الاخ لموهوب
ممكن اعرف سبب اصرارك؟؟؟؟
ابيك تعطيني مره وحده سواها
الزعيم وعسكر قبل النهائي
وانا اوافقك؟؟
يالطيب الغالي
احسن مكان للتمرين والتعب (والمشي)
على قولتك هو نادي الهلال
خلنا من زيدان وسياراته
معسكر الشرقيه (نبي نعرف حكايته)
وانا قلت ان الزعيم منتخب ومل من المعسكرات
وانا اتحدى اي لاعب موافق على (معسكر الشرقيه)
اتمى ما تكون صحيحه وتكون كذبة ابريل
صدقني مالها داعي
اما كلامي انهم ممكن يتجمعون في المطار بالجوال
قبل الكاس مو قصدي انهم لاعبين حواري
انا قصدي انهم لاعبين كبار كبار
وطالما تكلمت عن زيدان
ليش ما قلت ان منتخبنا معسكر من عام الفيل
لكاس العالم والمنتخبات العالميه (رح يجمعونها
قبل المونديال بسبوعين)
وش قلت فيهم (منتخبات حواري)
الله يهديك فهمنا وش الي عندك
اما اهمية المعسكر (النادي احسن مليون مره)
تمرين صباحي ومسائي ومسبح وتقوية عضلات
وقبل المباراة بيوم يروحون جده
وكفى الله المؤمنين شر القتال

والله كتابات اكثر من رائعه و موضوع بالفعل نقاشه بهذه الطريقه راح تكون فائدته للزعيم

مع ان معسكر الشرقية قريب من اجواء جده ولكن انا نفسيا لا اؤيد هذا المعسكر لانه سبق واكلنا منه مقلب

شكرا من الاعماق

والله انا اشوف ان المعسكر ماله لزوم والا سباب ذكرها ازرق الازرق وانا اوافقه الراي (وصح لسانك ازرق الازرق) واما جمهور الشرقيه اوكيه على العين والراس لكن نخسر النهائي ونسبب ملل للا عبين عشان نرضيكم لا والله الكاس اهم وراحة الا عبين اهم

والله يوفق الزعيم ويضم الكاس لخزينته انشاء الله

أخوي الرهيب أبعلق على ردك إن سمحت لي ..

والملل يبعد عن طريق المعسكرات!؟! بالعكس اللي يجيب الملل والطفش المعسكرات واسأل لاعيبة المنتخب!!


أنا معك أن لا بد من إجراء مباريات ودية ولازم لان الفريق بيقعد 3 أسابيع بعيد عن أجواء المباريات .. لكن ليس بالتحديد أن يكون المعسكر خارج مدينة الرياض!!



إذا كنا ننظر لمعسكر الهلال الأخير بأنه ( رضاوة ) لجمهور الشرقية فهي أم المصائب !! وليش الشرقية بالتحديد !! مع احترامي لأنديتها ( لا يوجد نادي بذاك القوة والحماس اللي يؤهلانك لخوض مباراة أو مباراتين تجريبيتين )!!!

بالعكس أنا أنظر لو الهلال يقعد بالرياض ويسوي مباريات ودية مع فرق ( الرياض ،الشباب، ) أقوى وأفضل ..



أنا ما قلت لا تلقون هالمباراة اهتمام .. بس عادة فائدة المعسكرات من أجل ماذا؟!؟

يعني الهلال قبل بطولة كأس الاتحاد أقام معكسر في الطائف وش كان الهدف منه!! هل هي مباراة او مباراتين!! لا .. الهدف منه موسم كروي حافل بالمشاركات الطويلة والمملة ..

أنا أقول هل دوري 1418هـ اللي حققه الهلال كان عن طريق معسكر!!
هل دوري 1416هـ اللي حققه الهلال كان عن طريق معسكر!!

( وأقصد بالمعسكر قبل المباراة ) ..

معسكر الشرقية القادم ( ما له لزوم) ..

أتمنى أن لا تتهور الادارة الهلالية بهالقرار ..



========

==========

طيب إن كنتم ولهانين عليه ترى النهائي يصادف يوم الاربعاء 18/2/1423هـ

القضية يا جماعة ماهي شوق ولهفة .. القضية إن الوقت غير صحيح إطلاقاً ..

فريق يضم 9 دوليين ( ليش تدخلهم معسكر) قبل المباراة النهائية!! بالعكس بينضغطون زيادة وزيادة..

تحياتي ..

تسلم يا مخاوي البطولات
ردك اخر تمام
اتمنى نعرف سبب واحد
يقنعنا بمعسكر الشرقيه
يا جماعة الخير لاعبين الهلال
كلهم في المنتخب
طفشانين من المعسكرات
والله حرام

يا ناس المعسكرات القصيرة ما تجيب الملل


الملل والله بالنادي لمدة 3 اسابيع



مع كامل احترامي لكم :upset:

انا مع اخوي الرهييب

<----- رهيييييييييب رهييييييييب او او .. :)

المعسكر ما يجيب الملل اذا كان قصير ومدة اسبوع ..

الهلال راح يلعب مع فريق الرفاع البحريني ... والفريق مو قوي .. ومن قال لكم اننا نبي نلعب مع فريق قوي اخوي مخاوي البطولات .. ليش نلعب مع فريق قوي يمكن يضر وما يفيد .. المفروض نلعب مع نادي الخليج او نادي الرس بعد ..

خسارة الهلال لاي كاس لا تعني بالضرورة ان السبب هو المعسكر ؟؟؟؟؟؟ ولا حتى بنسبه 10%

وبعدين اللاعب اللي يبي يحس بالملل وانه ما يبي يلعب من الافضل انه يسجل في اي نادي ثاني .. يوم جت اخر مباراة توه يحس بالملل ؟؟؟ بالعكس .. كل لاعبية الهلال تلقاهم متحمسين بقوه ... ورح اسألهم


وبس

الزبدة ... معسكر الشرقيه مهم ..:)

يا اخوان لاعبين الهلال يمتلكون خبرة كبيره خصوصا في المباريات النهائية, فلا معسكرات اعدادية شبه خارجية او اعلام بأمكانه ان يؤثر في نفسية الاعبين الذين تعودوا صعود منصات التتويج. وربما هناك وجهة نظر اخرى لادارة النادي تستلزم معسكرا اعداديا.

وشكرا وباي