والـلـه مـا راح يـتـطـور الـتـعـلـيـم عـنـدنـا وانـت وزيـرنـا !! ( مـا اقـول الا حـسـبـي الـلـه عـلـيـكـم , , , حـسـبـي الـلـه عـلـيـكـم ) !!
السلام عليكم
يا جماعه بالله عليكم مب قهر ان الواحد يتعب سنه كامله واختبارات ويجد ويجتهد وفي النهايه يضيع تعبه ومجهوده
انا جبت نسبه 95% في الشهاده و 75% في القياس لاكن نزلت نسبتي الى 87% والسبب اختبار القياس !!
بالله عليكم هذا مب ظلم !!
تعب سنه كلمه واختبارات وحاله ما يعلم بها الا الله وفي النهايه اختبار تافه اسمه قياس ينسف التعب هذا كله !!
يمكن بعضكم يقول اختبار القياس سهل ومن ذا الكلام ..
هو صح سهل لاكن يمكن انت ما تكون في يومك هذاك اليوم وتجيب نسبه ضعيفه !!
والله لو اختبار القياس له فايده كان ما تكلمت بحرف واحد لاكن المشكله ان ماله اي فايده الا المية ريال الي ياخذونها من الطلاب حسبي الله عليهم !!
اقسم بالله ما راح يتطور التعليم عندنا والعبيد هو الوزير !!
والا بالله عليكم وش الفايده من الدراسه والاختبارات دام ان فيه شي بينسف هذا كله في النهايه !!
وزياده على كذا الاختبار التحصيلي للكليات العلميه ..
انا توني طالع من الاختبار وما استفدت شي !!
يعني زياده على النسف الي من القياس راح يجي نسف اقوى من التحصيلي
بالله عليكم وش الفايده من هذا كله !!
الي قبلنا درسوا ولا اختبروا لا قياس ولاتحصيلي والحين شوفوهم دكاتره ومهندسين ..
هم يبون يقللون عدد الطلاب الي يقدمون على الكيلات والجامعات وما لقوا لهم طريقه الا التحصيلي والقياس حسبي الله عليهم ..
يعني الهدف انهم يقللون نسبة الطلاب الي تقدم على الكليات والجامعات لان ما فيه وظايف !!
لاكن ما اقول الا الله لا يوفق من كان ورى الاختبارات هذي
الله لا يوفقه دنيا واخره
الله لا يوفقه
الله لا يوفقه
الله لا يوفقه
الله لا يوفقه
الوضع الشجري
