▀▄▀▄ ][ Donadoni Vs Marcello Lippi ][ ▀▄▀▄ - نادي الهلال السعودي - شبكة الزعيم

skroo · #17 29/06/2008, 03:03 AM

السلام عليكم

موضوع يجنن يا خالد

رد سريع :

اولا الكاتيشانو هذي قديمة ولا استخدموها الايطاليين الا في الستينيات الظاهر !!

شفنا منتخب ليبي كان متوازن
ومنتخب زوف وترابتوني ومالديني وساكي كلهم كانو حلوين ولا كانو يقفلون

ثانيا دونادوني يمكن مدرب ممتاز , لكن بدري عليه يدرب منتخب كبير
على ما اعتقد ان دونادوني ما درب الا ليفرونو ! كيف يمسك منتخب؟

ليبي وتراب وزوف وساكي كانو يدربون عمالقة ايطاليا وبعدها اتجهو للمنتخب

لكن يجيك مدرب مبتديء ويمسك منصب مثل الوزير في ايطاليا ؟ اكبر غلطة

ثالثا شح المواهب على كلامك
هنا معضلة اضافية : ايطاليا في مواهب لليل لكن وين اللي يكتشفها ؟

ما فيه الا يوفنتوس وفيورنتينا هم اللي يدعمون ويهتمون بالمواهب ( على كلام مدرب شباب ايطاليا ومساعده زولا ) وسبق وشكروهم في لقاء صحفي
لكن زي ما قال اليوفي وبس ان ليبي طلع ناس من اندية الوسط , وين دونادوني عن هالفكرة ؟ قاعد يحوق بالمنتخب على راحته
استدعاء غريب لبوريللو وتجاهل اغرب لانزاغي ؟ وانضمام دل بييرو اعتقد احتمالين :
تكتيك من دونادوني لانه تأخر باستدعائه علشان يتفرغ للدوري ولا يتشتت مع المنتخب وهذا احتمال مرفوض
الثاني وهو الاكيد وهو الخوف من الصحافة علشان اذا طلع قال هذاني مستدعي دل بييرو , واللي مأكد هالكلام انه كارشه احتياط كل المباريات عدا رومانيا !

عموما اقالة دونادوني ممتازه وتصحيح غلطة واستدعاء ليبي ما اعتقد الهدف منه البطولات مثل ماهو استراتيجي ( اكتشاف مواهب جديده لتعويض جيل الشيخوخه الحالي )

واعتقد ليبي يبغى يحقق القارات ويترك التدريب وبكذا يكون حقق كذا فائده :

1- لقب القارات للمنتخبات اللقب الوحيد الناقص له بالاضافة لامم اوربا
2- تقوية خطوط المنتخب الايطالي بلاعبي أندية الوسط
3- اعادة هيبة المنتخب المفقودة مع دونادوني
4- الرجال طفش ويبغى يرجع للتدريب ( قال هالكلام للجزيرة ) وبرضة عنده يا جوفنتوس يا ايطاليا لانه صرح ان القلب مايحب مرتين وان حبه هو يوفنتوس
وبحكم ان يوفنتوس مستقر مع رانييري وبحكم انه حقق كل البطولات مع اليوفي فقرر يكون شخص شرفي تابع لجوفنتوس ولا يحمل منصب معين في النادي

شكرا لك واعذرني على الرد الحوسه

خالد كثر من هالمواضيع