|
3مـواضيـع بـموضوع و1حــد (السهلاوي)_(قحطاني الاتفاق)_(التنسيق_مسفر القحطاني والمليون) موضوع هـادف هام اتمنى الحوار الهادف لأجل مصلة الزعيم يا ادارتنا بسم الله الرحمن الرحيم كيفكم ياشباب عساكم طيبين والله اني مشتاق لكم ومشتاق لشطحات بعض الكتاب في المنتدى اهههه ياحليلهم الي يحببني في بعضكم انه يجتهد من غير مصادر يالبى قلبك بس لاحد يزعل ان دل على شيء يدل على حبه لهذا الكيـان الغالي المهـم نخررق الجدار بالدريل ونتوكل على الله ياجماعة اتمنى من جد الحوار الهادف المفيد والتأييد وموضوعي هذا بإذن الله راح يلاقى له صدى عندكم وعند الأدارة الفاضلة بحكم معرفتي بأسم الأخوة والزمالة لأبناء الشيخ / عبدالرحمن بن سعيد مؤسس هذا الكيان "حفظه الله هذا الأنسان المتواضع البسيط" جميع الأقتراحات تأخذ يازعماء بعين الأعتبار ولا تقلقون أبـداً النقطة الأولى محمد السهلاوي يقترب من الهـلال ؟ انا الصراحة مستوى السهلاوي فوق المتوسط ويعتبر الأفضل حاليآً ولا بآس به بس هل هو كفو فعلآ لضمه لزعيم راايي انا ليس بالأهمية انا راح اقول مايصلح او راح اقول يصلح بس انتم تعتقدون فعلآ يصلح يخدم الفريق؟ في أعتقادي صفقة ناجحة بإذن الله خصوصآ أن الأخبار تشير انه يبي يلعب للهلال فقط وأنا اعرف وش اقول وانتهم فاهمين قصدي ومين وصل الصفقة ل5ملايين!!!! عمومـأ راح اترك النقطة هذي النقطة الثانية أدارة نادي الأتفاق سمحت للاعب بالتوقيع لأي نادي ودحمي الأتفاق عبدالرحمن القحطاني يبي الزعيم >>--بلا والله من الذل الي شفته ..قالوا نمور قالو.. (نمور والمشكلة ولابطولة يا سفاب الخساير ...استغفر الله والله لايبلانا بس..) عبدالرحمن لاعب متحرك مع المنتخب واعجبني مستواهـ جدًا بالمنتخب أمام اليابان والمنتخبات الكبير واما العراق وغيرهـ بطولة اسيا كان القحطاني مسوي شغل كبير.. .. وايضاً مع الأتحـاد لاعب متحررك في كذا مباراة صانع الأهداف بـ عرضياته السريعة المجنونة يمتـاز بالتسديد الكرات الثابته والعرضيات السريعة المـرتـدة .. والله هذا الي ناقصنا بصراحة الدحمي مستواهـ في تطور ولو صار اسمه في الهلال مكسب كبير لنـا وجسمة وطولة جدآ مناسب النقطة الثالثة النقطتين السابقة هدفي منها الأن لو قلنا ان السهلاوي عرض الاتحاد عليه 5ملايين ؟ كثيرة شوي صح؟؟؟ طيب وشرايكم في موضوع تنسيق اللاعبين مع خطاب الشكر ؟ بصراحة ماقتنعت فيها يا اداراتنا الفاضلة مسفر القحطاني دفعتوا عليه مليون؟؟؟ تنسقووونه وهو مالعب حتى مباريات تنعد ع الأصابع اتمنى عدم تنسيق اي لاعب حبيت تنسق اللاعب هذا ياخي عطه اللاعب فرصة بغير الهلال خلي الاندية الاخرى تستعيرهـ منك منها ..يكسب النادي.. ويكسب اللاعب ..ويكسب النادي المستفيد من خدمات اللاعب ؟؟؟؟ ولا كلامي غلط.. ما تكلم عن مسفر فقط اي لاعب مهما كان ولو ان شاء الله العنقري وعزيز المفرج أرجوكم أعيرووهم لأندية اخرى بدل التنسيق يكفي ان هالأسماء الذي ذكرته صنعت الفوز وحققت بطولة صعبة تنسقهم استفد ياخي وحطهم للأعارة يعني مافيها شيء لو أخذنا السهلاوي من نادية الأصلي وخاطبا النادي لاعب بـ لاعب ينتقل السهلاوي لنا ويروح مسفر لهم وأيضاً عبدالرحمن القحطاني يجي لنا ويروح العنقري لهم مــــــــثــــــــــــلآ انا أقـول يمكن في ناس متعاطفة مع خالد العنقري خالد كبير ومهما كان بس مستواهـ لا يشفع له بالبقاء ورانا شغل هالموسم شاق وصعب جــدآ نبي لاعب يعطي أكثر مما أخذ!!! عمومـأً اعتقد وجهه نظري واضحة وهي اللاعبين المنسقين اتمنى مايروحون ادراج الريآآآآآآح يا يروحون لأندية اخرة بالاعارة وخصوصأ الاتفاق لاعب بـ لاعب وشف الفـرق بخصوص الأمور المادية اتمنى من كل قلبي السهلاوي والقحطاني هلالييين الموسم القريب الي مابقى له الا شهرين في أعتقادي الي يقول اني أتفلسف هذي المصـدر http://www.alriyadh.com/2008/07/08/article357181.html والرياض ماعمرها كذبت الجريدة المصدقة دائمأً وأفضل من غيرهآ من الصحف ولنا في رالديس الهلال مدافعنا الجديد عبرة .. تفاصيل رالديس من قبل التوقيع لحظة بلحظة ترصدة الرياض .. .. .. .. اتمنى من كل قلبي التوفيق للزعيم ويالله عسى الله يسمعنا خير قولوا آمين ونشوف المحترف الثالث بالطريق يارب ويكون مميز جدآ وسريع بإذن الله ولكم تحياتي وتقديري ابو فيصل |
اخوي .. النقطه الاولى : اللي هي السهلاوي بيفيد الهلال انا معك بس لا يكثر المبلغ عن 5 ملايين وما نبي مزايدات ان جاء حياه الله .. وان ما جا الله يوفقه مع فريقه اللي بيروح له .. اما بالنسبه للدحمي القطحاني اللي هو النقطه الثانيه : انا اشوف انه المفروض ما يجي لانه فيه الشلهوب والدوسري ونواف والفريدي والخثران والذياب كثيرين اللي بالوسط .. وان جاء زياده الخير خيرين بس مو اكثر من 8 مليون .. وانا معك بالنسبه للاعاره وليس للتنسيق اللي هي النقطه الثالثه .. تسلم اخوي على الطرح ويعطيك الف عافيه .. وتقبل مروري .. |
موضوعك جميـل.! لكن عتبي عليك انك تبي تنسق عزيز.., عزيز افضل محور عربي تبي تنسقـه..!:d .., ومن ناحيه السهلاوي.. انا اشوف انه ياسر رقم اثنين.., صراحه لاعب كبير. وانا اتابعه من منتخب الشباب زمان.. كبير وربي.. تحركاته وتمريراته واهدافه.. بصراحه هو ابرك من الخراشي والسعود..{ القحطاني , الصويلح,الاجنبي الجديد., السهلاوي} ., وعبدالرحمن القحطاني لو يجي.. صراحه راح يكون مكسب.. بس مو مثل السهلاوي.. لان نجوم الهلال كلهم في خط الوسط.. فريقنا بحاجه مدافعيين..وهجوم..! .., تحياتي..! |
والله ياخوي انا اشوف ان السهلاوي مكانة موجود في الزعيم خصوصا ان هجومنا تعبان في ظل غياب ياسر والسهلاوي صغير واكتسب خبرة الفئات السنيه لمنتخبتنا اما الخانة الثانية فهي الظهير الايمن لازم نشوف لها حل ولاعب يستاهل واعتقد ان ما راح يسدها ان شاء الله الا معاذ ولا المر مع اعطاء مسفر فرصته الكاملة لمنافسه على الخانة عبدالرحمن القحطاني هو شاري الزعيم والزعيم الي يشريه ما يخيب ظنه لكن عندنا وسط بالكوم لكن من طراز عبدالرحمن ما فيه اختراقات وعرضيات بالملي متر مافيه في السعودية كلها الا عبدالرحمن ووجوده مع التايب والشلهوب والفريدي والدوسري والتمياط مهم لان المطلب اسيا واسيا يبيلها اكثر من لاعب واكثر من تشكيلة وراح نستفيد منه ويمكن يمسك الخانة اساسي اما الاجنبي اتمنى اذا ما جاء يتارا يجي مكينه اهداف ما نبي اي كلام نبي مهاجم ياسر ما يقايش معه نجيبه بأس سعر المهم ذي السنة نبي من اوربا افريقي اوربي برازيلي المهم مهاجم هداف نشبة لدفاع حتى لو يلعب لحالة قلق والامثلة كثير وموجودين بس يبون الدراهم اعتقد 20 او 30 مليون من الرئيس في لاعب 5 نجووم يأهل كأس العالم ماهي كبيرة وسواها ناس في ملاعبنا وتأهلو للي يبونه |
أنا قد قلت راي في القحطاني ( الاتقاق ) الهلال في حاجة إلى هذا اللاعب والسبب ان الشلهوب قد يتعرض إلى اصابه لا سمح الله أو أرهاق ، أما عبد الله الدوسري لاعب صغير في السن ويحتاج إلى وقت ، الخثران كبير في السن وبدأ مستواه في النازل . والفريدي والتمياط والتايب الجميع في الخانه اليمني |
1-محمد السهلاوي 2-عبدالرحمن القحطاني (هؤلاء هم ضالة الهلال) |
السهلاوي راح يفيد الهلال لان اللاعبين الدولين بيغيبون مباريات كثيرة وعبدالرحمن ايضًا ماعليه كلام اي نادي يتمناه اما نقطة الاعارة بدل التنسيق انا اشوف ان فيه لاعبين ماينفع لهم اللا التنسيق وفيه لاعبين مازلنا نشوف ان عندهم شي |
" السهلاوي " راح يفيد الفلايق كثير بسبب قلة المهاجمين بالنادي و كثرة الاصابات اتمنى انه يكونون جديين في عرضهم للاعب و سيكبونه باسرع وقتت ممكن اما القحطاني فهو غني عن التعريف بيفيد الهلال افادة كبيرة يمتاز بالسرعة و التسديدات القوية بعض لاعبي الوسط ينتابهم هبوط في المستوى كالتمياط و الشلهوب خصوصا من يكون البديل لا يوجد لاعب مميز لذلك القحطاني راح يكون مفيد جدا للهلال اما التنسيق فأنا معك اخوي هذي مشكلة بالهلاليين انه طيبين زيادة عن اللزوم يعطون الاندية لاعبينهم مثل الهديا بدون دراهم طيب ليش اهم شي فايدتنا و الالف على الالف على الالف يطلع لك مبلغ كبير بعدين و اتمنى اعارة اللاعبين الغير مفيدين بدلا من تنسيقهم يعطيك العافية اخوي |
وين منت في عقلك قل لا أله الا الله خالد عزيز يتنسق .............! الله يهديك بس |
بالنسبه لمسفر مشكلته إدارية وليست فنياً وهو خلاف بينه وبين كوزمين والإداره تريد اللاعب أن يشترك واشترك في مبارايات وبدع ولكن كوزمين لايريده |
والله السهلاوي مماز ينفع الهلال ان شاء الله |
والله اخوي انا معك بالنسبة لمحمد السهلاوي لاعب صاحب مهاره وهداف وانشاء الله يطور مستواه نفس ياسر , اما عبد الرحمن والله اني اتمنى من كل قلبي اه يجي لانه راح يكون فيه منافسة على المركز سواء الدوسري او الشلهوب , اما مسفر والله انه نجم والاعب الموهوب يبي يجي يوم ويرحع لمستواه ما ادري وشلون الجماهير تحكم عليه والرجال موقف سنه عن اللعب ولايلعب الا اربع اوخمس مباريات ومن جهه اخرى وشلون ينسق وموقعين معه قبل ست اشهر بمبلغ مليووون والله حرام اتمنى ان يعطى هذا الموسم فرصة . ولك اخوي احلى تحيه ويعطيك الف عافيه |
الحين بينسقون المفرج ( أجل مخرج 25 شغال إلى مالا نهاية ) وقالوا بينسقون العنبر ( اللي خربه بعض الناس اللي يعيشون في الغابات ) يعني بينسقون الهلال من البطولات |
والله تنسيق اللاعبين خطوه جيده ولكن مو كلهم في بعضهم والله مايستاهلون وبضهم |
يعطيكم العافية جميعأً على حسن مرورك الراقي أصحاب الــرد رقم 3 ___ 9 فعلآ انا اسف شكلك فهمت الموضوع بطريقة عكسية انا ذكرت دحمي الاتفاق (عبدالرحمن القحطاني) وذكرت عزيز المفرج ..أقصد عبدالعزيز المفرج كويس كــذ1 . . . ؟ وشدعوة والله لو اني ماعرف عناصر فريقي وقدرهم وانا أخـوك ماقلت خالد عزيز انا . . . اقرى الموضوع كويس وبتفهم علي أقصد((عبدالعزيز عزيز المفرج)) المفروض مايتنسق يعاااار أفضل مشكورين ع التفاعل الطيب والله يكتب الي فيه الخير لزعيمنا الغالي وكلامك كله عطاني دافع كبير وحماس اني اشوف الاثنين في الموسم الجاي بإذن الله خصوصآ السهلاوي احترامي للجميع |
| الوقت المعتمد في المنتدى بتوقيت جرينتش +3.
الوقت الان » 06:53 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd