بسم الله الرحمن الرحيم .......
مدخل ....
http://www.zshare.net/image/14140531bfafab2f/


قبل اربع سنوات جاء محمد بن فيصل

ورأس نادي الهلال ...

اربع سنين مليئه بالاحداث
اربع سنين ومتغيرات كثيره
اربع سنين كأن فيها رئيس الهلال مالئ الدنيا وشاغل الناس
اربع سنين =ثمان بطولات
وهذه كبيره بحساب الذهب
فشكراً لأبي سلطان
الذي احببناه بتلقائيته
بجراءته
بكل انفعالاته
......................................................................
هنا القصيده صوتيا
http://www.zshare.net/audio/1413791913f25dc5/

وهنا القصيده كتابياً
.ـــــــــــــــــــــــــــــــــــــــــــــــــــــــــــ


وداعية ابو سلطان

الناس تقبل وتدبر والله الوالي
............. وكلً مع الناس له وقته وله دوره
والمجد مايرتكي له كل خيالي
............. ولاهو دنا نير فوق الارض منثوره
ولاهو بموضة ثياب.. وميلة عقالي
............. ولاهو سوالف على الاوراق منشوره
ودعتك الله يبوسلطان يالغالي
............. نودعك بالغلا والحب وشعوره
والمسك والدهن ودهن العود لاسالي
............. والطيب..والفل وايــا( الورد ) وعطوره
اقبلت مثل الامل ياطيب الفالي
............. واقفيت ونفوسنا بالحيل مقهوره
اربع سنينً مضت في كل الاحوالي
............. وثمانٍ القاب منها الخلق مبهوره
معك نسينا السنين قصار وطوالي
........... كن ارضنا بالذهب والماس ممطوره
ارقام ماتنصفك.. تشطب وتنزالي
............. وابيات ماتمدحك.. ماهيب معذوره
انت الكبير ان تفاخرنا بالافعالي
.......... وانت الصغير بحساب الوقت ومروره
اسمك غدى للتحدي مضرب امثالي
............. والظاهره لاظهر ياما احسن ظهوره
مثل النداوي يحوم بروس الاقذالي
............. وان هد له هدةً بالحيل مشهوره
بذلت مجهودك ..ووقتك والاموالي
............. وجتك البطولات مقهوره ..وماموره
ثماني القاب ماتخطر على البالٍ
............. والتاسعه صورتك بقلوب محفوره
معك غريمك يطارد لاشهب اللالي.......
......... وخصمك على راس راسه طاح ديكوره
ياما تحملت كثر القيل والقالي
............. ورديت بالمجد حلم اقلام مأجوره
تدق صدرك وراسك شامخً عالي
............. تبي توصل صدى نبضك لجمهوره
انت الاصل والاصيل بكل الاحوالي
............. والاصل يبقى أصل... والصوره الصوره
وكتاب يعنى بالاستثمار والمالي
............. انت بجراءتك دونت اول سطوره
مشكور ياولد فيصل اول وتالي
............. والمجد كملك لكن خانك قصوره
كفيت ..وفيت ..ماقصرت يالغالي
............. يشهد لك المارد الازرق وجمهوره
عساك سالم وغانم طيب الخالي
............. ونفسك من الخير كل الخير معموره