|
إقتباس:
الكنز نواف:upset::upset: جبت موضوع جنن الزوار الظاهر ماحد فهم غيري....... |
بدون أي مُبالغة آثرت جروحا ً عميقة لا زالت تنزف وبقى الداء بلا دواء وسيبقى للأسف ياعزيزي سابقا ً كُنا ثلاثة طبقات طبقة غنية وطبقة متوسطة (( تُمثـــّل مُعظم الشعب )) وطبقة فقيرة أما الآن فـ الطبقة المتوسطة بدأ تعدادها يقــّل وقريبا ً إن إستمر الحال كما هو عليه الآن (( وهو متوقع )) فـ ستختفي هذه ِ الطبقة ويتبقى طبقة غنيــّة وهم قلــّه بالنسبة لعدد السكان وطبقة فقيرة تمُثل بقية الشعب السعودي بالمُناسبة سعر البرميل وصل إلى 142 :naughty: والمواطن السعودي من جرف لدحديرة الله يديم الأمن والأمان علينا :stoned: نواف / \ / طــّرح أقل مايُقال عنه بأنه ُ قيـــّم وقيّم جدا ً دُمت بخير وعافية |
ياخوي تراك غثيتنا !!كل هالردود ماعجبتك !!من وين نجيب لك فقير ؟ نحمدالله حنّا بلد النفط ..بلد يحمل بين طياته كنوز انعم الله عليه بها ..بلد يالله لك الحمد خيره لأهله !!أجل تحسب خيرنا لغيرنا!! من وين نطلع لك فقير وعندنا موسم الحج لوحده يكفي يعيش نص المملكه عيشة راقية اوفوق المتوسطه !! الله يديمها نعمه فقيرنا يقدر يكفل دوله من دول افريقيا او خل اقولك يقدر يصرف على هيفا ونانسي والباقي يعيش فيه ملك !! يالله لك الحمد ماعمرنا سمعنا عن زيادة غلاء ..ولاانقطاع ماء..أو نقص دواء!! الله يعز الحكومه اطلع اصلي الفجر وأمرّ من عند بنك التسليف والدنيا فاضيه مافيه عالم تتضارب عشان تحجز رقم (تصدق ماشفت حارس امن واسطه الا هاللي جاي قبل الفجر يوزع ارقام) وابشرك كبار التجار صاروا يطلعون زكاتهم وماعاد فيه عجوز تمد يدها امام الاشارات او المراكز!! وحتى عبداللطيف جميل انبه ضميره وصار يبيع الكامري ب40 الف بس يقول مكسب 15الف زين !!(تراه ياخذها ب25الف بس ويضحك علينا):d ابشرك اخوي معاه بكالوريوس لغة عربيه من ثلاث سنين وعنده اربع وظايف من زينها مايدري وين يروح !!(راتب 5الاف وسكن ومواصلات وبدلات و....) لاوابشرك ياصديقي وزيرنا الله يحفظه ويوفقه بعيداً عن موقعه الحالي قرر ترقيتنا على الخامس لاوازيدك من الشعر معلقه قرر يصرف فروقات السنين اللي تهجولنا فيها !!(ياحليله وزيرنا هو ونايبه اكره ماعندهم هالتعاميم ) اقول ترى في فمي (كاتشب)تبيني اكمل والا اسكت !! |
إقتباس:
هل أنت متأكد أنها السعودية من تبرع ...!!؟؟ بالنسبة للغياب فأنت تعرف أنني أخضع للاحتلال والإقامة الجبريية :d لذلك يارعاك الله ادع لي بالذرية الصالحة علها تتطلق يدي وتعطيني حريتي :d |
إقتباس:
ولكن ليتهم يشكروننا بل سيزيد حقدهم علينا انظري لإخوتنا العرب وما يصنعوه فينا ..؟ من يمجد هذا القرار هم فقط ( ................ السفرة ) أكرمك الله |
إقتباس:
الرجل يمدحكم ويمدح مشائكم ولكن بطريقة ( اياك اعني واسمعي ياجارة ) .. الامارات ارض الخير والبركة وهي مضرب مثل لاهل الخليج :) ولكن اهمس في اذنك هل الوضع لديكم 100% ..؟؟ صدققيني ان لديكم مثلنا ولكن الوضع ربما يكون أقل بكثير .... كنت قدا سمعت قصيدة لشاعر اماراتي يعاني من تسلط الجنسيات الاخرى وعدم حصوله على وظيفة وقد انتشرت كما فهمت من ردودالمقطع في اليوتيوب وانا من محبي مسلسل طاير حاير :d وجابر النغموشي له مقاطع كثير ةابحثي عنها وستجدينها ....؟؟ وسبحان الذي له الكمال وحده |
إقتباس:
اقول اختي شكلك حادرتن لتس وادي الرجال ما يقصد برده استنقاص لكم ههههههههههههه اقول بعدين افهمك ارجع لصاحب الموضوع لا وازيدك من الشعر بيت اعمار لبنان و يرجعون اول من يسبون حنا يعني اعمار الحفر والحساء اولى من اعمار لبنان ههههههههه بس مصيبتهم انهم شهب وعيونهم سود وشعورهم سودا وناس صايمين ومصلين عكس لبنان الي الشعر اشقر والعيون خضر وزرق تقول نواسات هههههههه اقول كيف الحال |
أوّل شيء الله يشفي جدتك ...,,, والفلوس ودها عند إمام مسجد ...!!! تراه يعرف المحتاجين من أهل الحاره ...؟؟؟ تحياتي ...,,, |
لو فيه فقراء ماقمنا بأعمار لبنان لو فيه فقراء ماقمنا بأعمار العراق والذى استهلك نصف الحديد السعودي والمشكلة اول من يسب ويشتم وينقص من حقك هو من احسنت لهم وأرجعت لهم الامل بالحياة بعد قدرة الله مافيه فقراء ولكن فيه ناس تحت خط الفقر ونحن همنا المواطن اللبناني لاينام إلا بيت ملك ويجب ان يتعلم بأفضل الجامعات وأخذتنا الرأفة والحنان على العالم أجمع ولكن السعودي يستطيع الصبر على مابلاه الله لانه رجل ويجب ان يتحلى بطبيعة المملكة الصحراوية |
هلا وغلا :) حدد أولاً، هل ترغب بالصدقة لتنال أجرك من الله سبحانه وتعالى ولتكون سبباً في شفاء مريض مبتلى؟ أم ترغب في أن يقدم لك المريض كلمات الشكر والثناء ويضع صورتك في جيبه الأمامي؟؟ إن اخترت الثانية فأبواب صدقتك مفتوحة تماماً أمام ناظرك وأحرص في هذه الحالة على أن يكون من يحمل صورتك ممولحاً وسيماً وشخطاً أو أن تكون طامعاً في شراء أرض بجوار منزله:yes: أتساءل ، كيف حال صندوق الفقر واللي خصص من ميزانيته مبلغ عشرة ملايين لدراسة ظاهرة غريبة اسمها الفقر!! أظنهم ما زالوا يدرسون رغم أن العالم أرهقتهم الاختبارات وعطلوا من زماااان!! رب العالمين لا يظلم مثقال ذرة، وكلنا محاسب . شكراً لك :) ولا تقطعنا ، خبرتك مطلوبة هنا. |
^^^^^^^^^ اوكيه اوكيه ... انا ما قلت انه ما عندنا فقراء ,,, عندنا صح ... لكن اقولك اول ما يدرون عنهم ... على طول يساعدونهم ... واسمحلي يا اللي فهمت ردك غلط ... ::: والحمدلله انه نحن ما عندنا طبقات في المجتمع مثلكم .. عندنا الكل عايش حياته ... انا استغربت الصراحه منكم ... كيف اتقولون انه عندكم طبقتين الغنية والفقيره ... وين عيل اللي حالتهم ميسورة ... ؟؟؟؟ وين حكامكم وملوكم عيل ... يوم اتقولون ما في طبقة متوسطة عندكم ... الحمدلله الله انعم عليكم بالنفط ... لكني ما اشوف تتطور في المملكة ... لو كنتو تبون كنتو بتخلونها احسن دولة في العالم ... لكن ليش ما تبون ما ادري ؟؟؟ وهذا اللي انا استغرب منه انزين ... :: وكلن يعيش حياته اليوم ... ومحد يعرف شو بيستوي بالباجر ... تحياتي |
أبشرك حتى البنوك .. من يوم ارتفع راتب المواطن .. صارت تعطيه فائض على القرض يمكن 50 % وأكثر .. :yes::yes: الحمد لله على كل حال وبس :stoned: إقتباس:
هذي الحالة مستعصية .. :upset: مع خالص احترامي لك .. الكنز .. خبرة السنين .. لا تغبيها عنا .. سكب الهلال |
:bigeek إقتباس:
مقبول عذرك.........لكن بتدخل شوي بخصوص الامارات.........اسمحلي... السعودية والكويت.....شعبها مشكلته الوحيدة الفقر والبطالة فقط.....ودايما اغلب شكوينا من هالشي فقط.... اما الامارات وقطر.... ماعندهم مشكلة بالفقر والبطالة وانا معك ان شيوخكم يتدخلون على طول بهالمواضيع.... لكن سوالي ماهي مشكلتكم الحقيقية؟؟؟ اتوقع من وجهة نظري... انكم باكبرمشكلة منا ...........وهي انكم لا دولة لكم......اقصد جميع القوانين التي تصدر... لابد ان يرعى فيها الاجانب ... واصحاب الجنسيات.........كم اجنبي بالامارات؟؟؟ نسبة الامارتيين مع المتجنسين لا تتعدى 22% ::bigeek::bigeek: والباقي اجانب......... يعني بلدكم ليس ملكا لكم.............الامارتيين الاصليين لا يتجاوزو 15% من سكان الشعب...... يعني لو قارنا مشكلتك بمشكلتنا ..... نحمد الله ان شعب لدينا دولة..........ليس لديها مال وانتم لديكم مااااال بلا دولة.......... |
إقتباس:
الحمدلله انه نحن بعد عايشين حياتنا ... حتى المواطنين لو ما عدو 15 % نحن راضين ... وبفهمك شي ... انا ما غلط عليكم ... انا قلتلك استغربت ... ومن حقي اني استغرب ... هذا شي مب بيدي ... وكل واحد يعرف نوايا الثاني ... والله يعلم انه نيتي صافيه ومب قصدي التهجم عليكم ... ياليتك تفهمني ... انتو شعب عزيزين وغاليين علينا ... اللي يضركم يضرنا واللي فرحكم يفرحنا ... |
وأنا ما عليه من الاجانب أنا عليه من المواطنين بس ... والحمدلله شيوخنا ما مقصرين .. ويا كل حد ... وما فيها شي اذا يبت اجانب يعمرون البلاد ... اذا عندك راس مال ... |
| الوقت المعتمد في المنتدى بتوقيت جرينتش +3.
الوقت الان » 09:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd