|
وربي عايش في حيره تكفون ساعدوني وانقذوني السلام عليكم ورحمة الله وبركاته صباحكم سكر بالمايونيز شخباركم عساكم كل ابوكم بخير يا شباب انا متخرج من الثانويه التجاريه ونسبتي 82 % وقدراتي 77 من اول اختبارمشاء الله علي <<<<<<غيرك ازين منك انت ووجهك ههههههه والحمد الله لقيت لي وضيفه في شركة دي اتش ال في الكووول سنتر والراتب مجزي والحمد الله . طبعا يا شباب بتقولون طيب والمطلوب . انا بقولكم اصبروا علي شوي عاد يا شباب الشغله هذي يعني على حسب يمكن اكمل فيها ويمكن لا وانا ابي اخذ رايكم في شغلتين . يا شباب اذا قبلوني itc ارامكوا اكمل فيها واترك الوضيفه او اني ادز ادرس برى على حساب الحكومه طبعا هذا اذا قبلوني البعثه وطبعا اذا ما قبلتني ارامكو بعد اروح ادرس برا معكم ولا لا ؟ تكفون وابيكم تقولون لي بعد لا هنتوا شلون طريقة التقديم ؟ وتعطوني وين افضل بلد في دراسه تخصصات التسويق او المحاسبه او ادارة الاعمال؟وهل الحكومه تبتعث على التخصصات اللي ذكرتها ولا لا ؟ وعلى فكره قبل كل شي بقولكم عني وعن طبعي وانصحوني هو انا اصلح ادرس برا ولا لا ؟ طبعا طبعي هو اني مدخن درجه اولا وابي اعرف يعني راح يكلف علي الدخان لما ادرس برا ولا لا ؟ وتذكرون لي كم تكلفة الدخان برا غاليه ولا لا ؟ وتكفون عطوني تكلفة الدخان للي يبي يرد علي على حسب الديره اللي ينصحني فيها بالدراسه ؟ وانا انسان زوووووووول سووووووووووداااااااااااااااااااني بعنف اوكيه ونفسيتي دايما ما تكون زفت وانتوا بكرامه ما ادري ليش في ناس يقولون اني مغرور وانا وربي مو مغرور قسم بالله على قد نياتي بس نفسيتي كذا عاد الشكوه لله ؟؟ تكفون انصحوني يا شباب تكفووووووون شسوي . |
بيني وبينك موضوعك معقد ههههه مااش التعبير عندك معدوووم رتب موضوعك يالغلا لكن راح اجاوبك باللي فهمته منك ... بخصوص الشق الاول من استفسارك أنا بصراحة أبنصحك وأنت ورأيك خاصة انك تبي النصيحة يارجال لو حسبتها بمخك : شهادتك ثانوية شركة خاصة وراتب بسيط نوعا ماء اتوقع بحكم شهادتك . فبصراحة يالاخ نصيحتي لك كل شي له نهاية ماعداء العلم ماله نهاية حاول أنك تكمل دراستك وتأخذ الشهادة الجامعية بالتخصص اللي تحبه ماتضمن يالغالي بكره تنسقك الشركة أو تطردك ماتدري بكره هالراتب اللي تاخذه بيكفيك انت وزوجتك وعيالك او ماراح يكفيك أتعب الان ونا خوك وحاول تكمل دراستك وبعدها تأخذ شهادة جامعية ومن الخارج ولغة ماشاءالله بيصير وضعك اوكية ومية شركة تتمناك وبراتب مجزي ان شاء الله وبتكون ضمنت مستقبلك ان شاء الله والضامن الله سبحانه .. فأذا لغيت بعثة على أرامكو مثل ماتقول لاتتردد أبد ،،، واذا لقيت من الحكومة بعد لاتتردد ابد وأذا مالقيت روح ادرس على حسابك وقدم اوراقك من نفس البلد اللي بتدرس فيه وراح تلاقي البعثة ان شاء الله أبسط من السعودية لكن لو تجيبها من السعودية البعثة ولو تستخدم الواسطة لان الشغلة واسطات افضل لك كثيررر وطريقة التقديم بسيطة وتلاقيها في موقع وزارة التعليم العالي على الرابط ادناه تصفح فيه ودور على ملحقية البلد اللي تبيه ودق عليهم وراسلهم مسجات ... http://www.mohe.gov.sa/Arabic/Pages/default.aspx وبخصوص الشق الثاني من استفسارك والله ياخوك أنا اكلمك من كندا والدخان عندنا غالي رغم اني غير مدخن لكن هذا اللي اعرفه انه غالي وزملائي اللي عايشين معاي في كندا من خمس سنوات وفووق مايشترون من السوبرماركتات او البقالات دخان لا ،،، فيه ناس تبيع لك ميتين زقارة بعشرين دولار كندي سواء كان أبيض او أحمر وبأستطاعتي أدبرها لك ولكن اذا تبي تشتري من البقالات الله يعينك ماراح تعيش بالديرة وبأستطاعتك تجيب كم كرز معاك من السعودية ،، وبخصوص نفسيتك حاول تضبطها ونا خوك لأنك اذا كنت كسلان هم بعد ماراح تعيش بالديرة لان هالبلدان كلها يبيلها حركة ومشي وانت وحظك طبعا على حسب البيت وبعده عن المعهد وبخصوص اخلاقك زفت هم بعد حاول تغير هالصفة لانه أخلاقك زفت على كلامك دايما فما بالك باخلاقك زفت ومع الغربة راح تلعب بحسبة اللي قدامك هههههه فحاول تغير صفاتك ونا خوك اذا قررت تلتحق ببعثة ونصيحة أخوية لك يارجال هالدخان مامنه الا المرض وبيشغلك شوي في الديرة لانه مو كل مكان مسموح فيه التدخين وبالتوفيق للجميع وهذي الاجوبة تحمل وجهة نظري الخاصة ولا تعتمد علي كلامي جدا واصل البحث وأسال بنفسك ايضا يالغالي وان شاء الله اي اسالة ثانية مانقصرر |
والله انت حالت حالة شقول وما اقول اول شي انا اعرف ان itc لما تتخرج منها راتبك حلو بس مسماك الوضيفي بيكون اي شي يعني سيكورتي >>>ومافيها شي و بتستلم 6 الاف ريال البعثه يا خوي لو جاتك وعندك قبول في البترول اسحب على ام البترول ثاني شي الحين وقفو البعث على امريكا وكندا وقامو يرسلون لشرق اسيا ماليزيا وطختها وما عندي خبره فيها لاني في كندا واذا تبي تتاكد ادخل موقع الوزاره للتعليم العالي اما الدخان هذي بتفلس اذا جيت هنا تراة غااااااااااااااااااااااااااااااااالي شغلة دمك بارد وزول خلها في السعوديه وتعال بتقول ما ابي يقولك غصب والا والله ما تمشي هنا شغل ثقيل وما ادري ايش ما ينفع هنا لازم تكون ملقوف عشان تتعلم اللغة وتكون طيب مع الناس حتى الي ما يعاملونك زين مثل العامل الي في محطة القطار قام ينفخ عليك قله اسف, تجي تقوله هي لاتنفخ>>>>>>بالانجليزي طبعا بيقولك ضف وجهك بس مو لدرجة ان واحد يمصخها معك والحق معك 100% كذا غير وزي ما قال الحبيب هلالي ولكن, تعال على حسابك وقدم اوراقك بس الحق ترى قامو يضمون الي يسوى والي ما يسوى انا جيت على حسابي وفي اقل من شهر جاتني البعثه لا واسطات ولا زحمه,وفي طريقه ثانية من اول يوم توصل تجمع الاوراق مطلوبه تلاقيها في الملحقية ترسلها للسعوديه واتخلي واحد من اهلك او ربعك يقدم من السعوديه ويكون واحد لزقه وينشب للعالم, ويدخل على المديراسمة اذا منب غلطان علي العطيه طييييييييب مره خل يعطية الاوراق وهو بوقع في نفس اللحضة وبيحولك على شخص ثاني وانشاء الله اسبوع وانت منضم وش بعد وش بعد بس والله يوفقك |
ITC والبعثة لا انصحك فيهم اذا كان اطباعك كذا لان ارامكو راح تكرفك باالشغل والبعثة برضوا لان هناك سعر الدخان والحمد لله ان مو مدخل غالي جدا لكن ما اعرف كم سعره لكن سعر الببسي في بريطانيا 8 ريال اللي عندنا هو بريال توقع كم علبة الدخان الوحدة تقبل مروري انا فيلسوف زمانه |
بصراحه موضوعك معقد نوعا ما , يمكن من زود الحيره طلع كذا عموما انا رايي انك تكمل دراستك افضل لان مهما كان راتب الثنوي اقل من الجامعي وانت فكر بالمدى البعيد غير كذا راح تفتح لك مجالات افضل باذن الله وبالنسبه لطبعك يمكنها عين , اقرا المعوذات كل يوم مرتين بالمغرب وبالصباح وان شالله تكون ميه ميه:thumbup: وبالنسبه للدخان بامريكا اظاهر انه ب 5 دولار ذيك العلبه الي صغيره, عاد مادري مو متاكده بس كني لمحت ان سعرها كذا . بس عندي فكره احسن لك, انك ليش مثلا مثلا ماتحاول انك تبطل دخان وتكون كسبت صحتك ووفرت اموالك وضربت عصفورين بحجر .:d ادري ان فكرتي ماعجبتك :d واذا انت محتار بين كذا شي صلي استخاره و ان شالله ربي يسهل لك امورك ويبين لك وش الي فيه خيره لك. |
والله يااااااااااااااااااااااااأخوووووووووووي أنصحك بشركة أراااااااامكو اذا قبلوك وأنصحك كمان تروح البعثةةةة اذا ماقبلوك ارامكو |
والله ياخوي انت حط قدامك الافظل والافظل في نظري انا ارامكو بعدين البعثة وترا البعثة مو زي ماتسمع انهم يفلونها وبرا وغرب وفري وديموقراطية كله هرج جرايد هذاني من العصر قاعد بالغرفة منحجر طفشششششششششششششششششششش عاد انا ببريطانيا والدخان هذا يبيله ميزانية خاصة جداً البكت بـ 5باوند وتقريبا 60 بنس يعني مايقارب يالحبيب 48ريال هذا بكت واحد كيف اذا انت مدخن درجة اولى على قولتك يبيلك ميزانية الصراحة وماراح بعد تعيش وانت نفسيتك كذا لانهم ه اصلا الاجانب نفسيات بروسهم هم فما بالك اذا جت منهم ومنك والله كذا بتندلع حرب نووية صدقني والله يبيلك تحليل شوي هههههههه هذا الي اقدر اخدمك فيه والي فهمته من موضوعك واذا بتريد حاجة ثانية لا يردك الا لسانك تحياتي |
ياخي موضوعكــ معقد <<<<< جاي مدرعم مع الخيل يا شقرا بالنسبه للوظفيه ولا الدراسه انا اشوف انك توك مخلص ثانوي يعني توك صغير وتراك ما بعد انجزت شي ..... فا درس اللحين احسنلك في ارامكو بعثه او سعود او اي شي اهم شي لا تفكر بالوظيفه اللحين ...... انا يالحبيب في سيدني واذا انت كسول ما تصلحلك لان لازم تمشي والمشي السريع بعد <<<<< يعني ليس مشي تسحيب الرجلين ... عشان تلحقك على ترينك او تلحق محاضرتك او تقطع الشارع قبل ماتصير الاشاره حمرا ... وهلمجرا ... احس اني انصحك من قلب غير الدراسه اللي لازم تنجزها اول باول الدخان عندنا البكيت بــ 12$ تفريبا يعني بالمتوسط والدولار بــ 3,6 ريال و عليك الحسبه سيدني كمدينه كل شي فيها زين و حلو و ناس من جميع الاجناس و الثقافات لاكن مشكلتها الســــــــــكـــــــن غالي جدا جدا وغير متوفر اتمنى اني افدتك واتخذ قرارك والله يوفقك |
| الوقت المعتمد في المنتدى بتوقيت جرينتش +3.
الوقت الان » 06:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd