#16  
قديم 25/06/2008, 02:34 PM
زعيــم متواصــل
تاريخ التسجيل: 28/11/2007
مشاركات: 66
الحوت الأزرق

يا هلا بك .. ويا هلا بالزعماء

والله أنا من يوم ما نزل موضوع الغشيان في المنتدى وطرح أزرق كايدهم الحوار وسوى زحمه

وبما أننا شعب من ضمن الشعوب العربية المنخدعه بالإعلام واللي كأنها قطيع تسوقها

الكل بعد الحوار اللي نزله أزرق كايدهم سب الغشيان وقال عنه كلام الله بس يحللهم منه

يعني المشكلة اللي ما يعرف بواطن الأمور في البيت الهلالي يتكلم وكأنه عايش وسط النادي

ومسوي فيها أن له اتصالاته .. وأني أقرأ الردود وأضحك بيني وبين نفسي ..

المشكلة أن هؤلاء الذين يحسبون أن الغشيان راح للرياضي وسوى اللقاء ما يدرون أن الحوار

قديم جداً وأن الغشيان قال وفعل وغيره وغيره يعني ما يدرون أن الرياضي جريدة ما لها شغل ولا

مشغله إلا الركض ورا الزعيم وورا زلاته ، وأكثر ما ضحكني أللي يقول أن الغشيان عبيد عند

آل سعود ، ولا أدري هل هذا الذي تكلم عن الغشيان وعائلته ما يدري أن خال فهد الغشيان هو

الأمير هذلول بن عبد العزيز رئيس أعضاء شرف الهلال ؟؟ ما يدرون هذولا أن الغشيان أيام

ما كان موجود في الهلال كان مكافئات النادي يعطيها العمال المتأخرة رواتبهم ؟؟

ما يدرون أن الغشيان الآن هو أكثر لاعب سعودي يساعد زملائه اللاعبين السابقين ويجمع لهم

دائما تبرعات ؟؟ يعني والله يا شباب الغشيان ما كان يستاهل منكم كل هذا ..

ولو أنه في زمان ما أثر عليه أصحاب السوء فهذا ما يعني أن نسفه فيه هذا الأسفاف ..

بدال ما نذكر نجومنا بالخير وكيف كانوا يخدمون الفريق .. نرجع ونعدد أخطائهم بحق الفريق

ولو دققنا في الأساطير الهلال لوجدنا إن كل لاعب وله هفواته بس الغشيان بس عشانه أنتقل

للنصر وعشانه أنسان صريح جداً ويمتلك عزة نفس كبيرة خلاص صار من المغضوب عليهم

عند الجماهير .............. الله يذكرك بالخير يا غشيان بس ..
  #17  
قديم 25/06/2008, 02:37 PM
الصورة الرمزية الخاصة بـ ابوطروق
زعيــم فعــال
تاريخ التسجيل: 05/10/2007
المكان: 28194902
مشاركات: 496
كلام جميل وما يحتاج توضيح
مشووووووووووووووووووور أخوي على هذا الطرح الرائع
  #18  
قديم 25/06/2008, 02:48 PM
زعيــم نشيــط
تاريخ التسجيل: 23/06/2007
مشاركات: 726
فهد لاعب كبير ويكفيه انه احترف في الدوري الهولندي مع الكمار على ما اذكر وقدم مستوى رائع وكان مطلوب بس كان تعيبه المزاجية الزائدة واتمنى ان يطلع فهد اخر بدون مزاجية
  #19  
قديم 25/06/2008, 03:02 PM
زعيــم مميــز
تاريخ التسجيل: 31/10/2007
المكان: الطائف أحلى
مشاركات: 1,803
ياخي الحوار واضح انه مفبرك وانواع التلفيق...

بعدين الغشيان يعشق الثنيات لحد الجنون...ويحب الهلال ,,, ويقول ندمت للعب للنصر...

وقريب من سامي كثير .. كيف يقول عنه ذا الكلام...

يعني وشلون يسبهم بالسب القاسي... حتى ولو صار مااتوقع ان الغشيان يطلع منه ذا الكلام...

لكن خذتوا المصدر من جريدة معروفه بخمبقتها ونصبها وعدم مصداقيتها ...

ولا وشذا المحاور اللي الف مره يعيد الاسئلة ... كل شوي سامي ثم يوسف ثم ماجد..

كلام فاضي... وبربسه..
  #20  
قديم 25/06/2008, 03:42 PM
زعيــم مميــز
تاريخ التسجيل: 20/02/2008
المكان: جــــــــــــــد هـ
مشاركات: 4,577
الله يذكرك بالخير وأنا كنت اسأل من زمان ايش اللي خلاه يروح للنصر وانت ما قصرت وضحت لي بعض الأمور


لكن الغشيان على ما تقول شكله ندمان والدليل ما طول معاهم





ومشكور يا الغالي
  #21  
قديم 25/06/2008, 03:49 PM
زعيــم مميــز
تاريخ التسجيل: 29/10/2006
المكان: الـوســطـــى
مشاركات: 4,444
اخوي انا لا اعلم اي حوار تتكلم عنه

لاني قريت مقابله له مع جريدة الرياضيه

وكان متحامل على سامي كثيرا ويوسف الثنيان

وانا بأذني سامع له مداخله في قناة الرياضبه اثناء لقائهم بشقيق

سعد الدوسري كان بوضع ( مزري ) عقليا واخذ يسب في رجالات الهلال

وغيرهم وطلب منه المذيع ان يكون ضيف عليه الاسبوع القادم واخذ يتلكك

.... فهد الغشيان لاعب لن يتكرر وانا احبه كلاعب فقط ...... وليس اخلاق

ولاكن الله يشفيه من ماهو فيه
  #22  
قديم 25/06/2008, 04:01 PM
زعيــم مميــز
تاريخ التسجيل: 29/10/2006
المكان: الـوســطـــى
مشاركات: 4,444
[QUOTE ولا أدري هل هذا الذي تكلم عن الغشيان وعائلته ما يدري أن خال فهد الغشيان هو

الأمير هذلول بن عبد العزيز رئيس أعضاء شرف الهلال ؟؟ ما يدرون هذولا
][/QUOTE]

مشكورعلى غيرتك على فهد الغشيان بس خاله هذلول كبيره مره

يعني نفهم من كلامك ان الملك عبدالله خاله بعد ... ارحم عقولنا

نعرف من يكون فهد
  #23  
قديم 25/06/2008, 04:07 PM
زعيــم متواصــل
تاريخ التسجيل: 28/11/2007
مشاركات: 66
إقتباس
سعد الدوسري كان بوضع ( مزري ) عقليا واخذ يسب في رجالات الهلال

وغيرهم وطلب منه المذيع ان يكون ضيف عليه الاسبوع القادم واخذ يتلكك





أسأل الله أن يحاسبك على ما كنت تقصده في الاقتباس أعلاه

برنامج مداد في الرياضة في قناة الأخبارية عندما استضاف أخو سعد الدوسري

وكانت فيه مداخلة لفهد الغشيان وكان يتكلم بحرقة على اللاعبين المعتزلين

وكان يقول بعد ما عرض فيديو كليب لمصطفى أدريس وهو حارس أمن

ويقول أنه هناك لاعبين أوضاعهم أردى من أوضاع مصطفى أدريس

ولكن عزة نفسهم ما تخليهم يطلعوا للإعلام

ولا جاب طاري الهلال ولا جاب طاري رجالات الهلال

فكفاك وكفى غيرك تضليل الغير وقول غير الواقع

بعدين الغشيان ما كان يتلكع كان مصر العجمه على استضافة الغشيان

والغشيان كان يبغى يتكلم عن اللاعبين وبعد ما وعده بمقابلة الاسبوع اللي بعده

ما حضر الغشيان وأنا كنت متأكد ان الغشيان ما راح يحضر لأنه رجال

بالمختصر المفيد يكره الإعلام ويكره اللي يطرودون وراه
  #24  
قديم 25/06/2008, 04:09 PM
زعيــم متواصــل
تاريخ التسجيل: 28/11/2007
مشاركات: 66
إقتباس
مشكورعلى غيرتك على فهد الغشيان بس خاله هذلول كبيره مره

يعني نفهم من كلامك ان الملك عبدالله خاله بعد ... ارحم عقولنا


نعرف من يكون فهد




فهد الغشيان خاله الأمير هذولول بن عبد العزيز ولو تسأل القدماء في النادي

يعلومونك منهو الغشيان .. وفهد الغشيان أبوه من أكبر التجار وعندما توفى الله يرحمه

ورث الغشيان ورث كبير جداً خلاه يترك الكورة
  #25  
قديم 25/06/2008, 04:21 PM
زعيــم مميــز
تاريخ التسجيل: 29/10/2006
المكان: الـوســطـــى
مشاركات: 4,444
إقتباس
الرسالة الأصلية كتبت بواسطة ريكاردو الكاتو


فهد الغشيان خاله الأمير هذولول بن عبد العزيز ولو تسأل القدماء في النادي

يعلومونك منهو الغشيان .. وفهد الغشيان أبوه من أكبر التجار وعندما توفى الله يرحمه

ورث الغشيان ورث كبير جداً خلاه يترك الكورة

اخوي انا قلت الي سمعته في المقابله وكان يقول ان رؤساء نادي الهلال
ماتهمهم الا الشهره واخذ يسب ولاتزعل ... وبعدين افهم من كلامك ان ام
فهد الغشيان من بنات الملك عبدالعزيز .. يمكن تلخبطت عليك الامور
يجوز ان فهد من خوال هذلول وهذا اقرب الى التصديق وغيرها لو تحلف
من ايوم لبكره ماحد مصدقك ... واذا انت صادق اذكر اسم امه ( صاحبة السمو الملكي )
  #26  
قديم 25/06/2008, 05:39 PM
زعيــم متواصــل
تاريخ التسجيل: 28/11/2007
مشاركات: 66
إقتباس
اخوي انا قلت الي سمعته في المقابله وكان يقول ان رؤساء نادي الهلال
ماتهمهم الا الشهره واخذ يسب ولاتزعل



أزعل من إيش ؟؟

بعدين يا بن الحلال الرجال ما جاب حتى طاري الهلال ولا رؤساءه ؟؟

الحلقة هذه عشان بس أصحح معلوماتك مو في الرياضية كانت في الاخبارية

في برنامج مداد في الرياضة وكان مووضوع الحلقة عن حال اللاعبين المعتزلين

الغشيان كان ما يتحدث إلا عن حالة اللاعبين المعتزلين وكيف صاروا

والمذيع تركي العجمة كان راح يلتقي معه عشان الملف هذا مو من شان الهلال ولا غيره

أنا خايف بس لو يطلع الغشيان ثاني مرة في التلفزيون يحلل مباراة ولا يهني أحد

يمكن بعد تقولون ما طلع إلا عشان يسب الهلال ورؤساءه ؟؟

ترى فهد والله ما همه أحد يقول الصدق وصريح إلى أبعد حد مع الجميع مو بس

مع الهلال هذه نقطة أبيك تفهمها ويفهمها الجمهور الهلالي اللي تنكر لفهد ..

إقتباس
وبعدين افهم من كلامك ان ام
فهد الغشيان من بنات الملك عبدالعزيز


أم فهد مو أخت الأمير هذلول من الأم والأب

أم فهد أخت الأمير هذلول من الأم فقط ..



عاد تصدق .. عشان اللغط المستمر هذا بحاول بفهد عشان يطلع وأسوي معه

لقاء ولو أني متأكد أنه بيرفض ويقول لي يا رجال تقهو بس
  #27  
قديم 25/06/2008, 06:17 PM
الصورة الرمزية الخاصة بـ أســطورة الأســاطير9
زعيــم مميــز
تاريخ التسجيل: 02/11/2007
المكان: خوان رومان ريكيلمي
مشاركات: 10,965
واللــــــــــــــه الغشيـــــــــــــــــان فنان وكان لاعبـــــــــــــــي المفضل لكن ياخســـــــارة بس
  #28  
قديم 25/06/2008, 06:19 PM
الصورة الرمزية الخاصة بـ المدافع الصلب
زعيــم مميــز
تاريخ التسجيل: 30/12/2006
المكان: الـ Fire
مشاركات: 20,406
الله على اياك يا بو غشياااااااااااان
.........................
  #29  
قديم 25/06/2008, 06:52 PM
زعيــم متألــق
تاريخ التسجيل: 20/11/2007
المكان: داخل بيتناا
مشاركات: 1,459
والله مايندرى هلوقت
..................................................................
  #30  
قديم 25/06/2008, 06:52 PM
زعيــم نشيــط
تاريخ التسجيل: 27/03/2007
مشاركات: 766
إقتباس
الف شكر لك اخوي الغشيان لاعب قوي وله مستقبل

تقبل مروري

ههههههههههههههههههه
هههههههههههههه
ههههههههه

كيف الحال اخوي..؟؟؟؟
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:52 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube