السلام عليكم ورحمة الله وبركاته ...كيف حالكم ياشباب عساكم طيبين ان شاء الله ....إخواني في موضوع شاغل بالي من زمان ومضيّق صدري كثير .. يا إخوان أنا أدرس في مدرسة حكومية في مدينة مكة الله يشرفه وجبت والحمد لله نسبة 92,60 << المعدل التراكميوخويي الي كان يدرس معي في نفس المدرسة نقل لمدرسة أهليّة ....فيوم أتصلت عليه في أثناء أيام الإختبارات وسألته عن صعوبة الإختبارات .. قال : أصلاً إختبار الكيمياء والفيزياء والأحياء أخذت الأسئلة من مدرسينهذي المواد !!!! قلتله كيـــــــــــــف ؟؟ قال فيه مجموعة طلاب اشتروا الأسئلة من مدرس الكيمياء بــ3000 ريال !!!واشتروا أسئلة الفيزياء والأحياء بمبالغ ثانية لا أذكرها وأخذتها منهم وهذا غير الملخصات والمذكرات أُم 6 أوراق وجبت فيها فوق ال27 مع العلم ان هذا الطالب يوم كان معي كانت نسبته 80% !!!نرجع لموضوعنا ...الطالب الي جايب نفس نسبتي بس من مدرسة أهليه هل يساوى بي أنا عند التقديم للجامعة ؟اليس هذا ظلم واضح ؟والله شيء يقهر وبقوّة بعد حسبي الله ونعم الوكيل

يارجال وسع صدرك

انا متخرج بنسبة 80 وواحد من اخوياي 79 وواحد ثاني 86

وكلنا دخلنا التقنية وتخرجنا

انا بنسبة 2فاصلة مدري كم بتقدير مقبول والثاني بنسبة 3. فاصلة مدري كم جيد والثالث تقدير جيد جدا


وأخرتها كلنا قاعدين في البيت

الحين الواسطه هي الشهادة يعني ماتفرق


انا والشباب الثلاثة كلنا خريجين كلية ومعنا خبرات من اكبر الشركات (الاتصالات السعودية) وشركات ثانية

واخرتها نلقى اللي معهم ثانوية متوضفين احسن منا وبالواسطه


والفرق بينا وبينهم شهادة مع خبرات


وهم معهم واسطه


طبعا هم اقوى منا هالحين



والله يوفق الجميع

وتقبل مروري
سيد الملوك

لالا كلكم سوى في نظرهم ...............................

8 8 8 8 8 8 8 8

الوآسطة أوكي .. لكن تقدر تقول لي لو في شركة طالبة في نفس مجآلك 100 طآلب خريج أكيد فيه عآلم جآيبة 5 -5 يعني تنآفس

وإنت لا تجلس تحطم بالرجآل .. (( إذا أنا فهمت كذا )) .. لا الجآمعة يبيلها معدل فقط لا غير .. وجيب لي معدل مثل النآس وأضمن لك الوظيفة .

أخوي بالنسبة للفرق ما في فرق إلا القدرآت والتحصيلي ..

والله يوفقك

يا رجال أهم شي تخرجت و بنسبة حلوه

ألف مبروك يا الغالي

و عقبال الجامعه يا رب .....

يا رجال لا تهتم ........ الحين كل من خلص المتوسط راح أهليه قال أبغى نسبه

بعدين نهايه السنه إذا ما جاب نسبه حلوه قال من المدرسه ما دفوني

أصلا الحين الناس يحسبون أي مدرسة أهليه تدف الطلاب وهي ما هي كل المدارس بعضها أيوه وبعضها لا أهم شيء واحد يجتهد سواء كان في حكوميه ولا أهليه والتوفيق بيد الله


يا رجال خلك في الحكوميه ووفر فلوسك في جيبك وطقلك N95 أصرفلك

يا رجال عساك سالم بس .. هـ الحين المدارس الحكومية قليل تحصّل طلاب اجانب ..كل السعوديين راحوا على الاهلية .. اذكر قبل سنتين يوم تخرجت من الثانوية كنت في مدرسة حكومية ..وكنت انا واثنين بس سعوديين والبقية اجانب .. الاثنين اللي معي اعتذروا وانا كملت وربي ان المدرسين دفونيلـ درجة اني دخلت اختبار الوزارة ونسبتي 99 ودرجاتي كاملة ما عدى الكيمياء .. والحمد لله تخرجت بـ نسبة 95% ومن مدرسةحكومية وماصرفت الا على مدرس كيمياء وفيزياء ورياضيات ..انت اهم شي شد حيلك في مستقبلك الجاي سواءا بـ جامعة او كلية والله يوفقك ..

اول شي مبروك النجاح


ثاني شي المدارس الأهلية عندنا بدت تطور كثير ..

وتخدم الطالب وتفيده ..

وبالنسبة لتساوي الفرص وانا اخوك ..

من واقع ما أسمعه من بعض المعارف اللي لهم علاقة في القبول بكليات البنين والبنات ..

بعضهم يحط ملفات الحكومي بجهه والاهلية بجهه

لما يخلص الحكوميه يبدأ فالأهلية لاقتناع الكثيرين ان خريج الأهلية يأخذ اكثر من النسبة اللي يستحقها ! ..

اخووووي هذا الكلام تقدر تقول قهر قبل سنتين او ثلاث مدري اربع يوم كانت الجامعات ما تناظر

الا شهادة الثانوية العامة لكن الان تغيرت الاوضاع صح ان نسبة الثانوية العامة لها دور لكن الان

فيه اختبارات قياس واختبارات تحصيلية ويقولون ان الثانوية لها 30% والقياس لها 30%

والتحصيلي له 40% وطبعا الثانوية العامة هي معدلك التراكمي في ثاني وثالث ثنوي والقياس معروفة وهي الي تقيس قدراتك والتحصيلي هو اختبار عن ما اخذته في الثانويه العامة على حسب علمي يعني الي راح يعتمد على الملخصات وهاااا الخرابيط راح يفشل في التحصيلي وله 40%

اول شي ألف مبروك

ثاني شي ماراح تفرق الحين معك ثانوية ولامتخرج من الجامعه مامعك واسطه والله ماتمشي

ماقولك هالكلام من باب التحطيم لاوالله بس للاسف هذا الواقع المر


كثير ناس اعرفهم تخرجوا من الجامعه والحين متكين بالبيت وشكلي انا بلحقهم

الله يكوون بالعون

أول شئ مبروك التخرج أخوي....

وبالنسبه للفرق بين الأهليه والحكوميه وإن الأهليه دف وبيع أسئله..هذا الكلام كنت أسمعه قبل لا أدخل الأهليه ودخلتها في ثالث ولاشفت شئ من هذا كله....بيع الأسئله والدف والتساهل يمكن تلقاه في الأهليه والحكوميه....
وبالنسبه لي دخلت الأهليه في ثالث السنه الماضيه..وكانت من أفضل المدراس من ناحية المدرسين وطلابها كل سنه يأخذون مراكز متقدمه في إمتحانات الوزاره..المهم دخلتها والفصل الأول أكثر من 80 طالب مابين مئه<--30 طالب وتسعه وتسعين <--فوق الـ50 طالب..ومدرسه أهليه فيها أخوياي ولاطالب في المدرسه أخذ درجه كامله..إلا طالب أخذ 99%بس مع إنهم إشتروا بعض الأسئله..
يعني الفرق في الطلاب والمدرسين من ناحية التدريس..ولاهو في مدرسه حكوميه أو أهليه....

الفصل الثاني وإمتحانات الوزاره كان أكثر طلابنا فوق الـ94 وأغلبهم في المواد العلميه فوق التسعين<--يعني في إمتحانات الوزاره درجاتهم فوق العشرين درجه..ولاكان فيه غش ولاشئ..إلا أكثر من طالب والله سجلوا فيهم محضر غش..حتى أذكر واحد من الطلاب كان يغش في مادة الأدب وسجلوا فيه محضر غش.....صح فيه بعض الطلاب نسبهم طايحه مره..بس الغالبيه نسبهم عاليه....لكن والله كنا نتعب وأخذنا دروس تقويه وشدينا على أنفسنا لما أخذنا هالنسب..
وناس في مدرسه حكوميه,,يحلفون بالله إن المدرسين يعلمونهم الأجوبه..غير اللي يستخدم سماعات ويدرون عنه ولايسوون له شئ غير إنهم يآخذون منه السماعات وبس..!!

وعشان أثبت لكم إن طلابنا في الأهليه يستاهلون النسب وجابوها بجهدهم..:درجاتهم في التحصيلي والقدرات عاليه جداً وفي كلا إختباري القدرات عاليه الدرجه..وأكثر الطلاب دخلوا البرنامج الموحد للكليات الصحيه..وغير الكليات العسكريه وغير الهندسه وجامعة الملك فهد للبترول والمعادن والبعثات...<---اللي سمعت أخبارهم بس.....

كلامي كله عشان أثبت لك إن مافيه فرق في الدف ولابيع الأسئله بين الحكوميه والأهليه.....

ومن ناحية التقديم للجامعه مافيه فرق أبداً بين أهليه أو حكوميه...وهذا الطلاب قلت لك وش دخلوا وهم خريجين أهليه...لكن أهم شئ النسبه والقدرات....والتحصيلي في بعض الكليات.....

على العموم ما أظن خويك صادق إنه إشترى الأسئله..لأنها كما أعرف من أقربائي في إدراة التعليم أنها تحت مراقبه شديده وتوضع أكثر من نموذج للأسئله وإدارة التعليم في المنطقه أو المدينه هي من تختار النموذج.....................ولاتغتر إن نسبتة كانت نازله وإرتفعت في ثالث..لأن كثير كذا...

تحياتي لك أخوي وبالتوفيق لك..

مدرسه اهليه من أبو كلب مو من المدارس اللي فيها مبادئ وأخلاق مهنه

هذي صح والله ما عندك الا تشتري بالأختبارات وتبيع

هذي الخلاصه

ألف مبروك يا الغالي

الصراحة انا في مدرسة حكومية وجبت نسبة 99,38 .............. ( يمدح بنفسه)
على فكرة والله طلاب الاهلية بعض المدرسين يعطون الطلاب 10ورقات ويقول الاختبار مايطلع منها
والحكومية الكتاب كاااامل .