|
من تتوقع اللي ســـرق ......؟! قصة واقعية... السلام عليكم ياشباب في موضوع كثير حيرني وفجر راسي وابغى اكثر قدر من الاراء عشان اوصل لصلب الموضوع بتسئولني وش الموضوع وعلى فكرة السالفة ماصار لها كم يوم يعني لسه طازه ابسرد السالفة باسماء مستعارة وياليت ياعيال تعصرون المخ عشان نعرف من السارق الحقيقي ..... احمد عبدالله سعد خالد اسماء اشخاص كانوا نايمين مع بعض في شقة كان موجود عندهم عدد 8 جولات و3 لاب توب يوم الجمعة الصباح الساعة 11 صحى سعد وعبدالله يصحون احمد احمد قوم انسرقنا قام احمد مفجوع وشلون وكيف صحى من النوم خالد وش السالفة جاء سعد قال خالد وش جاب مفتاح السيارة عندك وعلى فكرة المفتاح كان تحت راس احمد قال خالد مدري المهم اللي صار الشقة مقفله وش السوات وش السالفة طبعا احمد قال مستحيل يكون اللي سرق برا الشقة السارق من الشقة واحد فينا يالاربعة المهم شد كلام انتهت السالفة على انهم انسرقوا وكل واحد راح بيتهم ... جاء احمد وش سوا كلم واحد من زملائه شغال في الاتصالات السعودية قال انا انسرق مني كذا وكذا وكذا قال خويه اللي بالاتصالات عطني رقم الجهاز اذا كان عندك كرت الضمان قال موجود قلنا حلو اخذ الرقم عشر دقايق الا يرجع يتصل يقول جهازك اشتغل عليه رقم جوال كذا كذا كذا المهم الجوال اللي اشتغل علي الجهاز بدون اسم تحدد الموقع في منفوحه رجع احمد اتصل على صاحب الجوال جاه باسلوب محترم كثير رد عليه صاحب الجوال بكل ادب وقاله انا شريت الجوال من محل اتصالات في الروضة من ثلاثة شباب ماهم كبار قال تعرف اشكالهم قال ايه قال اذا بغيتك تجيني تجي قال اجي وتامر امر ولو تبي الجوال تحت امرك قال احمد شكرا وسكر احمد الى الان مااقتنع باللي صار وش يسوي طبعا اليوم اللي في نفس اليوم بالليل تقابلوا كل اللي انسرقوا اثنين منهم طبيعي ولاكان شي صاير اللي هم سعد وعبدالله ..... هنا عبدالله حس المسالة كبرت شوي ثاني يوم جاء لم احمد قاله هاذي الارقام اللي متصله من جوالي من الساعة 8 الصباح يوم الجمعة الين الساعة 12 الظهر وقت السرقة طبعا احمد اخذ الارقام ولجاأ لصديقة اللي بالاتصالات وطلع الارقام باسماء اشخاص وارقام اخرى باسماء عمالة اجنبيه يعني جولات بدون اسم وهو الى الان ماسو شي وقف على النقطة هاذي هل يتصل على الاشخاص اللي جوالتهم باسماء والا يبلغ الشرطه والا وش يسوي وعلى فكرة احمد وخالد يثقون في بعض مستحيل احد يسرق الثاني والمفتاح حق السيارة جاء عند رجل خالد عشان الشكوك تكون حوله وجهة نظر والشكوك كلها تدور على سعد وعبدالله وش رايكم طبعا وش الخطوة اللي يسويها الحين احمد لان احمد اكثر المتضررين من السرقة احمد ماهمه السرقة لان الفلوس وصخ دنيا وكلنا ندري بس اهو مقهور لان اللي سارق واحد من خوياه فمايدري وش يسوي ولجألي اساعده واقوله وش يسوي لانه وقف مخه من كثر اللي سواه وقلت خلني اخذ اراء الشباب اللي عندنا في الشبكة فـا وش رايكم واي سوال انا موجود معكم واسف على الاطالة اخوكم لولاه غالي <!-- / message --><!-- sig --> |
بالنسبه لي انا مادخل اي شي براسي يعني عجزت افهم بالعربي انلحس مخي |
المخ مآ يسآعد الحين خآرج نطاق الخدمة موقتآ طوط طوط طوط ,, < آعذره يشوف المبآراة :d |
بعد المباراه باقلك ههههههههههههههههههههههههههههههههههه لي رجعه |
طيب هو يروح للي بمنفوحه ويوريه اخوياه وفي شي ثاني فيه شي اسمع بصمات ولو تدقق بالسالفه بتلقى اللي سرق اخطأ خطأ وبينفضح (وين يالأخو متأثر بكونان) |
طيب وانا خوووك يتابعون هذا الي بمنفوحة ويناظرونه هو يعرف سعد ولا عبدالله ودامك واثق ان احمد ما سرق فأعرف ان خالد ما سرق لان المفتاح عند خالد والي خط المفتاح عند خالد عارف ان الثقة بين خالد واحمد كبيرة ويبي يشبها بينهم ومو من المعقول خالد يحط المفتاح عنده ويقول لاخمد وسعد وعبدالله ان فيه واحد يبي يحطها فيني وحط المفتاح عندب (خلاصة القول تابعوا هذا الي في منفوحة وناظروا وين يوصلكم) |
^^^ الل بمنفوحه قال انا شاري الجوال من الروضه والان انا رحت للشرطه وقدمت بلاغ والله يسر الامور على مايحب ويرضاءا شكرا للي حاولوا معي |
إقتباس:
|
والله الظاهر جالسن بمجلس حريم كل واحد يقول سالفة ما ادري هي داخلة بالموضوع اولا بس اللي سرق الجوال هو سعد وعبدالله |
شف يالذيب الاكيد ان اللي سرق هو سعد وعبد الله لاكن انت تقول ان عبد الله صعب يسرقه لانهم خوياااا ... معناه ركز على سعيدان قصدي سعد وكان نقول خالد بس عشان ماتظلمه .. وبعدين انت اخطيت كان جبت اللي بمنفوحه وخليته يشوفهم ويعلمك ايهم اللي باع عليه الجوال وانتقمت منه ورديت الصاع صاعين بلا شرطه بلا خرابيط بس عشان ماتكبر السالفه . (((( وخلك حذر منه لان اللي سرقك هالمرة يمكن يسوي اشياء كثيرة عاااادي تأصل الخطف والتصوير .. وصاااااارت كثير والله يعينكم )))) |
ماله الا يتحسب على اللي سرقه واحترازا يسحب على الجميع ولا يماشيهم الا اللي واثق فيه |
يا خوي انا قد انسرقت من خويي ,, دقق على وجيههم ,, اللي ببطنه ريح ما يستريح ,, وبعدين شف معاملتهم لك بعد السرقه ,, صدقني يتضح بسهوله ,, واذا كنت راعي طويله ,, وعرفت صاحب الجوال الحالي,, تتبع اللي شاريه لمين توصل للبائع ,, وشكرآ ,, |
انصحك بمشاهدة كونان تراه زين وان كانك ماتحب افلام الكرتون ومطور شوف سي اس اي على ام بي سي اكشن كود يفيدك هههههههههههه من جد لحسه الله يعينكم. |
يروح للي في منفوحه وياخذ معاهـ عبدالله سعد خالد اذا شافهم يعرفهم هو الى مشتري منهم ولا لا ولا توجع راسك ولا شي وياخذهم معهم من غير مايحسون ويواعده ويقوله شف احد منهم معي ولا لا |
| الوقت المعتمد في المنتدى بتوقيت جرينتش +3.
الوقت الان » 08:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd