااااااااااااااكن كلها مشتاقة لك !! <<---- والله من زود الطفش !!




أمحق تقرير ههههههههههههههههههههههههههههههههههههه




قال إغريق يرجال إلا هنود !!!


طاحوا لي 2 في فخ واحد ..

والثاني كان يمشي ماطالع الفخ وطاح .. ..

المهم قلت مايصير هالوضع !! وأنا مرسل [البطل] على رأس جيش قوامه 15 رجلاً !! <<--- لاياشيخ ؟؟

قلت ياولد مالها إلا أسوي كم جندي ثانين 2 أو 3 أكيد هذي كل أفخاخه !! حشى بعد سكانه 56 والله لو إنه مايطور إلا الصياد كان ماصار كذا !!

والله وأسوي لي كم جندي على السريع ...

وأرسلهم ...

والله ويطلعون من عندي وهم متحمسين لاعب عليهم قلت لهم إذا رجعتوا بأخلي واحد حكيم والثاني مستوطن هههههههههههه

المهم يوم وصلوا ويجيني التقرير ...

وش تتوقعون مكتوب فيه ؟






دن دن دن داااااااااااااان







دن دن دن داااااااااااااااااااااااااااااااااااااااااااااان






^^ موسيقى حماسية !! عشان أتأكد أنكم دخلتوا جو !!





المهم ياحلوين وأفتح التقرير ..



وأشيل يدي من على عيوني وانا أقول ياااااااااااااارب إن شاء الله مكتوب فيه (( تم تحرير 25 من وحداتكم ))



والله وأنا في خضم الدعاء ...



إلا وتطيح عيني على كلمة (( أحد ))


أنا على طول بالي راح أنها (( لم ينجو - أحد - من جنودك ))


قلت بس خلني أقراه والله يعوض بخير ...


والله وأفتحه وأقراه ... إلا مكتوب ...



((( إن أرسلت - أحد - بنلعن خيرك )) ههههههههههههههههههههههههههه

أممممممممحق قرية شكل فيها جن ولا وش السالفة ؟؟

والله وقلت أبد مافيه إلا حل الدوبلوماسية ...


وأرسل رسالة لصاحب القرية قلت أنصب عليه كم نصبة أستعطفه ...


والله وأرسل ...

____________

السلام عليكم ورحمة الله وبركاته ..

شرايك تفك أسراي ؟؟

تراهم مساكين !!! دق علي واحد منهم قال إنه طاح معه واحد ثاني بالفخ وهو عنده ربو مايقدر يتنفس ..

والولد مسكين وأمه بالمستشفى من يوم سمعت أنه أنأسر !! وأبوه متوفي من الحرب بالسيرفر الثالث .. والولد بثالث ثانوي وعنده مستقبل يبي يكمل الدراسة ويدخل العسكرية ويصير هيدوانر !!

إرأف بحالة وأطلق سراحة وأرحمه تراه مسكين .. أطلق سراحة هو لحالة عشانه مريض عنده ربو واللي طاح فوقه واحد متين والولد شوي ويموت ..

إذا ماعرفته أعطيك مواصفاته عشان تعرفه وتطلق سراحة ..

أسمه حنفي المتنوخي سعودي من أصل مصري !! خشمه مدور وأفطس ووجهه كانه مراية جمس !! وعيونه مبققه من كثر الضغط (( عشان المتين اللي طاح فوقه )) وقصير وفيه حدبه صغيره بظهره ..

تبيني أوصف لك بعد ؟؟

الولد وجهه فيه شامة كبيرة تحت خشمه يعيرونه أبو حبه !! ووجهه مليان نمش وكأنه وحيد القرن عشان الحدبه اللي فيه !!

إن شاء الله الوصف واضح ...

تكفى إطلق سراحة تراه مسكين ..

أخوك محمد ...

المهم وأقعد شوي إلا ويطلع لي فوق (( تعزيز ))

وعاد قلبي ينبض بقوة وكأنه قلب الحانوتي بعد مصارعته مع ستيف أوستن ههههههههههه

المهم وأنتظر يوصلون الجنود ألعن خيرهم وأشتري لهم نظارات يشوفون فيها الأفخاخ مطلع لي جنود ماخذين 0 في إختبار النظر !!! أمحق جنود

والله وأنا منتظر إلا ويوصل التعزيز !!

1 حنفي <<----- ههههههههههههههههههههههههههههههههههههههههه



أنا مسوي له قصة عشان يرجعهم كلهم مادريت إن الرجال من جده ..!!



والله وأجلس أفكر





أفكر






أفكر







وش السواة ياحنفي ؟؟




قال الرجال أبد انا جبتها أنا أبوي قبل لايموت في السيرفر الثالث عطاني مفتاح !!!




ولا أعرف وش هو ؟؟


قلت وينه المفتاح ؟؟ رح جبه وتعال ..


المهم ويجيب المفتاح !!


قلت ماتعرف وش حقه ؟؟؟



قال لا والله حاولت أعرف بس ماعرفت !!!



قلت طيب هات اشوف ....



وأقلب المفتاح !!!



يمين يسار ...



وألاقي مكتوب تحت !!!



((( ياحنفي يادلخ هالمفتاح حق قرية بعيدة بالصحراء على بعد 8 ساعات من عندكم !!! أطلع انت ومحمد وبتلاقون فيها خير طلعوا منها جنود وأنقذوا اخوياكم من الأسر )))


^^ طبعاً هذي كلها كاتبها قبل لايموت ... لا وكلها على المفتاح !! أنا ماادري ذا المفتاح والا الباب ؟؟ ههههههههه


المهم والله وأتجهز وأطلع ألبس تايور أحمر قصدي شماغ وعقال !! وأشخص بثوب العيد ونطلع أنا وحنفي ...


المهم وحنا بوسط الطريق ويجينا حكيم ماشي من جنبنا !!!


قلت على وين يالشايب تبي نوصلك ؟؟

قال لا والله مشكورين

بس ماتعرفون قرية واحدن يقاله (( ألتمت كيلر )) ؟؟ <<==== قالها وطلع من فمه 6874654 تفلانه فلقني بتفاله هههههههههههههه


عاد انا حسيت سروالي صار حاااااااااااااار ههههههههههههههههههههههههه lol! lol!

وأطيح في ذا الشايب ...

تكفى ياابن الأجواد .. تكفى البزران والمرة مخليهم في القرية نايمين ... تكففففففففى حول على قرية غيرها تكففففففففففففى ...

المهم قام الشايب يقول: بسم الله الرحمن الرحيم <<==== يجهز بيخطب !!

المهم قلت بس هالحين بيقلب علي حنفي ولا القرية ولا الجنود !!!

ومافيه في ذيك الصحراء إلا أنا وحنفي والشايب ...

قلت وش أسوي ؟؟؟


وش أسوي ؟؟


هنا بأوقف القصة ... lol! وأكملها لكم في الجزء الثاني بإذن الله في وقت قريب ...


تحياتي لكم وشكراً على إكمال القصة وأتمنى تعجبكم ..


وإلى اللقاء في الجزء الثاني ...



منقوووووووووووووووووووووووووووووووووووووووووووووووووووول

منقوووووووووووووووووووووووووووووووووووووووووووووووووووول


لايجي احد ويقوول القصة قدييمة