|
اكتشفت دهاء سامي بعد موقفه معي... السلام عليكم كيفكم مع الصيف؟ في ليلة من ليالي رمضان المباركة , ذهبت أنا وصديقي لمشاهدة زعمائنا والتصوير معهم انتهى التمرين, اكتظ الجمهور عند بوابة خروج اللاعبين ...فيصل ابوثنين ...الدوخي...خميس..سوزا البرازيلي.. صالح السلومي ..اول تمرين اختفى فية الغشيان ( والله قهر ).. التيماوي من شدة حب الجماهير له لحقوة حتى السيارة..تركتهم وكنت انتظر عشقي سامي والثنيان.. كانت الجماهير كثيفه واذا بي اسمع واحد يصوت (وين المديد ..وين المديد) وانظر واذا هو رجل متلطم بشماغه ولم يظهر الا طرف خشمه عرفته من صوته انه سامي وصوت لة بقوة وليتني ماصوت هدرت عليه الجماهير انا ماسك يده واقول يالله خلصنا ابصور معاك قال والله اني مشغول ( اعتقد من اجل تجديد عقدة) قال سامي ( شوي وارجع لك ) نظرت اليه مستنكر قال ( والله ارجع لك ) ذهب للإدارة وهو يسأل كل من شافه (وين المديد وين المديد )...شكلة بيلزخه خخخخ المهم خرج صفوق التمياط والجماهير تركض خلفه انا وقفت بمكاني يوسف الثنيان تعرفون عبقري ومو سهل اثرة متفق مع صفوق يخرج قبله حتى يسحب الجماهير ويهرب لسيارته انا ملقوف وصوت الثنيان.ههههههههه رجعوا الجماهير وخذ تصوير مع الثنيان كل الجماهير انا مللت وخرجت الجماهير كنت اسولف مع صالح السلومي فجأه رجع سامي وكان فعلا مشغول البال وينظر للأرض ولما رفع رأسه لااله الا الله فعلا ذكي وسريع البديهه وكنت ابتكلم عليه واقول ياخي لاتصير مغرور وقبل لافتح فمي بكلمه( وعرف اني ابتشرة عليه) بسرعه قال ( ياخي وينك من اليوم وانا ادورك) هههههههههههه والله اني عارف انه ماجاب خبر ابو عبدالله لكن حب يبين انه مع الجماهير ولايريد ان يرد احد بعد ذلك صوت معاة ولازلت احتفظ بالصورة مارأيكم بموقف سامي ؟ |
ياحبي لهاالسامي ياناس مته اتشرف بمقابلته واسلم عليه مع انيه نسيب بس من بعيد ولاحضرت ولا مناسبه لهم ولا كان اتوقع اني باقابله واسلم عليه واصورمعه |
بصراحه ذكي مررررررررررره وبنفس الوقت حنون ما يبي يكسر خاطر أي واحد من الجمهور الهلالي تقبل مروري...... |
سيناريو حلو وأسلوب رشيق ونهايه رائعه تدل على تواضع سامي وعشق جماهير الزعيم لنجومه |
بصراحه ذكي مررررررررررره وبنفس الوقت حنون ما يبي يكسر خاطر أي واحد من الجمهور الهلالي تقبل مروري...... |
طيب حاط الصورة علشان يكون الموضوع احلى مع ان موضوعك قديم قبل كم سنة هالكلام ليش وينك كل هالسنين لايكون فاقد الذاكرة هههههههههه امزح |
مشكور اخوي على السيناريو الحلو وبو عبدالله يستاهل كبير كبير كبير |
هههههههههههههههههههههههههه والله عبقري من جد الفيلسوف يوسف الثنيان |
مشكوووووووووور ... بس اللي اعجبني حركة يوسف خطيييييرة ....:d ولاتحرمنا من مواضيعك الحلوة... |
ااااه ياسااااااامي كبير ياسامي بلعبك بانجازاتك بفنك بتحليلك والحين اكتشفت انك كبير بمخك هههههههههههه يالبى قلبك يابو عبدالله |
يالبى قليبه هالسامي ,, :smilie47: تصدق لو انك قلت هالكلمه كان انت ندمان عليها الحين ,, :yes: لكن احمد ربكـ ,, al-rssam-20 |
آآآآآآآآآآآآآآآآآآآآآآآه يابو عبدالله .. |
لم يسمى" الذيب " عبث فهو ما شاء الله يمتلك المهارة + الذكاء + السرعة + حسن التصرف وهذا ما جعله لاعب من طراز عالمي ولن يتكرر في الملاعب السعودية لا ويقارونه بالاحفورة ماجد... اتمنى له التوفيق والنجاح وو شرايك تنزل الصورة ^_^ |
توكـ تتذكر الموقف ؟!!!!!!!!!............... |
وانت صادق فجر2009 صار لي موقف تقريبا نفسه .... قبل اعتزال سامي .. في مباراة الهلال والطائي بحايل جاء ابوعبدالله مع الهلال الى حائل وكانت الزحمة الله لايوريك بس .. المهم وصلت الفندق وكان سامي موجود بس كانوا رجال الامن مشددين وممنوع الاقتراب من الفندق .. حاولت ..بس مافيه امل :upset: حلفت واقسمت ان سامي مايروح الا وانا مسلم عليه ومصور معه .. طقت براسي فكرة من بكرا الصبح (يوم المباراة ) جيت للقندق الســـ11ـــاعه قبل الظهر حاولت ادخل بس ماقدرت .. مالقيت الا ابو هناد هو يفك الازمه .. دهنت سيره انا وخويي ودخلنا من باب سكن العمال وجاء وقت الغداء وشوي والا ساااااامي نازل للغداء مع طارق جلس على الطاوله وصحت ساااااااااااااامي واشرت بالكاميرا والجوال ..... قام سامي من الغداء وجاء لي وقال ابشر قلت ابوعبدالله يالله وصلتك بسلم عليك وبصور قال ابشر .. وصورت .وقالي بسرعه روح لايشوفك رجال الامن >> شكلي طولت معه وانا مدري .. المهم رحت ومريت رجال الامن وسلمت عليهم والضحكة تملا الوجه.. ادري طولت بس والله هذا اللي صار معي بالتفصيل الممل .. وبنزل الصورقريبا ان شاء الله. |
| الوقت المعتمد في المنتدى بتوقيت جرينتش +3.
الوقت الان » 09:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd