الله يبيحك يابيض الوجه ياسعود
................ويبلغك بالعز عالي جنانه
ويسكنًك جنه بها الظل ممدود
.........ويضفي على روحك عظيم امتنانه
ويكرمك بالحلم.. والعفو ويجود
..............عليك من جوده وخالص حنانه
ويعظم اجر الاهل شايب ومولود
..................ويصبًر احبابك وكل البطانه
ماكل من يقفي عن الارض مفقود
..............لكن سعود!!ومن يسد بمكانه
تقولها العالم وخلق الله شهود
.............وكلاً شهد لك بالوفا ...والامانه
تشهد باتك كنت بالمرجله زود
..........وانك من اهل الطيب واهل الرزانه
دنيا الفنا والموت ميراد مورود
...................والادمي ماياخذ الازمانه
والناس فاقدهم بعد يوم مفقود
............والله له الحكمه ..تعالى وشانه
وفي منتدانا كانت الخاتمه فود
..............صلاتك على اللي تجلى بيانه
ذكرتها والحرف شاهد وموجود
...........كنَ القدر يكتب وينظق لسانه
يالله عسى تشفع لك بيوم موعود
................يوم الولد ينسى ابوه وخوانه
ارقد بقبرك وارضنا مابها خلود
.............عليك حفظ الله وعطفه وامانه
عليك رحمه كل ماهبت النود
...........وغيمً على قبرك تسابق امزانه
وختامها يبيحك الله ياسعود
...........ويسامحك ...ويقربك ..في جنانه