اريد مساااعده ؟؟.. - نادي الهلال السعودي - شبكة الزعيم

دميـ ازرقـ · #1 04/07/2008, 02:54 PM

السلام عليكم ..

كيفكم يا زعماء؟؟

معليش ابي مسااعده

فيه نصراوي ناشب لي في احد المنتديات
اي شيء احطه من انجازات الزعيم او احد لاعبيه يقولي
ايه انتم جيبو العالميه بعدين تعالي تكلمي
وش سالفه العالميه الي ازعجونا فيها ؟؟

اتمنى اني ما ثقلت عليكم مع اني عارفه ان المنتدى ما يتشرف
بنقل هالشيء لكن

مكره اخوك لابطل

<< وش دخل ؟؟

فاتمنى من الي يعرف وش سالفتها يفيدني مشكور ..

مودتي ..

اتمنى من الاخوان المشرفين ما يحذفون الموضوع

دمتم زعماء ..

هلالي وافــتخر · #2 04/07/2008, 03:00 PM

هههههههههههههههههههه

هالمريضين تأهلوا لكأس العالم للأندية في عام 2000 وغثونا تقل خذوا الكأس

وعلى فكرة مفروض احنا متأهلين لأننا أخذنا كأس السوبر الآسيوي في عام 2000 بس تأهلوا

النصر!! مع أنهم خذوا كأس السوبر الاسيوي في عام 1998

قل لخويك ذا انا مو عالميين لكن نحن زعماء وعندنا ضعف بطولاتكم وزيادة وقله انتم حالمييين

موعالميين لأنكم تحلمون بأي بطولة من 10 سنوات !! ويوم خذوا بطولة البزران انهبلوا تقل

ماخذين كأس العالم...

دميـ ازرقـ · #3 04/07/2008, 03:06 PM

ههههههههه

مشكور اخوي هلالي وافتخر .. والحين كل هالصجه علشان هالشيء؟؟

وتأهلو يعني ما اخذوة ؟؟ الله يفشلهم

معليش زودها شوي بس ليه حنا ما تأهلنا انا سمعت ان صار ظروف وما ادري ايش
علشان كذا ما تأهلنا صحيح ولا لا ؟؟ ..

ومشكووور على الرد ..

لـــذة غـــرام · #4 04/07/2008, 04:21 PM

..

أختي دمي أزرقـ ..

ربما تجهلين الكثير عن حقيقة ..( العالميه ) المزيفهـ ..

الهلال حقق بطولة السوبر 97 وعام 99 وكان هو المرشح للبطولة عام 99 وعام 2001 وأجريت القرعه للبطولة والمكان التي ستحظى به البطوله..

لكن تأخر الشركه الراعيه سبب في عدم اقامة البطولة ..

فقرر الاتحاد الدولي اقامة البطولة عام 2000 ورشح من اسيا الهلال كالعاده ..

لكن ممثل المملكة في الاتحاد الاسيوي في ذلك الوقت .. كان الأمير : الوليد بن بدر ( المعروف : أبوبلوتوث ) عضو شرف النصر الحالي ..

كان له رأي اخر وتمت مشاركة الفريق النصراوي الذي حقق بطولة السوبر ..

في بطولة غريبه نوعاً ما بأحداثها وكذلك بقرعتها ..

فريق فاز في مباراتين ولعب المباراة النهائية مباشرة ..!

....

اضافة لمعلوماتكـ ..

الفريق النصراوي لعب بطولة الأندية العالمية وهي تعتبر بطوله تجريبيه وليست رسميه مثل اللي لعبها الاتحاد ..

أيضاً النصراويين راحو هناكـ وفشلونا ..

محمد خوجلي أمام ريال مدريد أصابه الصرع ( والعياذ بالله )

ربما لم يستوعبوا المكان اللي هم فيه ..

أخيراً تقبلي معلوماتي المتواضعه ..

..

عاشق الزعيــم (2008) · #5 04/07/2008, 04:56 PM

قله تر الزعيم زعيم ....... ماخذ اكثر من بطولاتكم قله بس السنه اللي طافت ماخذ بطولتين فما بالك بالسنين الماضيه ......

20 ياسر الجابر 9 · #6 04/07/2008, 05:01 PM

طيب وش ذنب الهلال إذا تأهل لكاس العالم عام 2001 وفلست الشركه الراعيه وألغيت البطوله !

وقولي لـ هالنصراوي إذا تزعمت آسيا بـ 6 بطولات آسيويه وقدر فريقك يجيب 47 بطوله محليهـ تعال تكلم

ذايب في 14فن التايب · #7 04/07/2008, 05:09 PM

السلام عليكم يالزعاامه اول شي النصر تأهل بالقرعه >>> صدفه خخخخخ
ثاني شي خذينا كاس اسيا 6 مرااات زعيم اسياا وكان تأهلنا بس الغوو البطوله وكانت
باسبانيا ومعليش يانصراويه يامساكين وشكرااااا
بالتوفيق لزعيمنا

نائب الزعيم · #8 05/07/2008, 07:57 PM

ياشباب مافيه غبار قبل شهر في مدينة الرياض سبب حوادث وكوارث هذي ادارة النصر
فتحوا الخزنة يبون يتذكرون بطولاتهم...
لا وونزلوا الشارع يطاردون فأر لانهم لقوا اخر قطعه من كأس في فم الفأر

نائب الزعيم · #9 05/07/2008, 08:01 PM

ياخوي كيف اسوي توقيع
صوره
تكـــــــــــــــــــــــــفى