|
عاجل @ الاتصالات السعوديه تضغط على هيئة الاتصالات لإلغاء عروض موبايلي السلام عليكم ورحمة الله وبركاته كلكم تعرفون العروض الي قدمتها شركتي موبايلي والاتصالات للي ينتقل لها الزبده موبايلي استفادت من العرض هذا بعكس الاتصالات لان موبايلي اكثر عملائها هلاليين يعني مايهمهم العرض اما الاتصالات اكثر عملائها هلاليين بعد (الجزء الاخر) بس مشكلتهم انهم ماكانوا متحمسيين انهم ينتقلون لموبايلي عشان الهلال فالعرض حمسهم يعني عرض ودعم للهلال اجتمعت فالاتصالات خسرت ومااستفادت من العروض فماذا فعلت الاتصالات ؟ طالبت شركة الاتصالات السعوديه هيئة الاتصالات بوقف العروض فالهيئه دائره حكوميه وتدعم بشكل كبير الاتصالات لان نسبه منها للحكومه فالهيئه قررت الغاء العروض والظاهر انها الغيت ولو تسال موظف في موبايلي يقول انتهى العرض والعر ض في الاساس ماله مده عشان ينتهي على العموم الخبر هذا جايبه من داخل الشركه على فكره ماهي اول مره تسويها شركة الاتصالات مع موبايلي سبحان الله اموركم كانت طيبه ليه تروحون وتتلقفون وتوقعو مع الثالوث الداج |
جايبه من داخل الشركة اي شكرة يالغالي الاتصالات او موبايلي ومستحيل يتوقف العرض لانهما شركة متنافسه وعفوا تقول مره قررت الغيت والظاهر الغيت وثاني مره تقول لو اتصلت على موظف موبايلي وانا جايب الخبر من داخل الشركه معليش يا خوي يعني عطنا الخبر الاكيد لا تعطيني تقاسيم كلام هات الخبر من مصدر مسؤول على لسانه تقبل مروري |
ياخوي الهيئة ما تقدر توقف العروض ... وبعدين متى يفهمون ان موبايلي اقوى من الاتصالات بكل شي .... |
لا أتوقع أن هيئة الإتصالات ستقوم بدور الخصم والمنافس على حساب موبايلي .. هيئة الإتصالات وتقنية المعلومات جهه دورها إشرافي ورقابي وليس لها مصلحة من ذلك لأن موبايلي لها حقوق مثل ما للإتصالات السعودية حقوق، ولا أظن أن هيئة الإتصالات تعطي موبايلي الموافقة لإقامة عروض ومن ثم توقفها بسبب ضغط من الإتصالات السعودية ... تحياتي |
موبايلي تعرف المنافسه الشريفه لكن الاتصالات عقول كبارها زي الاطفال همهم التخريب على موبايلي فقط لاغير لأنها سحبت البساط منهم يكفيك احد اعلاناتها كانت تقليل من عرض موبايلي لأنهم تعودو على سحب ما بالجيب والناس ساكته |
نبع القلم مسوي فاهم انا وش دارني انهم الغى الغرض ان ناقل جوالي من زمان انا اتصلت على موبايلي وسالت قال العرض انتهى والي سمعته من داخل شركة الاتصالات ان الهيئه هي الي انهت العرض فهمت ياالحبيب ووالا اشرح اكثر |
اللــه لآ يربحهم .. لآ أنشآء الله الهيئـة مآ راح تسمـع لهم .. |
لا مااظن ان ذ1 الكلام صحيح بس لو كان صحيح الله يجازي الي كان السبب |
للمعلوميه عرض موبايلي ( نقل الخط بدون رسوم لمده سنه ) كان محدد له ان ينتهي مع بدايه شهر 1 - 2008 م لكن مع الاقبال الشديد وبسبب تاخيرعمليه التحويل من قبل شركه الاتصالات قرروا تمديده . وبعدين لاتتحمسون لموبايلي كثير هي سوت هذا العرض لمصلحتها ماهمها لاهلال ولا غيره . هذه شركه خاصه تبحث في الاول والاخير عن الربحيه يعني مو جمعيه خيريه مثل ما تظنون وانها جائت الى السعوديه فقط لتقديم الخدمات والعروض للهلال وجماهيره واكبر دليل انها كانت شركه راعيه لاعتزال ماجد عبدالله . يعني مو حصريه للهلال كبرو عقولكم شوي وخلو الكلام الفاظي للمعلوميه : اي عميل يبحث عن جوده الخدمه قياسا بالتكلفه الي تدفعها يعني ما يهم الاتصالات ولا موبايلي انا كعميل ابحث دائما عن الافضل وتجي زين ان شاءالله وتعلمهم العروض الي من جد . وكل مازادت المنافسه هذا من صالحنا وساعتها بتحدد الشركه الي تقدم لك افضل الخدمات باقل تكلفه ولا انا غلطان وبالنسبه لاخبار الهلال انا اخذها من المصدر( منتدى الزعيم ) لا يهمني لاجرايد ولا خدمه جوال الهلال من موبايلي اخبارهم مثل وجيههم تحياتي .. |
إقتباس:
إقتباس:
واذا قلت لك انه موبايلي في بدايتها مقدمه عروض مجنونه بس هيئة الاتصالات ماوافقت واشترطت تقارب العروض مع الاتصالات السعوديه!!! يعني موبايلي اول ماجت الغت الرسوم وقوبل الطلب بالرفض للاضرار بمصلحة الاتصالات السعوديه مع انه الاتصالات شبعت من جيبونا بس الظاهر باقي يشفطون!!! ولو تشوف انهم دايم يحطون الغاء الرسوم كعرض وهو في البدايه شي مسلم به من بداية دخول السوق السعوديه بس الرفض حال دون تطبيقه ومره سالت واحد في موبايلي قال حنا نختار عدة عروض ونقدمها لهيئة الاتصالات عشان يوافقون عليها بس ياخذون اضعف شي واحيان ماياخذون شي لانه في نظرهم ضار للاتصالات!! صدقني نفوذ الاتصالات في الهيئه اكبر بكثييييييييييييييييييييييييييييير من موبايلي لان الاتصالات ليست كما قيل حكوميه بس اللي فيها حكومه<<<<وافهم يافهيم:d |
إقتباس:
لاتستغرب شي ابد ولك في الهلال عبره من ناحية الكلام والمبدأ اوافقك لـــــــــــــــــكـــــــــــــــــن من ناحية التطبيق فالمحسوبيات والمصالح طاغيه وهالكلام مو خاص بجهه معينه فقط<<<<في بطنه حتسي وده يقوله بس الظروف ماتسمح:d |
هذي حيلة المسااااااااااااااااااااااااااااكين |
لا عتقد أن الخبر صحيح لكن الإتصالات تفعل كل مافي وسعها للإضرار بموبايلي التي أقظت مضاجع شركة النهب والإحتيالات موبايلي فعلا كما قال ولد السهول تقدم عروض خيالية لكن هيئة الإتصالات ترفضها بدون أسباب مقنعة والأسباب الحقيقية أن هذه العروض تضر بالإتصالات ... كل يوم يزداد حقدي على شركة الإنفصالات |
لا اتصالات في حضرت موبايلي لا اتصالات في حضرت موبايلي لا اتصالات في حضرت موبايلي |
والله حنى اهم شي هلالنا ياللي تقول مبايلي ماهمها الهلال وانا اتفق معك 100% بس حنا ندعم موبايلي وموبايلي بتنبسط على المدخول العالي من جمهور الهلال وبكذا بعد انتهاء العرض بيتضاعف عقد الهلال لانه مغري بإغراء شعبيتة فنحن ندعم اي شريك رسمي لنادينا نادي الهلال |
| الوقت المعتمد في المنتدى بتوقيت جرينتش +3.
الوقت الان » 05:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd