بين الشماغ.. وطيحني.. هل انت بسيط او مخملي؟
 

حياكم



تخيل نفسك معزوم عند ناس معارف..

ودخل عليكم المعزب وقال : اقلطوا الله يحييكم على عشاكم.. واعذرونا على قل الكلافه..

وقمت طال عمرك وغسلت ايديك ورفعت طرف الكم وشمرت عن ساعدك الايمن..

وتوّك تقول بسم الله وتمد ايدك على نعمة رب العالمين..

لكنك تفاجأت باللي عن يمينك واللي عن يسارك كلهم قاموا يطالعون فيك بشوية (ازدراء) وكل واحد فيهم ملعقته بيده وانت درعمت بام خمس لأنك خابر ان اللي ماياكل بيده مايشبع..

وحسيت ساعتها ان الجماعه قرفانين منك ومن شكلك وانت تدخل اللقمه في فمك باصابعك..

وجيت انت على بالك تبي تلطف الجو وتحسّن العلاقات و(بزعت) وقطعت لك هبرة لحم من احسن مكان في ظهر المفطح وحطيتها في حافة القرفان اللي جنبك وانت متشقق تحتريه يقصد بك من الوناسه لأنك اكرمته وفزعت له بالتقطيع..

لكنك مادريت الا وابوالشباب يرمي ذيك الهبره بحافتك ويصرخ منفعلا بصوت مجلجل : (ترى اللحم مايرمى الا للكلاب) أعز الله الجميع..

ساعتها انت انحرجت مررررررره وصار وجهك تقل طماطه وقمت وغسلت ايدك وقضبت الباب..

والحبيب القرفان كمل عشاه وهو ماسك شوكه وسكين يحاول يصطاد (ترنشات) الخيار من وسط صحن السلطه..


احبتي

الانفس تختلف.. والنفسيات تتأرجح بين متسع ومنغلق.. والعادات والتقاليد في صراع لاينقضي خصوصا واننا في مجتمع قبلي متمازج ومتباين..

هناك من يرتدي (الزبيريه) تكرمون ويذهب بها متفاخرا بصوتها وهو يسحّبها في الارض الى زواج حالم في قاعة مخمليه تتنافس فيها اكبر ماركات الاحذية الايطالية والاسبانية بين اقدام الشخصيات (الهاي كلاس)..

وهناك من يدخل الى افخم مطعم في اغلى الفنادق ليقف امام النادل اللبناني المتأنق والمشغول بطلبات (السوفليه والسوتيه والستيك والكافيار) ليسأله اذا كان لديه (كبدة حاشي وشوربة جريش)..

باختصار.. نحن نعاني من (ازمة فكر) لمخيخ (ناشب) في منطقة تذروها الرياح بين تراث وموروث شعبي جميل وعفوي.. وطبقة مخملية لا تتنفس الاكسجين الا بعد تنقيته من انفاس الطبقة الكادحه..

تداخل الحضارات وتمازجها خصوصا في الرياض كمدينة آهلة بالسكان أدّى الى اختلاط الحابل بالنابل وتفاقم الفوضى بين طبقات المجتمع الذي بدأ شيئا فشيئا يفقد هويته الاصليه..

دعوني اذكر لكم موقفا حصل امامي منذ ساعات بسيطه.. وتحديدا قبل ساعتين..

كنت في احد مطاعم المثلوثة الشهيرة في حي الروابي بالرياض ان لم يكن الاشهر على مستوى الرياض ككل..
وبينما الرجاجيل مشغولون بطلباتهم بين عاشق للمندي ومتيم بالمضغوط ومتشقق عند نفر حاشي مع رز احمر..
فإذا بذاك (الغرنوق) يدخل المطعم في عز زحمة الشمغ وهو يرتدي جينز طيحني وفنيله كت وتسريحة شعره سبايكي كأنه اللبناني نيشان..
ولا اخفيكم انني قد ذبحني الفضول وانا انتظر هذا الشنب الاصلي حتى يطلب وكلّي شوق لسماع ماهيّة طلبه..
فإذا به وبصوت ناعم يتحدث مع الكاشير قائلا : فيه مكرونه بالبشاميل ؟؟
فرد عليه الكاشير بالنفي ليعود الغرنوق بسؤال إلحاقي : طيب لازانيا ؟؟
لتضيق خاطرة الكاشير السوداني الذي طلب منه ان يتنحى جانبا ليفسح المجال لمن هم وراءه من الذين جاؤوا بحثا عن تدسيم الشوارب..

وانا اسألكم بالله : هذا ال(طيحني) لما دخل مايدري ان هذا مطعم رز وجريش وقرصان ؟؟

وبعدين مايستحي يدخل مكان كل اللي فيه غير شخصيته تماما ؟؟

ما كان اولى انه يطس باللي ما يعقله الى مطاعم المجمعات التجاريه مثل صحاري او حياة مول ؟؟

ما قلت لكم اننا نعاني من ازمة فكر ؟؟







محبتي













فـهـد

اغلب اهلي ياكلون بالملاعق وفي البوفيهات بس عن نفسي بأم خمس ولا يهمني اطلق شنب وبالنسبة لتقطيع اللحم هييييييييييييييي هيييييييييييييييييييييييي هاك يا توزيع تقول حلاوة عيد اللي ما يبي بيروح عنه الزين خخخخخخخخخخخخخخخخخخخخخخخخخخ

أبو الوصف ..! :d ..

لكن شد إنتباهي قبل فترة بجريده الجزيره هالكركتير ..!

http://archive.al-jazirah.com.sa/200...n/26/haged.jpg


:d

والله شف أنا بالنسبه لي عندي إسلوبين ...


الأسلوب الأساسي ..! : بين أهلي وربعي .. في الأكل آكل بيدي ..!

أما بين الأصدقآء على حسب .. فيه منهم أمون عليهم وأكل أكلي الع ـآدي

أما فيه ناس ماتعودوا على آكل اليد للنسبه للجمتمع الي حوله

آكل زي ماياكلون هم ..! يعني ياكلون بملآعق عادي الوضـ ع فري ومتعود كذآ ..



بس بالنسبه للبنطلون " طيحني " ..

والله مآ ألبسه لو يقصون رقبتي ياشيـ خ ..!

والله موب حركات رجـآل .! معليش يعذروني الي يلبسون طيحني !!!


لآنها وجهة نضري ماهي حركات رجـآل ..



بس إن شاء الله أدخل مره مـآك وأقوله

جبلي واحد مضبي وإثنين مندي ..! ولآ أنسىآ ماكارونه بالبشآمل ..! :d :d:d

شف هذا يـآهو دلخ أو دلخ :d ..


لكن للأسف الحين طلـ ع بنطلون جديد إسمه " سـآمـحني يابابا "

هالسروال فيه سحابين ..!!! سحآب من قدآم وسحاب من ورآ ..!!!!!

بحل عنده بنطلون طيحني ..!

لكن الحمد لله إنه ممنوع من قبل الهئيه ..



متشكر أخوي فهد على هالموضوع الج ـميل .!

بأمريكا ..



منعوا هذي البناطيل [ طيحني ،، وسامحني يابابا ،، ..... والخ ] ...



أمريكا اللي هي أمريكا منعوها ..



وراه ماينعونها عندنا اقسم بالله تستحي تشوف واحد لابسها ..




ياخي البس جينز عادي محد يقولك شي ..



يعطيك العافيه اخوي فهد ..



ولا تحرمنا جديدك ..



أخوك



راشد ..

-
هلا حبيبي ..
موضوع جداً جميل ..
( الاكل ) بالملعقه هذي حريه شخصيه ..
وبخصوص الاكل بـ الخمس فهذي من عاداتنا وتقاليدناً ..

في أكل يناسبـه الملعقه وفي أكل
يوكل بـ الخمس ..
الفرق هناً هو الفكر .. يعني ناس على عزيمه يقلطون مفاطيح
وعلوم رجال .. :d
وناس عكس ذلك ..
والفكر والعادات هي اللي تحكم بهالشي ..


.
.








شحطـه :




















http://235cef.typepad.com/photos/als...cho_mutton.JPG
.
.
تنسى شي أسمه ملعقه .. :d
آآآآآآخ بس بلا بيتزا بلا صب تشكن ..يازين المفطح بس.. :d


.
.
.

حياك يالذيب..

خلك على فالك ولا يهمك اطلق شنب.. s60s

اصلا الاكل ماله طعم الا اذا اكلته بيمناك والدهن ينقط بين اصابعك :smilie47:

ولاحظ شي مهم.. سنّة نبينا الكريم صلى الله عليه وسلم ان تأكل بيدك وليس بالملعقه والشوكه.. واذا انتهيت ان تلعق اصابعك (لكن بدون صوت الله لا يهينك علشان ربعنا القرفانين) :d

شف وانا اخوك

انا اذا كنت بالبيت اضرب بالخمس و لاعلي من احد :d

بس اذا صرت برا بيتنا اتبع المثل الانجليزي: [[ إذا كنت في روما... فـ افعل مايفعله الرومانيون ]]
و الرومانيون هم أهل روما :d

لذلك: إذا والله بوفيه مو معقول انك بتضرب بالخمس :d

واذا مفطح و على الارض مو معقولة انك بتاكل بملعقه :d

لذلك.... الأكل و الناس الموجودين بالمكان هم من يحكمون عليك بطريقة الأكل :d

حياك يالغالي

شف طريقتك حلوه وواضح انك دبلوماسي s60s

واذا دخلت ماك اطلب لي معك مدفون :d

وراعي طيحني هذا لاهو دلخ ولاهو دلخ.. هو ببساطه (سوبر احمق) :d

اسعدني مرورك.. كل يوم تعال :clap:

حياك

وش تبغى فيه ياشنب ؟؟ :d

اسفرت وانورت والله

هلا راشد

بس امريكا مافيها مطاعم رز ومثلوثه :upset:

يعني اذا دخل واحد راعي طيحني لمطعم وطلب ستيك تنبلع شوي :d

هلا بالغالي

كلامك سليم s60s

مستحيل تاكل مهلبيه او جلي مثلا باصابعك اكيد لازم ملعقه :d

لكن كلامنا على اكلنا الشعبي اللي ورثناه من الاجداد :yes:

نورتني بطلتك :clap:

يا لبّى قلب المفاطيح :smilie47::clap::clap:

لكن وين البيض والكبده والحركات ؟؟ :upset:

لايكون زارفهن ولاعب علينا ؟؟ :d

يلبّى قلب المفاطيح :smilie47::clap:

لكن وين البيض والكبده والحركات :upset:

لايكون زارفهن وتلعب علينا :d