عاجل جدآ /// رد قوي من الادارة الجديدة على إدارة محمد بن فيصل - نادي الهلال السعودي - شبكة الزعيم

نعشق الهلال · #1 30/06/2008, 09:52 AM

السلام عليكم ورحمة الله وبركاتة

ابدخل في الموضوع على طول وإختصار شديد

لاحظنا اليومين السابقة موضوع ديون إدارة الامير محمد بن فيصل وتصريحة امس

واليوم طلع الامير عبدالرحمن بن مساعد يرد ويقول الديون وصلت 19 مليون

وليست 5 ملايين كما صرح الامير محمد بن فيصل

وش السالفة الموضوع كنه كبر شوي وصار حديث المجالس

والله اللي قاعد يصير شي مو طبيعي ما تعودنا على هالحركات في نادي الهلال

نطالب اعضاء شرف الهلال بالتدخل وحلها وديآ من دون ما تظهر في الصحف

وترك مثل هاذي المهاترات وخاصة ان الموسم لسى ما ابتداء

عـــ الشوق ــــديم · #2 30/06/2008, 10:03 AM

والله الغلط من ادارتك هي اللي كبرت الموضوع والا المفروض تنحل الامور بينهم ماتتطلع للاعلام

التروبيكالي · #3 30/06/2008, 10:08 AM

ياخوي ترى مافيه مشكله
محمد بن فيصل اصدر بيان كأبراء ذمه
وانتهى الموضوع
وين المشكله ؟؟ اعتقد انها الأجازه

نعشق الهلال · #4 30/06/2008, 10:15 AM

إقتباس

الرسالة الأصلية كتبت بواسطة التروبيكالي


	ياخوي ترى مافيه مشكله محمد بن فيصل اصدر بيان كأبراء ذمه وانتهى الموضوع وين المشكله ؟؟ اعتقد انها الأجازه

آسف آخوي

الظاهر انك أنت في إجازة

بالله عليك الامير محمد يقول الديون 5 ملايين
ويرد الامير مساعد ويقول الديون19 مليون

جدعان · #5 30/06/2008, 10:21 AM

الله يعديها على خيــر
نبي آسيا مانبي بيانات

الله يستر لانصير مثل الجــار

التروبيكالي · #6 30/06/2008, 10:22 AM

إقتباس


	ويرد الامير مساعد ويقول الديون19 مليون

قصدك عبدالرحمن بن مساعد

طيب ليه فسرتها مشكله الرئيس الحالي قال بأرجع لمحمد
وانا ثقتي فيه كبيره أن الديون ماتتعدى الـ 18 مليون وهو بنفسه قال أن محمد نامي هديه
من الأمير فيصل بن سعود ونفس الكلام قاله محمد بن فيصل وكل هذا عباره على ان الاتفاق
موجود ولاتوجد مشكله
محمد بن فيصل كان لازم يبين الديون وبينهـا وانتهى الموضوع
وترى هالمواضيع تفيد الصحافه بس

نـــواف الهلالي · #7 30/06/2008, 10:23 AM

يا خوفي تطول السالفه وتقعد الجرايد تسويها حرب داعس والغبراء

وتنعكس على معسكر الفريق وأستعداده للموسم المقبل

وتضيع بطولة آسيا وباقي البطولات

القصه هذي لازم تنتهي بسرعه....

الهـــ عشقي ــــلال · #8 30/06/2008, 10:38 AM

ذحين احنا ننتظر تطلع اخبار وتصاريح عن المحترف الثالث ويطلعلنا تصاريح الديون وغيرها نبغى الاسيويه يا جماعه خلونا نفكر بوضع النادي
الانديه تقدم عروض وتتعاقد مع لاعبين وحنا قاعدين خمس ملايين وتسعطعش مليون

نعشق الهلال · #9 30/06/2008, 10:40 AM

آخوي / التروبيكالي

تعودنا من الهلال حل مثل هاذي الامور (( المشاكل)) سمها ما شئت

داخل البيت الهلالي وبسرية تامة من دون ما تطلع للاعلام ولا يصرح

فلان ويرد علية فلان

تويجري هلالي · #10 30/06/2008, 10:43 AM

يا رجال ترا راس مال هالكلام كلا جرايد

وأصلاًً لو صارت مثل هالمشاكل في الاداراة المفروض ما تتطلع للاعلام ..

لا زم التركيز ينصب في احضارا اللاعبين ، التفكير في الآسيوية ، التفكير في الدوري مو في هالخرابيط ..

سلمان الخالدي · #11 30/06/2008, 11:02 AM

بدااااااااااااااااااية النهااااااااااااااية للاسف

هلالي في السما عالي · #12 30/06/2008, 11:03 AM

الخطأ طبعا على الامير عبدالحمن بن مساعد...

فهو قبل الرئاسة وهو يعلم بهذه الديون...

حتى لو لم يكن واجبا عليه سدادها...

فيجب ان يلتزم الصمت على اقل تقدير...فهذا الموضوع كان واضحا قبل توليه الرئاسة...

ولم يجبره اي شخص على القبول...

فيجب عليه تحمل جميع قراراته ونتائجها السلبية قبل الإيجابية.

روح الشـمال · #13 30/06/2008, 11:34 AM

خـــــــــــــــــــلــــــــــــــــــوووهـــــــــــــــــــــــــااا