|
يعطيك العافية ناصر :smilie47: .. الموسم الماضي دفاع اليوفي من وجهة نظري كويس ..!! كيليني و ليقروتالي مع زبينا ومولينارو ..!! اعتقد ان مشكلة اليوفي في الموسم الماضي في الاظهره ..وعدم وجود بدلاء لكيليني او ليقروتالي .. وأغلب الاهداف جت من عند الاظهره .. قلبين الدفاع كانو ممتازين امام افضل مهاجمين الكالتشيو .. الموسم القادم مع عودة باولو دي تشيلي .. انا واثق ان هاللاعب بيحجز مكانه كظهير ايسر اساسي .. اعتقد دفاعنا بيكون مكتمل .. المدافع الكرواتي .. وميلبيرق ما تابعتهم .. وما اقدر احكم عليهم .. لكن تواجد هالمدافعين وكثرتهم .. حالة صحية .. بيكون في منافسة بينهم .. وكل واحد يقدم اللي عنده حتى يثبت نفسه .. كيليني مع ليقروتالي او ميلبيرق او الكرواتي او اندرادي .. بيكون دفاع قوي جدا ً .. والمحاور ممتازين بـ سيسوكو و زانتي .. وحارس مرمى عملاق مثل بوفون .. اعتقد اليوفي ما عليه من الناحية الدفاعية .. اما الناحية الهجومية فما عليه ابدا ً.. المشكلة اكرر للمره المليون ان المشكلة في المدرب ..!!!!!! شكرا ً ناصر :smilie47: .. |
ياملى الجنه ناصر يابعدي :smilie47: خطوط الفريق كلها تمام عدا خط الدفاع والحارس الاحتياطي < - - الله لايعيد ايام بيلاردي :d الدفاع الحين كـ أسماء تمام لكن مايندرى عن التجانس بينهم والاصابات الله يستر منها .. دفاعنا كويس لكن مافيه أمان من ناحية الإصابات :( مو بعيده ابداً بكره اندرادي يصاب ويلحقه ليقروتالي بإصابه اشد منها :( اتمنى كيليني جنب اندرادي سناتر .. والأظهره دي تشيلي وملبيرغ .. ورده |
صدقت يا ناصر وضع اليوفي المادي اجبرنا نشوف هالاشكال في الدفاع وزي ماقلت مد رجليك على قد لحافك صالح مجاناً وجرجيرا مجاناً وملبيرغ مجاناً والكرواتي بخو البلاش :d نجي نحلل كل واحد منهم اندرادي هذا اصابته بريال اتوقع ينوم و يقوم من نومته فيه رباط :razz: هو ممتاز وعنده خبره وسريع لكن حظه ردي الضعيف والشرهه على الي جابه :surprised: ليوقراتللي الي شاف و يتذكر مستواه مع كييفو قبل ما يجي لليوفي يقول هذا سنتر ايطاليا القادم جاء لليوفي في وقت غلط و ما اخذ فرصته بوجود فيرارا و منتيرو و تورام و كانا العام الماضي رجعناه و كان جيد صراحه هالموسم اتوقع يتطور اداه و نستفيد منه كليني هذا الحبيب ماعليه خوووووف رجال وركيزه اساسيه لليوفي :smilie47: ميلبرج تصدقون متفائل فيه خير صح انه ثقيل شوي وجثه لكن خبرته راح تفيدنا بأذن الله راح يكون مع كليني اساسي كنيزفيتش تابعت له بعض اللقطات نتأمل فيه خير افتكاكه للكورة ممتاز احسن مافيه انه كان يلعب بالدوري الايطالي وهذي تفرق :yes: الاظهره اتمنى يلعب دي تشيلي في اليسار واليمين جرجيرا وما انسى انوه ان بوفون ابثر حارس بالعالم :smilie47: يحب يوجه الدفاع ويخليه يتمركز صح واتذكر تصريح لكانا يوم يقول بوفون دايم يزعجني ريح يمين ريح يسار وهذا له فائده للفريق :) مع وجود بوفون في الخلف وامام الدفاع سيسكو ومحاور ممتازين راح يخف الضغط على السناتره # لان استغرب اذا جابت الادارة مدافع في الايام المقبله :d لكم :smilie47: |
اليوفي و قوة الدفاع أعتقد الأمر أشبه بثقافة للفريق تمنعه من استقبال أهداف كثيره أو تجعل الخصم لا يتجرأ على محاولة الفوز بأرقام كبيره ربما للـ DNA و شخصية الفريق دور كبير في ذلك . الدفاع عباره عن تنظيم في الأساس قبل أن يكون أسماء ! و طالما أنت تملك حارس يجيد توجيه المدافعين فهو يجعل منهم عمالقة و يحفظ مرماه بذكاء و لنا في الريال و مشاكله الدفاعية رغم وجود أسماء كبيره أكبر مثال <<< طالب حرش :d كتشكيل كليني بجانب ميلبرج او اندرادي يبدو لي هو الأنسب في بادية الموسم لحين اكتشاف مواهب الآخرين بمرور الوقت و اجهاد اللقاءات . يعطيك العافيه يا ناصر :smilie47: فأمان الله |
أهلاً .. ورده ..! أتوقع أن اليوفي هو من يصنع الدفاع ..! وأتوقع أن دفاع اليوفي سيكون صلباً ..! ولو إنصرفت الإدارة لتدعيم خط الوسط .. والهجوم .. أرى أنه أنفع للفريق ..! ورده تحياتي .:. raul 4 ever |
انا متفائل بملبرج وكليني لانهم اامتزاج بين الخبرة والشباب واتمنى التوفيق لليوفي الموسم القالدم |
والله اعتقد حالياً افضل الأسماء لتكون أساسية هم (كليني - مليبيرغ) !! لأفضلية كليني ... وخبرة مليبرغ !! اندراده مدافع ممتاز اذا كان موجود في يومه وبدون اي اصابة !! ليقروتالي غير مضمون بصراحه !! المدافع الجديد كنيزفوتش لا اعرف عنه اي شيء !! كريشيتو أتمنى انه يعود لليوفي ويشارك معهم الموسم القادم ولو في بعض المباريات مثل مباريات الكأس !! خصوصاً ان اليوفي عنه ثلاث بطولات الموسم الجاي !! لكن فيه نقطه مهمه جداً وهي الأظهره !! انا اتفق مع الأخ اللي يقول ان الخوف من الأظهره الان اكثر من الخوف من قلوب الدفاع !! يمين انا اثق بزبينا بصراحه اكثر منت جريجيرا !! اما في اليسار فمولينارو هو عاهة اليوفنتوس المستديمة !! اااه لو يجي قروسو ويكون احتياطه دي تشلي كان تظبط الجهه اليسار !! عوافي ناصر على الموضوع :) |
الف شكر لك ياناصر skroo من زمان مااشتغل يوزر الرابطه بالنسبه للموضوع انا اشوف ان دفاع اليوفي الموسم القادم ان شاء الله ماعليه وان كان طموحنا اكبر لكن نمشي على خطة النادي وسياسته بعد الصعود ميلبيرق مدافع وحش على الرغم من كبر سنه الا انه يظل لاعب كبير وخبير واتمنى تاقلمه في الكالتشيو كيزفيتش مدافع ماكنت اعرفه لكن شفته باليوتيوب ومستوياته تبشر بالخير واليوفي معروف انه هو اللي يطلع اللاعب للناس مثل كانافارو كان مغمور في الانتر يوم جا لليوفي صار كابتن ابطال عالعالم 2006 كيلليني لاتعليق لان اليورو يعبر عن مافعله كيلليني والف مبروك تجديد عقده اندرادي الاصابه حرمتنا منه والا هو لو كان مستمر كان صار افضل مدافع في الكالتشيو بدون مبالغه واملنا فيه الموسم القادم بعد توفيق الله ستينداردو اعاره وانقضت وماقصر فيها وسنتر ممتاز وكان ودي استمراره ليقروتاللي متذبذب المستوى لكن انا شخصيا ارتاح ان صار فيه اساسي الاظهره زيبينا ومولينارو ودي تشيلي وصالحميديتش وقريقيرا فيهم الخير والبركه ولاتنسون بوفون لانه خط دفاع باكمله ماشاء الله تبارك الله والقادم افضل لليوفي واسف على الاطاله |
شكرا على الموضوع الجميل أما أنا فباختصار أقول : لأن ثقتي في إدارة اليوفي عمياء .. فلذلك أثق باختياراتها .. وأظن أن كيليني وميلبرج وجريجيرا ودي تشيلي .. وأي اسم ناشئ ممكن أن يكونوا مفاجأةً في الدفاع الموسم القادم .. ولأن ثقتي في إدارة اليوفي عمياء كذلك , فأعتقد أن كلامهم منطقي تمامًا , في أن الوسط الآن هو أكثر خطوط الفريق حاجةً للتدعيم , وبعده بدرجة أقل خط الهجوم , اليوفي قد يكون مفاجأة الأبطال في الموسم القادم , إلى جانب البايرن مينشن , لأن اليوفي يصنع النجوم لا يصنعونه شكرًا ناصر :) . |
بـأذن الله راح يكون لهم دور فعـّال في تأمين المناطق الخلفية وأهم شيء التجانس فالدفاع وأن المدرب يركز على مدافعينه الأساسين ومن وجهة نظري كليني وملينبرغ متوسطي الدفاع .. وليقروتالي باك يمين .. والباك اليسار .. ؟؟؟؟؟ وبوجود لاعبي أرتكاز أقوياء بأذن الله الدفاع ماعليه خوف ... شاكر لكم ومتلهفين للكالشيوو |
للأسف دفاع اليوفي مافيه الا واحد تقدر تعتمد عليه إعتماد كلي (( اللي هو كيلليني )) ألباقيين لك عليهم وعلى رأسهم أبو 15 مليون يورو ( اندرادي ) والله حرام فيه هالمبلغ وآخر شي اصابه من بداية الموسم إلى نهايته ،، وماراح يعطي مثل زمــان لانها ثاني اصابه قويه تجيه خلال سنتين تقريباً . . . ليقروتالي ( الموسم الماضي ) قدم موسم خيالي .. لكن أتمنى عدم التفريط ب كرشيتو لانه مدافع المستقبل مع كيلليني ،، وأتمنى تمديد إعارته لموسم آخر .. |
إقتباس:
مع بوفون أعتقد ذلك وأعتقد أن أفضل رباعي دفاعي يمكن الاعتماد عليه أمام الفرق الكبيرة هو : كيليني ........................ليقروتالي................ميلبيرج ........................جريجيرا كيليني :smilie47: : يستطيع اللعب في الظهير الايسر وقلب الدفاع ومميز دفاعياً وجيد هجومياً ليقروتالي :smilie47: : مدافع قائد ويستطيع تنظيم الصفوف واعتقد انه من اميز مدافع الكالتشيو في الموسم الماضي واستغربت عدم ضمه للمنتخب الايطالي في كأس اوروبا الاخيرة ميلبيرج : مدافع حماسي وممتاز في تخليص الكرات العالية ويستطيع اللعب في الظهير الايمن لكن لايقابل هنري لانه مسوي به الهوايل يوم انه في استون فيلا وهنري في الارسنال :d جريجيرا : ظهير ايمن جيد هجومياً وممتاز دفاعياً ويستطيع اللعب في قلب الدفاع إقتباس:
لا أعتقد ولكن الاهم من تشكيلة خط الدفاع هو خط الدفاع الاول في الفريق وهو المحاور الدفاعية يجب ان يكون على مستوى ممتاز لكي يساندوا خط الدفاع وأتمنى التعاقد مع سيينا الاسباني ومحور فياريال إقتباس:
لا أعتقد ذلك وأتمنى انها تركز على التعاقد مع محور دفاعي ممتاز ( سيينا الاسباني ) أو ( ريو كوكر الانجليزي الشاب والذي يشبه بـ ماكليلي من ناحية الاداء والشكل وهو محور نادي استون فيلا عمره 23 سنة ). على فكرة تراي من محبي اليوفي في الكالتشيو الايطالي |
السلام عليكم اعتبره لاعب مناسب لليوفي .. يتميز بقوته بس مشكلته بطيئ .. يعني لو كان القلب اللي معه سريع تنحل ذي المشكله !! اتوقع ينجح بس بينقصه اللاعب اللي بيتافهم معه .. اندرادي لو ربي يفكه من الاصابات بيكون النجم الاول لدفاع اليوفي الموسم القادم انا ماشفت الا مبارتيين له يمكن .. وقدم فيها اداء متميز الموسم الجاي هو الحكم .. *** ** * ذي مقاطع لميلبرغ Goodbye Mellberg مقطع وداعي مسوينه له جمهور استون فيلا !! Ljungberg vs. Mellberg مضاربته مع ليونبرغ بالتدريبات يعني لاعب مشكلجي :razz::d عوافي ناصر ورده |
أتوقع الكرواتي كزينفيتش بجوار كلليني أمام بوفون هما الأفضل ولو نجرب في أثناء الموسم كلليني ++ كزينفيتش ++ اندرادي ++ ميلبيرغ أتوقع مناسب بالتوفيق لليوفي أهم شيء مولينارو يشوفون له صرفة والأهم نص فرصة مولينارو يعطونها دي تشيلي جرجيرا في اليورو متفلت مدري بيبقى على تفلته وإلا بيطلب الإحالة على التقاعد بالتوفيق لليوفي كلام ميلان _7 معجبني وأوافقه في كل شيء قاله هذا اللي أتمناه وأتوقع من حركات أبو روان مولينارو + كلليني + ليغروتالي + ميلبيرغ أو مولينارو + كلليني + ميلبيرغ + جرجيرا ركزوا على أعمدة الدفاع عنده واذكركم لابدأ الموسم هالآدمي مايبطل حركاته عوافي ياعمدة >> اللي هو ناصرs110s |
السلام عليكم لاهنتو يا اخوان على التفاعل وما قصرتو لي تعقيب على بعض الردود لان مو شرط انااشب العالم كلها واخليها تأيدني لكن بعض الردود لابد من التعقيب عليها برشلوني اسمي ولوني يخوي تراه مو أول واحد يكسر خويه في التدريب اخرتها عبداللطيف الغنام والمرشدي :D بس واضح انك ما تعرف شي عن دفاع اليوفي الا بالاعلام وسالفة الجزار لان كليني من العام وهو قلب دفاع وانت تقول يمكن يخش قلب دفاع لاهنت على المرور الوافـــ*8*ـــي اخر سطرين من ردك مدري وش تبي صراحة واعذرني لكن اببلغ المشرفين يمكن يحطون ملاحظتك قيد الاهتمام !!! هلالـــ الجنوب ـــي ذكرتني بالمقارنات حقت كاسياس وبوفون اللي يقول هذا جاء عليه قول من بعيد والثاني يقول ما يعرف يثبت كورة :D mazensss اخر سطر من كلامك 100% واكبر دليل صفقة اندرادي ما درينا عنه الا وهو يتدرب ولا اعلنو شي :D عوافي على المرور ورده للجميع |
| الوقت المعتمد في المنتدى بتوقيت جرينتش +3.
الوقت الان » 02:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd