نادي الهلال السعودي - شبكة الزعيم - الموقع الرسمي - أخـوي الـصـغـيـر تـزوج الـبـارحـة .. والـفـال لـي ( فيس حزين ) ...!!

الصفحة الخامسة

فتى الولايه

هلا أخوي فتى الزلابة ورده
الله يبارك فيك وفعلاً الزواج قسمة ونصيب ..s60s
شاكر لك حضورك ورده

muneera

دثريني يا منيرة .. زمليني يا منيرة ..!:stoned:
أهلين وسلين muneera ورده
الله يبارك في أيامك .. وما عليك مني واثق من نفسي وليخسأ الخاسؤون ..:stoned:
أجل الزواج شقاء؟ .. أول مرة أشوف بنت تقول كذا عن الزواج .. تعجبني الردود الصريحة ..!:naughty:
هو صحيح ما راح توقفين بطريق أخواتك .. لكن كلام الناس ما يرحم , أقل شي بيتساءلون عن السبب .. واذا ما لقوا
سبب مقنع مثل اكمال الدراسة أو غيرها بيفكرون ان في البنت عيب خصوصاً إذا كانت كبيرة في السن ..!:surprised:
الله يجزاك خير على الدعوة .. وشكرن جدّن على هالمرور الحلو منيرة وردهs13s

أحلاهم واتحداهم

أهلاً وسهلاً يا أحلاهم وتتحداهم ولكموو ورده
مساء النور والسرور .. بس وش سلطانيز؟ وش رايك تقولين مايونيز أحسن؟:surprised:
الله يبارك فيك وعقبالك وعقبال كل شباب وبنات المجلس ورده
هذا الشي اللي قهرني أكثر أنهم ما علموني بموعد الملكة أو الزواج .. ما عندهم لعب أهلي على طول خطبة وبعدها ملكة وزواج
يسابقون الزمن ..!:d
أحلاهم وأتحداهم ورده .. أشكرك شكراً كثيراً على مرورك وتواصلك الجميل .. ورده
لا عدمناك يا أشينهم << قليل خاتمة يفتقد للأسلوب المهذب ..:razz:
تقبلي تحياتي ورده

المقوقس

هلا وغلا المقوقس ورده
انا الحمد لله بخير وأزقح .. أنت بشرني عنك يالشين؟
الله يبارك فيك وعقبالك ورده
وش ايطاليا؟ ووش علاجه يا دب الباندا؟:nono:
ما عليه مسامحك على ذبك ودواك عندي .. والظالم هو دايم البادي ..!:naughty:
الله يعطيك العافية على هالمرور التحيف يالشين ..s60s
تقبل تحياتي ورده

عاشقة الزعيم15

أهلن أهلن عاشقة الزعيم15 هلا وغلا ورده
الله يبارك فيك وعقبالك أنتي بعد ورده
ما شاء الله ألف ألف مليون مبروك زواج عمك والله يسعده ورده
تصدقين أنك أحسن مني في هالناحية؟ على الأقل أنتي تجهزين بعض أغراضك قبلها بكم يوم ..
أما أنا في آخر لحظة أخلص كل الأغراض دفعة واحدة .. بزواج أخوي اشتريت أغراضي وحلّقت وتشخصت عصر يوم الزواج ..!:stoned:
الله يكتب لخواتك اللي فيه الخير ..:yes:
عاشقة الزعيم ورده .. كل الشكر لك على ردك الرائع وتواصلك الجميل ورده
تحياتي إلكـ ولا تطولين الغيبة ورده

جرح يشكي

هلا وغلا جرح يشكي ولكم ولكم ورده:smilie47:
الله يبارك فيك وان شاء الله يجي اليوم اللي نفرح فيك يا " الكويتي " ..!:razz:
أنت ما عليك عطني رقم أبوك وأنا أحاول أقنعه .. وإذا ما اقتنع بننتقل للخطة البديلة التي
تقتضي أن نورطك في قضية أخلاقية وبعدها بيقتنع الوالد أن الحل الأمثل لحفظك من الضياع هو زواجك بأسرع وقت ممكن ..!:d
إذا أعجبتك الخطة أرسل لي " كول مي " وأنا راح أضبطك ..!:stoned:
شكراً لحضورك اللذيذ حمودي .. تقبل فائق محبتي واحترامي ورده

بريماكس!!

مراحب مراحب بريماكس!! ورده:smilie47:
الله يوفقنا وياك يا بعدهم .. واللهم آمين يستجيب لدعاءك وأتزوج بنت مميزة ..:smilie47:
الكل يحب المواضيع الخفيفة مو بس أنت والحمد لله على توفيقه في هذا الموضوع ..
مشكوور يا طال عمركـ على ردك الجميل .. وعلى العكس طال عمرك ردك جميل وكافي ووافي ..:smilie47:
لا عدمناك .. ولا تحرمنا هالطلة ..!:smilie47:
تقبل تحياتي ورده

oooASHooo

العفو أخوي .. ومشكور على الورود ورده

i am here

أهلين وسهلين أختي أنتي هنا ورده
الله يبارك فيك والعقبى لنا ولك ان شاء الله ..
تقولين على ما تعرفيني ما يأثر فيني كلام الناس؟ .. وش هالثقة كلها؟ :razz:
بس ما شاء الله عليك عندك نظرة ثاقبة فيني رغم أنك ما تعرفيني الا من المنتدى s9s.. بس ترى الشخصيات الحقيقية غالباً تختلف عن
الشخصيات اللي نشوفها بالانترنت ..!:yes:
إلا وش معنى طاقة زايدة؟ ممكن شرح مفصل لو سمحتي؟:naughty::d
لا هنتي على ردك خيتوو .. يعطيك ألف عافية ورده

تغريد

أهلن وسهلن أخت تغريد ورده
وراك معصبة هيك؟ عادي خذي الأمور بكل بساطة ,, يمكن يتغير تفكير الناس مع الوقت:surprised:
وهذا اللي ملاحظ هالأيام بدت عوايل كثيرة تزوج اللي يجيه نصيبه ومنها عايلتنا الكريمة ( قلب متقطع ) s9s
شرفتي الموضوع بحضورك وعصبيتك .. حياك ربي كل دايم ورده

رعبوبة الزعيم

يا هلا ويا مرحبا مرات كثيرات رعبوبة الزعيم ورده
الله يبارك في عمرك ويسعدك دوم , وعقبالك إن شاء الله ورده
حلوة سالفة السبرايز:razz: .. ما يدرون ما طقيت لأخوي خبر تزوج أو ما تزوج ,, بس حبيت أعرف من باب الفضول لا أكثر ..!:d
سبب رفضي للعرض المغري ذكرته سابقاً - وطبعاً كان لموضوع المعجبات نصيب من سبب الرفض - ..! s9s:smilie47:
أما لقب أسطورة البلياردو يا ليت والله أعطيك إياه , لكن مثل هاللقب ما يهدى لأنه ما يحصل إلا للي يجد ويجتهد ويفرض
قوته وبطشه وطغيانه على الجميع , مثلي بالضبط :), وأنتي مثل ما كنا نعرف طيبة وحبوبة وما أظن تصلح لك شروط اللقب الدموي ..! :d
لا تنسين تعزميننا على زواج أختك , أحب كل أعراس الشرقية لها طعم غير ( قلب خاق ) ..!
بس عادي إن شاء الله بعد زواج أختك ما تتغير عليك وتبقى مثل ما هي .. بس عطيها شوي من الوقت لين تمل من زوجها :stoned: بعدين
بترجع لك مثل أول وأحسن .. وعلى البركة ورده
رعبوبة الزعيم .. شكرن جزيلن كثيرن جدّن على ردك الممتع .. ولا هنتي على التعب وردك بعد ما طارت الردود السابقة ورده

متآبعه بصمت

هلا وغلا متابعة بصمت ورده
ما شاء الله عليك طالبة مجتهدة .. شاطرة :stoned:
تصدقين بالله؟ عرضك شكله أحلى من عرض ليز .. :surprised:
ليز بتنشب فينا مدرسة عجوز وأبلش فيها :stoned: .. لكن الظاهر أنتي راح تتوصين زين ..! s60s
أجل شوفي : أرسلي المواصفات اللي فيها .. وبأشوف وش اللي يناسبني وأرد لك خبر .. :razz:
أهم شي أنها تحبني مووت وخدومة وعصبية شوي وشخصيتها قوية عشان أتهاوش معها متى ما تعكر المزاج ..:smilie47:
وأهم شي بعد أنها تعطيني عيونها لو أبيها .. وتخاف الله في قلبي الحنيّن ..! :smilie47:
زواج النت ما أشوف أنه عيب ,, واذا أحد بيقول ان الرجال بيشك انها بتتعرف على أحد غيره .. فأحب أقول له :
طيب هاللي بقلبه دايم الشك وش يضمن له أن أمه بتخطب له وحدة ما عمرها تعرفت على أحد غيره؟! اللي يبي يقعد
يشكك من دون دليل ما راح يرتاح إلا إذا منع عن زوجته النت والجوال وحتى السوق يمنعها تروح له ..! :yes:
واللي بيحب من النت أو غيره , ليه حب البنت ويبي يتزوجها إلا إذا كان واثق فيها أنها ما تعرف غيره والا ما كان وصلت علاقتهم
للحب ..!! :)
متابعة بصمت ورده .. شكراً كثيراً على مرورك العطر وعرضك السخيّ ..! تحياتي لكـ ورده

سـمـو الـمـجـد

مليوووووووووون مرحبا بأغلى منوووو في الوجود .. وهـ بس يا قلبي ..! :smilie47::smilie47:
هلا وغلا بأبو الأفكار اللي تودي في ستين داهية ..!:razz::smilie47:
على فكرة .. أنا أكره جداً الكلام البذيء ويا ليت تترفع عن سفاسف الأمور يا سافل ..!:d:smilie47:
الله يبارك فيك وعقبالك يا منصور حبيبي .. ان شاء الله تضبط أمورك وتتزوج المدرسة اللي في بالك .. :smilie47::d
تقبل تحياتي وحبي وروحي وكل شي ورده

Canada's gallant

هلا وغلا أخوي كندا جالنت ورده:smilie47:
الله يبارك فيك .. وحنا سوينا اللي علينا والتوفيق من رب العالمين .. وأهم شي الثلاث نقاط ..! s60s
على العموم .. الله يعطيك العافية يالغلا على هالمرور الظريف الخفيف التحيف ..:smilie47:
لا خلا ولا عدم .. تحياتي إلكـ ورده

هلااالي وأفتخر

أهلين ومرحبتين أخوي هلالي وأفتخر ورده
دامك مع الشباب اللي يطالبون بالاثبات فما عليك شرهة مثلهم .. وشلون تبيني أثبت طيب؟ :d
تراني مثلك أمزح .. :razz:
الله لا يهينك يا بعدهم .. ما قصرت ورده
تقبل تحياتي كلها ورده

الصفحة السادسة

( القناصة )

هلا وغلا بالقناصة الحساسة ورده
حلوة مشاعرك تجاه أخوكـ ,, الله يفرحكم بزواجه قريب:smilie47:
ذكرتيني بسؤال أختي الصغيرة عمرها أظن 4 أو 5 سنوات .. سألتني : أنت ليه ما تتزوج مثل أخوي ( فلان ) ؟ :stoned: .. انحرجت وقلت لها : أنا أصلن متزوج :yes: .. (عشان أفك نفسي من الاحراج) :stoned:
سألتني مرة ثانية : طيب وين حرمتك ما أشوفها مثل ( فلانة) زوجة أخوي ؟ :surprised:.. (يا ليل القلق..! ) ..
قلت لها : إذا تزوجتي أنتي (فلان) بأجيب حرمتي تشوفينها ..! :naughty: بعد هالرد القوي راحت عند أمي تصيح وتشتكي علي ..! :bigeek:
<< إلا من جد سؤال .. ليه البنات وهن صغار يصيحون اذا جاء طاري الزواج لهن ويقولن ما راح نتزوج .. وأول ما يجي
عريس الغفلة تصيح كل وحدة على طريقة حمود الفشقة : موافقة موافقة موافقة ..؟! :surprised::d
القناصة ورده أشكرك على نصيحتك .. لكن أنا أشوف غير كذا .. وإذا شفت عيال أخوي وأنا توي ما بعد تزوجت؟ عادي :)
ما راح يجيني إحساس مؤلم إن شاء الله ولا شي .. ولو حسيت بشي بأتوطى عياله في بطونهم ..! :naughty:
أختي القناصة .. أنتي اللي طلعتي حساسة موب أنا .. :yes:
الله يعطيك العافية على هالمرور مرهف الحس ورده

الماسه الزرقاء

هلا وغلا الماسة الزرقاء ( الطيبة ) ورده ورده << وردتين غير كل الورود ورده
بالمناسبة , رحم الله فقيديكم وتغمدهما الله بواسع رحمته ..
عودة للرد ..
سالفة اللي عمره 29 مفجعة .. مو معقول تفكير الأم كذا..! أجل ترفض عشان ولدها العانس وتبي كل عيالها اللي بعده يعنسون؟ :surprised:
الله يهديها ويستر علينا وعليهم ..!
أدري أن رأيي سديد :stoned:.. أغلب قراراتي تأتي بإلهام من الله عزوجل .. s45s
أما عاد أتخيل أصرف على زوجتي من فلوس أبوي؟ وش فيها؟ عادي أنت ومالك لأبيك .. والعكس صحيح ..! :d
وبعدين بصراحة المفروض الآباء يتحملون كل شي .. محد قال لهم ما ينامون ذيك الليلة ..! :d
<< متطمن أن أبوي مستحيل يدخل الزعيم والا كان أعلن تبرأه مني ..! :stoned:
سالفة البنت اللي تزوجت بعد الثانوية عجيبة .. أجل مستعجلة على الزواج هالفحلة؟ :d
الله يعينها ويسعدها في زواجها ..
والله يبارك فيك وعقبالك يا رب ورده
وأبشرك أخوي الحين مستانس بيرجع بعد أسبوعين .. كنت مقترح عليه يروحون ياخذون عمرة قبل الزواج وأعجبتهم الفكرة..:smilie47:
لكن غيروا الخطة وأجلوا العمرة بعد شهر العسل .. الله يسعدهم ورده:smilie47:
الماسة الزرقاء ورده من كل قلبي أتمنى تفصلين من المجلس الاستشاري عشان تتفرغين للمجلس العام ونستمتع بكتاباتك وأسلوبك الأخاذ .. s60s << حتى هالفيس اشتقناله :(
بدون مجاملة أسلوبك روعة في الكتابة ليه حارمتنا منه؟ ..!!
تقبلي تحياتي ورده

ريومه الزرقاء

مرحبا ومسهلا بالريم الزرقاء ورده
مع احترامي الشديد لك ولخالك الثلاثيني إلا أني ما أظن كلام الناس بيتركه لحاله دام هذا عمره واثنين من اخوانه تزوجوا قبله ..! :surprised:
تحياتك وتقبلناها بكل رحابة صدر .. وانتي يالله تقبلي تحياتي لا أشوتك :dورده

القاضي (3)

أجل على قولة أبوريمان انس الزواج يا سلطان .. :stoned:
المشكلة مو في قضية التخرج .. المشكلة هو في سنة تأسيس نادي الوداد ..! :smilie47:
إذا كانت سنة تأسيسه حديثة فهنا مشكلة وراح يتأخر زواجي كثير .. :surprised:
لكن إذا كانت سنة التأسيس قديمة فمعنى هذا أني راح أحتفل بزواجي وبيوبيله البرونزي بيوم واحد إن شاء الله ..!:smilie47:

abu_riman ...3

فعلاً يغفر له نادي الوداد بما أنه أحد المؤسسين لهذا النادي الرائع ..! :smilie47:
بياخذ أخت حرمة أخوه الصغيرة << لو ما شرحتها كان طولت وأنا أفحّط عشان أفككها ..! :surprised:
انت تشوف الوضع عادي والكثير بعد يشوفون كذا .. لكن الغالبية أظنها تعارض وما تشوفه عادي .. وكل ما كان عمر
الأخ الأكبر كبيراً كل ما زاد كلام الناس ..! :)
تصدق يا أبوريمان أن الموضوع هذا شكله بيكون فال خير علي؟ ليز ومتابعة والقاضي عرضوا عدة عروض .. وجاري
التفكير فيها بجدية .. باقي أنت .. بس لو تدبر لي زواج مسيار حق الصيفية هذي بتكون أطلق شنب عرفته في حياتي ..! s60s:smilie47:

هلاليه كووول22

هلا وغلا هلاليه كعبووول22 ورده << تستاهلين .. لأن اسمي الــ مشاغب مو مشاغب حاف ..! :stoned:
الله يبارك فيك وعقبال كعبوول إن شاء الله :stoned:ورده
مدري وش سالفة هالموضوع الردود تطير والموضوع يعلق والكهرباء تطفى .. عين ما صلت على النبي ..!:bigeek:
الله يعطيك ألف عافية على رجوعك أكثر من خمس مرات للرد .. أقدّر لك ذلك كثيراً ورده
لا هنتي ولا خلا ولا عدم ورده

كَلْ اَلْـ حَ ـيَاةْ

مرحبم بك كل الحياة يا هلا ورده
من بدايتها العانس؟ يا ساتر انطقي بـ خير يالشينة ..! :nono:
الله يبارك فيك والبقية في حياتك ورده
تحمست يوم قلتي كبرت في عيني .. لكن خربتيها يالعبدة يوم قلتي بك رجا واللهي .. :d
حسيت من كلامك أنك كنتي غاسلة يدك مني .. بس ما علينا , الشجرة المثمرة ترمى بالحجارة ..! :naughty:
وعلى طاري الشجرة .. يقول دايم السيف : " يموت الشجر واقف وظل الشجر ما مات " :smilie47:<< إذا مالها دخل دبري لها تصريفة.. لو ما هي بزينة ما كان قلتها :clap:
يالمجرمة عاد فلاش وكلوروكس؟؟:bigeek: الحمد لله منتي بفلبينية والا كان جيتينا بفيزة خدامة وأعدمتي نصف الشعب بفلاشك يا أم الفلاشات..! :d
مشكووورة أوي يا كل الحياة على مرورك التحيف وردك الظريف ورده
تقبل فائق احترامي ورده

عاشق المستحيل

أهلين وسهلين عاشق المستحيل ورده
كل ملامح الشر والنذالة واضحة في ردك .. أجل تتزوج قبل أخوك يالفاهر؟ :upset:
هذي مشكلة اللي عقله في ( **** ) يحسب الزواج لعب ونوم بس :d .. وين التقدير لأخوك الكبير؟ :surprised:
عاد موقف أخوك موقف صعب ولا يحسد عليه .. أجل قدموه على أنه العريس؟ ـههههههـ:d
صدقت وأنا أخوك في نقطة البعد عن الخرفنة .. صدق تحس أن آخر همك البنات بعد ما تتزوج ..
بس بيني وبينك أعرف كثير متزوجين وللحين خرفان الله لا يبلانا .. بس تدري وش السبب في نظري؟
السبب اللي أنا استنتجته من دراستي لأغلب الحالات:stoned: .. أن هالمتزوجين الخرفان تزوجوا مو عن حب أو رغبة في الزوجة .. :yes:
تزوجوا لمجرد الزواج فقط , أكون واضح أكثر : " تزوجوا بس عشان سرير النوم " .. عشان كذا علاقاتهم الزوجية باردة .. :)
طبعاً ما أعمم على كل من تزوج بهالطريقة .. ولا أعمم على كل المتزوجين الخرفان لأن يمكن فيه أسباب ثانية ..!
لكن أنا أقول أن هذا السبب اللي أنا لاحظته على بعض الخرفان المتزوجين ..!
من ناحية المرح .. خلها تجي بس والله لأمرّحها وأدلعها وأسوي لها كل اللي تبي .. بس وش جابها سعيدة الحظ؟ s9s:smilie47:
وراك علي تنقط من هالنصايح تزوج تزوج تزوج واستر نفسك من الفتن؟؟!! أحد قال لك أنه شايفني أناقز على أحواش خلق الله؟ :d
بالنسبة للبلياردو .. لازم برنامج الفلاش والجافا في جهازك .. وأتوقع في حالتك أن برنامج الجافا موب موجود .. حمله من أحد مواقع الدردشة ..! :)
شكراً لك لمرورك النذل .. تقبل تحياتي ورده

القلــوب الساهيـــهـ

هلا وغلا القلوب الساهية ولكم ورده
وش كنبه؟ أشوفك يالحبيب سادح أم الميانة ومفصخها بعد .. :d
يالغلا بلا نصب أنت لا تعرفني ولا أعرفك << وسوس قعد يسأل كل أخوياه :stoned:
يالنصاب ما قد سولفت لأحد بالجامعة عن زواج أخوي ولا اشتكيت أبداً .. لأني يالدب
ما دريت أصلاً بالزواج إلا بعد ما رجعت البيت ..! :yes:
يعني لا تنصب إلا وأنت قد النصب ..! :razz:
وبعدين بأقول لك شي .. أنا نادراً جداً أسولف مع أحد من أخوياي عن مواضيعي أو ردودي أو أي حاجة تتعلق بالمنتدى .. :yes:
حتى بايقافاتي محد درى عنها إلا بعد ما راحت الايقافات :yes:.. ودي أرسلك على القيصر رهيب عشان يعطيك دورة في فن الكذب ..! :naughty:
يالله يالقلوب الساهية طس ما أحبك يا وع ورده
على فكرة .. والله ما عندي شك في أنك ما تعرفني .. لأنك لو تعرفني كان جبت شي صحيح على الأقل عشان تشككني ..! :yes: فـ العب غيرها :d:smilie47:
تحياتي لك يا أكبر نصاب بالعالم ورده

"أجمل الذكريات"

هلا وغلا صديقي القديم اللي ذب علي من زمان وتهاوشنا عليها ورده:smilie47:
الله يبارك فيك يالغلا وعقبال سمير صبري تراه للحين ما تزوج ويستاهل مننا دعوة .. :(
أعجبتني جدّن جملة " نبل أخلاقه " .. أرتاح جداً لما أحد يمدحني بمثل هالمصطلحات أحس أني كفو .. :smilie47: << مو كأن عندي شك؟ :razz:
مثل هالسالفة مرت علي اليوم .. فيه واحد مزعج خويي بالمكالمات .. كلمته اليوم وتطنزت عليه قدام خويي وأنا فاك السبيكر .. المهم صوته ما عجبني .. قلت له : " من صوتك أحس انك حامل يالأخو" .. قال : " لا والله منب حامل " والله ما أكذب عليكم يقولها من جده ويحلف بعد بغيت أفطس من الضحك أنا وخويي .. :d يعجبني اللي ينفي التهمة عن نفسه بهالقوة .. بصراحة بعد ما حلف لنا صدقناه :d
صدقت في نقطة الحرية في حياة العازب .. لكن لو تركز في غير الحرية ما راح تحصل شي ..
ما تقدر تروح الملاهي ولا الأسواق ولا الأماكن اللي تفتح النفس .. وهذا كوم وأنك تنام وأنت مرتاح البال كوم ثاني ..!:naughty:
إلا على طاري دخول الأسواق والملاهي وغيرها .. أنا ودي بس أعرف وش سالفة بعض البنات؟؟:surprised:
لما تدخل سوق لحالك محد يلتفت فيك ولا كأنك موجود أصلاً .. ولما تدخل ومعك أهلك تلقى بعض البنات تتميلح قدامك
وتحاول تفتنك ..!!:surprised: مدري وش السالفة؟ عندك السبب يا أجمل الذكريات؟!!:surprised:
من ناحية موضوعك يا بعدي .. فأنصحك أول شي قبل تنزله ترد على المواضيع الموجودة s60s
عشان الدنيا أخذ وعطا .. :yes:
أما من ناحية التعزيز فما يحتاج يالغلا .. أسلوبك يعجبني من زمان وأنا أقول كذا حتى انك تذكرني بـ عبيط ورده:smilie47:
وارفع راسك أنت عزوبي ..! :razz:
تقبل تحياتي ورده

القاضي ..4

أبوعبدالله أنا مدري وشلون ارتفع الموضوع .. تفاجأت به قبل يومين..!
كان ودي أرد على الردود لكن حسيت ان الموضوع نسوه الأعضاء فقلت أجل بريّح بالي رغم أن ضميري موب مرتاح ..
لكن دام الموضوع ارتفع .. اضطريت أني أحفظ الصفحات عشان كل ما فضيت كتبت كم رد وأحفظها بملف وورد ..
والحمد لله أخيراً وعلى مدى 3 أيام استطعت انهاء الردود ورده
شكراً لك لفتح الموضوع مجدداً .. وأتمنى ألا يغلق الموضوع .. لا لشي وإنما حتى لا تكثر مواضيعي المقفلة في سجلي النظيف ناصع البياض ..! :d
صدقني عادي قفل الموضوع مو مهم عندي .. لكن بغيت اللي ما قرأ ردي عليه يلحق عليه بعد ما يرجع ..!
خل الموضوع وهو بيروح من نفسه للصفحات الخلفية ..واذا شفت لقفل الموضوع مصلحة للمجلس .. فداك الموضوع ورده:smilie47:

شكرن لكل من رد .. شكرن مواصل .. شكرن الهنوف .. شكرن القاضي على اراحة ضميري وجعلكم لي أترك الكسل في الرد على الموضوع :smilie47:

سبحانك اللهم وبحمدك .. لا إله إلا أنت .. أستغفرك وأتوب إليك ..!