^^ _ وفضائح الاتصالات السعوديه تتوالى _ ^^ ... ((( قصتي معهم ))) .... وقسم بالله هذا اللي صار !!!!! السلام عليكم ... <<ابدخل بالقصه على طول >> قبل مدة طويله نوعا ما كان معي جوال نوكيا من دون كاميرا وبلوتوث المهم انا بي عاده كل بين مدة ومدة ادق على 902 واشوف مزاياهم >>امحق من مزايا خخخخخ:d المهم وانا اسمع خدماتهم ومزاياهم قلت خلني اشوف مزايا باقات الانترنت واضغط على الرقم المحدد لمزايا الانترنت .. ويبدأ يقرق علي الرد الالي ويعدد الباقات الخاصه بالانترنت المهم يوم خلص معدد باقات الانترنت قالي : عزيزي العميل لقد تم تفعيل باقة الانترنت لديك .. قلت ياولد وجع من اللي طلب منك تفعيل الباقه .. المشكلة ماطلبت تفعيل الباقه .. المهم وادق على خدمة العملاء وقلت له السالفه .. وطلبت منه إلغاء خدمة الانترنت .. قال لي ابشر ألغيتها لك .. المهم يوم جت الفاتورة واتفاجأ :bigeek: مكتوب بالفاتورة عدد استخدام الانترنت تقريبا20 كيلوبايت تقريبا بـ 0.68هلله المهم ارتفع ضغطي قسم بالله ماهمتني الفلوس لانهم حاسبينها علي بالهلالات يعني مهيب شيء .. بس اللي رفع ضغطي ليييش كل هالاستغلال ؟؟:upset: المهم واجيك وادق على خدمة العملاء (طبعا كلمته بهدوء) وقلت له اول شيء انتم فعلتوا الانترنت وانا ماطلبت منكم .. ثاني شيء متصل عليكم قبل شهر وقلتوا لي ألغينا الخدمة .. وثالث شيء 20 كيلوبايت من وين جت انا جوالي الساهر بدون كاميرا وبلوتوث .. يعني مااقدر ادخل الانترنت .. المهم تلعثم الموظف وقال ماعليك ألغيت الانترنت .. المهم بعد شهرين يوم طلعت الفاتورة الثانيه واتفاجأ :bigeek:مكتوب بالفاتورة عدد استخدام الانترنت 20 كيلوبايت تقريبا بـ 0.68هلله يعني نفس الفاتورة الاولى ويرتفع ظغطي لييييش كل هالاستغلال ؟؟؟:upset: وادق على الموظف (بكل هدوء) يعني انا الى هالحين محترمهم ، وقال ماعليك الغيتها لك قلت متأكد قال ماعليك .. المهم بعد شهرين اطلعت الفاتورة مثل سابقيها :upset: ومهوب بس ارتفع ضغطي إلا انفجر.. وادق على الموظف واقوله السالفه واهدده وقلت له قسم بالله لافصلك من عملك >> مسوي انا ووجهي وزير خخخخخ:d المهم واعطيه من هالكلام والتهديد واخذت اسمه بالكامل وقلت اذا طلع شيء بالفاتورة الجايه لاتلوم إلى نفسك ابشتكي عليك .. المهم الصرااحه خاف الموظف خخخ:d وبدأ يتأسف وقال حنا آآسفين وما عليك ماتشوف إلا اللي يرضيك .. المهم انتظرت الفاتوره بأحر من الجمر يوم اصدرت الفاتوره وسيدا ادور كلمة انترنت المهم طلع ملغيها ومن ذيك اليوم وهي ملغيه عندي .. وقلت الله لايبارك بخدماتهم ومزاياهم .. قسم بالله هذا اللي صار معي استنتجت شيء واحد من هذه المشكله انهم مايمشون الا بلغة التهديد ورفع شكوى عليهم .. تعالوا مير ابسألكم لو ابشتكي على الموظف من له اشتكي ؟؟ خخخخخ:d وسامحونا على الإطاله تقبلوا تحياتي مان كلوفيتش s13s |
ههههه الا صرت وزير .... :d الظاهر هو ما اهتم لك بس لانك اقلقت اهله بالاتصالات قام الغاء لك الخدمه .. :naughty: اجل لا عاد تدق عليهم بكره يسحبون منك رياااااال :bigeek: على الفاضي .... |
هلله منــك وهلله مــن غيــرك .. ][> وإنت مآشــي .. معتآشين على هـللاتي أنا وأنت والثاني والثالث .. الله لآ يبيحهم إنشــاء الله بكل اللي خــذوه مننآ .. بدون حق يعطيك العافيـة .. |
ولا تنس بعد تحويلات السوى وسرقات الرصيد واحد من الربع عيني عينك تطلع له شاشه الحساب |
ههههههههههههههههههههههههههههه مو بس شركة الاتصلات كل الشركات حتى حليب السعوديه بريال ونص.. |
شركة الإختلاسات السعوديه هلله مني وهلله منك وانت ماشي والسوالف تطول يابعد روحي |
حول موبايلي وشباقي بعد تسدد فاتورة بسم فريق الفقر |
زودوكـ 68 هلله وضايق صدركـ ... انا موبايلي زودوا لي 380 ريال ولا رجعوا منهم الا 240 ريال بعد 15 يوم جوالي مفصول .. وقالوا لي بنعوضكم والا يومك أدعي عليهم .. المشكلهـ أني حالف على نفسي ما أطب الاتصالات والا أرجع لهم .. الزبده ( موبايلي + الاتصالات ) عينان في رأس واحد .. دجل + استغلال + كذب .... الخ .. بانتظار زين وشكلها بتصير مثلهم .. |
الله يخارجنا منهم ومن بلا ويهم إلي ماتخلص.... .,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,. |
يحاولون قد ما يقدرون يسحبون فلوس حتى لو هللات .. اذا تجمعت تصير الوف |
ياشيخ خل عنك تبي تطلع شركة زين وتبي تصير أحسن وحدة لا مبايلي ولا الإتصالات ولا حليب المراعي مشكور على الموضوع إحه إحم قصدي القصة |
هي وقفت على هللاااااات المصييييبه اللي تنسحب منهم عشراااااااااااااااااات ورى بعض عينك عينك نفس حااالتي |
موبايلي وبس !!! تصدق عاد مره موبايلي ارسلوا لي رساله: عزيزي العميل بسبب وجود خلل بالشبكه تم منحكم 30 دقيقه مجانا ههههه وتبي الصراحه انا ماشفت لا خلل ولا غيره!!! بس موبايلي احسن شي!!! وانت لازم تعرف ان كلهم فيهم خرابيط بس موبايلي احسن !!! |
إقتباس:
ههههههههههههههههههه صدقت والله ياخوي ،،، حتى البيبسي سمعت إنه بيزيد سعره ،،،، |
كفووووووووو يا الوززززززززيرررررر ................................ |
الوقت المعتمد في المنتدى بتوقيت جرينتش +3.
الوقت الان » 05:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd