#1  
قديم 07/07/2008, 12:20 AM
زعيــم متواصــل
تاريخ التسجيل: 07/05/2007
المكان: حــايل بعد حيي
مشاركات: 171
Exclamation هاتو فلان , نسقوا علان , تعاقدوا مع فلانان , وبعدين طيب؟؟

السلام عليكم ,

مساء السعاده لأهل الزعامه ..

منذ أن أنتهى الموسم , وانا لاأكاد ادخل المنتدى إلا وأجد مطالبات من الجماهير هنا بالتعاقد مع لاعبين سواءً سعوديين أو غيرهم ,


وأكيد أن هالشيء هذا كله بدافع الحب للفريق , ولايلامون في ذلك , لكن المشكلة أن البعض فوت الفرصه هذه على الغالبية هنا ,

كثرة المساس تميت الإحساس ياجماعة الخير ,,


يعني باليوم تلقى بعض الأعضاء منزل موضوع يطلب فيه التعاقد مع الاعب الفلاني , وعشر مواضيع مشابه لها الموضوع تطلب فيها التعاقد مع لاعب آخر ,,


لكن هل سأل نفسه هالعضو هذا هل الهلال بحاجة لها الاعب أو لا ؟

أيضاً للأسف لقيت أن بعض الناس صاير سمسار لعيال حارته واللي يقربون له , وهذا الشيء يضيق الصدر فعلاً .

ياأخوان الهلال كتاب مفتوح . الهلال يحتاج للاعبين في بعض المراكز , مثل الأظهره والهجوم , ويمكن الدفاع أيضاً . أما غيرها !!


على سبيل المثال لا الحصر ,

فيه أعضاء هنا يطالبون بالتعاقد مع السهلاوي . طيب خلونا نفترض أن الإداره فعلاً جابت السهلاوي , وبغينا السهلاوي يلعب . ترضون يلعب بدل القحطاني والقحطاني بقمة مستواه ؟ أو بدل الصويلح والصويلح بقمة مستواه ؟ أو بدل الخراشي . أو بدل الاعب الأجنبي اللي ناويه الإداره تجيبه إذا كان لاعب ممتاز ؟



يازعماء من الغباء جدا أن نتعاقد مع لاعب يكلف خزينة النادي مبالغ ضخمه علشان ظروف ممكن تصير وإحتمال ماتصير , أقصد الإصابة ومعسكرات المنتخب .


أيضاً نقطه أخرى أحب أوضحها

, وهي أن بعض الاعبين اللي الجماهير تطالب بهم , الاعبين الإحتياط عندنا أحسن من مستواهم كثير .

على سبيل المثال , عبدالله الحماد . معروف عن الاعب عبدالله أنه يلعب وسط ايمن , والوسط الأيمن عندنا التايب , وعندنا التمياط والدوسري والشلهوب أيضاً كلهم يقدرون يلعبون بنفس المركز ,


أيضاً فيه نقطه أحب أقولها .

مو كل لاعب نشوف له مقاطع نقول هذا لعيب , وفلته , ومكسب للهلال , أبسئلكم سؤال ,


لو أنكم ماتعرفون (أدريانو ) وأجي أقولكم هذا لعيب وفلته وشوفوا أهدافه ومهارته وانزل له مقاطع راح تقولون هذا لعيب زمانه ومكسب للهلال , لكن الآن أدريانو وش مستواه ؟ أصلاً أخباره أنقطعت .

وانا قلت هالكلام هذا علشان الاعب ( ابراهيم ياتارا ) وانا بصراحه شفت مقاطعه , بصراحه لعيب كبير , لكن هل سألنا أنفسنا هالسؤال : ليش إدارة فريقه التركي ماجددت تعاقدها معه ؟ وهل الأسباب اللي خلت الإداره التركيه ماتجدد تعاقدها معه أسباب مقبوله ؟ !!!!!!!!!!!





نقطه أخيره أختم بها موضوعي .

أتمنى أن كل من يكتب هنا أنه يكتب بشيء مفيد , وشي فيه منفعه , أما كلاك كيفما أتفق , فكلنا نعرف نتكلم وكلنا نعرف نكتب , لكن الفرق بالمضمون ,



تقبلوا صادق الحب والوفاء يازعماء
اضافة رد مع اقتباس
  #2  
قديم 07/07/2008, 02:42 AM
زعيــم متواصــل
تاريخ التسجيل: 26/06/2007
مشاركات: 85
و الله انك صادق يا خوي

فعلا تجد مطالبات أحيانا في مراكز مشغولة بالهلال

مشكووووووور
اضافة رد مع اقتباس
  #3  
قديم 07/07/2008, 01:33 PM
زعيــم متواصــل
تاريخ التسجيل: 07/05/2007
المكان: حــايل بعد حيي
مشاركات: 171
إقتباس
الرسالة الأصلية كتبت بواسطة دفا عمري
و الله انك صادق يا خوي

فعلا تجد مطالبات أحيانا في مراكز مشغولة بالهلال

مشكووووووور

:
"
::

العفــو خيووووو


ثانكس على المرور

:
"
:
اضافة رد مع اقتباس
  #4  
قديم 07/07/2008, 01:59 PM
الصورة الرمزية الخاصة بـ الهايم 10
زعيــم متألــق
تاريخ التسجيل: 20/04/2008
المكان: عـابـر سـبـيـل ...!!
مشاركات: 1,437
ما أدري الخراشي معجبك ؟؟؟ اجل هو يعرف يمشي !! يالاخو رح شف هدف التائب الاول على الوحده وشف الخراشي وشلون

مرر الكوره الى الذياب << قسم بالله يبي يفتك منها ويتمنى الارض تنشق وتبلعه ..

والسهلاوي + ياسر + الصويلح + الاجنبي >> هذولا اسلحة الفريق يعني اذا بتفووز لازم عندك مهاجمين ينهووون المباريات ..

خصوصا اذا ياسر بالمنتخب والاجنبي موقوف مثلا او مصاب يصير هجومنا ماعليه خووف بوجود الصويلح + السهلاوي ..


وبالنسبه للأشباه اللاعبين اللي لاجينا بهم نص الاعضاء شخصيا ما اقتنعت بهم ولا يسوون كتابة موضوع على حسابهم ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:17 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube