المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام > صيـد الإنترنــت
   

صيـد الإنترنــت منتدى للمواضيع والمقالات المميزة والمفيدة المنقولة من المواقع الأخرى .

إضافة رد
   
 
LinkBack أدوات الموضوع طريقة عرض الموضوع
  #1  
قديم 07/07/2008, 03:24 PM
زعيــم متواصــل
تاريخ التسجيل: 01/06/2008
المكان: ~ الريـ ـاض ~
مشاركات: 93
Lightbulb قصيــدة تتكلم في جميع القبائل تقريبا

السلام عليكم ورحمت الله وبركاته

هذي قصيــدة رائعة أعجبتني حبيت انقلها لكم

قصيــدة تتكلم في جميع القبائل تقريبا

أترككم مع المتعــة

يالله يـاخالق اراضيــن وابـحار **** الواحد المعــبود رازق عبـيده

الخـالق الغــفار علام الاسـرار **** وفرق شعوب الارض في كل يده

وابدي واسولف من عذيبات الاشعار **** ابــيات شعر والمعـاني وكيده

اشري وابيع واعرف كيـف بـختار **** واختار من جزل البيوت الـفريده

واذكر تـراث وعز وامـجاد وافخار **** قبائل تومن بديــن و عـقيده

وصلت حضارتنا على سطح الاقمار **** ابنا الجزيرة والجزيره مــجيده

في ظل حكام لهــم فعل واشـوار **** آل السـعود الـلي تفك الضهيده

نسل الزعيم الحاكم العادل البار **** مجدد امجـاد الجــزيره بجيده

حتى اصبحت حره وحنا له انصار **** في ظل اخو نوره هنوف سعيده

وصارت لابو تركي بطوله وتذكار **** والفخر والامجاد تبقى شهيده

وخلف لنا املوك لهم فعل واخبار **** الشعب واحد والقياده رشيده

والامن بانينه على ساس وجدار **** وقرو على العابث عقوبه شديده

وحنا حماة الدار من كل غدار **** وما همنا بطشه وخبثه وكيده

قبائل مالحقناهم اوعار **** وعشنا بهذي الدار عيشه رغيده

والحمد لله نحمده سر واجهار **** شعب تكاتف من سنين مديده

ودون الوطن جيش على كل معبار **** لارفرف البيرق ونادى عقيده

بشرق البلاد وغربها دوم حضار **** وارض الشمال اللي نفوده مديده

وارض الجنوب اللي تخيضر بالاشجار **** جزيرة فيها القبايل عديده

ارض بها قحطان وافين الاشبار **** وياعز منهم بالشدايد بسيده

واذكر عتيبه يوم للطيب مغوار **** لا ثارت الهيجا وقرب ضديده

وشمر هل الطولات والجود مقدار **** اهل الكرم واهل الفعول الحميده

وقوم اعنزه مروين الاخصام الامرار **** اولاد وايل من عصور عهيده

ومطير قوم تكرم الضيف لا زرار **** وياويل خصم في حراهم وعيده

واذكر قبيلة حرب يانعم الاخيار **** وتاريخهم يحكي سطور مجيده

وسبيع نعم القوم ووجيه الاسفار **** زبن الدخيل ليا زبن من طريده


واذكر قبيلة يام والطيب يندار **** اهل العلوم الوافيه والرشيده

ثم الدواسر تجعل الخصم منهار **** عيال زايد عز منهم سنيده

ثم السهول اللي لها الطيب مدرار **** وعن منهج العادات ماهي محيده

ثم اذكر العجمان حماية الجار **** والمرجله والجاه فيهم عتيده

واذكر بني مره طويلين الاعمار **** ما ينقد المري ولا له نقيده

ثم الهواجر لابة تقدح النار **** اهل الركاب اللي خطاها بعيده

واذكر بني خالد قبيلة وامار **** قوم لهم في المجد قول ورصيده

وبني تميم اللي لها الطيب مصدار **** بني تميم وكل فعل تجيده

ثم الزعوب اللي بها الخصم يحتار **** شجعان ماترضى سوا ماتريده

العازمي وافي وفي الطيب بيطار **** روحه على كل المصاعب صميده

ثم الظفيري في المصاعيب جبار **** والطيب والامداح باصله وطيده

ثم اذكر الاشراف بجلال واكبار **** اهل الحجاز اللي تفك الزهيده

ثم الهذيلي له مواقف ومندار **** راعي الفخر راعي العلوم السديده

ثم البقوم اللي لهم جيش وامهار **** ريف الضيوف ليا لفاهم وليده

واذكر ثقيف اللي لهم مجد وآثار **** ومهما حسبنا من كلام نعيده

وبلحارث اهل العز بشهود واقرار **** ا لحارثي ياطيب فعله وجيده

والمالكي معروف لا صار ما صار **** في موقف اهل الطيب يبذل جهيده

واثني تحياتي عدد وبل الامطار **** على سليم وكل خصم تكيده

واذكر جهينه هل مواقيف وادوار **** تلقى الجهيني راسم الطيب بيده

واذكر بلي والمجدله فعل واظهار **** وتاريخهم يحكي فعول فريده

وبني عطيه في المواجيب حضار **** قوم بوقت الجد قوم عنيده

ثم الحويطي والكرامه له اشعار **** ثم الشراري له فعول مفيده

ثم الرشيدي في الصعيبات صبار **** على علوم الطيب فعله يزيده

وباقي جنوب الدار والقاف مادار **** باقي على قلبي كلام واشيده

زهران نعم القوم في وقت الاضرار **** والخصم عينه من لقاها سهيده

والغامدي معروف له عزم واصرار **** راعي المراجل والعلوم المفيده

وشمران قوم والجمايل لها اطوار **** وبلقرن سم للقلوب النكيده

والاكلبي والمحلفي مابعد بار **** والحارثي طيبه وفعله يشيده

وبني شهر وبني عمر سيف بتار **** قوم على الاخصام نار وقيده

والاسمري والاحمري صيتهم سار **** بين القبايل والمواقف شهيده

واذكر عسير الهول ذربين الاذكار **** وابها احتموها فالسنين الشديده

وادهم والصيعر على حد الاقطار **** يحمون حد الدار من اللي يريده

وامشي مع الساحل مع جمله افكار **** رسمتها والطير زان اتغريده

وانزل على جيزان تاريخ واديار **** ورجال فيفا والقبايل عديده

وارجوا العذر واهل المواجيب عذار **** الي نسيته مانذكر في القصيده

الواهبي عدد ابيوته بالادوار **** من شاعر ماشل قلبه حقيده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزند لاثار **** زيزومنا ابن مشيط نعم الوليده

فالجهل شجعان وفي السلم تجار **** من بطن بيشه للتهم لارفيده

حبيت ابين موقفي بين شعار **** وارجوا سموحتكم على ذا النشيده

ماحب انافق واتعنصر تعنصار **** ولا ني باطيع اهل العقول البليده

ما كل من طب البحر قيل بحار **** وما كل من شل الفشق جاب صيده

فالشعر بستان به ورد وازهار **** واللي تعداها بيوته فقيده

واقولها في الشعر تكرار وامرار **** ضرف بلا عنوان يلغى بريده

وبعض السوالف له مواقف ومحضار**** وشعر بلا معنى لزوم نبيده

وصلوا على المرسول شفاع الابرار**** محمد الهادي وقدوة عبيده

وسلامتكم
اضافة رد مع اقتباس
  #2  
قديم 07/07/2008, 03:34 PM
زعيــم متألــق
تاريخ التسجيل: 12/10/2003
المكان: في الارض
مشاركات: 1,246
إقتباس
واذكر قبيلة حرب يانعم الاخيار **** وتاريخهم يحكي سطور مجيده

.................................................................................................... ......
اضافة رد مع اقتباس
  #3  
قديم 07/07/2008, 03:39 PM
الصورة الرمزية الخاصة بـ معشوق البرسا
زعيــم نشيــط
تاريخ التسجيل: 16/11/2007
المكان: Amsterdam
مشاركات: 823
ونـعـم بـ الـكـل ..

أتـمـنـى ان لاتـوجـد نـعــرآت قـبـلـيـه ..

شكــرآ ورده

اضافة رد مع اقتباس
  #4  
قديم 07/07/2008, 05:39 PM
زعيــم نشيــط
تاريخ التسجيل: 02/05/2007
مشاركات: 691
ثم الدواسر تجعل الخصم منهار **** عيال زايد عز منهم سنيده


الله يعطيك العافية على القيدة الأكثر من روعة......

وانعم واكرم على القبايل الثانية,,,,
اضافة رد مع اقتباس
  #5  
قديم 07/07/2008, 07:30 PM
الصورة الرمزية الخاصة بـ MAHER.9
زعيــم متألــق
تاريخ التسجيل: 08/04/2005
المكان: الرياض
مشاركات: 1,217
واذكر بني خالد قبيلة وامار **** قوم لهم في المجد قول ورصيده

مشكور اخوي

وكلنا على قلب واحد
اضافة رد مع اقتباس
  #6  
قديم 07/07/2008, 07:59 PM
زعيــم نشيــط
تاريخ التسجيل: 30/05/2007
المكان: "الرياض"
مشاركات: 583
واذكر بني خالد قبيلة وامار **** قوم لهم في المجد قول ورصيده

صح لسان قايلها ، و نعم بكل القبايل
اضافة رد مع اقتباس
  #7  
قديم 07/07/2008, 08:30 PM
زعيــم متواصــل
تاريخ التسجيل: 09/10/2007
المكان: الولايه( 91 )
مشاركات: 158
ثم البقوم اللي لهم جيش وامهار **** ريف الضيوف ليا لفاهم وليده


مشكوووور على الموضوع الرائع
اضافة رد مع اقتباس
  #8  
قديم 07/07/2008, 11:05 PM
الصورة الرمزية الخاصة بـ .عاشق 15الفيلسوف.
زعيــم متألــق
تاريخ التسجيل: 17/11/2007
المكان: لاإله إلا الله محمد رسول الله صلى الله عليه وسلم
مشاركات: 1,245
وسبيع نعم القوم ووجيه الاسفار **** زبن الدخيل ليا زبن من طريده
ونعم والله بسبيع الغلبا وكل القبايل؟
اضافة رد مع اقتباس
  #9  
قديم 07/07/2008, 11:12 PM
زعيــم متألــق
تاريخ التسجيل: 02/05/2006
المكان: MANCHESTER,UK
مشاركات: 1,244
واذكر عتيبه يوم للطيب مغوار **** لا ثارت الهيجا وقرب ضديده

واسمح لي اخوي موضوع يمكن يسبب مشاكل او ع الاقل ماله فائده

كلن عراف نفسة وكلن والنعم فيه من قبايل ولا عوائل

تقبل مروري
اضافة رد مع اقتباس
  #10  
قديم 07/07/2008, 11:36 PM
الصورة الرمزية الخاصة بـ جمجووم...}
زعيــم مميــز
تاريخ التسجيل: 09/02/2008
المكان: جآلسه بجنب زيدآن :$
مشاركات: 2,570
والله رووووووووووووووووووعه

تسلم اخووووووووي
اضافة رد مع اقتباس
  #11  
قديم 07/07/2008, 11:52 PM
زعيــم جديــد
تاريخ التسجيل: 23/05/2008
المكان: النماص دار القصاص
مشاركات: 35
وبني شهر وبني عمرو سيف بتار....قوم على الاخصام نار وقيده
والاسمري والاحمري صيتهم سار...بين القبايل والمواقف شهيده
ونعم ملااااااااااااااايين بــلابتـــي رجــــــــــــــــال الحــــــــــــجــــــــــــر

لبـــــــاســـة الـبـــــلــجــيك....هــزامـــة الاتــــــراكـ


الــــــــــــــــــــشــــــــــــــــهــــــــــــــــــري
اضافة رد مع اقتباس
  #12  
قديم 08/07/2008, 12:08 AM
الصورة الرمزية الخاصة بـ كلي مآآآآآآآآآآسي
زعيــم فعــال
تاريخ التسجيل: 30/12/2006
المكان: تبوك الورد
مشاركات: 399
ثم الحويطي والكرامه له اشعار **** ثم الشراري له فعول مفيده

ونعم والله بالحويطات عزوتي وبالقبايل كلها
اضافة رد مع اقتباس
  #13  
قديم 08/07/2008, 01:30 AM
عضو تحرير مجلة الزعيم
تاريخ التسجيل: 31/01/2008
المكان: الرياض
مشاركات: 4,503
وقوم اعنزه مروين الاخصام الامرار **** اولاد وايل من عصور عهيده

ونــــعم بعنـزه وكل القبــآيل ..
اضافة رد مع اقتباس
  #14  
قديم 08/07/2008, 01:52 AM
زعيــم فعــال
تاريخ التسجيل: 12/04/2007
المكان: seattle
مشاركات: 287
ارض بها قحطان وافين الاشبار **** وياعز منهم بالشدايد بسيده

ونعم بالقبايل كلها وصح لسان قايلها وناقلها
ارجو ان لا يكون في الموضوع اثاراه للنعرات القبليه
اضافة رد مع اقتباس
  #15  
قديم 08/07/2008, 02:29 AM
الصورة الرمزية الخاصة بـ عاشق الهلال2009
زعيــم نشيــط
تاريخ التسجيل: 11/03/2007
المكان: أبــــهــــا
مشاركات: 763
وبني شهر وبني عمر سيف بتار **** قوم على الاخصام نار وقيده



ونعم بالجميع

تحياااااااااااااتي
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube